鳥居居酒屋

同朋友嚟到銅鑼灣逛街，搵地方食飯傾計，居酒屋是一個好選擇，《鳥居居酒屋》食物種類多，總有一款啱你心意。刺身~磯煮鮑魚、牡丹蝦、油甘魚、三文魚及北寄貝，各款刺身都非常新鮮。味噌燒帆立貝~ 味道做得唔錯，唔會太鹹；蒜蓉牛油燒蟶子~ 好新鮮，喺居酒屋食到蟶子真係好開心！燒鱈魚干~脆卜卜。黑牛頂葉片~ 一口牛嘅size，啖啖肉，牛肉味勁香濃，非常可口！自家製麵豉雞肉棒~配鮮雞蛋，特別美味；燒一夜乾雞翼~ 皮脆肉香，之前都食過其他店嘅一夜乾，呢個係第一次食到咁脆嘅雞翼皮！雞肉大蔥串~ 雞胸肉配大蔥，另一番滋味。燒雞軟骨串~ 燒得啱啱好，十分香脆。燒茄子田樂~ 好喜歡食茄子，這個味道做得好出色。香葱溫泉玉子飯~ 玉子加入醬油嘅飯；日式湯烏冬~ 大大隻冬菇，烏冬好爽滑，湯底香甜。溫泉蛋絹豆腐沙律~ 嫩滑豆腐同溫泉蛋好夾。燒黑芝麻糯米糰~ 糯米團包住黑芝麻醬，熱辣辣燒起，非常香口，正！ …查看更多

門面乾淨企理，好適合同朋友食飯傾偈7點前人流唔算多，過左7點基本上都滿坐周邊好幾枱都係熟客仔，一定係食物有保證😎店員安排入坐後送上熱茶同前菜配味噌本來以為平平無期點知個味噌好好食😋店員見我哋兩個女仔推薦我哋食呢個餐超抵食😍😍😍刺身有四款分別有牡丹蝦，北寄貝，三文魚同帆立貝新鮮😋😋漬物有泡菜，牛蒡同埋蒜頭蒜頭好特別，一啲都唔會辣口，入口爽脆燒鱈魚干好啱送酒我哋無叫酒，點兩杯冰凍梳打😎白桃+巨峰提子都不錯👍🏻燒豆腐配上日式燒汁甜甜地又好香脆燒豬頸肉中間夾住京葱用鹽燒嘅方法保留咗肉嘅鮮味京蔥中和咗豬頸肉嘅油膩感汁燒牛肉夠冧唔會難咬自家製免治雞肉棒點蛋黃同特製醬汁免治雞肉棒，中間有軟骨感覺好脆口味噌燒蠔同埋鹽燒帆立貝都好新鮮😍朋友唔食蠔試左都覺得不錯燒冬菇以為好乾，點知入面超Juicy 我哋揀咗西班牙燒黑毛豬肉味好濃配合埋佢個特製青瓜絲感覺好清新日式燒糯米糰同芝麻湯圓好似不過佢就燒得超脆口超香總括用餐體驗好好店員有禮貌，出菜快食材新鮮熱辣有下次…查看更多

見咁多Like 就上黎試下 點知伏到不能再伏首先水都未到，前菜講都唔講就放落黎要你硬食好在你醒我都唔蠢，即刻同你講唔要前菜都唔洗即刻黑我面，擺杯水落枱都大力過人。食物係好普通既串燒，但所有都要兩串起，每串都小到喊，差啲以為食緊兒童餐。燒魷魚係凍既。餐廳環境凍到雪櫃咁 Marketing 雖然重要，但餐廳應該以食物為先！…查看更多

最近我同朋友去咗銅鑼灣嘅鳥居居酒屋，真係一個好靚嘅地方！一入到去，就見到裝修好有日本風味，令人一嚟就有種想食好嘢嘅心情。我哋首先試咗特上6本，呢個拼盤真係不得了！有厚切牛舌、西京鮎魚、雞翼、鹽燒牛肉、露荀豬肉卷同埋冬菇。牛舌切得好厚，燒得啱啱好，咬落去好嫩，味道十足。西京鮎魚燒得金黃，香味撲鼻，食咗一口，完全停唔到口！至於雞翼，就更加唔使講，外脆內嫩，真係一流。露荀豬肉卷包住豬肉，食落勁夾。接住我哋試咗溫泉蛋燒鳥定食，呢個定食真係好滿足！有雞翼、冬菇、雞肉大蔥同埋西京鮎魚，搭配上面嗰隻溫泉蛋，真係好正！將蛋黃撳開，流出嚟嘅蛋黃同其他食材混埋，味道更加豐富。最後，仲有沙律同吸物，沙律用咗芝麻醬，清新又唔會太膩，整個餐點都保持住一種和諧平衡。總括嚟講，鳥居居酒屋嘅食物質素非常高，無論係味道定係擺盤都做得好好，有機會一定要再去試多啲其他菜式！…查看更多

同朋友週末去鳥居居酒屋歎日本定食，環境chill又有日式風味🇯🇵我地兩個人一人一定食都有沙律-菠菜配左麻醬😋清新好味🥗仲有味噌湯岩好味～唔會好鹹有個鋤頭可以Cut串燒好方便👏🔸極尚6本定食• 銀鱈魚：油脂豐富，燒得啱啱好🔥• 露筍豬肉卷：清新爽口，層次分明🥓🌱• 鵝肝：香滑濃郁😋• 薩摩雞翼一夜干：鹹香夠味，有肉🍗• 鹽燒牛肉：肉唔會太韌🥩• 冬菇🔸溫泉蛋燒鳥定食• 西京鮎魚：魚味清甜，味噌好match🐟• 雞翼＋冬菇：香口惹味💥• 雞肉大蔥：蔥香🧅🐔🍑白桃Soda：甜甜地，啱晒打卡📸✨…查看更多

這間位於銅鑼灣的日式居酒屋，位置方便，鄰近地鐵站。餐廳裝修充滿日本木系風，氣氛不錯。.鮮菜沙律 $36蔬菜新鮮爽脆又解膩。.明太子玉子 $118玉子蛋香十足，口感軟嫩，充滿明太子咸鮮。.酒煮風文貝 $88貝肉份量不少，味道鮮甜，肉質緊實。.雲丹稻庭烏冬 $258海膽好鮮甜，而且份量不少，配上彈牙烏冬和蛋汁，味道有驚喜。.帆立貝- 2隻 $128帆立貝用上芝士香燒，味道更提升。.牛油大啡菇 $46菇味香濃，而且富牛油香。.梅子雞肉串 $32/串雞肉嫩滑，配上梅子酸甜開胃。.厚切牛舌 $48/串牛舌厚實彈牙，外焦內嫩。.鵝肝 $88鵝肝充滿油脂香，入口即化。.白鱔 $36/串白鱔烤得剛好，入口外層焦香，入面嫩滑。.虎蝦 $108/串虎蝦好大隻，彈牙鮮美。.巨峰味汽水 $54果味濃郁，清爽解渴。.自家梅酒 $78清甜的梅子與清酒互相配合，好適合配搭串燒。…查看更多

食物：未算垃圾，但唔係出色，份量偏少，食材係下等環境：細，凍（果隻凍係上面d風兜頭吹，同佢講佢話無計，熄左佢就大家都熱），訂左位5個，俾張4人枱我態度：最大問題係呢度，態度差，唔係個個都差，係其中一兩個，我一坐底同佢講左兩句已經想走結論：唔會再去…查看更多

揾野食又一day🥸選擇困難就係難搞😮‍💨意外地都唔錯嘅選擇✨想食串燒嘅話都唔錯😋❣️温泉蛋燒鳥定食温泉蛋紫菜飯一如概往好夾好好食. 串燒燒得啱啱好. 雞翼仲好有肉汁, 雞皮好彈牙, 燒得好靚✨(唔知其他串燒係咪一樣🤔但係分開咗雞翼骨真係易食好多✨) 蘆筍豬肉卷個醬汁pretty nice, 有少少焦糖香加醬油, 層次感幾豐富. 不過最鍾意都係西京鯖魚, 幾suprise佢唔乾而且好入味oiishii🫶🏻不過個味噌湯有啲太咸. 💰108…查看更多

朋友聚會想輕鬆食飯，去日本居酒屋就最啱。今次揀咗銅鑼灣崇光隔籬商廈嘅上樓居酒屋，地點方便，坐低就覺得環境唔錯。跟慣例先點酒，一杯生啤一杯黑白啤，大家舉杯開始今晚嘅聚會。前菜嚟個和風蕃茄沙律，清爽醒胃，配酒一流。三點刺身有三文魚、北寄貝、牡丹蝦，新鮮度夠，食落舒服。再到燒物：大大隻蠔塗上味噌烤過，味道更濃郁；帆立貝鹽燒後彈牙鮮甜；赤蝦清甜又爽口，兩隻有啲唔夠喉。串燒方面選擇頗多：煙肉車厘茄焦香帶甜，咬落爆汁。梅子雞肉串入口酸甜，有啲紫蘇葉，令雞肉更清爽。月見雞丸配生蛋汁，滑嫩有層次，肉入面仲有少少軟骨口感。蒜香牛肉片香味突出，牛肉嫩滑。牛舌薄切，富油脂香，嚼感十足。仲有手造豆腐，外香內軟，配上淡口醬汁唔會膩。酒煮風文貝嘅湯底有胡椒香，暖胃又惹味。最後用燒飯團作結：三文魚同鱈魚子飯團，簡單飽肚，為今餐劃上句號。餐廳而家仲有優惠，有二人套餐同特價串燒，仲見到清酒買一送一，幾抵食。成晚食物選擇多，味道都有水準，算係一個聚會聚餐嘅好地方。…查看更多

想食日式串燒，我通常去銅鑼灣鳥居居酒屋，食物水準穩定，飲 Sake 仲好低，因為佢哋長期做買一送一，清酒控一定瘋狂鮮菜沙律，新鮮爽口，點甜麵醬最夾時令刺身三點，北寄貝，三文魚腩，牡丹蝦全部新鮮甜美和風蕃茄沙律，蕃茄清甜，配柚子酸汁一流手造豆腐，豆味濃，搽上麵醬木魚絲，好有日式風味酒煮風文貝，文貝新鮮配上濃濃嘅胡椒湯底，飲落好暖胃煙肉車厘茄，加熱後嘅車厘茄特別甜，配上鹹味重嘅煙肉好平衡豬頸肉燒到脆口，配上大蔥，特別爽口清甜梅子雞肉串，雖然係雞胸肉，都冇燒到好乾，配上梅子醬同紫蘇葉，味道有層次串雞丸，自家製非來貨，加入雞軟骨增加口感。配日本蛋甜豉油一齊食特別滋味蒜香燒牛肉，牛肉薄片燒香仍然有肉汁，蒜蓉味濃薄燒牛舌，生熟度控制得啱啱好，咬落去柔軟又有油脂香燒赤蝦，新鮮爽甜燒味噌半殼蠔，熟咗嘅蠔濃縮咗特別有蠔味，加上味噌芝士味道豐富燒飯團三文魚燒飯團鱈魚子Suntory黑白啤Suntory生啤…查看更多

午餐豐富感，日式居酒屋料理，套餐有湯品和漬物 裝修很有日本我有特選六本盛必吃露荀豬肉卷，香濃豬肉爽脆露荀，吃時索索聲。串燒香濃，瞬間輕鬆！特選六本盛鹽燒牛舌，彈牙雞翼，露荀豬肉卷，牛舌爽口，豬肉卷外脆內嫩。燒得香脆，肉細嫩，帶淡淡香氣鰻魚溫旦飯鰻魚鋪滿飯面，照燒汁香甜，魚肉軟嫩，魚肉份量多，醬汁香濃套餐附送味噌湯，日式感滿滿，鰻魚飯和串燒也是居酒屋料理之味道，棒菜爐端燒居酒屋，午餐選擇豐富，朋友非常喜愛…查看更多

🩷最近OP訂檯半價！仲要鄰近銅鑼灣地鐵站！❤️今次食左lunch二人前，好豐富有前菜、刺身、🍢燒肉、燒翠玉瓜🥒同菇、燒番薯🍠BB、茶碗蒸、燒蠔、🥣麵豉湯、丼飯🧡最鍾意鮑魚釀🍗雞翼，熱辣辣，外皮好香，鮑魚完美融入雞肉，無骨啖啖肉，少少咬口好正💛茶碗蒸有🦀蟹肉鮮甜，熱辣辣💚燒蠔🦪大大隻，調味都唔錯🩵最鍾意燒🥓豬腩肉，燒得好香口，鹽同香料嘅調味配搭豬油香，但又唔會過分油膩，入口即溶…查看更多

中午經過銅鑼灣，見到呢間居酒屋有lunch set就入去試下。我叫咗特選6本串燒套餐，$148，有前菜、白飯同味噌湯。串燒有厚切牛舌、西京鯖魚、鹽燒牛肉、蘆筍豬肉卷、雞翼同冬菇。牛舌係最好食嗰款，厚又夠彈性，唔會韌。其他串燒都燒得唔錯。配菜同湯就比較正常，不過整體嚟講都算抵食。餐廳唔算大，裝修簡單，坐得舒服，午市唔算多人，等位唔耐。成個用餐體驗幾順。幾適合附近返工嘅人快閃食個飯。如果之後晚市有興趣再試下其他串燒或者清酒。…查看更多

老公聽日出差幾日話想食日本野，呢度晚市2人餐有半價可以試下。食緊途中發現都幾多年輕客人喔~講返食物先，整體不過，$7xx兩個人食咁多野都好飽。 🐟燒鱈魚干：超香脆，超鍾意食。🐟時令刺身：新鮮不錯。🐟時令拼盤：鹽燒帆立貝+燒生蠔，兩者都幾juicy🍢串燒幾高質：免治雞肉棒+鹽燒牛肉+白金豚肉++燒豆腐+燒冬菇。呢幾樣都燒到好香口又不會咸。最愛燒豆腐同免治雞肉棒！🐟極力推薦個烤馬友，魚肉鮮甜，連魚皮都燒到脆口可以食！好好味！！🍜主食：凍烏冬+熱鳥冬，烏冬質感似麵條，幾好食。🍡甜品：日式燒糯米糰，裡面有芝麻餡，有咬口。懶人想慶祝揀二人餐就都可以試下。🥢鳥居居酒屋 🌏銅鑼灣軒尼詩道525號澳門逸園中心17樓…查看更多

今日放工同朋友去居酒屋食串燒飲杯野真係好放鬆😊今次試下公司附近嘅居酒屋見到晚市二人前做緊半價食物都好啱口味就點左一開始上嘅收費前菜有紅蘿蔔椰菜同青瓜配上味噌食好爽口刺身係盲盒上枱先知 因為係當日新鮮嘅剌身所有都非常新鮮 熱天食凍冰冰嘅刺身好合適前菜還有漬物同鱈魚干鱈魚干配蛋黃醬絕配我哋仲點左兩杯水果梳打白桃同巨峰提子串燒即叫即燒第一串係燒手造豆腐有燒汁嘅甜味感覺似食緊豆卜 脆口好香第二串豬頸肉大葱配搭解膩 豬頸肉有口感第三串自家製免治雞肉棒配蛋黃先吃一口原味 然後打散蛋黃搞伴醬油一齊食口感多層次 必試！海鮮方面燒海鮮有鹽燒帆立貝 雖然唔大粒但燒得剛剛好 味道鮮甜味噌燒蠔不會有腥味第四串係汁燒牛肉 牛味濃最後一串係燒冬菇 唔乾又多汁串燒食完仲仲有一客燒西班牙黑毛豬脊蓋柳啖啖肉 仲有青瓜絲一齊食食完已經好飽仲有溫泉蛋玉子飯同稻庭烏冬日式燒糯米團口感煙韌好食😋坐左兩個多小時 店員不停加茶服務good!!!!有下次…查看更多