鳥居居酒屋

營業中

休息中

星期六中午約左男神行街，佢問我想食咩、我突然想起這間串燒😍定食午餐，餐內必有前菜-「麻醬豆腐」 好滑，凍冰冰好開胃😊「茶碗蒸」好滑稽的蒸蛋，內有簡單材料😎「麵豉湯」有蜆的👍🏻👍🏻「特上6本」冬菇，雞中翼，蘆筍豬肉卷，鹽燒牛肉，西京鮎魚，厚切牛舌。最為欣賞😍雞中翼，燒至脆口，肉汁仍在😎，牛舌厚切，咬口爽口👍🏻「特選5本」雞軟骨，冬菇，免治雞肉棒，芝麻雞肉串，西京鮎魚。雞軟骨串燒是不可缺少,野味♥️，免治雞肉棒會配上自家製的蛋醬，令雞肉棒更滑溜😌備註：🔺場地有日本居酒屋風，舒服同朋友聊天🗣🔺午市套餐抵食，而且份量足夠

同朋友3個人去食生日飯 食左成千幾蚊 但好似乜都無食過咁 超激氣啲野貴到完全唔合理 又唔係特別好食 又少好似食左空氣咁🙂明明寫明有Set餐去到又話無做 焗住要你單叫🙂仲要話乜都要至少2串起跳 叫幾款就變左成千🥹唔會再去 完全唔抵食！！！

一入去放低兩碗菜 中途先知收費既 每碗$36串燒每樣最少點兩串 即係想食大葱都要兩串 蒜頭都要兩串大葱泥到好似冇燒過咁 只係有鹽同熱既肉質差 用左鬆肉粉明太子蛋個蛋整得唔正宗大根咸到痴線牛舌好食白鱔一般雞肉串係迷你size 芝士翠肉瓜根本唔夾 唔應該係menu點左迷你蕃薯一個鐘都未到 查單要求未整就取消 都要我地等多10分鐘 好明顯係未開始燒埋單三個人$1700 真心唔抵唔會再幫襯之如 都唔想大家受騙 疫情下大家都艱難 但咁做生意真係過到自己？

對上一次食鳥居已係一年多前嘅事，上次嘅雞翼一夜干好令人念念不忘，今次睇凖佢嘅串燒set再回訪。我哋點了兩款午餐定食，每個套餐都包前菜，茶碗蒸同味增湯。前菜有芝麻秋葵或豆腐，芝麻醬嘅配搭係無得輸。食茶碗蒸一定要熱辣辣先好食，蛋好香滑，唔錯。味增湯調味剛好，唔太鹹，入面仲有隻大蜆，可以於餐前暖一暖個胃🤗一本鰻魚定食 $168鰻魚飯好吸睛，厚肉肥美，有微微炭燒嘅味道，配上甜甜地嘅鰻魚醬汁，食到停唔到口🤤🤤飯粒粒飽滿，鰻魚下面仲有軟滑嘅玉子，味道甜甜地，連鰻魚同飯一齊食超好食😋。極尚六本 $268超鍾意食串燒嘅我哋，要最貴嘅串燒定食😍有鵝肝，蘆筍豬肉卷，鹽燒牛肉，銀鱈魚，冬菇，薩摩雞翼一夜干，鵝肝質感軟腍綿密，油脂溢岀好邪惡，不過略嫌鹹咗少少，鹽燒牛肉調味火候剛剛好，肉質軟腍唔嚡口，牛味濃郁。銀鱈魚魚肉雪白嫩滑，豬肉配蘆筍都好夾，最愛係雞翼一夜干，外皮薄而香脆，亦很入味，食串燒如果再配埋清酒真係超高級嘅享受🤤總括來說，餐廳環境舒服，食物好食，服務都唔錯，可以一試。

疫情關係只係得早午市，但都無阻我同好友品嘗美食～⭐️極上6本串燒set1️⃣鵝肝：質感濕潤軟滑，味道甜甜的又甘香～2️⃣露筍豬肉卷：烤豬肉烤到有脆脆口感，露筍多汁清爽～3️⃣鹽燒牛肉：牛肉味香濃夠香濃4️⃣銀鱈魚：魚肉肉質軟滑5️⃣冬菇：食得肉多食啲蔬菜就最好～6️⃣薩摩雞翼一夜干：醃左一夜嘅雞翼，果然入味～⭐️一本鰻魚飯定食鰻魚好厚肉，日本米粒粒好圓潤飽滿，混估鰻魚汁食勁滋味～鰻魚下面仲有滑蛋添

*此餐廳收取加一服務費。串燒牛肉定食（單點$138），包括有1串牛舌串燒、2串鹽燒牛肉串燒、白飯、吸物、茶碗蒸、前菜、清茶；牛舌串燒，肉質厚身，食落有咬口；2串鹽燒牛肉串燒，肉質腍身、嫩滑，牛味濃厚、帶點鹹香；白飯，口感軟硬適中；吸物，味噌湯，好足料，內有蜆肉、海帶、香蔥、豆腐；茶碗蒸，口感滑溜，蛋香味濃，內有香菇；前菜，涼拌蕃茄，味道酸甜，食落好開胃；清茶，茶味淡香。精選5本(單點$128），包括有1串西京鮎魚、1串自家製月見免治雞肉棒、1串雞軟骨、1串芝麻雞肉串、1串冬菇、白飯、吸物、茶碗蒸、前菜、清茶；西京鮎魚，味道鮮甜，配以檸檬汁食用，味道更佳；自家製月見免治雞肉棒，內有香蔥，配以蛋漿、特製醬油食用，味道食落更加香口；雞軟骨，食落好脆口；芝麻雞肉串，肉質肥瘦均匀，味道獨特；冬菇，食落好Juicy；涼拌秋葵，配以日式芝麻醬食用，味道清新。

前排同friend去咗「鳥居居酒屋」食串燒定食😬.串燒牛肉定食🍱有牛舌+鹽燒牛肉(2串)🐮牛舌厚切帶焦香👅質感爽口又少少柔軟😋鹽燒牛肉肉味濃郁，軟腍多肉汁😉而且鹽味令整體食落更惹味😌附上前菜秋葵、茶碗蒸同吸物🥣吸物係味噌湯，味噌湯鮮甜😙仲有粒粒小豆腐🤍.溫泉蛋燒鳥定食🥢有雞翼🐔冬菇🍄雞肉大蔥🍢雞翼外皮香脆😆加咗檸檬汁仲有種清新感覺🍋雞肉同大蔥亦係一個唔錯嘅配搭👍🏻大蔥好juicy😝溫泉蛋飯拌上蔥絲、紫菜，滑溜又香口🤤另外有前菜蕃茄🍅茶碗蒸同吸物🥚

逸園中心都幾多嘢食～ 幾次嚟銅鑼灣見朋友都喺度搵嘢食～今次揀咗呢間日本餐廳食lunch😆環境都幾好坐幾清靜午市餐牌都幾多選擇 價錢大眾化每份定食都包括兩小碟前菜 麵豉湯 同茶碗蒸茶碗蒸蛋味香濃 滑溜溜～ 麵豉湯入面仲有一粒大蜆串燒牛肉定食 $138串燒牛肉有三款 包括牛舌、黑牛頂葉片同埋鹽燒牛肉串燒燒得好香 最鍾意食牛舌 夠爽口～ 其餘兩份牛肉都軟諗 肉味濃郁一本鰻魚定食 $168係原條鰻魚😻😻 鰻魚下面仲有滑蛋 又係滑捋捋 醬汁調配得幾好 甜甜地好好送飯

最近出街食飯機會真係唔多❣️所以更加要珍惜每次可以出街食既機會💝呢一日決定去食居酒屋，真係好耐無試過呢!🏮-這一天剛好在銅鑼灣，所以我決定試下鳥居居酒屋📍之後有朋友介紹過，地點真係好方便呢!📍在銅鑼灣中心點的附近!環境佈置好有日式居酒屋🏮的感覺呢！-原來午市有唔同lunch set 選擇🍱所以揀左2個同的lunch set, 但原來一開始前先會前菜、茶碗蒸同麵豉湯🍲前菜是有秋葵，小清新開胃之選~🥗茶碗燕有小驚喜，配上材料後有淡淡的海鮮味，好食又滑😍麵豉湯都好足料呢!-Lunch Set 方面，我點了特選6本（西京鮎魚，鹽燒牛肉，厚切牛舌，雞翼，露筍豬肉卷，冬菇）🍢🍢好多唔同的款式，當中最驚喜係厚切牛舌🥩厚實的口舌好有咬口，而且肉汁滿滿!另外，鹽燒牛肉當然憬好配飯，而且JUICY!🤤還有西京鮎魚好嫩滑，好驚喜!6本有唔同的款式，岩晒想試唔同口味呢!🥳-另一lunch set 點了温泉蛋燒鳥定食（雞翼，冬菇，雞肉大蔥）🍱有三款不同串燒，雞肉大蔥是我最愛，💚香口之選，加上本身我好鍾意食蔥，所以岩晒我!值得一提係溫泉蛋配飯真係好好食🥚🙌🏻好喜歡蛋汁加上飯的配搭~會不知不覺食了好多飯! 🍚-滿足的

連續幾日響銅鑼灣開工，咁當然要喺銅鑼灣搵好嘢食啦！.唔打唔撞入咗呢間「鳥居居酒屋」，因為午市套餐份牛牛吸引左我😍😍.。串燒牛肉定食：黑牛頂葉片一串 + 鹽燒牛肉兩串～～黑牛頂葉片，究竟即係乜野部位呢？超香牛味，口感夠嫩，得一串實在太少啦！❤️❤️❤️❤️❤️鹽燒牛肉其實都唔錯嘅，不過俾黑牛頂葉片搶晒鏡啦🤣🤣.。溫泉蛋燒鳥定食：雞翼 + 冬菇 + 雞肉大葱只係$88，有齊咁多野食，燒雞翼仲好香口，皮脆肉滑添！抵食！.午市套餐仲有齊前菜、麵豉湯、飯，性價比都幾高丫🥳🥳

精緻噶定食居酒屋套餐，环境：在銅鑼灣sogo附近行致成棟樓都是用餐地方。想食日料理，選擇樓上餐廳。叫了兩份定食，一開始有一碗不會太濃的麵鼓湯，亦有前菜，小小碟，番茄或者秋葵，另外都有類似炖蛋的茶碗蒸。另外後加20元的小食三文魚或者蟹籽沙律，這些用餐差不多，主題黎左。精緻小巧，|串燒牛肉定食^定食有一串牛脷以及兩串牛肉，其實呢個定食是汁燒牛脷的口感，要處理牛脷正常會擔心有膻味，因此做得好的味道其實會，味道似牛肉。因此擺上碟的三串睇黎都無分別，不過牛脷口感相對柔軟，同牛肉相對又是不同。|一本鰻魚定食^燒鰻魚通常是蒲燒，呢個依然用汁燒。鰻魚整塊柔軟，就算一筷下去整魚毫不鬆散。味道鮮美，汁燒夠味，口感柔滑，少刺多肉。整體環境居酒屋不差，夜晚應該用餐應該更有情調。

唔知點解最近好想食串燒，咁就搵下邊間好食，點知就搵到呢間喺銅鑼灣但又唔算貴嘅居酒屋。———————————咁下晝去到，竟然唔多人，但望落去環境起正，好有居酒屋氣粉，臺與臺之間上面都有塊黑布，應該喺晚市時降落嚟隔開啲人。嗌完食物無耐，好快就上菜。一嚟就嚟咗個前菜先，個前菜就有麵豉湯，少少秋葵蕃茄沙律同埋個菜碗蒸。茶碗蒸啲蛋好滑唔會蒸得太老，上湯味好足。蕃茄有啲啲麻醬，食落都幾夾。而個湯嘅嘅麵豉都好重，但唔會太鹹。因為食晏晝，所以都叫咗個定食飽飽肚先，所以就嗌咗個鰻魚飯定食。估唔到佢呢個價錢喺銅鑼灣都有成條鰻魚上，而且佢個蛋甜甜地，同鹹嘅鰻魚一齊食，味道都幾特別。最後就係個串燒，$128包埋飯，就唔驚唔飽肚。個串燒嘅炭燒味超香，鍾意食串燒就係鍾意食物啲油滴落炭度再燻返上條串燒。而佢係做到呢個味道。蛋就係撈混再點串燒食，本身有啲豉油所以一撈就會變黑色。點埋嚟食再加個飯都幾正

之前陪朋友去cwb打卡順便上樓食個午餐，環境不錯，幾抵食！！午餐好多選擇 又唔貴 我地揀左雞串燒同牛串燒定食包埋麵豉湯 前菜 同茶碗蒸星期六日中午都有得食，住附近可以試下✨溫泉蛋燒鳥定食 $88(雞翼+冬菇+雞肉大蔥）糾結要豬串燒定雞串燒，但溫泉蛋撈飯真係冇得輸，仲有啲蔥同紫菜，超好味。雞翼串剪開黎燒，賣相好好，調味不錯，雞肉大蔥係居酒屋必食，好似熟左少少，有啲乾，燒冬菇大大粒，燒得啱啱好，好食。串燒牛肉定食 $138(牛舌+鹽燒牛肉兩串）朋友話牛舌夠熟，微咸調味剛好，吃到牛的味道，牛肉唔韌，夠薄適中，但她比較喜歡吃更熟。

今日專登請了半了假來到鳥居為的是试它的串燒午餐.午餐menu有很多選擇.我們唯獨想試串燒.所以就決定ordered了兩個lunch sets.set one: supreme 5 kinds assorted （特選5本）$128set two: supreme 6 kinds assorted （特選6來）$168每個set都有一隻蛋附上是用來沾上串燒一起食用.而每個set已包飯,蒸蛋,前菜芝麻醬豆腐和麵豉湯.蒸蛋好滑捋捋好好味！其實主要分別是串燒的items不同.因為雞翼和牛舌超好食我個人建議比多少少錢揀特上6本

今日除夕諗住開開心心同朋友食個Happy lunch啦⋯一早經Openrice 預訂咗諗住食佢地個lunch set (d食評又話食價比高，又話好食) 點知去到入座後坐低咗先知冇lunch set 食(但明明今日係星期五😒），都坐低咗唯有焗住散叫啦⋯d食物比想像中差，性價比好低。食個唔飽嘅lunch三個人埋單要過$1000⋯⋯🤢🤢以後都唔會幫襯‼️‼️‼️‼️‼️‼️‼️‼️‼️‼️‼️‼️‼️‼️‼️‼️