鮨燐

營業中

休息中

慶祝轉工成功，決定和女友食餐好嘅去慶祝！女友安排咗喺中間道嘅鮨燐食廚師·OMAKASEI女友話呢間餐廳要一早訂咗先book到位，呢度裝修富有傳統日式餐廳嘅感覺！好似飛左去日本當地啲餐廳咁！呢度有一個好特色嘅酒櫃，有各式各樣的日本清酒方便客人配上不同菜式，也可以自己帶酒，存放在酒櫃當中！呢度由前菜開始，已經開始要推介，呢個蒜頭小食，我相信當晚我食咗超過20粒以上！蒜頭非常脆口，帶點醬油的咸香味！一口接一口，令我食過不停！頭盤由左邊淡口的開始食起，首先有腐竹味十足的京都富足味十足的湯葉，但柚子味的和歌山富有柿，軟䧔鮮味的柔煮八爪魚！廚師開始製作壽司前的一刻，將所有食材都放於客人面前，今晚將會非常豐富！白魷魚配烏魚籽帶點咸香跟住有爽口又開胃的柚子胡椒 間白魚，魚肉鮮味十足!剝皮魚，配上芽蔥+我以為好腥既魚肝，呢個組合原全可以用小清新嚟形容，魚肉滑，嫩口的芽蔥將鮮味以外的味道都帶走，但又唔會搶走魚肉原來的鮮味！接住有用鮮甜又爽口的沖繩花竹蝦做的車海老！接住有盡顯師傅功架的石垣貝，師傅將軟淋淋的肉用力地放在飯上，除了食到爽口的肉外，仲食到師傅的‘功架’跟住有我最愛之一的‘魚師’魚，浸有自家製的醬

今日約左個好朋友約左食飯慶祝，突登要揀啲好好食嘅餐廳先得！之前一直都話要食omakase今次我地揀左鮨燐，呢間餐廳嘅staff好熱情，我地一去到，廚師都會一齊歡迎我地架。首先，佢比左啲開胃小食我地。呢幾隻小食會任加架。佢先尼係八爪魚🐙，一直都覺得八爪魚係好硬，要咬好耐，呢隻佢煮到好腍而且好香架！接住落嚟就係刺身，呢個係日本剥皮魚，再配上啲獨有醬汁，完全唔會覺得腥呀。而且after taste可以留好耐呀！ 再跟住係北海道蠔配柚子醋，好大隻架。食落口好creamy好清甜。之後呢個係放成好似心形嘅秋刀魚呀！呢碟餸就好似藝術品咁架。出邊就好似一落下嘅黃葉做襯托。食秋刀魚時仲要配蔥同豉油食呀，個味道更加出。呢個係超拖羅，師傅幫我地燒一燒再比我地食，好有油香而且好似入口即溶咁架食完刺身就到左和食啦銀雪魚bb配上自定製嘅醬汁，係有一種特別嘅鮮味架！仲有幾款壽司🍣有雕魚啦，深海池魚同沖繩車海老壽司。佢地全部都好特別，而且睇住師傅製作壽司過程都好享受。不得不提嘅係海膽壽司啊！非常濃郁嘅海膽味呀。最後就係湯同甜品啦，完結左今晚晚餐！

這間店位於中間道H Zentre商場內，旺中帶静。進店後，我們要經過擺放了很多日本酒的小巷，然後才轉入用餐的地方。餐廳的坐位不超於20個，坐椅非常舒適，每兩位之間都已有木隔板，驟眼看有三位師傅，足以好好照顧客人。我們點了$1380的套餐，這個餐已有前菜、十多款壽司、麵鼓湯、甜品，由豪師傅為我們主理。前菜製作和裝飾都很精美用心(由左起：京都湯葉、和哥山富有柿、柔煮八爪魚) 。湯葉其實是很軟滑的腐竹，配上三文魚子。富有柿是當季水果，加上柚子味噌，更能帶出其清甜可口的味道。柔煮能令八爪魚軟腍又保存它最原始的味道。接下來就是味蕾的奇妙旅程。打頭陣是白魷魚壽司，加上充滿咸香的烏魚籽碎，令人味蕾大開。接下來是間八魚壽司，魚肉質感爽口，配搭了相襯的柚子胡椒。然後是深海池魚魚腩壽司，又爽又鮮，比間白魚再多一點美味。最後出場的白肉魚是剝皮魚壽司，魚的肉質軟滑，有芽葱和魚肝，豐富了整件壽司的味道。師傅用了沖繩花竹蝦和石垣貝作間場，很好的編排。間場後，較濃味的魚類開始出場。首先是自家醬油浸製的鰤魚壽司配三升漬，鰤魚是冬季必吃的時令，它脂膏豐腴，醬油浸製過後更顯鮮美細膩。接著是秋刀魚壽司，我是第一次生吃秋刀魚

最近出咗好多平嘅Omakase，但係整體感覺上都比較Hea，所以都係食返一啲比較傳統少少確保到穩定質素嘅餐廳。$1880餐最豐富，唔係成日食一於食佢！前菜有三味：日本蕃薯用金露煮，味道特別甜～法國鴨胸+芥末好新鮮鴨香一流～慢煮八爪魚比想像中淋，保持到八爪魚鮮味～皮剝魚加埋魚肝，清新得來唔單調，仲有食用花係類似紫蘇，提升多個層次～北海道厚岸真蠔大大隻好creamy風，表面配搭柚子啫喱，清新得來唔會搶咗個味。秋刀魚配薑豉油係最啱，最近時令嘅魚類，仲唔會腥，好鮮味。日本新鮮獅魚仲有兩款食法，普通刺身+腩位燒香咗，配搭埋麵豉，就更加香，入口肥美爽彈～1880 set~~香霜蟹內子/外子，真係好難得食到，今次好Lucky！一個幾月Season，而成長後會變松葉蟹，成個質感好似鹹蛋黃咁樣，但係非常鮮甜呢！日本赤鮑魚+肝醬爽口彈牙鮮味十足～中吞拿魚腩配竹炭鹽，肥美而且好香魚味，配埋呢款鹽根本唔需要添加任何野已經好好食。醬油大間吞拿魚腩肥美十足，脂肪多多，相當邪惡～炸真名鰹比想像中香，充足鹹香而且口感不錯。青檸啫喱清清味蕾，之後就食其他壽司好嘢！白烏賊壽司、烏魚子鹹香十足而且彈牙鮮味～車海老+蝦頭膏香

今日係阿媽生日，所以要同佢食一食最高無上嘅阿媽家姐慶祝一下，今次我哋落腳點揀咗尖沙咀近SOGO附近，地鐵站一出就見到啦。我哋揀咗兩個唔同價錢嘅餐，咁樣可以share啲嘢食嚟試試。首先前菜係一個日本暖暖小芋頭仔，食落口好清甜，暖下個胃先。跟住就啲餐前小食，係剝皮魚撈埋佢d汁，口感好特別，爽口得來仲有啲好好味嘅汁。北海道蠔就同平時食開嗰啲唔同，呢隻非常之creamy，加埋師傅秘製嘅啫喱又帶返啲清香。跟住師傅將油甘魚切開分上腩下腩，加少少火炙上去，魚味好出。第四度，係秋刀魚刺身，呢度刺身除咗食佢個味道之外仲係食師傅嘅心機，師傅一刀一刀喺我哋面前將條魚片切到好似藝術品咁靚，打卡一流。接落嚟就係超拖羅，師傅喺拖羅上面加少少海鹽調返起個味道除咗不同凡響之外，真係搵唔到第二個形容詞。跟住鮑魚配埋鮑魚肝黎食，師傅好有心思咁俾咗少少飯我哋撈埋去食，醋飯完全帶起鮑魚肝既突出。跟住落嚟係燒拖羅，平時拖羅刺身食生食，但經火炙之後將所有魚油逼出來原來都有入口即溶嘅感覺，同食和牛有異曲同工之妙。令我最感動嘅係呢個蟹蓋，蟹肉加埋蟹膏撈埋一齊啖啖肉，大啖食成個口都係滿滿嘅蟹香。嚟啦嚟啦，食完刺身就嚟到重頭戲食壽司，雕

最重要的先說：我地一行二人，幾星期前就訂定枱，晚市幫襯佢嘅Omakase, 但其中一道由廚房預備嘅熟食龍蝦，竟然上碟時仲有一條腸未清理，看最底附圖：講真，我無諗過比呢個價錢（$18xx/head)會遇到咁嘅情況囉。畢竟我唔係去緊大排檔！雖然當我向員工反映後，佢哋有提議比過份新嘅我，但我真心無胃口兼無心機，仲要餐飯係慶祝生日架大佬！好嘞，講埋次要d嘅，我地一入去，職員對晒留座資料同電話，然後安排左我地坐吧枱某個位置（叫A位啦）但當我地坐定定揀緊叫邊個餐時，就話比錯左位我地坐，然後調左我哋去同一張吧枱另一個位置（叫B位）原本都好奇有咩分別，都係座番同一張吧枱之嘛，後來發現原來負責serve A位嘅師傅明顯手勢純熟好多，而serve B 位，即係我地調位後同另一pair客嘅師傅，就好似學師咁嘅質素，切野睇住佢切得有點辛苦同切爛左，然後放落底去上碟當無嘢。另外離譜嘅係，一d用作裝飾嘅小食材例如食用花，小葉之類，（放左中間個碗度由兩位師傅共用），碗裡面嘅野，係立立亂，又有類似紙巾物件，每次要揾野裝飾就裡裡外外番黎復去咁揾，我開頭以為嗰碗野係待丟嘅食物垃圾！不過我要強調，serve B位嘅師傅係全

上次同三位男士食lunch，今晚終於再黎到啦。立師傅唔係咁容易約，睇完有興趣記得要做野。 三顧草廬都約唔到師傅，好彩今次有朋友幫我book。 當晚五個人，包了個房間，因工作遲到，但幸好立師傅都安排周到。 呢間餐廳食個都知道主要都係走傳統路線，唔會搞好多好花巧嘅方式動作。前菜幾款唔多講啦，講番重點。 今年第一次吃秋刀魚刺身，有人話未夠肥，我覺得如今年未食過我會收貨，油脂豐潤得來肉質都很肥美，可惜遲到，食唔到師傅剛剛做的秋刀魚手卷。 寒獅魚腩呢排勁hit，係群組有熱烈討論，加上野生油甘魚的刺身兩食，火炙過後加上柚子胡椒醬，香氣撲鼻，非常impressive。 中拖羅刺身，來自庵尾大島，好少聽拖羅來自那邊，好吃就是了。 火炙過的吞拿魚骹位 ，在你面前燒過後配上脆薄的紫菜，那個油香魚香，不得了。 中間送上的一個壺燒粒貝，原來倒出來係個勁熱辣辣的菇湯，飲落去非常窩心，濃濃的密度加上大隻鮮甜的粒貝，好得。 壽司開始，先上的深海池魚壽司，傳統嘅壽司加上傳統嘅手法，正。 石垣貝壽司，加上點鹽來吃，師傅拍打石恒貝後嘅彈性，好精彩。 沖繩花

最近香港開左好多‘鮨‘嘅日本菜,Omakase🤤🤤而呢一間鮨燐最近開左一間分店，仲要係尖沙咀，好方便🤤而且佢仲要有三個餐可以選擇，好有彈性👍👍而今晚我就揀左$1680嘅餐～-一入座會有一條熱毛巾可以俾你抺手，跟住師傅就會好快黎我地面前準備食材，讚一讚呢度嘅師傅，刀工十分之好，每一道食材都好似欣賞緊藝術品咁♥️另外仲有員工，服務十分好，不停幫我哋加熱茶同埋換毛巾，好貼心♥️😍-1.先付🌟前菜有蕎頭、醃蘿蔔同蒜頭：好開胃，全部都酸酸甜甜，蒜頭又唔會太濃味，所以都encore左一次😋🌟先付有湯葉三文魚籽、和哥山富有柿配柚子味噌同石川小芋：湯業有好濃嘅豆味，本身我唔係好鍾意食三文魚籽，因為太腥，但係呢度嘅三文魚子竟然完全都唔腥🤣柿好爽同好甜😋😋小芋入口係好棉密嘅口感♥️-2.刺身🌟蠔：黎自厚岸灣嘅蠔，配上土佐啫喱醋同柚子皮，好鮮甜同清新～🌟剝皮魚：黎自大分縣嘅剝皮魚，師傅將佢切成幼條，再撈左醬油同自身嘅魚肝，一啲都唔腥🤤🌟針魚：今個星期開始時令嘅魚，感覺上佢嘅肉質相對上比較淡，雖然魚味唔算太豐厚，但就好鮮甜，餐廳亦都準備左薑葱柚子配豉油，清新而不膩😋👍🌟獅魚：佢嘅口感比較柔滑同埋細膩，上面配上三星漬

今次嚟到尖東試下朋友推薦既omakase，仲要係我人生嘅第一次，真係既緊張又興奮🥰今次試左佢既價值$1880嘅一人餐，師傅會用時令食材喺你面前逐一處理，確保每一件都係精心炮製。先黎前菜，由左至右係三文魚籽湯葉，和哥山富有柿同埋山芋，每款都好有日本特色，搞到我好期待之後有咩食添🥰然後師傅會將七款刺身逐項咁用心處理，包括有大分縣嘅剝皮魚，厚岸灣既蠔，三星漬配鰤魚，剛剛開季嘅針魚，鰹魚，中拖同大拖，每一款都係時令當做同埋黎自唔同產地。當中我最滿意嘅就係大拖羅，師傅會首先將拖羅火炙，油脂鎖實喺魚身入邊，然後配上紫菜同大蔥一齊食，嗰個油脂感喺口入邊浪左至少5分鐘，令人回味無窮。再黎一款和食，係松葉蟹蓋，這款菜無需太多調味，只是蟹膏和蟹肉已經十分鮮味跟住師傅會為我地預備青檸啫喱，目的係清一清口腔，為接下來的六貫壽司作預備，款款都食得出師傅嘅刀功，當中最令我滿意嘅就係出面少見嘅花竹蝦壽司，師傅會將孩糕放入花竹蝦入面，令到成個壽司嘅鮮味昇華左一個層次。再嚟一個和食，竟然係一個百寶袋，入邊有毛青「蘿蔔」，日本大蜆，安康魚，賣相看似普普通通，但食落味道真係不容忽視，除咗食得出每款食材嘅鮮味，每款食材都配合

今日同朋友一齊去到尖沙咀食omakase! 呢間餐廳係朋友推薦嘅，師傅會選用時令嘅食材！係高質嘅日本餐廳。前菜有芥末八爪魚，法國鴨胸同日本茄子。擺設精緻，令人食慾倍增。跟住我哋就開始食刺身，刺身總共有八款！味道由淡到濃開始，首先有皮剝魚，北海道珍蠔，秋刀魚，獅魚，梳子魚, 銀雪魚BB以及燒大拖羅。皮剝魚係時令食材！師傅用咗魚肝整成醬汁再配上食用花裝飾，味道清淡，魚腥味不重。北海道真蠔非常飽滿大隻，蠔味濃郁之餘入口creamy, 生蠔肉質滑溜爽身！非常鮮甜。獅魚，梳子魚同銀雪魚BB呢三種魚師傅都選擇用輕灸處理！將魚嘅魚油逼出，食落會更香口而且絕對不會感到油膩。魚肉刺生鮮嫩，有入口即溶嘅感覺。燒大拖羅配紫菜，拖羅筋少脂肪多！經過火炙後油香味重，入口即化，味道甘甜口感細滑。食完刺身之後就食左一道輕炸過嘅熱食櫻倉魚。之後就到我最期待嘅壽司環節！壽司有金雕，日本青海老，赤貝，石門貝，深海大池魚，赤鹿魚和海膽等等！金雕肉質爽嫩，食落去有橘子嘅香味！味道很清新。我最鍾意食貝類嘅壽司，因為肉質夠爽口鮮甜！赤見和石門貝就係我嘅最愛啦，我留意到師傅處理貝類嘅時候都會拍一拍！原來師傅話拍一拍落去的話貝類食落

咁今日呢就同朋友嚟到一間位於尖沙咀嘅高質日式料理餐廳---鮨鱗我咁小編喺香港大大話話都食過唔少嘅日式料理餐廳，但係今次嘅體驗同以往有少少唔同，相信大家都知道日式料理其中一個特色就係師傅會同客人保持住溝通，令到客人對食材有更深嘅了解之餘仲可以更加輕鬆咁樣去享受佢哋嘅美食。而今次鮨鱗點解會令我留下深刻印象，其中一個原因就係今次同師傅嘅交流之中，除咗亦對食材有更深認識之餘，師傅仲講咗好多關於佢哋點樣入行同埋呢種日式料理嘅文化係兩地之間存在着咩差異。相信大家睇到呢度可能覺得有少少離題，但係我夠膽講每間唔同嘅日式料理餐廳都總有佢嘅特別之處，能夠更深入咁去了解呢一樣文化，點可以唔好好記住，留下美好回憶呢？咁廢話唔多講，我哋直接由第一步才開始講起啦！首先第一道菜就係用八爪魚油去煮嘅法式慢煮鴨胸伴芥末，再配上日本茄子 。第一道菜係非常重要，而呢一味菜就充分體現左廚師嘅心機，鴨胸非常嫩滑，配上芥末會令食慾更佳，師傅用蒸既方式將日本茄子嘅香味同味道發揮出來。然後第二道菜就係皮膜魚配上可食用花，花大有紫蘇葉嘅香味，而師傅仲用咗皮膜魚嘅肝做醬汁撈埋一齊食，完全唔需要外在嘅調味料，又菜式本身去到醬汁都係用魚嘅身

本店在上環的鮨燐, 地理位置較低調, 主打傳統關東風格的壽司, 手法正宗而非整色整水的一系, 剛開的尖沙咀分店, 除了鮨類也提供熟食, 它和樓下的日式燒肉店以及日式百貨店令這新進的”醫生樓”加添人流之餘也多了一份日本氣息, 而我和附近客戶吃Business Lunch也多了一個選擇.之前腸胃不舒服, 所以選擇了熟食, 是和牛壽喜燒, 三百一十多元的定價比附近的日山便宜, 三大塊的和牛薄片油脂分明, 肉稔再加上豐富的肉香及油香, 沒有抗拒的理由, 醬汁咸甜平衡度不錯, 帶點木魚甘香也是秋天的好伴侶. 唯一可惜的是雞蛋有點過熟, 這也不能怪餐廳, 只是因為自己懶惰, 所以請侍應先下蛋, 這些步驟下次還是自己來好了. 除了白飯之外, 在完成壽喜燒後更附上腐皮素麵, 腐皮有豆香之餘也帶甜味, 為這有點沈悶的素麵加添些食材. 吃得夠飽, 作為Business Lunch地點夠方便, 夠體面也有質素.

別於光芒耀目的現代化門面，鮨燐走的是江戶前傳統路線，不旬不食，壽司長會在客人面前即劏即做，展示穩扎技藝，竭力保持時令食材的獨特真味。 立師傅師承香港第一代本地紥根的日藉師傅「見城俊二」；仍記得當年在棉登徑有這一間非常知名的「見城」；擅長在傳統上略為微調，但不會添加現在時興的金箔、松露或魚子醬，即使熟成做法亦少用。這個晚上，看著立師傅手起刀落，純熟敏捷，食材處理的每個步驟皆是仔細及按步就班的，不只胃納，眼睛也吃得滿意。 晚上三款 Omakase，點了最豐富，每位$1880的，有7件刺身，2種和食及6貫壽司套餐。一行六人被安排在入門左方的小廂房，如一家獨立鮨店。  前菜左起日本蕃薯甘露煮、中央是慢煮法國鴨胸配黃芥末醬，右方有日本八爪魚醬油煮。 三款食味有別，但皆可口美味，尤其喜歡蕃薯的甜，相反地稍嫌八爪魚太軟淋口感失分。 七款刺身剝皮魚刺身先以剝皮魚刺身配剝皮魚肝醬開始，別於見過的做法，把魚肝弄成醬放在刺身上，師傅把魚肉魚肝一起手剁混合，面頭放有紫蘇葉花瓣同菊花點綴。 目的在互利，因為只吃魚肉會很韌，只吃肝會很油膩，現在兩者配合可取平衡，肝醬成功帶出魚的鮮味。 北海道北寄貝．配酸汁啫喱、柚