459
7
10
| 餐廳: | 鮨燐 |
|---|---|
| 資訊: |
為推動全港減鹽減糖新飲食文化及新生活態度，環境及生態局、降低食物中鹽和糖委員會及食物環境衞生署食物安全中心推出了「少鹽少糖食店計劃」，參與食肆會提供少鹽少糖選項予顧客，部份更會提供特定減鹽減糖菜式。參與減鹽減糖食肆會獲發計劃標誌，以供張貼於店舖內，供顧客識別。詳情可在此瀏覽：https://www.eeb.gov.hk/food/cn/committees/crss/restaurants.html
影片
營業時間
今日營業
12:00 - 14:00
18:30 - 22:00
星期一至日
12:00 - 14:00
18:30 - 22:00
公眾假期
12:00 - 14:00
18:30 - 22:00
公眾假期前夕
12:00 - 14:00
18:30 - 22:00
以上資料只供參考, 請與餐廳確認詳情
有關獎賞計劃
優惠
香港餐飲業低迷，連廚師發辦都做優惠，梗係即刻試吓。14貫壽司一人只需$1000，質素一啲都唔將就！前菜三小碟一啲都唔馬虎，各有特色！冷豆腐上面鋪滿鮮甜嘅松葉蟹肉，清清地。水果蕃茄糖道高，鮮甜多汁。爽口嘅水母漬酸味味，非常開胃。14貫壽司密柑鯛：以果皮餵養果然唔同啲。魚肉晶瑩剔透，一啲腥味都無。深海池魚：非常厚切，咬落好滿足。間白魚：魚味相對清淡，配味道濃郁嘅三升漬麵豉醬啱啱好。金目鯛：用火槍迫晒啲皮下油脂出嚟，超正！北海道帆立貝：圓大飽滿，咬落軟腍腍。牡丹蝦：蝦肉彈牙，唔好嘥上面擺埋蝦頭啲蝦膏，更添滋味。石垣貝：夏季先有，係不可錯過嘅時令食材。師傅大大力拍一下會自動收縮好有趣。赤貝：質地爽口，加埋橘香陣陣嘅青檸皮碎十分清新。北海道刺身海膽：本來已經好鮮甜，加埋鹹香滿分嘅三文魚子，味道更上一層樓。醬油漬赤身：以醬油醃漬，鹹香珍珍。銀鱈魚bb：肉質軟嫩，同清新嘅柚子胡椒味道好夾。黑木魚：屬於比較肥美嘅白身魚，同金木雕味道相似。大拖羅：油脂滿分好肥美，唔會太多筋。鯖魚：有啲似手握壽司，以特製醬油調味，味道有驚喜！左口魚裙邊：油香陣陣，入口即溶，雖然食到尾好飽都絕對唔可以錯過。麵豉湯：食完凍冰冰嘅壽司點笑得熱辣辣嘅湯作結尾。抹茶奶凍：質地滑溜，奶香足夠，以黑豆作點綴有誠意。
繼續閱讀
食材時令，來自北海道，九州，沖繩，新鮮抵食。豆腐水果蕃茄水母漬豆腐綿滑。水果蕃茄，酸甜可口。醃製後嘅水母口感爽脆。蜜柑鯛魚肉帶有淡淡的柑橘香氣，清爽味道。深海大池魚鮮甜，有豐富的油脂。間八魚三升漬略帶脆感，脂肪含量適中，肥而不膩。配以三升漬，增添鮮味。金目鯛味道鮮美，肉質細膩。帆立貝肉質厚實，帶有一絲絲的甘甜味。牡丹蝦 蝦膏濃郁鮮甜，口感黏稠彈牙。蝦膏濃郁滋味。石垣貝 配青檸皮口感爽脆，鮮甜，略似象拔蚌味道。赤貝 肉質爽脆且柔嫩。北海道海膽，魚籽口感非常細膩，入口即化，有一種柔滑嘅享受。赤身 醬油漬赤身用秘製醬油醃製，味道濃郁。炙燒銀雪魚bb 配柚子胡椒入口即化，滑嫩。黑目魚肉質鮮嫩，Q彈口感。大拖羅肥美且甘甜。鯖魚白昆布肉質鮮美，淡淡清甜。白昆布圍邊，層次豐富。左右魚邊口感肥美，油脂滿溢。最後一碗熱呼呼的麵豉湯，超正。
繼續閱讀
🥰 今朝有酒今朝醉, 相約江湖飯局, 初訪 “鮨燐”. 餐廳大房設一張L型12人壽司吧枱, 另外兩間細房, 全場爆滿, 今晚坐短邊死角位. 點咗晚餐 $1,888+10%, 自攜一支清酒, 再點咗兩支清酒.🍀 前菜: 炸蟹仔, 蕃茄, 水母🐟 刺身水八爪魚紫針海膽縞鰹粒貝仙鳯趾生蠔長崎縣中拖羅花咲蟹大拖羅🦞 熟食香魚龍蝦🍣 壽司深海池魚北寄貝富山灣白蝦海膽銀鱈魚黑鯥🥣 麵豉湯. 夠熱, 解酒醉.🍯 甜品: 綠茶布甸. 🍀 前菜: 炸蟹仔, 蕃茄, 水母. 蟹仔夠脆, 水母口感似海蜇, 過關!🦑 水八爪魚. 八爪魚片煙韌, 吸盤脆口, 不俗!🐚 紫針海膽. 非常鮮甜, 終於冇怪味了, 呢道菜值回票價.🐟 縞鰹. 玩灸燒, 煙燻味吸引, 肉質保持嫩滑, 有點驚喜.🐚 粒貝. 新鮮爽脆.🦪 仙鳯趾生蠔. 金屬味道餘韻悠長. 🐟 長崎縣中拖羅, 配淡雪鹽. 血銹味道平衡.🦀 花咲蟹. 海水味湧出, 掂!🐟 大拖羅, 配紫菜. 肥美!🐠 熟食一: 香魚. 香脆嫩滑, 一流!🍣 深海池魚. 厚切, 肉質緊緻.🍣 北寄貝. 鮮甜.🦐 富山灣白蝦. 味道濃郁, 口感充實.🐚 海膽. 用番普通板海膽, 一般般.🍣 銀鱈魚. 玩炙燒, 乜都好食.🍣 黑鯥. 又再炙燒, 冇得輸.🦞 熟食二: 龍蝦. 調味烹功出色.🥣 麵豉湯. 夠熱, 解酒醉.🍯 甜品: 綠茶布甸. 面層係綠茶汁, 底層其實似豆腐花, 完美結束.🤗 總結: 今朝有酒今朝醉, 食物相對高質, 熟食表現出色. 今晚坐死角位, 服務甚艱難, 扣分. 最後未夠十點洗地, 實在對唔住個價錢, 但俾咗機會同隔籬枱美女搭訕, 哈.
繼續閱讀
同朋友去這間位於中間道15號H Zentre UG樓嘅鮨燐食Omakase，鮨燐真係唔簡單！主打高級江戶前 Omakase，食材每日由北海道、九州、沖繩等地空運直送，鮮度夠晒爆燈朋友本身想食14件壽司嘅選擇，但聽到師傅推介今晚有鮮海膽，海膽控嘅我就選擇了中間個款Omakase套餐落單後就先上先付，以鮮炸活澤蟹，約拇指大小，師傅以簡單高溫油炸一下灑點海鹽，帶點淡淡的香氣，口感脆口；麻醬蕃茄，蕃茄爆汁清甜，配上香濃麻醬，酸香中帶滑，味道層次好豐富；檸檬汁水母：水母爽口彈牙，檸檬汁令整體味道清新醒胃，完美平衡前兩款嘅濃味之後就係7種刺身，首先是北海道水八爪魚配柚子酸汁，師傅將吸盤切成片狀，鮮味口感彈牙煙韌，重海水味，可配少少芥辣醬油，吸盤位口感爽脆配柚子酸汁，十分特別北海紫海膽真係Omakase中嘅皇牌之一，即開即食，瓣塊大而完整，色澤金黃偏橙，視覺上已經好吸引，味道十分鮮美，海膽味較濃郁，比起馬糞海膽更有深度，帶有天然海水鹹香，鮮味層次分明，口感較豐腴，入口即溶，係海膽控夢寐以求的味覺享受鹿兒島鱆紅魚係今晚Omakase中嘅一大亮點！鱆紅魚二食精髓，上腩火炙配柚子胡椒：油脂豐富，經火炙後香氣四溢，柚子胡椒帶出魚油鮮味，Wasabi微辣點綴，層次感十足 ;下腩刺身原味呈現：肉質爽脆、咬勁好，色澤偏白但鮮度媲美油甘魚，入口清甜，令人回味，火炙處理令魚油滲出，香氣更濃；而柚子胡椒則平衡油脂，提升整體鮮味。這種「一魚兩食」手法不但展現師傅技藝，亦令味蕾享受由濃至清的轉變北海道神鳳趾生蠔，由北海道厚岸灣直送到港 - 未開殼真「生」蠔，為保持最鮮、最原汁、最原味之狀態送到客人手上，即開即食，該款生蠔體積比眾多日本生蠔較大，猶如手掌的大小，味道鮮甜濃郁，口感嫩滑，肉身肥厚、質地滑口的生蠔，讓人回味無窮 BB銀雪魚肉質細嫩、油脂豐富，入口鮮甜，質地滑溜，加上由師傅自家調製，融合醋的微酸與麵豉的濃香，為魚肉增添鮮味同時解膩，魚油香與醬汁酸香互相交織，令整道菜既有深度又唔會過膩中拖羅血合屬於吞拿魚腩中較接近血管的部位，油脂豐厚但帶有微微鐵質香氣，味道濃郁而不膩，師傅配上炎雪鹽提升魚油香味之餘又不搶味，令整體味道更乾淨俐落，入口即溶，魚油在口中慢慢化開，配上炎雪鹽後更顯層次，令人回味無窮蛇腹大拖羅手卷，用上屬於吞拿魚最油脂豐厚嘅部分，脂肪分佈如大理石紋，入口軟綿、魚香濃郁，真係「入口即融」嘅極致體驗，再配以香脆紫菜包裹住油脂豐厚嘅魚肉，蔥花清新提味，完美平衡油膩感和食，香魚在日本有『清流之王』之稱，肉質細嫩鮮美，富含蛋白質和鈣質，魚肉本身無腥味，燒得外層香脆，內裡嫩滑，係開胃之選接住6種寿司，師傅會即場拍打石垣貝上枱，拍打後令貝肉收縮，提升爽脆度，肉質厚實，帶有天然海水香氣，鮮味濃郁，爽脆中帶微微彈性，咬落去有「咔滋」聲，極具層次感富山灣白蝦，通透晶瑩，外觀極美，入口味道清甜，清爽優質的甜味，入口即化，唔需要過多調味就已經好出色，口感柔滑中帶微黏感深海池魚，脂肪結實但唔膩，肉質肥嫩，師傅會在魚身𠝹上細刀，令魚肉更易吸附醬油，同時提升美觀與口感，入口順滑鮮甜 另一款池魚，同樣入口滑嫩，口感清爽，油脂分佈均勻，味道清淡中帶鮮師傅以北海道根室赤海膽做成軍艦壽司，赤海膽呈橙紅色，比紫海膽更濃郁，帶有天然海水鹹香與甘甜，味道濃郁黑目魚，肉質結實，師傅火炙後味道濃厚，帶有獨特礦物香氣，展現師傅刀工與火候技術完成了刺身同壽司後，就上碗暖胃嘅麵豉湯最後完美收結就係自家製抹茶奶凍黑豆，口感滑溜溜，微甜不膩，抹茶香氣濃郁但唔苦，係一種溫柔而深沉的甘香 ，將日式傳統與現代口感融合得恰到好處
繼續閱讀
尖沙咀「鮨燐」提供人氣 Omakase 壽司套餐。食材大多來自北海道、九州、沖繩等。咁啱周年祭套餐有折扣，今晚就去試吓。座位圍着工作枱呈半圓形，近距離睇住師傅用心把菜品從製作到呈上～前菜已非常精緻，松葉蟹豆腐，檸檬醋水母，日本番茄，直接打開了日本胃❣️接着是一連串廚師發辧14貫壽司🍣，主要以白身魚為主，比較特別嘅有：蜜柑鯛 🍣以蜜柑餵飼，魚肉味道真有啖啖蜜柑香。深海大池魚🍣 魚味極濃，特別爽口彈牙！帆立貝 🍣來自北海道，鮮甜爽口，超美味。牡丹蝦🦐肉質結實，蝦嘅甜味非常突出。石坦貝 🍣 拍打完貝質微微收縮，證明新鮮。肉質好爽脆，鮮甜！澗八（又名章紅）🍣魚味較淡身，放上少許味增，反而帶出魚嘅味道。👍🏻金扇鯛 （又名紅衫魚 ）🍣 炙燒過後魚肉更香味道更濃。細池魚軍艦，加入芝麻、香蔥帶出池魚鮮味。中拖羅🍣肉質非常細緻，柔軟。👍🏻銀雪魚B B 🍣 油份好重，魚香和魚油同時大爆發。😋左口魚邊🍣，咁多款壽司中油分最重，最高，入口秒溶化，那種滿足感非筆墨形容！最後有袖子雪葩和熱辣辣嘅味噌湯作結尾～滿足的一頓廚師發辦😍
繼續閱讀