鬼金棒

營業中

休息中

鬼金棒 (銅鑼灣)銅鑼灣謝斐道530號地舖.原始嘅鬼金棒係食豬叉燒，個人食過一次覺得佢個湯底夠麻少辣又香！.▪️特製辣麻味噌拉麵▪️.一放係枱面一股麻香味噗鼻而來呢到全部嘅辣味麻味都係自由配搭，麵質有咬口夠彈，叉燒係好似五花腩，唔會好肥！.▪️味玉辣麻味噌拉麵▪️.由於我仲係到咳，所以揀左唔辣唔麻，個湯底就會變奶白色味玉個人覺得係食呢到拉麵必叫，半生熟流心蛋.▪️ 煎餃🥟▪️.每次齋食拉麵覺得太單調都會叫個小食，皮係比較薄，咬落都微脆.📌 鬼金棒 (銅鑼灣)銅鑼灣謝斐道530號地舖

N次重温邪惡味道鬼金棒最聞名就係食麻辣拉麵，質數不容，想食拉麵去果度定必不踩雷，所以我959去會食下。每間店內環境黑暗，而牆頂上掛滿一個個日本神鬼臉像，彷彿要恐嚇著我，要話比我知呢度係有幾咁邪惡😈。想挑戰我？冇咁易，我係唔會怕左佢，我要征服佢💪🏻，立即 order 左 碗 拉麵食鬼左佢 👻。呢度d拉麵嘅麵質煙韌有彈性，有嚼勁，麵條比較粗大，不易折斷，掛湯能力又高。湯頭味濃烈，主要是由赤味噌和麻辣味制成，啱哂d重口味人士。而麻度和辣度有 5 個 level, 自由選擇程度，你想碗拉麵有幾邪惡就有幾邪惡。炒過嘅芽菜喺每碗必有嘅配菜，加埋蒜蓉、香蔥混合拉麵一齊食，非常惹味。今次嗌左《增量义燒 x 2》($140) + 1 件义燒 ($35) 和 大件义燒飯($55)。點解咁多义燒？勁 愛 law ! 肉質軟腍又juicy 。最緊要就係 d 醬汁，驚艷美味，讚不絕口 !剛打敗完碗拉麵✌🏻，全部食哂落肚，度緊下次幾時又再嚟。#鬼金棒 #辣麻味噌拉麵 #拉麵 #銅鑼灣 #日本菜 #japanese #銅鑼灣美食 #香港美食

響銅鑼灣行街，見到朋友推介過既鬼金棒，一於試下。舖頭內外面裝修得幾有特色，日式惡鬼設計，幾有氣氛。😄❇️叉燒麻辣味噌拉麵🍜🍜可以分別選麻度及辣度，怕辣既都怕，我揀咗小辣小麻，辣度啱啱好，麻味好正。拉麵比普通拉麵粗身，好易掛上麻辣湯汁，叉燒係厚切！厚厚既豬腩肉，肉同脂肪一層一層咁，煮得好入味，但唔會太肥膩，湯底重有芽菜，栗米荀，蔥花配料，佢嘅芽菜係有炒過先至加落拉麵度，一碗都足料飽肚😋😋👍

近期鍾意咗食麻辣，又想食拉麵，咁又諗起呢間網上有人介紹過，就立即去試吓🤪一入去店舖係長形設計，不算好坐，所以店舖內大量都係男食客，女仔未必咁鍾意咁坐。我就冇乜所謂嘅，食碗拉麵快快手，點坐都好。店家有圍裙提供，可以問佢攞，我都係見到隔籬個客有我先知道可以問佢攞，算係幾貼心嘅服務。拉麵嚟啦，份量正常，但係係幾香的。煮出來面底不軟不硬，較為適中，本身唔知佢辣到如何，叫咗小辣點知冇乜料到，問佢額外添加辣粉佢都願意俾的，不錯。麻辣香，味道總括來說不錯，但份量都係一般拉麵咁有點少。呢碗已經係全店最平的$95 ，其他過$100的話，自己考慮肯唔肯為一碗拉麵付出啦。

銅鑼灣啲鋪頭成日換，見到這間竟然擴充規模，就知道有啲料到，今日食佢的味玉麻辣牛骨拉麵，整體食落唔錯，塊牛肉唔會硬，半生熟剛剛好，啲牛筯好淋又入味，佢又加左好多蔥花和洋蔥碎令到個拉麵冇咁油，粒玉子就正常味道，不過佢個蛋黃好橙色的，快紅色一般了，最後拉麵軟硬適中，所有嘢都是不錯，加埋一齊就覺得成碗拉麵令人好滿足了。下次會再去食。

同媽媽好掛住日式麻辣拉麵，於是再訪銅鑼灣鬼金棒，質素同樣保持到😆🍴餃子($45)一份有6隻，即叫即煎，夠哂熱辣辣🔥餃子外皮香脆，餡料幾豐富👍🏻🍴味玉麻辣味噌拉麵味噌湯共有五個級別嘅麻同辣度，我地揀左小麻小辣，湯底味道香而濃郁👅味玉呈糖心狀態，蛋味香濃，而且入味。拉麵粗身煙韌彈牙👄叉燒厚厚一塊，肥瘦分明，肉質夠腍夠入味👌🏻🍴炒豆芽菜麻辣味噌拉麵追加味玉($15)湯底同樣叫咗小麻小辣，炒豆芽菜份量好多，爽口清甜🤤令整碗麵食落更清爽，冇咁漏 👐🏻食辣嘢邊少得飲汽水🥤除咗一般嘅汽水都仲有其他嘅特色果味梳打、啤酒🍻同汽酒等等。

過江龍係有料，第一次食，叫了個特製加叉燒。啲麵好彈，又唔會放耐咗而淋同漲。個蛋入面係紅色嘅。本身都跟2舊叉燒？叫東波肉適合啲，再追加多一條，正，超滿足，肥瘦適中。建議中麻中辣，唔嗆。

3月份在香港食咗兩次拉麵，第一次試咗雞白湯拉麵，再試就想搵間重口味嘅，最後揀咗東京過江龍辣麻味噌拉麵鬼金棒👹一睇個樣就知啱曬重口味嘅朋友，惹味嘅秘製辣麻味噌湯底，加埋重口味嘅芫茜鋪到成碗都係，我鍾意😝 拉麵嘅麵質較粗，口感煙韌。溏心蛋超正，色澤帶橙，勁有蛋香👍 义燒肥瘦分明，煮得入味軟腍，入口溶化，但就比較肥膩咗啲🤏 湯底濃郁，配料仲有粟米荀同大量芽菜，食完大滿足呀😋This is a nice bowl of ramen with different levels of spice you can choose from. The aroma of coriander fills the entire bowl of soup base. Noodles are firm and the egg is cooked to perfection. The pork is melt-in-your mouth pork belly, delicious but just a tiny bit too fatty for me.

要食一碗湯底濃郁又麻辣的拉麵只想到鬼金棒，整體而言最愛就是夠香夠麻，今次是為了吃沾麵才來的，想不到一樣好吃，下次來吃，真的讓我選擇困難症發作沾麵一如以往會有澎湃份量的「芫荽」和「豆芽」湯汁更加濃稠達到濃湯級別濃厚的豚骨湯底加入味噌和辣粉和花椒，但是也不算太辣拉麵麵質比較彈牙也是很掛湯，值得一試芫荽辣麻味噌拉麵肉食愛好者特別喜歡這裏，因為這裏的叉燒比較厚肉，而且肥瘦適中，吸晒湯好正！鬼金棒的湯底濃郁辣得過癮，香醇不死鹹，後勁十足的辣麻味，以川菜料理手法爆炒豆芽菜、花椒、辣椒等炒料，香味好出關於辣度：鬼金棒主打辣麻口味，可以按個人喜好自選🚫不麻不辣或地獄級「鬼増」級別🔥辣麻度湯▸ 特製辣麻味噌拉麵 $125▸ + $15 替玉✍︎ 餐廳貼心提供了一次性圍裙，穿着白色衫的朋友也不怕彈（過來人表示：紅色湯好難洗）✍︎ 銅鑼灣店冷氣好足 喺SOGO後面好方便• ─────────────── 𓎩 鬼金棒銅鑼灣謝斐道530號地舖• ───────────────⠀⠀⠀⠀⠀⠀⠀⠀⠀#hkfood #hkfoodblogger #hkfoodpic #hkfoodstagram #foodie #food

鬼金棒 - 地道日式拉麵店今日介紹一間銅鑼灣嘅拉麵專門店，係嚟自日本東京嘅過江龍店舖，店舖以日本傳統嘅鬼神為主題，單單從門面、裝潢已經別具特色，另外拉麵主打麻同埋辣，仲有芫荽口味嘅拉麵。味玉辣麻味噌拉麵 $105首先叫咗餐廳招牌嘅辣麻味噌，總共有五個級別嘅麻同辣可以選擇，選左小辣, 高麻，湯底非常濃郁，可以充分掛在拉麵麵條上，拉麵麵條係較為粗身，配上溏心蛋、芽菜、粟米筍。芫荽辣麻味噌拉麵$115 另一款就係網上非常人氣嘅芫荽拉麵，份量超級多芫荽佈滿在整個拉麵上，比起招牌嘅辣麻味噌拉麵，多了一份清新嘅草青味。另外加配味玉 +$15。日式煎餃子 $45

行完街想搵個地方快速醫下肚，行經有間拉麵就入去試吓。因為我哋係五點幾嘅時候，未係好旺嘅時間，所以可以影晒成個餐廳嘅位置，其實座位唔算特別多。朋友揀咗味玉味噌拉麵，因為佢唔食得辣就揀咗唔麻唔辣。我就揀咗增量叉燒小辣小麻味噌拉麵。首先我哋都好欣賞佢個麵質，好彈牙好掛湯。其次我好欣賞自己嗰碗嘅湯底，好香口好惹味！跟住就係舊叉燒，肥瘦適中，肉質嘅軟硬度主導剛剛好，唔會太淋又唔會鞋，而且粒糖心蛋真係好靚好香，成件事非常有驚喜！另外太肚餓嘅關係，我哋叫埋一碟餃子，即叫即煎，熱辣辣夠香脆，非常滿足嘅early dinner，飲埋罐汽水，圓滿。

仔女返哂學，就係我同阿妹嘅 free time，我哋齊齊做咗港島人，一個住東，一個住南，所以揀銅鑼灣呢個中間位就最啱！今次就終於試到成日都好想試嘅 #鬼金棒 。一睇到呢個門面，就最易認到！好大支黃牙棒掛喺門口。食拉麵傳統嘅都係坐 bra 枱，好有日本 feel 呀。而門口呢個邊邊位，可以坐到3個人，未有人嗰陣我哋兩個坐，靜靜地吹下水都得！而鬼金棒出名係食麻辣拉麵，係有麻有辣，但唔食得辣又可以叫走辣少麻，或者走麻辣一樣得！可以照顧唔同口味嘅朋友仔。呢碗係 #味玉辣麻味噌拉麵 (走麻走辣)，我係怕辣人士，所以就食味噌湯底。佢舊叉燒超超超超正，女仔食份量剛剛好！而呢碗就係 #炒豆芽辣麻味噌拉麵 (走麻少辣)，阿妹就話少辣都唔算太辣。鍾意食豆芽嘅阿妹都話超級正！味噌個湯底好夠濃呀。食拉麵飲汽水最夾，食到辣辣地真係要飲汽水衝擊一下。總結：可以迎合唔同朋友鍾意食辣同唔食辣嘅口味，最重要係大家食得開心，我同阿妹都唔洗趕頭趕命，慢慢嘆。

鬼金棒拉麵🥳🥳大大碗又濃味❤️❤️❤️🤩增量叉燒辣麻味噌拉麵必叫！辣味十足！❤️❤️❤️麻辣的湯底搭配著豐富的叉燒，加埋味噌的調味，吃起來真是開胃又刺激🥰🥰🥰最鍾意係佢拉麵嘅口感好彈牙，夠硬淨，有咬口👨‍🍳👨‍🍳👨‍🍳🤩辣麻肉碎拌麵揀咗無辣，但係小麻，有微妙麻感，好得意😉😉。肉碎的搭配非常恰到好處，增添了口感和風味。加配上味玉和豆芽菜，正！👍👍👍🤩煎餃🥟一份有六隻，每一隻都煎得金黃酥脆。餡料豐富，口感鮮嫩多汁😋😋😋如果放工想食碗熱辣辣嘅拉麵都可以嚟試吓🥰🥰

麻辣拉麵🎈鬼金棒（旺角）/五味之外 辣與麻 痛覺與觸覺/生活中的小刺激💥為沉悶死氣生活帶嚟丁點兒新味道🥬芫荽辣麻味噌拉麵($115)好耐冇試過麻辣 今次就叫咗小麻小辣唔怕食得辣嘅人都接受到芫荽量多 中和返湯底嘅濃辣味感覺比想像清新 麵條係屬於厚身嘅曲麵鍾意比較腍身嘅朋友仔可能會覺得偏硬如果鍾意有彈性同硬啲 應該就啱啱好叉燒肉肥瘦適中 肉質唔會太嚡🐖增量叉燒x2辣麻味噌拉麵($140)呢碗叉燒嘅份量有啲驚人 係兩大條厚厚叉燒叉燒瘦肉嘅比例佔咗成嚿叉燒三份二嘅位置唔算好肥膩 但軟腍程度未去到好高🤏湯底叫咗中麻高辣 但都比想像中唔麻辣湯底偏濃味 成碗食晒會有啲滯味玉出乎意料驚喜 中間流心狀態出色且入味🥚鍾意清淡嘅人 揀返芫荽湯底會比較適合👅🥟煎餃(6隻）（$45）餃子皮薄 煎得香脆 內餡唔算飽滿 但味道都唔錯😌

銅鑼灣依間日本過江龍「鬼金棒」我一直都幾鍾意，佢哋嘅湯底係真係會食到麻、辣嘅味道，而唔似平日常見辣嘅日本菜式係走一個甜辣或香辣嘅路線，因為餐廳嘅拉麵湯底係採用赤味噌混合卡羅萊納死神辣椒調成嘅唐辛子及和歌山葡萄山椒調成嘅香麻油而烹煮出嚟嘅，所以好鬼正，另外，依間拉麵餐廳亦係比較罕見地無收取加一服務費，但服務唔錯，上菜速度快，而且有提供食水飲用。莞荽辣麻味噌拉麵加配味玉（單點$130），中辣中麻，表面鋪滿芫荽，湯底辣度、麻度3分，配料包括有珍珠筍、豆芽菜，豆芽菜份量多，味玉溏心效果突出，蛋味濃香。辣麻味噌拉麵（單點$95），高辣高麻，表面鋪有京蔥、香蔥、卡羅萊納死神辣椒唐辛子，湯底辣度、麻度5分，拉麵口感軟硬適中，容易掛湯，五花腩肉質肥瘦相間，口感軟腍，食落充滿滷汁味道，配料包括有珍珠筍、豆芽菜。煎餃六隻（單點$45），即叫即煎，外皮口感香脆，內有椰菜、豬肉，肉汁飽滿，配以特調香辣醬汁食用，食落好惹味。