鬼金棒

鬼金棒銅鑼灣店係嗰啲一諗起「又麻又辣」就會想去嘅拉麵店。可以自選麻度同辣度，我今次揀咗中麻中辣，湯底係濃厚豚骨加辣椒、花椒同香料，第一啖已經香到飛起，其後麻同辣慢慢湧上黎，好過癮但未至於辣到出晒汗。麵身偏粗、有咬口，掛湯力強；叉燒厚切帶脂香，唔會又乾又鞋，溏心蛋都好入味。店內裝修走少少鬼怪主題風，燈光偏暗但氣氛幾好，座位之間間距ok，唔會覺得逼夾壓迫，可以慢慢食慢慢傾。價錢以銅鑼灣嚟講算中上，但偶爾想食一碗重口味、麻辣勁啲嘅拉麵，鬼金棒都係值得專程去朝聖嘅選擇。…查看更多

呢間拉麵店嘅概念真係要讚！雖然食物味道係標準水平，但將港式柱候牛腩同四川麻辣風味撞入日式拉麵，個諗法真係破格得嚟好有驚喜。濃郁嘅日式豬骨湯底入面，竟然完美融入咗川椒嘅麻香同柱候牛腩嘅醇厚。腩肉炆得軟淋入味，掛滿咗帶微辣嘅湯汁，麵條依然保持到彈牙口感。兩種截然不同嘅飲食文化夾埋一齊，完全冇違和感，反而激發出新層次嘅風味。食完成個口留有餘韻，個配搭真係估佢唔到咁夾。與其話係食拉麵，不如話係體驗緊一場創意料理crossover。老闆夠膽打破傳統框架，將東南亞風情注入日式料理，呢份心思已經值滿分。推薦俾鍾意試新嘢嘅食客！…查看更多

辣麻味噌拉麵既最唔辣版本，個湯底好多蒜頭，多到好濃烈既蒜味，不過個湯底有啲咸。芽菜很多很爽甜。豬軟骨炆到非常之林，有好濃郁既醬味。粟米芯就不過不失。個雞蛋係糖心蛋，用醬油煮過，很好味。拉麵都非常之有咬口，係高品質既拉麵。…查看更多

首先，食物幾好食，價錢沒太大意見。今次評論，純粹因為員工態度。2025年9月27日星期六晚約10點，跟女友2人進店坐低，目測店內尚餘1半座位。職員好快畀左QR code 落單，咁我地就睇有乜食，一邊傾計一邊揀野食。揀左10分鐘左右，有男職員過黎提醒，揀好記得要撳送出既掣。咁我都覺得幾好，起碼佢驚我地揀好左漏左按，變左冇野食。再過多大約五分鐘，因為店面較細，我地坐個位又近廚房門口，聽到有女職員問岩岩個男職員我地落左單未，男職員答岩岩已經提醒左我地落單要撳掣，但係我地仲揀緊。呢個時候，問題就黎，女職員同男職員講：下？有乜好揀？作為顧客，我明白你地臨近收工時間會比較緊張。但係你可以直接同我講，最後落單時間係幾時，唔係係我地背後講d咁既野，仲要畀客人聽到。你地每日都係呢間拉面店工作，會比較清楚菜單，可能對你地黎講係冇咩需要選擇。但係我地都只係黎過兩次，唔記得你地拉面店係有乜食，加上有選擇困難症，揀岩食物係真係需要時間。最後，如果我係你地老闆，聽到你地咁樣對客人，都會好失望。以下係對整個飲食業既意見，唔係針對呢間鋪。出開去食野，好多時都會遇到唔同問題，錯單漏單、抹枱一下將食物掃落客人隻腳到，講句sorry就算，可能有人會話一分錢一分貨，畀呢d價錢就唔好要求咁多。我反問一句，呢個諗法真係岩咩？你開間鋪，所有職員都係代表緊間鋪，入職係咪應該有相關所有方面既培訓，先安心畀佢代表你間鋪服務客人？職員做得唔好，佢有責任，但係老闆係有最大責任。我絕對唔認同畀錢既人係大哂，想點就點，呢個講法係肯定錯。我希望大家係能夠互相尊重，你提供食物，我付錢，就係咁簡單。香港既飲食業係咪真係只可以停留於此呢？…查看更多

暗黑系裝修，牆上掛滿裝飾，播住日本搖滾，氣氛營造似東京街頭拉麵店。座位偏窄，大隻d可能會有小小坐得唔舒服。是日主角：辣麻味噌拉麵🔥 揀咗「中辣中麻」🍜 湯底： - 豬骨湯混入自家製辣麻味噌，一上枱就聞到超濃辛香味！ - 第一啖飲湯：辣度直衝喉嚨，麻感後勁好強，食到流鼻水🍖 叉燒： - 兩塊厚切慢煮豚肉，唔柴，應該炙燒過咬落有gas燒過味🍜 麵條： - 粗身麵，咬落煙韌但食食下可能耐咗會變淋 嗜辣者可以一戰， 但有機會食到身水身汗，冷氣開大d會好d，同埋味精偏重，會好口渴。店員服務態度一般，諗住映下環境映下食物打下卡，會好似CCTV咁係咁望住，唔好意思映落去，一路食一路覺得比人望住咁。…查看更多