鬼金棒

營業中

休息中

行完街想搵個地方快速醫下肚，行經有間拉麵就入去試吓。因為我哋係五點幾嘅時候，未係好旺嘅時間，所以可以影晒成個餐廳嘅位置，其實座位唔算特別多。朋友揀咗味玉味噌拉麵，因為佢唔食得辣就揀咗唔麻唔辣。我就揀咗增量叉燒小辣小麻味噌拉麵。首先我哋都好欣賞佢個麵質，好彈牙好掛湯。其次我好欣賞自己嗰碗嘅湯底，好香口好惹味！跟住就係舊叉燒，肥瘦適中，肉質嘅軟硬度主導剛剛好，唔會太淋又唔會鞋，而且粒糖心蛋真係好靚好香，成件事非常有驚喜！另外太肚餓嘅關係，我哋叫埋一碟餃子，即叫即煎，熱辣辣夠香脆，非常滿足嘅early dinner，飲埋罐汽水，圓滿。