今日返公司開會，就約埋老公去公司附近食好西！之前經過幾次已經想試，今日就嚟咗試啦！ 午市未夠1點已經坐滿8成，好好彩有個窗邊梳化位俾到我哋。 我哋就叫咗兩個 set lunch，包飲品，仲加錢叫咗小食添！ 我叫咗 #咖哩吉列豬扒飯 ，咖哩係日式咖哩所以唔辣，最鍾意吉列豬扒熱辣辣脆卜卜。 而老公就叫咗佢至愛嘅 #蒲燒鰻魚盒飯 ，條鰻魚都唔細條，老公話好味又抵食，Set lunch 價錢都只係低至$68。 小食方面我哋加咗 #左口魚邊壽司 & #三文魚刺身 ，兩份小食都好好味呀！ 飲品方面我加 $8 轉咗#巨峰乳酸梳打 ，老公就加 $5 飲凍檸茶。 一行入餐廳仲留意到，原來餐廳有提供《和服穿著體驗》添呀！ 總結：鍾意食日本菜一定要嚟試下，午市套餐真係好抵食，下次帶埋仔女嚟食先！

仔女返哂學，就係我同阿妹嘅 free time，我哋齊齊做咗港島人，一個住東，一個住南，所以揀銅鑼灣呢個中間位就最啱！今次就終於試到成日都好想試嘅 #鬼金棒 。 一睇到呢個門面，就最易認到！好大支黃牙棒掛喺門口。 食拉麵傳統嘅都係坐 bra 枱，好有日本 feel 呀。 而門口呢個邊邊位，可以坐到3個人，未有人嗰陣我哋兩個坐，靜靜地吹下水都得！ 而鬼金棒出名係食麻辣拉麵，係有麻有辣，但唔食得辣又可以叫走辣少麻，或者走麻辣一樣得！可以照顧唔同口味嘅朋友仔。 呢碗係 #味玉辣麻味噌拉麵 (走麻走辣)，我係怕辣人士，所以就食味噌湯底。 佢舊叉燒超超超超正，女仔食份量剛剛好！ 而呢碗就係 #炒豆芽辣麻味噌拉麵 (走麻少辣)，阿妹就話少辣都唔算太辣。 鍾意食豆芽嘅阿妹都話超級正！ 味噌個湯底好夠濃呀。 食拉麵飲汽水最夾，食到辣辣地真係要飲汽水衝擊一下。 總結：可以迎合唔同朋友鍾意食辣同唔食辣嘅口味，最重要係大家食得開心，我同阿妹都唔洗趕頭趕命，慢慢嘆。

平時去餐廳食飽就走人，但有貓貓陪伴，你一定會係食到唔想走，今次我哋就去咗位於旺角嘅「貓啡」，呢間貓貓 cafe 唔洗俾鐘錢，但設有每位最低消費。 去到要先除鞋，消毒雙手就可以入去搵位坐，我哋就揀咗地下草地位置嘅枱，只要 scan 枱上面嘅 QR code 就可以落單！我哋就叫咗 Meow 之套餐，有小食、主菜、飲品。 是日小食：薯角，熱辣辣好好食！ 主菜我哋叫咗「招牌蒜香明太子蟹肉闊條麵」，上枱嗰陣隻碟仔仲有兩隻小貓掌，因為有明太子，所以會少少辣，食完好開胃。 另一個主菜我哋叫咗「喵全日早餐」，不過貓貓形麵包缺貨，食哂成個餐麵好飽！ 飲品我哋就叫咗「生椰拿鐵」，係招牌飲品，杯嘢唔算好甜，愈飲愈想飲。 老公就飲熱Mocha。 而餐廳嘅貓貓真係超痴人，唔會客氣走上我哋大髀瞓覺。 而餐廳會幫助流浪貓，支持領養代替購買，餐廳仲有貓貓供領養，可直接向餐廳查詢！ 總結：貓貓陪食好開心，貓貓坐咗上我腳瞓覺真係唔忍心嘈醒佢！下次一定要帶埋仔女再去！

與好友短聚，每年3月都是我們必約的月份，因為我們都是3月之星，我哋都為慶祝大家生日，會約出來食好西，當然唔少得緊係傾計啦！ 今次我哋去咗位於旺角兆萬中心嘅「極上帝王水產」，食日式放題，我哋就揀咗食「極上套餐B」，有好多美食任選，最啱我哋呢啲成日心大心細嘅女人仔，呢啲又想食，嗰啲又想食。 日式放題最重要必點嘅梗係 #刺身 啦！我哋樣樣刺身都叫咗少少，成盤連冰上，真係外貌都滿分啦！ 我就最鍾意食 #三文魚刺身 ，好友就大部分刺身都鍾意，佢仲話真係食刺身都夠飽。 而我哋呢個極上套餐B，仲會有生蠔，海膽任食，鍾意食嘅一定唔可以錯過。 仲有鵝肝、鰻魚串、有頭甜蝦刺身、磯煮冷鮑魚、榴槤甜筒、榴槤多士，仲有清酒都係任飲！ 另外壽司當然唔少得啦！壽司款式唔算多，但都好好味。我最鍾意嘅 #三文魚腩壽司 ，仲有唔同做法，兩款都好好味。另外仲有炒飯，蟹粥，烏冬選擇。 我就叫咗好多 #天婦羅 ，有天婦羅蝦、天婦羅蟹柳、天婦羅南瓜，我食到停唔到口。另外，仲有訂座優惠，會額外送美食 (每位選一款)。 飲品就有兩大雪櫃，汽水，韓國飲品，紙包飲品都有。 而甜品就有雪條、甜筒、雪米糍、仲有 MOVENPICK 雪糕 (只限訂座才有)，總之就係你一次過都試唔哂。 總結：嘢食多到試唔哂，雖然女仔食唔到太多嘢，但我哋少少咁食，都食咗好多！下次真係要帶埋老公嚟食，佢應該會超級開心。

3月係我生日嘅大日子，老公梗係要搵啲好嘢帶我去食！搬咗去香港島之後梗係要發掘新美食！今次老公就帶咗我去「The Grill Room」呢到。 一上到去見到個面門已經覺得好靚！ 個環境梗加係超級舒服，仲要好浪漫！我影完呢張相之後，就好多人入座啦！ 我哋今次就食 Semi-Buffet Lunch，即係半自助餐，頭盤同甜品都係自助形式自己拎！Main Course 就再揀，唔同 Main Course 要加嘅錢都唔同。 湯係包埋嘅！呢個係甘筍湯，好 creamy 好啱我飲。 主菜我哋揀咗「Chicken Roulade」，即係雞卷，我係好鍾意食雞，個雞卷好好食，而下面嘅薯蓉好滑都好好食，最鍾意佢哋嘅配菜都好入味，會一齊食哂。 而鍾意食肉嘅老公就叫咗「10oz Ribeye Steak」，即係肉眼牛扒配薯條，肉眼係燒嘅，所以香烤味好重，5成熟就最啱我哋。 頭盤就有好幾種唔同嘅沙律。 仲有熱食提供，鍾意食一定唔可以錯過，主菜未上都飽咗一半啦！ 甜品就有兩款，一款係朱古力慕絲蛋糕，另一款係芝士蛋糕，兩款都好好味。 靚嘅餐廳環境，配好靚嘅飲品，心情會更加好！呢兩杯係 Mocktails，左邊嗰杯係「Not So Coca-Cola」，係有 Vanilla、caramel、mocadamia nut、lemon、coke，成杯飲品好好味好match，仲有包糖俾你一齊飲，令杯飲品更特出。 右邊嗰杯係「Salted Calamansi Lemonade」，入面係 in-house salted calamansi syrup、lime、soda，呢杯就好開胃好清新。 總結：食得好飽嘅一餐，最鍾意係個環境，靚環境配美食，加埋好靚又好飲嘅 Mocktails，簡直就係100分啦！想帶女朋友或者同男朋友 sweet 下，我就超推呢間餐廳。

呢排忙住搬屋，個人真係好攰，但朋友提議出嚟食好西，relax 下都好！咁我哋就去咗牛気希慎分店到食火鍋放題。今次就揀個中間級數嘅 LV4 放題，有7款口嘅種類，仲有刺身海鮮任你叫。而今次我哋去希慎分店，仲有分店 #限定美食 ，LV2 以上就有 #十勝紅豆豆乳冰豆花；LV3 以上有 #北海道十勝豚五花腩；LV4 以上更有 #北海道風炙燒芝士帆立貝；LV5 更獨有 #日本特選國產牛肩胛肉眼。最重點都係個 #北海道夢幻海鮮湯 ，只要預先做齊以下步驟，即可獲得贈 北海道夢幻海鮮湯 + 松葉蟹腳海鮮拼盤。去牛気 社交平台專頁參加，再堂食惠顧 LV4 以上套餐，即可獲贈一份 (入座前出票 社交平台Inbox 訊息)。兩個女人仔胃仔細細，食嘅嘢唔算好多！老公成日話帶我食放題唔抵！其實都冇話抵唔抵嘅！我就鍾意食 #澳洲榖飼黑安格斯牛 、 #牛小排；而鍾意食三文魚嘅我都叫咗好幾塊 #三文魚刺身，凍冰冰又肥嘟嘟，好好味。除咗肉，出面仲有好多丸粒任拎，有烏冬、公仔麵、拉麵任選。飲品都多到我想全部飲哂！甜品更加係唔可以錯過，有軟雪糕，自己製作，我想裝落脆筒好鬼緊張，怕會一嘢裝得太多，用杯最穩陣；仲有棉花糖機可以自製棉花糖，又有豆腐花揀，真係會有選擇困難症。仲有多款牆料任你調配。總結：環境好舒服，兩個女人仔開心食，又開心傾，LV4 放題都有好多選擇，甜品就真係令我哋食完又再想食，下次再嚟一定要試高啲 LV 火鍋放題先得！

我同老公都好鍾意食嘢！所以成日會周圍發掘美食。 而今次去 D2 Place 行街，見好耐冇食過越南嘢，就決定去 Chill Vietnam Cuisine and Bar 到食晚飯！越南菜其實都可以好特別。 我哋叫咗 #頭盤「河內蒸粉卷」，食越南菜必食蒸粉卷，入面有好多料，酸酸地好開胃！ 鍾意食鵝肝嘅我，一見到「香煎鵝肝青蘋果米紙卷」就心心眼！鵝肝絕對係冇得輸，米紙卷埋，又有少少辣味，又係好開胃嘅餸。 而兩款 #主菜 我都覺得係特別嘅！就係「椰汁叻沙葉燴青口伴炸油條」，我覺得啲青口好入味，然後就用油炸鬼點啲汁嚟食，成碗啲汁我都好想食哂。 另一個就係「軟殼蟹鮮芒凍檬」，軟殼蟹好夠味，檬粉梗係要撈檬先好食㗎啦！ 點甜梗係要食啦！我哋就叫咗「越式提拉米蘇」，我覺得唔太甜好味！ 另外我哋仲叫咗杯飲品，佢特別之處係個泡沫係鐵觀音泡沫，就咁食個泡沫會好苦，但撈埋成杯嘢飲，竟然係超級 match，係會好想飲完再飲，大家一定要試呢杯飲品。 每日仲有唔同嘅特價餐牌添呀！ 總結：環境舒服，食物種類都多，而家仲有套餐選擇。今次好多嘢都未食到，下次一定要再嚟食。

1月係一個好特別嘅月份，除咗係阿囡生日，亦係我哋嘅結婚周年紀念。上次同老公自私食「黑龍」拉麵，因為真係太好食，所以一定要 encore ！「黑龍」拉麵 2014 年開業，仲係日本人開設嘅正宗拉麵店。


今次我都係食拉麵，而老公就食好多人推介嘅沾麵 (店入面都幾多人食)。仲有 #每月限定 拉麵，1月限定就係《明太子豬骨拉麵》，鍾意食明太子一定唔可以錯過！



而我就食咗 #沖繩鹽味豚骨拉麵，最鍾意佢超濃嘅湯底，拉麵仲可以揀唔同質地，我就鍾意食 #軟麵，特別嘅就係呢個拉麵有 #雪菜，估唔到又幾夾喎！


老公就叫咗 #牛筋BLACK沾麵 (熱麵)，沾麵係撈一束麵再放落湯再食，個湯飲落有少少黑椒味。


今次都有叫到好好味嘅 #牛筋飯 (細)，加埋蔥花，熱辣辣食真心正！




就好似去居酒屋飲酒，要配小食！今次就叫咗餃子、章魚燒 & 炸雞。三樣小食一上枱就被秒殺 (小食一定要熱辣辣食先好味)。


1月限定，Follow 社交平台仲送 #迷你枝豆 一客添呀！


上次我哋排隊等開門，今次遲咗少少到，就要等位，等咗一陣就入得！食飽出嚟又大排長龍！想食一定要預啲時間排下隊！嶠媽都食第二次，就知道真係好食啦！

養咗貓貓之後，就算出街都好鍾意玩貓，今次就帶老公去咗旺角呢間樓上貓 cafe，呢間 cafe 最特別嘅係除咗咖啡，仲有 cocktails 飲，好正呀！ 入門前記住要著鞋套，保護好場內嘅貓貓呀！ 每場枱都有 QR code，直接 scan 就可以落單，入面就有哂成個菜單，想叫乜就叫乜，好方便！ Lunch set 都有好多選擇，而我哋就叫咗兩個 set lunch，仲加咗個小食拼盤。 Set lunch 有湯 + 主菜 + 飲品，湯就係是日餐湯，主菜一揀咗「燒汁紐西蘭草飼肉眼牛扒配米飯」，鍾意食牛嘅你一定要試，5成熟嘅肉眼剛剛好，中午梗係要配埋飯食啦！ 另一個主菜叫咗「帶子香蒜辣椒意大利粉」，呢個粉辣辣地，橄欖油炒嘅意粉超香，真係超級 match，大推大家試呢個！ 想試多啲嘢嘅我哋就叫咗個「迷你小食拼盤」，入面有鴨肉餃子，炸魷魚圈 & 炸薯條。 呢個係是日餐湯。 而飲品老公就叫咗冰奶茶，跟餐唔洗加錢。 我就加錢叫咗 Hot Latte，為嘅就係要個靚靚拉花！另外，仲有個 cocktails menu 都超吸引，有 Cat On The Beach、Drink With Meow，下次嚟一定要飲！ 總結：場內有好多隻貓貓，貓貓會周圍走，走圍坐，真係超可愛！鍾意貓貓一定會玩到唔捨得走！食物都多選擇，鍾意似咖啡一定要試，鍾意飲 Cocktail 都要試呀！

Happy Birthday to my dearest husband! 生日梗係要帶老公食好西啦！朋友極力推介，日本人開嘅「黑龍」拉麵。



我哋今次叫咗兩個拉麵，一個飯，兩個小食。
11月生日嘅壽星就叫咗 #11月限定 《和牛牛骨拉麵》，嗰幾塊和牛真係不得了，超級好味！老公仲加錢加咗一份 #洋蔥 ，真係成碗洋蔥，加埋落去食好正！


另外就梗係要叫最傳統嘅拉麵 #黑龍豚骨拉麵 啦！個湯超級濃味，真係好似去咗日本食拉麵咁，我就加錢要咗一隻玉子，玉子絕對係拉麵不可或缺嘅。


雖然黑龍係出名食拉麵，但見到人分享飯都好食，我哋就梗係叫個最特別嘅 #牛筋飯 (細)，加埋蔥花，真係好食到唔識形容。


小食都唔少得，叫咗餃子，日式煎餃真係必食，熱辣辣好好味。


章魚燒同大阪食嘅一樣咁好味！


另外，11月限定，Follow social media，即可獲得章魚燒2粒。


老公話今日嘅生日 lunch 超滿足，好彩老公做足功課搵定有咩好食。


而且12點未開門就已經有人排隊，我哋都係剛剛好入到去。