鬼金棒

辣麻味噌拉麵既最唔辣版本，個湯底好多蒜頭，多到好濃烈既蒜味，不過個湯底有啲咸。芽菜很多很爽甜。豬軟骨炆到非常之林，有好濃郁既醬味。粟米芯就不過不失。個雞蛋係糖心蛋，用醬油煮過，很好味。拉麵都非常之有咬口，係高品質既拉麵。…查看更多

首先，食物幾好食，價錢沒太大意見。今次評論，純粹因為員工態度。2025年9月27日星期六晚約10點，跟女友2人進店坐低，目測店內尚餘1半座位。職員好快畀左QR code 落單，咁我地就睇有乜食，一邊傾計一邊揀野食。揀左10分鐘左右，有男職員過黎提醒，揀好記得要撳送出既掣。咁我都覺得幾好，起碼佢驚我地揀好左漏左按，變左冇野食。再過多大約五分鐘，因為店面較細，我地坐個位又近廚房門口，聽到有女職員問岩岩個男職員我地落左單未，男職員答岩岩已經提醒左我地落單要撳掣，但係我地仲揀緊。呢個時候，問題就黎，女職員同男職員講：下？有乜好揀？作為顧客，我明白你地臨近收工時間會比較緊張。但係你可以直接同我講，最後落單時間係幾時，唔係係我地背後講d咁既野，仲要畀客人聽到。你地每日都係呢間拉面店工作，會比較清楚菜單，可能對你地黎講係冇咩需要選擇。但係我地都只係黎過兩次，唔記得你地拉面店係有乜食，加上有選擇困難症，揀岩食物係真係需要時間。最後，如果我係你地老闆，聽到你地咁樣對客人，都會好失望。以下係對整個飲食業既意見，唔係針對呢間鋪。出開去食野，好多時都會遇到唔同問題，錯單漏單、抹枱一下將食物掃落客人隻腳到，講句sorry就算，可能有人會話一分錢一分貨，畀呢d價錢就唔好要求咁多。我反問一句，呢個諗法真係岩咩？你開間鋪，所有職員都係代表緊間鋪，入職係咪應該有相關所有方面既培訓，先安心畀佢代表你間鋪服務客人？職員做得唔好，佢有責任，但係老闆係有最大責任。我絕對唔認同畀錢既人係大哂，想點就點，呢個講法係肯定錯。我希望大家係能夠互相尊重，你提供食物，我付錢，就係咁簡單。香港既飲食業係咪真係只可以停留於此呢？…查看更多

暗黑系裝修，牆上掛滿裝飾，播住日本搖滾，氣氛營造似東京街頭拉麵店。座位偏窄，大隻d可能會有小小坐得唔舒服。是日主角：辣麻味噌拉麵🔥 揀咗「中辣中麻」🍜 湯底： - 豬骨湯混入自家製辣麻味噌，一上枱就聞到超濃辛香味！ - 第一啖飲湯：辣度直衝喉嚨，麻感後勁好強，食到流鼻水🍖 叉燒： - 兩塊厚切慢煮豚肉，唔柴，應該炙燒過咬落有gas燒過味🍜 麵條： - 粗身麵，咬落煙韌但食食下可能耐咗會變淋 嗜辣者可以一戰， 但有機會食到身水身汗，冷氣開大d會好d，同埋味精偏重，會好口渴。店員服務態度一般，諗住映下環境映下食物打下卡，會好似CCTV咁係咁望住，唔好意思映落去，一路食一路覺得比人望住咁。…查看更多

食過好多次鬼金棒辣麻味噌拉麵嘅豬肉版本，見到銅鑼灣呢度有牛肉就諗住試試佢，友人嗰款湯拉麵好似唔錯，我就好耐冇食沾麵所以就揀咗呢款：嚟到見兩片薄片嘅牛肉，肉質粉紅係咪慢煮過？？我加咗入啲湯希望浸熟啲佢，肉味濃帶有油香，側邊重放咗啲有汁嘅牛筋，然後碗沾麵湯⋯⋯我真係唔識欣賞:(食過香港好幾間沾麵包括：座x、周x、麵屋x、海老x、富士xx等等，佢哋嘅沾麵湯熱就梗架啦，味道會偏咸，湯質會比較濃稠，麵就會好掛湯，而呢間呢？佢個湯唔係濃，係傑，似一大碗生粉芡，只食到少少辣同洋蔥味，完全冇骨湯/魚介/醬油味，似係搵粉就咁溝出嚟，係真係要用難食去形容，食沾麵最後會加湯落沾麵汁，溝淡然後飲埋啲湯，我將呢個程序推到最前，即刻舉手要加湯，咦⋯⋯唔係直接加落個碗，係另外畀兜湯我嘅⋯⋯碗湯（唔記得影）顏色係純奶白色，以為係豬骨濃湯之類，就咁放少少入口，點知又係冇味嘅，冇骨湯嘅味，亦都冇咸味，好啦好啦，可能沾麵汁加埋佢會有magic呢！點知都係冇嘅⋯⋯完全係生粉芡加生粉芡咁，沾麵湯紅色，碗湯白色，溝埋一齊（其實係撈唔勻的），出嚟好似螢光色洋蔥豬扒汁溝白汁肉粒飯啲汁咁⋯⋯唉⋯⋯冇食過一碗沾麵係咁樣樣嘅，想試新嘢即管嚟挑戰下，真係震驚味蕾加顛覆想像…查看更多

這碗麻辣粟米芯豬拉麵，外表吸引：紅湯、金黃玉米芯、琥珀色豬肉。入口麻辣感先衝擊，但過於表面，欠缺層次深度。豬肉質感普通，未能嚐出鮮香；粟米芯爽脆，卻被濃湯掩蓋本味。最令人失望是湯底，濃烈卻空洞，味精感極重，鮮味不自然。幾口後喉嚨明顯乾澀，下午持續口渴。整體味道平平，過度依賴調味料，食後負擔大，難以回味。…查看更多

好耐無食辣拉麵喇，今日扚起心肝去食吓，我嘅舊記憶食辣嘅拉麵係以前嘅別府（地獄拉麵）😅細個好鐘意食，但中式辣確係稍為勝一籌，今次叫咗碗特製麻辣味噌拉麵（高辣，高麻），賣相唔錯，地內環境跟哩碗麵，係感到地獄麵的氛圍，湯低不過不失，濃郁，但唔算辣，唔知點解有啲中式嘅味道感，麵質稍為腍一點，蛋入味，係哩個湯低仍然食到蛋嘅滷味，唔錯，腩肉就真係比較韌，亦食唔夠嘅香口，食咗兩啖就無食了😑，雖然係咁，我亦想下次試吓佢嘅鬼增辣🥳希望下次會有更好體驗👍🏻…查看更多

作為一個芫荽控一定要嚟鬼金棒食芫荽麻辣拉麵！今次我仲嗌咗加多啲芫荽！芫荽味濃郁又唔會遮咗就麻辣味！個人覺得非常夾！拉麵嘅口感都啱啱好，想食晏啲嘅話可以同侍應廚師講聲，服務很好…查看更多

做野做到好晏完左搵野食，諗住食拉麵但同行人士唔想坐自閉位所以無揀一蘭，提議食呢間。去之前已經有啲卻步話啲服務唔好，去到即刻見真章。有位較年輕女侍應一野掉低兩對筷子，轉個頭飛埋個QR code黎，一句野都無講。另一位較年長嘅女侍應就話可以擺啲袋喺隔離無人坐嘅位，坐得舒服啲。落完單極速上菜，啱喇好肚餓。一食，嘩！好似港式雲吞麵嘅麵質？份量之少亦只多一碗雲吞麵少少，本人屬正常食量，未試過食完拉麵咁空虛...味道不至於難食，叫左芫茜小麻小辣但唔辣嘅，收我$120真係完全不值。同行人叫左碗增量級，上菜時個碗邊烏糟到一個點，加左小食牛筋亦難食到佢食唔晒。先唔講佢自稱過江龍，服務仲衰過香港餐廳，麵亦唔好食，又貴，永久blacklist實至名歸。…查看更多

「鬼金棒」位於銅鑼灣謝斐道，環境簡潔，員工態度一般，食物質素普普通通。🐷 芫荽辣麻味噌拉麵芫荽香味濃郁，辣麻味噌湯底味道唔錯，但整體感覺比較普通，冇太大驚喜。🐷 增量叉燒辣麻味噌拉麵叉燒份量足，肉質嫩滑，辣麻味噌湯底味道濃郁，但整體表現中規中矩。整體嚟講，「鬼金棒」食物質素一般，🥲🥲員工態度亦都一般，未算係一個特別推薦嘅選擇，但係有機會嘅話小編會再俾多次機會佢，或者去其他分店試吓🤣🤣🤣🤣鬼金棒📍 銅鑼灣謝斐道530號地舖#吃貨日常 #銅鑼灣美食 #拉麵 #hkfoodie #foodiehk #鬼金棒…查看更多

味道還可以，無功無過。價格偏高。但是態度很差，剛好附近工作完，帶著專業相機去吃飯，根本沒有開機，就被店員警告，而且從頭到尾在你身後盯著你。今時今日咁嘅服務態度和歧視真係唔得。…查看更多

自從上次試過之後，小人一直計劃再訪，是次聯同友人一起到臨。我們柯打了芫茜麻辣味噌拉麵：一碗小辣中麻加芽菜加溏心蛋、一碗配鬼增辣鬼增麻加叉燒。小辣中麻的味噌湯底，沒有過份的嗆喉，還有芫茜增添香氣，香醇順喉，多飲也不覺油。芽菜甚多，爽嫩鮮甜；而溏心蛋蛋香極濃，軟嫩細滑，相信是手工麵條軟硬適中，掛湯能力不差。至於挑戰極限的鬼增麻辣，一端上枱時看見海量的辣椒粉撒在其上，已經很衝擊！喝口湯，吃口麵，已確確實實感受到辣的級數直衝天花板，越食越過癮！叉燒沾了辣湯，又是另一番風味！勇者們可以一試鬼增麻辣！…查看更多

久聞鬼金棒的麻辣拉麵，一直恨試，週末終有機會一嚐，樂哉！日式拉麵居然有麻辣味，使人興奮！小人衝著此麵而來，當然挑戰大麻大辣！兼且更有大量芫荽滿足本芫荽控，多到完全掩蓋著下面的湯麵和食材，單看賣相已不禁垂涎三尺！呷一口麻辣湯，還釋放出味噌的味道，精神為之一振！拉麵屬中粗，煙靭而有嚼勁，加上芫荽的香氣，極之不凡！叉燒更加厲害，是三層肉，中間的脂位無窮地甘香，又腍又入味，入口即化！而跟拉麵上的原條叉燒更上一層樓，比起追加的長了一倍，即代表著雙倍的滋味！煎餃一客六隻，皮脆餡嫩已不用多言，而最美妙的是有山椒粉，頓時令香味激增！樣樣都滿分，超級滿意！…查看更多

今日收工同朋友去銅鑼灣食咗一間日本過江龍拉麵 - 鬼金棒牛骨辣麻拉麵～～ 位置好就腳，喺銅鑼灣嘅熱門地帶謝斐道。坐低之後，我哋 Order 咗招牌牛骨拉麵（原味）＋芫荽辣麻牛骨拉麵（無辣，小麻）＋煎餃（六隻）+ 牛筋。因為我同朋友都好怕辣，唔食得太辣，於是就叫咗原味。首先講吓呢個招牌牛骨拉麵，佢嘅湯底好濃郁，就咁飲都已經覺得好正，叉燒又腍又入味唔錯唔錯，拉麵有輕微鹼水味，整體嚟講我覺得唔錯。而我個人最鍾意嘅，就係呢個芫荽牛骨拉麵，湯底都係好濃郁，而且成個碗面都放滿晒芫荽，完全係開正我嗰飯！我哋兩個食完啲拉麵之後都有飲晒啲湯，就咁飲已經好正～至於牛筋十分之爽口，彈牙，係我喜歡嘅嗰一種口感，不過要快啲食晒佢，因為凍咗佢就會黐埋一舊。煎餃🥟個底煎得唔錯，一啖一隻，講真我搵唔到有咩缺點。總結嚟講，我哋兩個人晚餐食咗$300，有兩個拉麵同埋兩款小食，以味道同埋食物質素嚟講我覺得性價比幾高幾抵食，我下次都一定會再嚟食返呢個芫荽拉麵。…查看更多

#銅鑼灣美食 #麻辣拉麵呢排好多人派手信 仲要都係去東京🇯🇵我哋都好掛住日本呀🥲！嗰日特別想食拉麵🍜但女小Tum又好想食辣🌶️於是諗起呢間之前食過嘅鬼金棒👹.日本食辣拉麵店好似都會用地獄&鬼怪做主題🤣呢度門面、擺設完美還原返嗰個feel~🔥.🍜1️⃣增量叉燒辣麻味噌拉麵呢碗嘅叉燒係特別厚😉肉質鮮嫩多汁👅啱晒啲食肉獸🤣男小Tum叫咗唔辣中麻湯底嘅味噌味會突出啲👀呢度係比較粗嘅麵 好掛湯🤤.🍜2️⃣味玉辣麻味噌拉麵呢碗女小Tum叫咗中辣中麻👺覺得下次食可以叫高級辣參考我平時係食3小辣所以食開譚仔小/中辣 真係可以挑戰下鬼增辣🌶️呢碗當然味玉係最正🫶🏻流心半熟蛋黃 香濃蛋香中仲有啲醬漬味 同啲辣湯一齊食 中和返！😌仲好鍾意佢啲芽菜 玉米荀 清爽口感🌽店家一定有考慮到湯底係比較重口味 麵嘅份量啱啱好 ～👍🏻.🥟煎餃煎到個皮係金黃餃子皮薄 夾住蔬菜肉餡仲保留到入面嘅肉汁🤓.鬼金棒 (銅鑼灣)📍銅鑼灣謝斐道530號地舖🔍仲有旺角、尖沙咀都有分店.#鬼金棒 #辣麻味噌拉麵 #麻辣 #拉麵 #叉燒 #半熟蛋 #銅鑼灣 #日本菜 #japanese #香港美食 #hkfoodie #tumtumfoodie…查看更多

＜鬼金棒＞喺香港都好多年😎 今日經過開銅鑼灣，見到個廚房火光紅紅咁😆 好似好正，即刻吸引咗我入去食😆餐廳同其他傳統拉麵店格局差唔多，但隔調比較暗， 冇他嘅，佢叫＜鬼金棒＞嘛🤣 🌟芫茜麻辣味噌拉麵滿滿既芫茜，鍾意食嘅一定覺得好正😍 個麵質係我最鍾意嗰種粗麵，夠曬掛汁，我覺得個湯真係好有層次同埋超級惹味，辣味好香😌 隻蛋處理得好，好入味，唔算勁流心但係溏心，蛋本身有夠香，好好食🤤🌟玉米筍麻辣味噌拉麵原來玉米筍配麻辣係咁正，唔知啲玉米筍係咪炒過， 真係好好食🤤 兩碗拉麵嘅配料其實差唔多， 舊叉燒又厚又淋，好有油香味，成個拉麵嘅配搭一流😍叫咗支日版烏龍茶解渴，食日本辣嘢飲烏龍茶真係一絕😊＜鬼金棒＞真係一間近期食過好滿意既拉麵，可能每一樣嘅配料都唔算超級矜貴，但係本身拉麵就係想食個湯底同埋麵質，呢兩樣嘢做得好好👍 上枱非常之熱，令人一啖接一啖食唔停口😌 …查看更多