香港永年車仔麵茶冰廳

營業中

休息中

星期日沙田新城市廣場,晚飯時間得佢唔洗等位,諗住入去試下,結果又漏單又唔好食,快餐店質素既劣食,朋友叫左焗意粉,追左幾次先上得一個,搞到有個朋友呆坐半個鐘,其他人都差唔多食完

好耐沒有去沙田新城市廣場,當天去到發現原來食肆只在一樓和八樓,又想食車仔麵,但此店我行了一圈也找不到,原來是位置較為隱蔽的地方.當天下午茶時間去到吃,下午茶menu是只有小食車仔餸,沒有跟麵,因我想吃多啲餸,試下味道如何.就叫了永年至尊麵,餸份量算是ok,豬手也有兩嚿,麵就普通蛋麵,全碗車仔麵食完,都是得一個甜字,不是我心目中車仔麵的味道.

星期六夜晚七點鐘最旺時段去到，都冇人等位，同之前旺市爭好遠，姐姐都冇咁串嘴，同有禮貌咗。 對上一次食 可能已經係一年之前， 大人食到接近尾聲， 但未食曬 (有小朋友佢食得比較慢 )，又未夠限， 服務員 都已經想執你張枱，收曬你啲碟，今次完全冇呢種壓力🤫， 都唔知好事定壞事。今次我哋兩個大人一個小朋友， 服務員安排 卡位我哋坐，我哋嗌咗一個兒童餐，魚肉生菜 ，牛三寶 ，咖哩魚蛋豬皮， 同埋腐乳生菜，兩杯特飲: 一杯菠蘿冰係跟個兒童餐，另外一杯額外叫嘅綠茶紅豆冰， 個兒童餐 真係有啲呃錢， 兩條雞尾腸同三片菠蘿 +啲肉醬意粉一啲肉都冇，跟住加一pat薯仔沙律，水準明顯下降，兒童餐有 一杯雲呢拿雪糕，問佢有冇其他味揀，可惜冇其他味道選擇。其他食物 不過不失，冇乜驚喜之處。上次嚟見好多枱客都係講普通話，今次都唔多見，客人疏疏落落咁， 我相信它真係見證一個時代嘅沒落😔。 埋單$276喺呢個商場 呢個價錢食晚飯，算 超值吧~

香港永年車仔麵茶冰廳沙田沙田正街18號新城市廣場一期1樓113號舖回頭指數：⭐️⭐️⭐️推薦：女神車仔麵1. 味道：❤️❤️❤️❤️🤍2. 價錢：❤️❤️🤍🤍🤍3. 打卡：❤️❤️❤️❤️🤍4. 等候：❤️❤️❤️❤️❤️5. 位置：❤️❤️❤️❤️❤️食物：女神車仔麵｜粗麵｜凍奶茶評價：♡份量豐富，一個女生完全吃不完！♡花膠入味，一大塊的很滿足♡喜歡他的粗麵，感覺和其他餐廳的不一樣♡服務員態度比其他茶餐廳好♡環境舒服◇以車仔麵來說，價錢偏貴

晚市黎食 ，叫咗個至尊車仔面 同 焗意粉 ，味道一般般， 車仔面分量多 ，意粉就正正常常。但最攞命係，食食吓，個車仔面 浮咗張 紙碎 出黎，希望唔係紙巾啦。 搞唔掂，無下次。衛生水平負分

周圍都好多人等位，諗住求其食一間。入到去見到一碗3餸車仔麵 連埋+1都要$100 🙄不過如果係好食嘅話都算數，重點係唔好食!!!!!!! 男朋友叫咗個芝士魚柳焗飯，送個羅宋湯。個湯嚟晒大譜，鹹到完全放唔到落口，完全懷疑個廚師冇試味。個飯就正正常常啦，係濕咗啲，啲海鮮冇味咁解。重點係個車仔麵！ 啲蘿蔔 魷魚完全冇味…蘿蔔仲要有渣，個垃圾蕃茄湯底完全冇蕃茄味，仲要加$3。 成個用餐體驗超級唔好，餐廳環境又熱，坐得又唔舒服，啲位又窄！冇服務仲要收+1服務費。一定冇下次！ 為咗呢間垃圾第一次食評！

去沙田行街經過見到有永年望望吓好似原來嗰間一心諗住入去試吓係咪一樣味道嗌咗2碗至尊車仔麵湯底同元朗嗰間差好遠好遠好遠啲餸完全唔入味尤其是個豬紅嗌杯華田少冰，成杯都係冰黎既😮‍💨又貴過元朗又難食😖下次唔會再黎

永年車仔麵，元朗人一定最熟悉，陪你長大永年由元朗紮根，開左唔同分店，今次我出左沙田新城市廣場食，地方大，裝修亦保留舊日情懷，掛左好多昔日香港嘅物品野食方面好多元化，仲有扒餐，大飽口福🌟重點推介美國極佳級封門柳 （1人套餐） 5成熟黑椒汁升級港式酥皮牛尾羅宋湯 +$15 呢個牛柳要大推，唔似係茶記質素，肉汁豐富，口感嫩滑好腍，唔會柴口，牛味濃，鐵板熱辣辣上相當吸引，將黑椒汁淋落去個種「Jar Jar 聲」真係好治癒黑椒汁唔會過辣，配白飯都唔錯酥皮湯脹卜卜幾酥脆，篤穿佢同羅宋湯一齊飲，酸酸甜甜幾開胃男神麵可以揀唔同麵類，揀左烏冬配蕃茄湯（+$3） 有牛柏葉，牛肚，牛丸，牛腩，豬腸，蘿蔔，時菜，以牛為主題，牛腩質感唔錯，唔會太多根，牛丸爽口有口感烏冬口感幾Q彈永年大碗麵 呢碗麵好多配料，有齊晒香港街頭小食，咖喱魚蛋，豬紅，雞翼，豬皮，蘿蔔，魷魚等等特別鍾意雞翼，入味又大隻蝦子菜心想健康d ，又想減下油膩感有海量蝦子，菜心大條新鮮，幾嫩飲品❇️紅豆奶茶冰 奶茶味道香濃，紅豆粒軟綿綿，混合左奶茶嘅茶香味❇️樽仔奶茶 包裝方便，茶香奶滑，奶香味濃

極普通車仔麵男神麵$88凍檸茶加幾蚊、加一已經$102仲要等位車仔麵過百蚊are you kidding me?再論食物質素清湯一點也不清面有層油都是有味精的感覺仲有不知為何帶有辣味肯定係盛湯的那位沒有洗乾淨/ 沒有分開盛器喇有啲人食左辣會入醫院叫清湯點知係辣嘅係一個天大錯誤如果唔食得辣嘅食左有事係咪你地負責？仲有牛腩唔腍丸也是硬的也痴牙，睇黎都係買貨返黎豬皮正常、豬紅正常另外值得一提冷氣欠奉連茶餐廳的通風比它還好絕對差評想交智商稅就去永年食啦

呢一編應該係我2024年內最後一編香港餐飲介紹我將會展開新既旅行人生今日約左朋友係沙田,順便係呢一區食原來沙田新城市商場已經變左好多\變了很多,而家連國內品牌酸菜魚都入場,剩下既餐廳都人流不多今次選擇到訪香港永年茶餐廳因為佢菜單選擇夠多,有扒食又有車仔麵,一次過可以滿足唔同既選擇同行幾人,有人食車仔麵有人食淨送有人食扒,各有各食,選擇多就係茶記既特色我們點了一客5成熟既鐵板牛扒,配酥皮紅湯,配脆麵,燒汁牛扒用上特選部位,同高級扒食既肉質一樣,牛肉味特濃,5成熟半粉紅夠嫩滑,再飲埋個酥皮湯,大滿足車仔麵,招牌麵,魷魚,紅腸,魚蛋,菜,蘿蔔,豬紅,滿滿的車仔麵配料幾乎都見唔到麵底~魷魚爽口,豬紅帶點甜,好好食,每一樣食材都有自己既味道,車仔麵既精彩之處就係咁樣,而家出面車仔麵少左咁做,好多食材都係差不多味道~再黎牛三寶,份量超多,牛腩牛筋牛肚滷到好入味女人麵,花膠係主角,其他都係素食類,走健康路線,加埋配一碗紫菜湯麵底有河粉,幼麵等唔同選配,蘿蔔夠淋身夠甜,花膠滋補,成碗份量女仔食都幾乎食唔曬,份量夠多夠好食#永年車仔麵 #永年車仔麵茶冰廳#永年茶餐廳 #沙田美食 #香港美食 #沙田搵食

今日去沙田踩單車梗係要填飽個肚先出發食返碗車仔麵先啦永年車仔麵出名正啲餸夠晒入味湯底又濃揀咗一碗男神麵一碗至尊麵一碗大碗麵豬腸豬紅豬皮，夠晒入味牛腩都好正仲有魚蛋同雞翼菜心都夠晒淋加埋個煎釀三寶梗係唔少得啲辣汁啦

約左朋友去沙田行街，食個車仔麵先，永年大碗麵，乜都有，唔洗揀，豬腸、魚蛋、蘿蔔、豬紅、豬皮..有曬青菜，面底揀左油麵，清辣湯好濃鬱，粗麵好挂汁，大滿足；朋友食果碗男神面就係牛雜錦，牛百葉、牛肚等，揀左河粉，叫左清湯麻辣汁，小小辣，湯底好好味，好開胃，如果可以加多d湯就更好了。

下單後提早5分鐘到已經有得取，食物和以往一樣好好味，最鍾意豬紅很甜，可惜是現在改用紙兜裝麵和湯，令到湯會漏晒出嚟，整到成個膠袋都係建議大家可以堂食會更好更方便(⁎⁍̴̛ᴗ⁍̴̛⁎)！

之前喺尖沙咀永年士多食過佢啲車仔麵覺得唔錯，今日喺沙田新城市廣場見到呢間叫「香港永年車仔麵茶餐廳」，原來除咗車仔麵，仲有好多茶餐廳都有嘅嘢食，所以入去試吓餐廳係商場裏面，環境寬敞、舒適，用上懷舊嘅食品和玩具做裝飾，兒時嘅回憶即時返晒嚟。美國安格斯封門柳用上鐵板上，當黑椒汁一淋上去，濃郁嘅黑椒汁撲鼻。廚師十分細心，將牛柳放在大大塊嘅洋蔥上面，令其不會過熱。而且好足料，絕對超過10安士以上。用刀一切開就見到肉中間微微嘅紅，感覺鮮嫩多汁，絕對符合我哋半成熟嘅要求。食起來不會入口即溶，但絕對唔靭，沒有筋，牛肉肉味濃郁，呢個價錢絕對超值。酥皮周打蜆肉魚湯酥皮牛油味濃郁，夠鬆脆，跟周打魚湯一齊飲，10分匹配。男神麵配料有牛柏葉、牛肚、豬腸、牛丸、牛腩、蘿蔔和時菜，絕對啱晒我口味。每一樣餸都高質素，尤其係啲蘿蔔，真係超甜。食車仔麵個湯底都好重要，呢間嘅味道絕對冇令我失望。女神麵配料有鮑汁炆花膠、酸齋、枝竹球，冬菇、紫菜、蘿蔔和時菜。朋友話啲花膠好入味，而且夠厚身。

-餐廳內外佈滿舊香港特色的擺設 充滿舊式情懷🖤👨🏻‍🦳👵🏼相信老一輩應該好多人識永年⋯近年變得更有特色佢哋嘅車仔麵好多人都食過😋朋友都大讚好食除咗車仔麵之外仲有懷舊鐵板餐 熱辣辣既酥皮湯都好令人懷念今次去咗沙田分店食晚飯🍚想兩樣都試吓🤭小朋友才做選擇我全都要.▶️女神麵 $108 令人永遠年輕既秘密🤭(鮑汁花膠、枝竹球、冬菇、酸齋、紫菜、蘿蔔、時菜)套餐原來仲跟多碗紫菜湯🥣好耐無飲過⋯略嫌咸左少少😳第一次見車仔麵有花膠 仲要2大塊肉🤌🏻滋補養顏仲有4大粒厚厚的冬菇 好爽😋▶️永年大碗麵 $108勁多料入面有成10款餸咁多(蘿蔔、豬紅、豬皮、雞翼、豬腸、魚蛋、雞翼尖、魷魚、紅腸、時菜)😎雞翼滷得好入味👍🏻陳皮魚蛋都好爽口🍡蘿蔔好清甜入味又腍身其他料就唔一一列舉 都好味㗎🤤▶️永年雜扒 $198鐵板餐可選餐湯- 牛尾羅宋湯 / 周打蜆肉湯 我地+$15要埋酥皮湯 童年回憶返哂嚟😆周打蜆肉湯內有蜆肉同薯仔粒 好飽肚🐷🐮🐔雜扒有齊豬牛雞三款 份量都唔細 鐵板同肉中間有兩大舊洋蔥隔住 令到肉質唔會過老😎聰明