香港永年車仔麵茶冰廳

營業中

休息中

餐廳位於新城市廣場一期美食區, 店內充滿著老香港情懷, 非常有特式, 主打地道風味車仔麵經典鐵板餐及懷舊小食✨我們點了永年大碗麵🍜 車仔麵是店內人氣招牌, 有選擇困難症的朋友可以點永年大碗麵, 一碗集齊必食推介的十款配料, 有豬腸、豬紅、豬皮、雞翼、雞翼尖、魷魚、紅腸、魚蛋、蘿蔔及時菜, 全部都新鮮足料, 非常入味, 喜歡食辣的朋友必定要加上永年辣醬及金牌的麻辣汁, 令車仔麵味道增加層次, 越吃越過癮、非常惹味😋美國安格斯封門柳🥩 鐵板餐套餐可選意粉/飯 ·包餐湯封門牛柳表面焦香, 肉質結實而有嚼勁, 鮮甜且肉汁滿溢, 黑椒汁帶辛香刺激口感, 醬汁濃郁招牌港式牛肋肉羅宋湯不同蔬菜熬製而成, 酸中帶甜小食懷舊蝦多士（3件）炸得金黃酥脆、爽口彈牙, 配上沙律醬更可口蠔油生菜 鮮嫩可口, 滿滿蠔油增加鮮甜味飲品抹茶紅豆冰🫘 顏色一層層好吸引, 淡淡抹茶香味, 粒粒紅豆飽滿有咬口, 非常搭配凍檸檬柚子蜜🍋 酸甜檸檬搭配柚子的清香, 非常清爽全部即叫即製作熱辣辣, 環境整潔企理, 設有卡座, 店員服務態度很好, 上菜有效率, 整體ᴄᴘ值高

-香港永年車仔麵茶餐廳@沙田-位於沙田新城市廣場的香港永年車仔麵茶餐廳，以懷舊港式風味和豐富菜式聞名。這次造訪品嚐了幾款招牌菜，包括美國安格斯封門柳、永年大碗麵、南乳豬手、懷舊蝦多士、抹茶紅豆冰和樽仔奶茶，體驗了一場地道的港式美食之旅。美國安格斯封門柳鐵板燒的美國安格斯封門柳是餐廳的亮點之一。選了五成熟，牛扒外層煎得香脆，內裡保持鮮嫩多汁，肉味濃郁。搭配洋蔥汁，濃香撲鼻，淋在熱騰騰的鐵板上，發出誘人的「渣渣」聲，增添用餐樂趣。牛扒份量十足，約10安士，肥瘦均衡，入口軟腍不韌，配上香脆炸麵，完美平衡口感。唯一的遺憾是黑椒汁稍嫌溫和，愛吃重口味的可能會希望更辣一些。永年大碗麵永年大碗麵是車仔麵愛好者的必點之選，配料豐富到令人目不暇給，包括豬腸、魚蛋、蘿蔔、豬紅、豬皮、雞翼、魷魚和紅腸等。選了油麵作為麵底，掛湯力強，湯底加入永年招牌辣汁，香辣惹味，令人一口接一口。魚蛋帶有淡淡陳皮香，彈牙可口；豬紅軟滑不散，入味十足；蘿蔔清甜，解膩又爽口。整體份量超足，適合大胃王或與朋友分享。南乳豬手南乳豬手是另一道驚喜菜式，燜得軟腍入味，膠質豐富，入口即化。南乳醬香濃而不膩，帶點微甜，與豬手的肥美完美融合。

想食車仔麵就想起永年，店舖內除咗得意嘅益力多仔仔，還有小時候嘅玩意同懷舊美食。叫番碗兒時到而家最愛食嘅車仔麵先，永年大碗麵有成10款材料，最愛食豬皮、雞翼尖,魷魚,陳皮魚蛋，因為夠晒入味，白蘿蔔夠腍又冇渣，重要加埋辣醬，夠辣又野味。好耐冇食西冷牛扒鐵板餐西冷上枱時，聽到黑椒汁淋落去鐵板時嘅喳喳聲 ，跟住就香噴噴，西冷5成熟啱啱好，西冷肉厚食落都唔柴。附送牛肋肉羅宋湯，味道酸甜幾開胃，菜心都唔老。紅豆冰嘅粒粒紅豆，食落香甜夠綿，而且唔係好甜。

復活節留港消費，今晚我同老公揀左間摩登冰室食晚飯。餐廳門口擺放左益力多公仔，職員安排坐益力多打卡位。呢個角落懷舊，有好多益力多公仔，充滿童年回憶。餐廳選擇超多，我哋揀左兩款地道主菜、兩款車仔麵滋味小食同永年特飲。永年大碗麵：有十多款配料，有豬三寶 (豬腸、豬紅& 豬皮)、魚蛋、蘿蔔、魷魚、紅腸、雞翼同雞翼尖等，全部都係經典配料，好豐富，加埋招牌永年辣醬仲好味。牛三寶：牛柏葉爽口，牛筋大件，牛肚夠厚，好稔，湯味道滲曬落去牛三寶內，好好味。腐乳通菜：通菜翠綠爽口，腐乳汁甜甜地，車仔麵配料之選。美國安格斯封門柳：封門柳五成熟剛剛好，肉較嫩紅，口感厚實等黎容易咬開，牛味濃，點埋招牌永年辣醬更惹味。永年特飲：菠蘿冰夠甜夠冰凍，童年回憶返晒黎。抹茶紅豆冰有淡淡抹茶味，紅豆一粒粒，甜甜地，幾好飲。

🎀懐舊蝦多士 $28即叫即炸 麪包炸到金黃酥脆 好味嘅蝦多士宜家直係好難食到 蝦膠亦新鮮 好有蝦味 加沙津醬一齊食 童年回憶返哂🎀三式芝士焗蕃茄牛柳粒飯 $118即叫即焗 上枱時仲係出哂煙 熱辣辣 個茄汁好送飯 牛柳粒牛味好重 肉質鮮嫰 分享夠晒都 加上滿滿既拉絲芝士 好惹味🎀永年大碗麵 （豬腸 豬紅 豬皮 雞翼 雞翼尖 魷魚 紅腸 魚蛋 蘿蔔 菜) $108D餸多到食唔哂 包括有豬腸 豬紅 魚蛋 蘿白 雞翼 雞翼尖 紅腸 魷魚 豬皮同時菜 每様餸都做得好用心同好出色 豬腸 好肥美 滷得好入味 豬紅好Q彈 豬皮爽口 有濃濃既咖喱味 魚蛋爽口 魷魚彈牙 雞翼尖滷得好入味 蘿白又夠哂淋 湯底有陣陣酒香 加埋秘製辣汁 係我最愛車仔麵🎀豬三寶 （豬腸 /豬紅/豬皮）$38車仔麵啲車仔餸 太好味 要encore 滷水豬腸肥美 豬紅豬皮又入晒味 豬三寶真係必食🎀樽仔奶茶🎀樽仔奶茶🧋原汁原味 原樽雪凍 茶味香濃夠晒奶香 去茶記點可以晤飲返杯靚奶茶🎀奶茶紅豆冰真係晤係到到有得飲 茶味香濃 加埋粒粒紅豆 雙重享受 📍香港永年車仔麵茶冰廳沙田沙田正街18號新城市廣場一期1樓113號舖

今晚放工約咗親愛的行下沙田新城市廣場🛍 順便食埋晚飯 新城市廣場一期地下 有好多食肆 揀呢一間 <永年茶餐廳> 新開張 見佢裝修好懷舊 又有勁闊嘅卡位 仲有我好懷念嘅車仔麵🍜🟡<永年大碗麵> 有成十款餸菜 有魷魚/紅腸/魚蛋/蘿蔔/豬腸/豬紅/豬皮/雞翼/雞翼尖/時菜 我就最鍾意配油麵 建議加埋 <招牌永年辣醬> 🌶夠曬刺激 鐵板餐都好吸引 🟡美國安格斯封門柳 牛肉份量超多 厚切嘅牛柳食落淡淡肉 七成熟 肉色紅潤 煮得好淋 加上特製洋蔥汁 🟡牛油果薯仔蝦沙律 感覺清新 🥑🦐🥬小食🟡秘製瑞士雞翼 超級入味 係小朋友最愛食嘅東西 🟡秘製蝦多士 配沙律醬 爽脆香口 係令人懷念嘅小食飲品點咗呢度嘅特飲🟡樽仔奶茶唔會太甜 奶茶味好濃鬱 唔會畀啲冰溝稀咗呢一餐好滿足 食曬啲有香港回憶嘅食物 卡位坐得好舒服 啲嘢好好食 價錢平民 喺商場裏面係一個好選擇

永年士多主打港式風味，最吸睛一定係招牌永年大碗麵（$108），滿滿一碗堆足10款餸，包括滷到入味嘅豬腸、嫩滑豬紅、吸汁豬皮、爽口蘿蔔，仲有魚蛋、紅腸、魷魚，連雞翼同雞翼尖都煮到超軟嫩！必試秘製永年辣汁，香濃帶微甜，辣度後勁十足，加一匙即刻昇華成終極美味🌶️ 配埋紅豆奶茶冰（$15）解辣一流～ 仲有抹茶紅豆冰都夠濃👍🏻永年辣汁牛腩（$38）— 牛腩燜到軟爛，辣汁超惹味！ 懷舊蝦多士（$28/3件）— 脆口不油膩，香口好味😋安格斯封門柳（$246）— 鐵板牛柳肉質嫩滑，黑椒汁香濃，配牛肋肉羅宋湯😋環境上設計到好有香港懷舊特式，打卡岩哂👍🏻

講起食車仔麵🥢，點都會諗起《永年》，充滿港式情懷味道，沙田店仲有好多懷舊打卡位📸～·♡ 永年大碗麵 HKD$108好有份量好足料🤩！車仔麵食10樣餸真係夠哂豪，包括 豬腸🐖、魚蛋、蘿蔔、豬紅、豬皮、雞翼🐓、雞翼尖、魷魚🐙、紅腸、時菜🥬；蘿蔔一咬多汁又係哂腍，仲要一啲渣都冇😙，勁高質!! 豬腸口感好柔軟🤤，唔會有臭味；仲有豬紅口感好軟綿，軟得嚟唔會一咬就散👍🏻，處理得好好；特別推廣要加永年嘅特製辣醬汁，加少少拌勻會令湯底更香濃提味。·♡ 永年雜扒 HKD$166一倒醬汁啲吱吱聲係勢炸起，好治癒😍！雜扒包括豬牛雞🐖🐃🐓，3件扒都好有份量，仲要係厚切啖啖肉，三塊扒分別係厚切豬扒(4oz)、雞扒(6oz)、頂級西冷扒🥩(5oz)，鐵板好夠熱，食到尾都keep到溫度🌡️。·♡ 懷舊蝦多士（3件） HKD$38炸得好香脆，蝦滑有咬口😋，一個人食哂3件冇難度。·♡ 南乳豬手 HKD$38豬手煮得超級軟腍，係去到化開嘅程度😻，幾入味。·♡ 樽仔奶茶 HKD$28♡ 樽仔烏龍茶 HKD$28·📍香港永年車仔麵茶冰廳沙田沙田正街18號新城市廣場一期1樓113號舖

是夜在沙田晚餐，選擇了永年車仔麵，一間質素不錯的車仔麵檔！新城市廣場的餐廳，環境質素都不會差，就算是茶餐廳，都是美輪美奐的。有多款車仔麵可供選擇，隨自己喜好，選擇喜愛的配搭，這就是吃車仔麵的真諦。點了永年大碗麵 $108 （轉米線 +$3）餸菜非常豐富，有豬腸、豬紅、豬皮、雞翼、雞翼尖、魷魚、紅腸、魚蛋、蘿蔔及時菜，一次過試齊多款味道，認真超值出色！香脆南乳雞翼 $20，雞翼香脆，雞肉滿有南乳香味，味道很好抹茶🍵紅豆🫘冰 $15，紅豆🫘甜美，抹茶🍵清香，整體不算太甜，剛剛好。另一份餐選了永年雜扒跟意粉 $166雜扒分別是雞扒及豬扒，煎得微香，肉質鬆軟。意粉🍝軟硬適中，配上洋蔥🧅汁， 滋味非常。牛油果🥑薯仔🥔蝦沙律🥗，賣相精緻，沙律菜爽口，加上牛油果🥑及薯仔🥔的糯口感，無可挑剔。黑芝麻西多士伴雲呢拿雪糕 🍦$38，多士香脆，芝麻餡料好味，加上雲呢拿雪糕🍧，冰火二重奏，好睇又好食😋。樽仔烏龍茶 $15港式味道，奶茶茶味香濃，夠滑溜，樽仔方便攜帶。

今日去咗一間非常不錯的既餐廳，係沙田既永年，呢度同其他分店吾同，有車仔麵之外仲有吾同既套餐！ 🤤🤤🤤而且餐廳有好多打卡站☺️☺️牛三寶（牛柏葉、牛肚、牛筋）有牛柏葉、牛肚和牛筋各具特色，味道鮮美，搭配特製的辣醬汁，讓每一口都充滿了肉香，cp值十分高！牛油果大蝦沙律鐵板餐可選沙律or 湯，沙律的牛油果新鮮滑順，搭配大蝦的鮮甜，混合的沙律醬清新可口，讓整道菜味道清淡又健康，非常適合作為開胃菜！🥗美國安格斯封門柳鐵板餐安格斯牛肉的肉質鮮嫩，經過鐵板煎製後外焦內嫩，香氣四溢，跟左黑椒汁，非常好食，可選意粉or 飯，今次食意粉，有種黑椒牛柳炒意既風味🔥🔥大碗麵今次試左大碗麵，有曬佢地出名既野，同其他分店吾同，呢度有得食番茄湯！☺️湯底濃郁，搭配多種配料，讓人感受到滿滿的幸福感，其中最好食係豬腸，非常香！紅腸都非常吾錯！套餐可加錢叫特飲

🙋🏻‍♂️餓底探員去咗沙田調查呢間茶冰廳，餐廳係紮根元朗60多年嘅老字號品牌，由小食檔起家到轉營車仔麵，喺區內家喻戶曉，到衝出元朗，分店遍佈港九新界，一碗車仔麵盛載著三代嘅味道傳承，沙田店除咗招牌車仔麵，更結合港式茶餐廳元素，細味傳承味道同時又可回味港式情懷🍜永年大碗麵 $108🙋🏻‍♂️表示呢個大碗麵包含咗多款經典車仔麵配料，有豬腸，豬紅，豬皮，蘿蔔，魷魚，雞翼等，非常足料，麵底㨂咗油麵，麵質彈牙有嚼勁，配上以新鮮食材同多款香料熬製嘅香濃鮮味湯底，加埋辛香惹味嘅永年辣汁，必食推介🥩頂級西冷扒鐵板套餐 $156🙋🏻‍♂️表示西冷牛扒好大塊，肉質粉嫩，口感鬆軟，牛味濃郁多汁，配上軟硬適中嘅意粉，套餐奉送招牌港式牛肋肉羅宋湯，味道鮮香濃郁，配料除咗番茄雜菜，仲加咗牛肋肉，令個湯更提鮮，呢個鐵板套餐充滿懷舊冰室風味➕套餐加配小食2款 $68🍤懷舊蝦多士🙋🏻‍♂️表示蝦多士炸到金黃色，多士外脆內軟，蝦肉口感彈牙，食落層次感豐富，非常香口🍨黑芝麻西多士伴雲呢拿雪糕🙋🏻‍♂️表示厚厚嘅西多士食落外層香脆，內層鬆軟，夾住爆餡黑芝麻醬，味道香濃幼滑，配上香滑嘅雪呢拿雪糕，冰火交融嘅口感超正🍹特飲 $15 （套餐

🌟🍴 【沙田 • 香港永年車仔麵茶冰廳】 🍴🌟 📍 沙田沙田正街18-19號新城市廣場一期1樓113號舖🍖🥟🍟🥚🍰🍲🍇 • 🥪🍓🍤🍪🍜🍡🍹 懷舊蝦多士🍤🍞 外皮酥脆咬下去香氣四溢，蝦肉鮮嫩多汁，滿滿懷舊風味，食落真係回味無窮！生菜魚肉🥬🐟 清新爽口嘅完美組合，魚肉嫩滑入口即化，生菜脆甜提升咗整體層次，好清甜好開胃！招牌海南雞飯🍗🍚 雞肉軟嫩多汁，油香濃郁嘅米飯一啖接一啖，配上特製醬料，味道層次豐富，經典得令人滿足！樽仔烏龍茶🍵 清香回甘，茶味純正，飲落解膩一流，係呢餐嘅最佳拍檔！永年大碗麵🍜🐷🐙 料多到滿瀉，豬腸軟糯入味，魚蛋彈牙鮮美，蘿蔔燉得濃香，豬紅滑溜可口，豬皮Q彈有嚼勁，雞翼同雞翼尖肉香濃郁，魷魚鮮嫩多汁，紅腸鹹香開胃，時菜爽脆清新，湯頭濃郁卻唔膩，食到停唔下來！米粉🍜 滑溜順口，簡單卻好有質感，每條都吸滿湯汁，食落好舒服！清湯🍲 簡單暖胃，湯味清而不淡，飲落有種溫暖嘅幸福感！凍港式奶茶🥛🧊 茶香濃郁撲鼻，奶味絲滑細膩，冰涼嘅口感好開胃，完美為呢餐畫上句號！🍙🥤 餐廳評分🥤🍙 🔥 餐廳環境：🔥🔥🔥🔥🔥 ⛄ 服務質素：⛄⛄⛄⛄⛄ 🍾 食物味道：🍾🍾🍾🍾🍾

#MC帶你去沙田.依間人氣老字號麵店，以地道港式車仔麵及招牌咖喱辣汁揚名，廣受街坊、食客推薦。近年更進駐沙田新城市開設分店。➖✨ 香港永年車仔麵茶冰廳.餐廳結合車仔麵及冰廳，主打車仔麵、港式快餐、茶餐廳美食；店內裝修以懷舊老香港為主題，搭配復古海報、絕版西瓜波、舊式收音機等，充滿香港情懷。➖🥢 懷舊蝦多士｜$28（⭐推薦）.蝦多士一客三件；即叫即炸多士炸得金黃酥脆，蝦膠餡料好爽滑，搭配沙律醬，中和一下炸物油膩感，整體香口惹味！➖🥢 牛三寶｜$38.大大件擺滿整個湯碗，份量足料！咖喱香味濃郁，更可以選擇辣度；牛柏葉鮮嫩脆爽、牛肚入味軟腍、牛筋腍嫩有嚼勁。➖🥢 永年大碗麵｜$108（⭐推薦）.配料有成10款食材，好豐富澎湃！豬腸鮮嫩爽口無異味，魷魚口感爽脆，魚蛋有陳皮味，豬紅滑嫩細膩，蘿蔔清甜無渣，豬皮、雞翼、雞翼尖都滷得幾入味；愛辣人士一定要試招牌永年辣醬，層次豐富又唔會死辣，辣得過癮。➖🥢 美國頂級西冷扒 配 意粉｜$156 .五成熟嘅西冷扒，厚身大塊！上枱後肉質依然帶少少粉嫩色，肉味幾濃郁，十分不錯！搭配黑椒汁，黑椒汁辣度適中；隨餐附送羅宋湯，酸酸甜甜好開胃。➖🥢 紅豆奶茶冰｜$28

由元朗店食到而家咁多分店真係好欣賞佢哋可以將車仔麵發揚光大沙田店同平時車仔麵店有啲唔同可以話係將港式的豉油西餐 和車仔麵結合有更加多選擇！-車仔麵除咗平時可以揀餸今次揀咗永年大碗麵咁即係車仔麵嗌嘅過橋米線 包羅萬有招牌辣汁一直都好好味 配料非常豐富 勁入味嘅豬大腸清甜嘅蘿蔔 保持質素 紅腸 陳皮魚蛋豬紅 魷魚 平時好少會一次過食咁多餸咁有小食因為我哋四五個人一齊share牛腩入味多汁 豬手都唔錯竟然可以一邊食車仔麵，一邊鋸扒我哋叫咗一個扒餐 一齊share食美國安格斯封門柳鐵板餐最享受聽到吱吱聲，封門柳煎得外焦內嫩，肉質juicy，加埋惹味的黑椒汁，整體都係好有質素我覺得比起唔少$300以上嘅西式牛扒更好吃飲品方面，樽仔奶茶茶好香濃 鍾意飲奶茶唔可以錯過 （咖啡因比較強 飲完真係好提神）另外我就比較鍾意抹茶紅豆冰 配搭唔錯紅豆大粒 我當佢係甜品

⭐永年大碗麵（超惹味永年辣醬~BB辣）餸菜款式非常多，包括：豬腸|豬紅|豬皮|雞翼|雞翼尖|魷魚|紅腸|魚蛋|蘿蔔|時菜，全部都非常新鮮好味，當中會推薦豬腸，乾淨企理之餘仲好彈牙！配上永年辣醬，更加有畫龍點睛之感。⭐南瓜汁海鮮焗意粉每條意粉都沾上非常香濃嘅南瓜汁，意粉軟硬度剛好，海鮮份量頗多，非常抵食，cp值極高。⭐永年辣汁牛腩牛腩夠曬淋，本身腩汁已經夠曬香，配上辣汁更加出眾。⭐腐乳通菜通菜夠曬青綠，腐乳汁咸度剛好⭐抹茶紅豆冰⭐薑汁豆花紅豆冰以上兩杯特飲都係紅豆冰，紅豆非常飽滿，用crossover嘅方式去調製，真係非常特別！