香港永年車仔麵茶冰廳

營業中

休息中

復活節留港消費，今晚我同老公揀左間摩登冰室食晚飯。餐廳門口擺放左益力多公仔，職員安排坐益力多打卡位。呢個角落懷舊，有好多益力多公仔，充滿童年回憶。餐廳選擇超多，我哋揀左兩款地道主菜、兩款車仔麵滋味小食同永年特飲。永年大碗麵：有十多款配料，有豬三寶 (豬腸、豬紅& 豬皮)、魚蛋、蘿蔔、魷魚、紅腸、雞翼同雞翼尖等，全部都係經典配料，好豐富，加埋招牌永年辣醬仲好味。牛三寶：牛柏葉爽口，牛筋大件，牛肚夠厚，好稔，湯味道滲曬落去牛三寶內，好好味。腐乳通菜：通菜翠綠爽口，腐乳汁甜甜地，車仔麵配料之選。美國安格斯封門柳：封門柳五成熟剛剛好，肉較嫩紅，口感厚實等黎容易咬開，牛味濃，點埋招牌永年辣醬更惹味。永年特飲：菠蘿冰夠甜夠冰凍，童年回憶返晒黎。抹茶紅豆冰有淡淡抹茶味，紅豆一粒粒，甜甜地，幾好飲。