香港永年車仔麵茶冰廳

約咗朋友去沙田新城市食飯但係佢話唔好食咁貴始終呢個商場好多餐廳人均都要幾百蚊所以我哋決定咗去食永年🍴其實好耐之前已經有食過元朗店平有平食 而家越來越多分店好方便而且選擇比較多唔只有車仔麵，仲有焗飯，懷舊鋸扒 環境都比較舒服 性價比好高-勁多餸都想食 就揀咗永年大碗麵🍜一碗裏面有好多配菜咖喱魷魚係必食 辣辣地 好爽口豬腸 好入味 仲有蘿蔔 雞中翼，雞翼尖，紅腸 豬紅 豬皮 魚蛋 未試過食到咁多餸水準保持到靈魂在於佢個「辣汁」真係好正 通常我就點小辣就夠佢哋呢個辣汁做咗咁多年都咁正粉面方面，推薦油麵 軟硬適中魷魚好食朋友就揀咗雜扒 仲見到有二人餐平均一個人都係百幾蚊 就食到鐵板 都幾抵豬扒入味 黑椒汁好香濃 呢個價錢嚟講 份量真係好足 跟薯菜而且好有儀式感會喺你面前灑上醬汁飲品揀咗特飲係奶茶紅豆冰和菠蘿冰奶茶溝咗紅豆冰，又唔會太濃 啱啱好，就算夜晚都唔會太精神菠蘿冰就唔算好甜 唔係好多地方有得飲小食方面，揀咗蝦多士 即叫即炸 非常香脆 我記得以前都係冇嘅 豬手好入味 口感都夠腍…查看更多

餐廳：香港永年車仔麵茶冰廳 (沙田)地址：沙田沙田正街18-19號新城市廣場一期1樓113號舖1962年開業嘅元朗老字號——永年士多，近年喺香港連開10幾間分店，咁多年嚟都喺主打傳統港式餐飲美食——茶餐廳同車仔麵🍜，加上價錢實惠又有會員優惠，深受唔少香港人同遊客喜愛🤩沙田分店開咗喺餐廳林立嘅新城市廣場一期1樓，座位對住商場出面嘅沙田大會堂平台，咁啱喺正商場嘅角落位置，雖然就比較難搵，但坐喺度食嘢可以享受到一刻嘅寧靜😌，而且座位夠闊落，坐喺度Hea吓都幾舒服✝️港式咖喱五寶麵套餐 $98 呢個沙田店限定嘅港式咖喱車仔麵，有5款經典必食配料：牛筋、牛肚、陳皮魚蛋、蘿蔔同咖喱魷魚🦑，咖喱唔會死辣，食到陣陣香料香味，而且份量都幾多，差唔多半碗都喺配料嚟👍，麵底就叫咗粗麵，另外跟餐再送多碟生菜🥬，浸埋落咖喱湯度食當加多個餸🤪✝️永年雜扒餐 $108以前細個成日會去港式扒房鋸扒，雖然質素未必有西式扒房咁高，但勝在價錢夠實惠，而且夠大份，加上用鐵板上「滋滋聲」嗰種視聽嗅覺享受😎，確實喺港式扒房先做到。呢個扒餐有牛扒同雞扒🥩，仲有火腿扒同香腸，配埋薯條同鐵板雜菜，啱晒一眾大胃王食肉獸，性價比真喺幾高，另外加$18叫咗個懷舊蝦多士，一客有三件，多士酥香鬆脆而中間夾雜住彈牙蝦肉，幾香口惹味😋跟餐加$15可以叫埋特飲，分別叫咗咖啡涼粉冰同樽仔奶茶，前者涼粉都幾多，後者紅茶味夠香醇，兩款都喺港式獨有嘅飲品，見到唔少外籍人士都叫嚟試啦🧋…查看更多

假期前放工時間到沙田新城市行街，行到餓餓地又攰攰地就去醫肚。見到永年車仔麵座位闊落，又多食客輪候支持，一於去試一試。一場來到，當然要試試遠近馳名的車仔麵。選擇困難症的我，選了永年大碗麵，貪佢有齊各種好味道的餸，豬紅實淨、蘿蔔冇根、魚蛋彈牙、最驚喜的是烹調入味的咖哩尤魚，配上永年招牌辣醬，是惹味的絕配。貪吃的我想多叫幾個菜，餐廳仲好貼心可以揀油麵少麵比我留肚。隨麵加點的腐乳通菜份量都好足。腐乳鹹香，通菜好新鮮爽口！除左招牌車仔麵，永年原來港式鐵板餐也非常出色！加點的鐵板西冷牛扒跟薯菜，熱騰騰隨鐵板上枱，再淋上黑椒汁，𣊬間香氣四溢。牛扒足料，份量好夠。西冷牛扒最怕太薄上鐵板易乾身，太厚難切，受熱亦不平均。永年的西冷鐵板牛扒厚度洽到好處，叫五成熟剛剛好，香煎表面包裹內裡鮮嫩肉汁，絕對是港式鐵板餐的代表之作。此外，永年的懷舊港式西餐蝦多士也同樣出色，香脆可口，值得一試。另外，亦有特色飲品，包括揉合創新與懷舊的綠茶紅豆冰，以及滋潤之選柚子蜜，配搭車仔麵或鐵板餐都很合適。今餐中西合壁，吃得出的是港式餐廳歷久彌新的好味道！…查看更多

永年車仔麵係元朗既老字號，有成60年歷史，大家都實有聽過呢間車仔麵😌尤其沙田分店位於新城市廣場裡面，價錢確實會比其他餐廳更相宜，所以晚市時段完全係座無虛席。-🎈奶茶紅豆冰 +$15🎈抹茶紅豆冰 $28兩款紅豆冰甜度都適中，個人覺得奶茶個款更濃郁，茶底更突出！-🎈懷舊蝦多士 (3件) $28蝦多士真係炸得好香脆🍤-🎈豬三寶 $38豬三寶入面有豬紅、豬皮同豬腸～叫左BB辣全部都好入味，索哂啲湯汁！-🎈港式咖喱五寶麵 (辣) $88重點推薦沙田限定既港式咖喱五寶麵！一碗有齊哂牛筋、牛肚、魚蛋、咖哩魷魚同蘿蔔。咖喱味超濃郁，夠哂辣非常惹味～超推薦牛筋好夠軟稔，而咖哩魷魚亦好爽口！-🎈永年雜扒 $166估唔到永年宜家有埋鐵板雜扒食🤤份量好多，有齊哂豬扒雞扒牛扒，再配埋鐵板滋滋炸炸咁樣食，充滿住懷舊港式風味～--🔸香港永年車仔麵茶冰廳📍沙田沙田正街18-19號新城市廣場一期1樓113號舖…查看更多

茶餐廳與車仔麵同為香港飲食文化的經典🇭🇰不僅是不少港人的療癒食品，亦是遊客來港必吃的地道美食😇———————————————————————這碗「大碗麵」名副其實，集齊九款車仔麵經典餸菜，每款都份量十足🤩當中最令我驚喜的是沙田店限定的咖喱魷魚🦑質感軟腍嫩滑，完全不是口感像硬膠般的劣質水魷😌其他餸菜如豬腸、豬皮、雞翼等亦煮得入味，同樣高質👍🏻麵底方面選了油麵，口感彈牙，非常滑溜，本人十分滿意😋說起香港特色，鐵板牛扒絕對榜上有名🐮西冷扒重達14安士，外觀厚實，份量驚人🤯肉質方面雖然偏瘦，但口感不會太韌😙配上熱辣辣鐵板，充滿香港特色🥳蝦多士是港式茶餐廳的經典小食🦐現今可說是買少見少🥹這裡的蝦多士炸得金黃鬆化✨蝦膠鮮味，與多士完美融合😃雞翼醃製得十分入味🐔經油炸後雖然稍乾但無可否認是非常香脆，完全是茶記下午茶的味道💥紅豆冰賣相層次分明🫘紅豆份量之多佔了整個杯的一半😂口感綿密，甜度適中👌🏻配合香滑奶茶，充分發揮港式風味的獨特之處😋———————————————————————永年主打的車仔麵質素當然毋庸置疑👍🏻而其他茶記冰室經典美食同樣有質素，足以滿足不同食客的口味需求😄…查看更多