餃掂手工餃子雲吞專門店

營業中

休息中

$59/10粒雙拼湯餃，平均差唔多$6一粒，真係幾貴，同事話想食先跟黎試下，我地office都唔係好近呢到，來回到要行差唔多半個鐘，我地叫外賣自取，等左10分鐘左右，還可以，但餃子好一般，係有住家味道，比較淡，我雙拼大白菜豬肉餃同雲耳豬肉餃，味道冇咩分別，個湯又係冇咩味，結果10分鐘已經食完，仲要唔係幾飽，所以我見堂食既客都係清一色女士，因為女仔都食唔飽，男仔就更加食唔飽。不過我見佢都有d特色餃子，壽喜燒牛肉餃、黑松露餃，都可以試下，收銀姐姐都好有禮物好熱心，可惜定價有d貴。

一講中環 諗到嘅 只有貴價餐廳 coffee shop估唔到都搵到間平靚正餃子專門店🥢舖仔細細但乾淨企利 而且裝飾佈置可愛得黎好地道餐牌簡單易睇8-9款餃子任揀 仲可以揀 灼/ 湯 /煎驚唔飽可配麵 或小食我揀咗雲耳椰菜豬肉湯餃 7只 $43先講湯底🥣湯底味淡 重點在於唔係味噌湯 而係似自己煲嗰啲湯 叫狀元九鼎湯 成份有美國蛇果、生魚、無花果、准山、豬尾骨所以絶對可以飲埋同伴餃子一齊食至於餃子🥟皮厚薄啱啱好 唔會厚到硬 又唔會薄到爛開 而且好滑雖然size 一般 但係料十分足因為我有椰菜 咬落脆脆地 雲耳味道都幾出 豬肉更是一流 採用新鮮豬肉 有豬肉味之餘夠腍 一啲根都冇😍試咗朋友啲上海麵 都唔錯 少少彈牙又試咗佢一隻韮菜豬肉餃 味道比我嗰隻雲耳椰菜豬肉餃濃 韮菜味十分出 鍾意濃味嘅朋友建議揀韮菜-埋單2個人都係$100有找 好抵食😋最重要係好食而且服務姐姐好好人👍🏻推介!

Happy Saturday約了2位好友食lunch, 我們3個都很喜歡吃餃子, 所以揀了餃掂中環店。呢間餃掂第一次嚟, 店子座位不算多, 但乾淨企理, 服務員也熱心。Menu餃子的選擇十分豐富, 有和風餃子, 素餃, 韮菜、 大白菜、 雲耳椰菜、 芫荽豬肉, 更有用料 矜貴的松茸和黑白松露餃, 可自行選擇用灼或煎, 亦有中碗和大碗的選擇。前菜小食, 各類麵食和飲品亦應有盡有。今日我們order 了一款小食, 2款餃子, 1個麵食和2杯飲品。龍鳳蛋$32~煙燻蛋煙燻味濃郁, 半凝固的溏心蛋黃非常香醇, 配上白松露醬更滋味。至尊松茸豬肉餃(中)$73~8隻松茸豬肉餃另附上九鼎湯, 由粉葛, 鯪魚、 紅蘿蔔、扁豆、赤小豆、陳皮、蜜棗和排骨淆製而成 , 完全冇加味精, 雖然不是很濃味, 但卻感覺健康。餃子皮薄, 豬肉鮮甜 , 另附上兩種松茸醬, 一個辣一個唔辣, 松茸味非常香濃。龍鳳松茸雙煎餃$86~ 外皮煎得金黃鬆脆, 非常香口,裏面分別是充滿黑松露和白松露的豬肉餃, 黑松露味非常濃郁。壽喜燒牛肉餃子麵(6隻)$61~肉質鮮嫩的牛肉碎混和芝荽造成的餃子好惹味, 配上嫩滑的麵條和清甜的湯汁好

🔎餃掂手工餃子雲吞專門店 (中環)📍中環威靈頓街55號地下-餃掂係好多區都有分店 價錢雖然比其他貴 但質素確係有保證 除左好多款特別嘅餃子之外 仲有養生靚湯🔹龍鳳松茸雙灼餃（跟湯） $86/8隻龍鳳即係有兩款不同的松茸，除左有常用嘅黑松露 仲有比較少用嘅白松露，兩款都各有特色。灼餃配送一碗狀元九鼎湯，食材有粉葛、鯪魚、鰂魚、紅蘿蔔、扁豆、赤小豆、陳皮，蜜棗、排骨等。絕對係養生靚湯，絕無味精架。🔹煎韮菜豬肉餃 $58/10隻試完特色餃當然要試返basic餃啦，重口味嘅朋友當然要食韮菜餃，識食一定係食煎餃，皮薄煎得夠脆，加埋菜脯辣椒醬食就perfect啦，不過都偏辣架，唔食得辣嘅朋友仔就點少d啦。🔹麻辣松花皮蛋 $25少辣少麻，皮蛋爽身，前菜必食🔹蜂蜜檸檬薏米水 $20/杯話明要養生，飲品都要養生嘅，薏米水去濕夏天岩哂，就算飲凍嘅都唔會好凍 涼涼地，熱嘅都只係暖暖地🍴搵返相關地區👉🏻 #90sfoodieshare_中環#食在中環

之前都食過餃掂嘅餃子，味道都唔錯，而且係中環呢啲地段比較貴嘅地區食飯嘅話，價錢來講相對都叫做平少少，打工仔唔使餐餐捱貴lunch🤣無論叫煎餃定湯餃，都會跟狀元九鼎湯，佢哋嘅賣點係滋潤腸道養顏保健，不過今次飲落嘅味道就偏淡，唔係特別出色！**********<壽喜燒牛肉餃(7隻)> $52依度有得叫平時常見嘅餃子，另外都有一啲比較新穎嘅配搭，今次就試左壽喜燒牛肉餃，本來以為會似日式壽喜燒嘅味道，點知反而係似中式牛肉球嘅味，感覺有少少失望🤨

中環食飯多數不便宜，臨近糧尾找朋友吃晚飯，當然要間性價比較高。所以朋友推介了這間店給我。是一間餃子專門店，地方尚算寬敞，所以環境都叫不錯。野味酸辣雲耳$25，醋不太多，偏微辣，所以比起開胃更屬惹味派，雲耳挺爽身。龍鳳蛋$32。有黑松露及白松露兩種，蛋黃很香又是流心。配上黑白松露更滋味。四川涼皮$32。涼皮很軟偏滑，質感很適合夏天吃。味較合香港人，不會太辣，剛好。香軟芝心餃$55，重點。因煎餃是即弄所以要點時間，但出來效果是不同。特別香口惹味。芝士融在餡料裡，熱辣辣吃好吃。龍鳳松茸雙灼餃配湯$86。湯是濃郁的，餃中的黑白松露味都突出。整體這店還不錯，價位也適中，所以算是cp值還不錯的店。

係炎熱嘅中午去到中環附近都搵唔到食乜嘢，咁岩見到肥妹仔自己既飯堂，就入咗去嘆吓冷氣，食返個午餐。龍鳳蛋$32半流心嘅糖心蛋，上邊再加埋少少嘅松露醬，好食。四川涼皮小辣$32其實佢呢度嘅涼皮又唔係肥妹仔印象左個涼皮，因為佢比較有幼啲，但係佢個味都好出色，真係辣嘅，但係涼涼地，加埋啲青瓜花生碎食好開胃好消暑。回味手拍青瓜 $25青瓜好爽口，清甜，微辣，好惹味。韭菜豬肉餃連湯 $43韭菜豬肉餃好好食，韭菜超多，好香韭菜味。鍾意食韭菜朋友一定要試！湯就係佢哋自家煲嘅湯，一啲味精味都冇。香煎軟心芝士餃$55呢一個芝士餃又係肥妹仔每次去都會叫，超好食。芝士味好香濃，做到拉絲嘅效果，又煎得夠趣口。

食厭左飯麵 可以轉下食餃子做正餐呢度有各式餃子供應 有湯餃也有煎餃呢度出名既係松茸餃 當然要一試另外亦都有啲麻辣小食 同埋麵食絕對唔需要擔心食唔飽叫左龍鳳松茸雙灼餃跟狀元九鼎湯 湯係啖啖魚湯味 唔覺有味精 因為飲完都唔會渴龍鳳餃內餡是豬肉和松茸配黑白松露黑松露餃超香黑松露味 加埋滿滿既鮮肉 好令人滿足白松露相對淡口啲 但配埋松茸 會食到內餡既松茸松露味另外叫左至尊松茸豬肉煎餃餃子煎得薄脆同金黃色 外皮脆卜卜 外表又吸引內餡是新鮮豬肉同松茸 沒有多餘的調味料 有鮮豬肉既味道 餡料漲卜卜 真材實料真正皮薄餡靚最後試埋涼皮凍冰冰又爽口 麻辣味恰到好處 唔會過辣 反而仲好fresh配埋自家製山渣雪梨水同檸檬薏米水 消暑解渴👍🏻❤️而且唔會太甜 有埋功效超有心除左樽裝 仲有杯同壺裝當然仲有汽水豆漿等飲品豐富既一餐

今晚要去做運動，當然要食餐飽先有氣有力～餃掂最近喺中環開咗分店，一於決定今晚晚餐食餃子☺️不愧為餃子專門店，餐牌上餃子種類非常多，而且每款都可選灼餃或煎餃，也可選擇生餃外帶。 至尊松茸豬肉餃$73/8隻（灼）跟狀元九鼎湯白灼可以吃到餃子的原味👍🏻 松茸味道非常突出，即使不點汁都足夠香口～隨灼餃附上狀元九鼎湯，材料有粉葛、順德活鯪魚、香山活鰂魚、紅蘿蔔、扁豆、赤小豆、新會陳皮、蜜棗、鮮排骨等，說可以提升免疫力和養顏保健。個人覺得味道清甜，不失為養生之選！龍鳳松茸雙煎餃 $86/8隻煎餃相較下更香口，油香和松茸香相輔相成，齒頰留香四川涼皮$32（新品）特別推薦四川涼皮，清澈透明，口感煙韌，最重要是辣得很有層次，而且價格相宜，必試👍🏻自家製山楂雪梨水 $20/杯我一個人吃光以食物，自己都知道食量很誇張😅所以點了杯山楂雪梨水消滯—酸酸甜甜的，開胃又解渴🤤很開心公司附近開了這家餃子店，以後的午餐晚餐都多了一個好選擇😎

吃餃子，遇上好日子作為餃子愛好者 比我係香港依個集中哂唔同地方既餃子既集中地可以試到唔同既餃子真係好正☺️今日嚟到中環嘅餃掂 絕對係你想喺中環食平價野嘅首選 尤其是而家佢哋餃子仲做緊買一送一 雖然每個人最低消費係$40 但真係超級抵食呀今次就叫咗 涼麵，粉皮，小雲吞，龍鳳松茸餃之前睇openrice見到好多人都食佢嘅涼麵同埋涼皮！今次終於有機會黎試吓 涼麵就叫左中辣 另外再配芝麻醬 涼麵食起上黎都夠凍 而且麵質一啲都唔難咬 仲有好香既蛋香味 不禁令人一啖接一啖！ 怕辣既朋友可以撈d芝麻醬一齊食去中和返個辛辣感 而覺得唔夠辣既人就可以再加d係枱既麻辣醬 所有後者既我，加左麻辣醬之後 令到成個麵生色不少🤭 之後就係涼拌粉皮 佢係屬於比較滑但係就唔係特別有咬口嗰種粉皮醬汁撈得啱啱好，上面好似有少少炸蒜定唔知花生粒 食落去令到我一啖接一啖 我覺得最好食嘅方法係記住一定要食埋辣椒落去先叫做最正！另外就係小雲吞 小雲吞皮薄喊靚 好似以前食嗰啲魚尾咁 係傳統做得好嘅雲吞先係咁㗎 而且一擔一粒 啱晒我呢啲一啖唔係食得好多嘅人 最後就係龍鳳松茸，有分黑松露同白松露 兩隻對我來講都咁香 而且皮都係好薄 一啖

相信唔少人都聽過餃掂依間餃子專門店，最近仲愈開愈多分店 。店內有多款餃子可供選擇，全部自家製作，水準當然唔差。龍鳳松茸雙灼餃子招牌松茸餃 - 分別就是白松露同黑松露口味，皮薄餡滿，煎得金黃，兩款口味都好食。 四川涼麵 - 材料相當豐富，油麵配上滿滿的花生醬，麻醬和青瓜絲，吃起來清新又開胃 。 至尊松茸豬肉餃 - 豬肉餃有着淡淡的松茸香氣，最有驚喜竟然係個一碗隨附嘅狀元九鼎湯，有種飲緊媽媽煲的溫暖牌靚湯的感覺，有益又健康，飲得出無任何味精。香煎軟心芝士餃 - 我個人極力推介，煎香既外皮，一咬落去，豬肉玉米同熱溶既芝士一齊流出來~ 食起來非常juicy而且味道相當夾。非常滿足。

平日都愛食餃子，餃掂分店多，出開旺區想食餃子可謂保證之選無失望～呢晚出中環又想食餃子，威靈頓成條街都有好多唔同選擇，但要保證喎，梗係揀「餃掂」啦～ 心情靚，豪食～ 要左龍鳳松茸雙煎餃，煎韭菜餃拼椰菜木耳豬肉餃。黑松露餃爆多黑松露，超香，簡直物超所值～ 白松露相對淡味，但不遜色，依然啖啖松茸香。鐘意松茸松露絕對絕對絕對唔可以錯過～ 而韭菜餃同椰菜餃都超好食入口爆多汁 😋😋😋餃子唔夠食仲嗌多碗麵，麵質幼細。而且超大碗都係廿蚊，抵👍🏻👍🏻👍🏻嚟餃掂另一個不能錯過嘅就係湯，狀元九鼎湯，一定要飲～ 材料十足夠火侯，好飲，飲咗食再多嘅煎餃都唔驚熱氣啦，哈哈～除咗主食餃子，當然唔少得拌菜小食～ 要咗蜜餞雞翼同黃金原味皮蛋。其中黃金原味皮蛋好有特色，金黃通透如琉璃嘅外層，包裹住金黃色嘅蛋黃，食落口係蛋黃嘅甘香 😋 第二度食唔到～ 係物超所值，好食之選～ 👍🏻讚讚

至尊松茸豬肉餃 （灼餃）果然係招牌菜，試左幾款，我最鍾意都係依款，松茸味唔係好搶，但淡淡的香氣同豬肉好夾壽喜燒牛肉餃 （煎餃）有灼餃當然試埋煎餃，見好似係新口味，新鮮的牛肉餃塞到滿滿，食落都幾有牛肉球的感覺元貝豬肉餃子麵最抵食係依個，驚唔飽仲可以食個都加餃子，元貝餃見到時都已經有興趣，元貝咪其實幾出，所以食豬肉饀時，會覺得有少少海鮮咪，其實都幾特別狀元九鼎湯材料多多就唔續樣講，但見到功能溫腎益氣/養顏保健，就知要飲下補補，其實我是叫至尊餃送埋，所以都抵飲，其實味道就唔濃，重要係無味精山楂雪梨水蜂蜜檸檬薏米水

返工貪方便每星期都有兩餐帶餃子。照計已經食到厭。不過見到餃掂的特色餃子，又好想試。龍鳳松茸雙灼餃配狀元九鼎湯，$86。8隻，分別各4隻黑松茸餃、白松茸餃。餃子皮厚度剛好，肉餡新鮮，有很香的松茸味，令餃子味道升華了不少。加上無味精又健康有益的狀元九鼎湯，滋潤非常。元貝豬肉煎餃，7隻，$53。有著濃郁的味道，豬肉餡新鮮，加上元貝的質感、煎得香脆的餃子皮，有嚼勁。回味手拍青瓜，$25。又辣又爽脆新鮮，冰凍得來好滋味。四川涼皮，$32。雖說是小食，但份量很多。涼皮囗感滑嫩，不太凍，也不算辣。山渣雪梨水，1杯，$20。好大杯。冰凍酸甜，夏天必飲，很爽👍。另外，這裏提供的醬料超讚，喜歡濃味辣味要試試。店子小小，但環境光猛乾淨，座位也不算擠擁。

突然間心癮起想食餃子就叫埋男朋友一齊去食餃子，之前都去過太子嗰間分店，今次喺港島區就去中環呢一間分店，中環分店舖頭細細，但係好多人幫襯啊，七點幾去到都要等一陣位。一打開餐牌見到好多款餃子都好吸引，我自己鍾意食水餃，男朋友鍾意食煎餃，所以都叫咗幾款。我最鍾意呢度嘅水餃嘅，原因係佢嘅湯底好特別。水餃就叫咗元貝豬肉餃，用舖頭特製嘅湯去煮水餃，「狀元九鼎湯」用咗唔同材料去熬成嘅一碗湯，味道好鮮甜配餃子好搭。 元貝豬肉餃一邊材料都好豐富我自己覺得嗰浸元貝味好出，平時嘅餃子都唔會有呢一種味，係好香嘅海味味！😁😁.男朋友就想食至尊松茸豬肉餃，松茸再加埋豬肉嘅香味，好特別，加上餃皮夠薄，煎到好香脆。.天氣咁熱就叫咗一個四川涼麵食，食完估唔到係最令我驚喜嘅一碟！叫咗一個小辣版本，辣辣地配上青瓜同麻醬，好開胃，麵條好彈性，十分推薦！😍😍.仲要有重慶鮮肉雲吞，湯底係麻辣湯，呢度嘅雲吞比起外邊嘅雲吞，比較大粒，雲吞皮有嚼口，配埋我最鍾意嘅芫荽，一口一啖，好爽！叫咗小食 蜜餞雞翼，非常美味。蜜餞甜度適中，令人一試難忘。值得推介。 食水餃同雲吞我自己個人鍾意配豆漿😆😆，所以叫咗一杯豆漿同埋蜂蜜檸檬薏米水，笑一笑暑