餃掂手工餃子雲吞專門店

營業中

休息中

之前去過太子食這間餃掂，事隔幾個月又好想再食餃子，所以放工後和幾個朋友去中環食～當日七點來到，已經有不少人排隊買外賣，還有不少情侶等待😏但好似我們四五個人黎食就好少😂——————————🔹黃金原味皮蛋 $28朋友們都很喜歡食皮蛋，看到這個金黃色皮蛋都想試試～ 蛋白外層的質感似軟身啫喱，滑嘟嘟；而蛋黃同樣是黃色，有流心效果。金黃色的較黑色皮蛋更易入口，阿摩尼亞味不太強烈，蛋香味亦比一般皮蛋濃好多，好食😍-🔸四川涼皮 $33這個四川涼皮份量很多，涼皮上有不少花生碎粒，底下還有青瓜絲和麻辣醬料，攪拌過後，味道酸酸辣辣，但不會有麻麻的感覺，整體惹味開胃☺️而涼皮晶瑩通透，煙韌彈牙，每條都掛滿醬汁，不錯😍🔹龍鳳松茸雙煎餃 $86這間店的龍鳳松茸餃是招牌餃子之一，果然沒有叫錯，有一半是白松露，另一半是黑松露。個人較喜歡後者，因為松露味較突出，令人一啖接一啖😋🔸壽喜燒牛肉餃 $74上次因為食得太飽，冇機會試壽喜燒牛肉餃，今次終於有得叫多幾款餃子☺️朋友們都對這款餃子讚不絕口，好像食山竹牛肉的感覺，裏面的牛肉很嫩滑，中間還有爽口的馬蹄，口感豐富美味，正！🔹至尊松茸豬肉餃 $107食完幾款煎餃，就叫了一款灼

好鍾意食餃子，今日就揀左呢間新開嘅餃子店嘅外賣套餐。今日嘅外賣我揀左白菜豬肉餃。感覺有啲蔬菜健康啲嘛。豬肉新鮮無怪味，皮唔算厚又唔算薄，有7隻，略嫌比較少，我呢個大食女仔，有啲唔夠飽，男人可能要兩份哈哈哈。配嘅湯係粉葛靚魚赤小豆湯，淡淡地，但依然辨識到小豆味同澱粉感。前菜揀左惹味酸辣雲耳，的確惹味，蒜都幾多，而且雲耳酸酸地，又幾爽口，幾好。豆漿，甜度正常，不過只有凍飲。下次有機會試下其他飲品先！！

狀元九鼎湯真材實料，好濃 好屋企煲既味道。湯料：粉葛，順德活鯪魚、香山活鰂魚、紅蘿蔔、扁豆、赤小豆、新會陳皮、專棗、鮮排骨等。材料十足，味道好，有益健康 唔怕飲多幾碗。龍鳳松茸雙灼餃黑白松茸，一款餃子🥟 試晒2隻味道！松茸獨特香味 鐘意會好愛，煎香更濃郁 更香口。元貝豬肉餃 湯餃子跟狀元九鼎湯，又多碗滋補湯。淡淡既元貝鮮味道，令豬肉餃味道提鮮 又更融和，豬肉餃更顯鮮甜呢。壽喜燒牛肉餃跟狀元九鼎湯，新款 壽喜甜燒汁，跟牛肉很配。食落似山竹牛肉咁既味，口感很特別。簡簡單單食餐餃子 又一餐，都味話唔簡單。

Lunch黎個快食，見到附近有餃掂，就黎食餃子。至尊松茸豬肉餃 $73次次黎都會叫灼松茸餃，中意飲碗狀元九鼎湯。松茸餃口感實正，薄皮包住滿滿松茸菇菌同豬肉，個醬好香。湯係好清，冇咩調味，飲到清甜既魚同粉葛味。哩個湯真係幾值得一試，平時做野都好少飲到湯，黎到都會叫番碗。惹味唐芹拌豆筋 $32涼菜辣辣地好開胃，豆筋好入味，會食上癒，食下一條又一條，夾埋餃子食都好match。元貝豬肉餃 $49都係叫湯餃，元貝食到好鮮味，有金菇同豬肉，出面少食到哩個口味。蜂蜜檸檬薏米水同山楂雪梨茶 各$20自家製滋潤飲品，$20蚊咁大杯好抵，次次黎都會每樣一杯。

最近因為疫情影響少左出街食飯，今日難得放假就去咗中環行街，到傍晚開始肚餓嘅時候就去搵嘢食，中環大部份嘅餐廳都係以午餐外賣為主，可能因為疫情嘅影響我今次去嘅呢一間名為餃點有得外賣自取，返到屋企慢慢享受第一次食呢間餐廳嚟到呢間餐廳睇餐牌嘅時候，店員好好服務為我哋介紹餐廳嘅主打我就帶咗兩個餃子餐同女朋友分享，韭菜豬肉餃，味道濃郁食到韭菜同豬肉融合嘅味道，豬肉應該用咗半肥瘦所以食落非常之有咬口多汁白菜豬肉餃，鮮味非常之突出，餃子皮亦都食得出係自家製，唔會食到成口粉配餃子嘅湯，粉葛靚魚赤小豆湯，鮮味十足，飲落唔會飲到魚腥味道，鮮甜可口小食我哋就叫咗酸辣雲耳同埋手帕青瓜，酸酸甜甜非常之開胃，一路食餃子一路食住小食呢個晚餐真係好食yo yo 順帶一提佢嘅自家製山楂雪梨水都係必飲推介，最啱我哋呢啲打工仔捱更抵夜，下火同埋可以潤一潤

因為而家疫情嘅關係 所以而家盡量都少出街食所以我同男朋友就各自買咗一個外賣套餐返去食其實都幾抵 一個小食 一份餃子同埋一份湯品小食我哋就叫咗雲耳同埋青瓜非常之惹味 因為佢係川味嘅辣 好正啊而且仲加咗啲醋酸酸地非常之惹味啲餃子方面我哋叫咗個韭菜豬肉同埋白菜豬肉餃每一隻餃子都非常飽滿 而且個皮好煙銀唔會太厚韭菜非常之香而白菜就比較清淡各有可取之處而且我哋仲叫咗個粉葛靚魚赤小豆湯個湯一啲腥味都冇而且仲甜甜地非常之好飲

今天放工來到中環接男朋友收工，平常食得太多“熱氣”食物，逛逛大街小巷時發現這家餃子專門店，今天晚上就換換口味，試試這家！我和男朋友一致認為這家餃子最大的賣點是：餃子超級大！而且湯頭非常有誠意！(^_っ^)哈哈哈！餃子的選擇頗多，數量上亦有8隻與12隻的彈性，所有餃都可以選湯或是煎，還有特色自家製小食和飲料 (ﾟ3ﾟ)～♪我們就點了一份壽喜燒牛肉煎餃（8隻），重慶鮮肉雲吞（中碗），龍鳳松茸雙灼餃（跟湯），元貝豬肉餃（中碗），一份蜜餞雞翼和一杯山渣雪梨水。蜜餞雞翼酸酸甜甜，很好吃的前菜~！壽喜燒牛肉煎餃（8隻）是最新熱門的口味，餃子每顆飽滿又大粒，壽喜燒和牛肉的配搭很經典，但沒有想過配在餃子裡也有很好的效果，香香甜甜～皮煎得香黃金香脆！重慶鮮肉雲吞（中碗），每一顆雲吞都好精緻迷你，湯面放了滿滿的香菜和蔥花，香辣味美，美味又開胃！龍鳳松茸雙灼餃（跟湯），這款我們選擇配湯，湯底是狀元九鼎湯，也就是赤小豆粉葛湯，店家說沿用古法煲製，不含味精。所以湯頭比較清淡，可自行添加鹽，我和男朋友就喜歡這種淡淡的湯頭，不會喝了一直找水喝。餃子用上黑松露和白松露煮成，餃皮夠薄身，裡面松茸味好香濃呢，吃起來沒有膩

平平哋食一餐餃子，又夠飽又好食，唔使下下洗咁多錢食餐廳嘅，今次又去咗連鎖店嘅餃掂食。龍鳳松茸雙煎餃$86龍鳳嘅意思即係有一半係黑松露另外一半係白松露，各有唔同嘅風味，黑松露嘅味道濃郁啲，一咬開就有香氣撲鼻，而白松露嘅味道就反而收斂啲，比起香氣更有味道嘅刺激，比黑松露多咗一份creamy口感。壽喜燒牛肉餃$52壽喜燒嘅甜味就冇乜啦，反而有啲似食緊山竹牛肉球嘅感覺，但係有水餃皮包住，裏面隱約真係好似有啲馬蹄咁，令到個口感更加複雜。四川粉皮$32呢度竟然有唔辣嘅四川粉皮食，我真係好鍾意食四川粉皮嘅酸酸美味嘅味道，奈何有陣時真係太辣食唔到，呢度竟然可以嗌唔辣嘅四川粉皮，唔需要刺激味蕾但係又食到非常接近四川粉皮味道，我食完之後仲忍唔住打包多一碗走。粉皮夠晒煙銀彈牙，每一條掛住個汁入口就有開胃嘅感覺。山楂雪梨水$20山楂水酸酸美味夠開胃，加咗雪梨中和左個酸度，而且超級大杯，其實兩個人飲一杯都夠。兩個人食咗$210 ，平平哋都可以食一餐。

☄️請follow @foodplanet.hk 美食星球為你速報美食 不專業 但很嘴饞🤪餃掂 l #中環1️⃣自家製 山楂雪梨水酸酸甜甜的山楂口味 令人份外開胃 甜度適中 適合餐後飲用2️⃣雙拼煎餃子 (雲耳椰菜豬肉餃 + 韮菜豬肉餃)餃子皮薄 涵靚 煎得香脆 食落爆多汁雲耳椰菜豬肉比例50% 食得出爽口的雲耳 豬肉偏亦瘦 不會太過肥膩另外韮菜豬肉 韮菜量多 非常香濃 但又唔會搶左肉味 3️⃣灼野生松茸素餃每次必叫之選 食齋ge朋友可以試下 餃子皮依舊的薄 雖然無肉 但新鮮的椰菜 非常香甜 仲有木耳 等等材料 用料滿足_________________#hkfoodplanet

之前食過呢間餐廳嘅餃子，真心覺得唔錯，今日係中環分店再食，仍然覺得回頭率高😝我食左1️⃣ 壽喜燒牛肉餃牛肉餃子最驚就係牛肉過老，但呢個餃子整得非常好，啲牛肉嫩得黎好夠味，同埋係煎餃，外層香脆，但又唔會令你覺得熱氣，推薦！2️⃣元貝餃佢配左狀元九鼎湯，標榜冇味精，而且可以提升免疫力，好好嘅養生湯。我覺得佢個味道都幾好，我鍾意粉葛嘅味道😝而餃子皮簿餡靚，真係食到元貝，唔錯！3️⃣松茸餃朋友叫嘅，我食咗一隻，松露味都幾出，我覺得都唔錯喎，下次可以叫一碗食☺️4️⃣上湯松茸時蔬菜心好新鮮，嫩綠，浸泡左喺上湯裏面，吸晒啲精華！5️⃣蜜糖檸檬薏米水好足料，酸酸甜甜好開胃我好鍾意食餃子㗎，呢度嘅餃子夠晒真材實料，貴氣十足，價錢合理，而且衛生都做得好，食得開心又安落😘

估唔到餃子嘅餡料可以有咁多連白松露黑松露餃子都比呢間舖頭諗到真係食到舔舔脷 🥰🥰今次小編揀咗三款餃子食 🥟🥟🥟1 大白菜豬肉水餃2 椰菜雲耳豬肉水餃3 芫荽豬肉水餃煎餃同埋湯餃各有特色煎餃煎得個底金黃色 好脆好好食湯餃冇咁熱氣 同樣好味道重點佢配上個靚湯比你飲😋😋佢好好可以俾你雙拼餃子有選擇困難症嘅人唔使煩惱👏🏻👏🏻小編建議大家走之前 可以外賣佢哋嘅招牌飲料1 山楂雪梨水2 檸檬蜂蜜薏米水聽落都覺得好健康好養生🤗🤗

同朋友係中環搵食，呢排食得西餐多，但要係中環想搵間中式d都唔易，點知行行下就比我地見到呢間餃掂，當然毫不猶疑入去！打開menu，估唔到佢既款式都好多，就每樣都嗌少少黎試下~~龍凰松茸雙灼餃之所以叫龍凰餃係因為佢有黑松露同白松露作餡料 餃子一咬開已經散發出濃郁嘅松露香味 令人忍唔住一口接一口 餃子仲配埋狀元九鼎湯 粉葛味濃 清淡滋補 壽喜燒牛肉餃從來無諗到壽喜燒牛肉可以出現喺餃子入面 但估唔到幾有驚喜 餃子煎香咗 肉汁澎湃 牛肉彈牙 同餃子又估不到的夾！元貝豬肉餃Size啱啱好 一口兩啖 咬開仲好足料 豬肉肉質爽彈 充滿元貝香 味道鮮甜👍🏻香煎軟心芝士餃又一估唔到 芝士控嘅我完全無控訴 建議先咬開一半先 以防芝士爆出 除左芝士 入面仲有粟米同豬肉 味道豐富有層次 外皮仲煎得香脆！

其實中環唔係淨係得貴價鬼佬嘢食，都有好味又抵食嘅中菜！呢間餃掂售賣人見人愛嘅餃子，仲有得買凍餃返屋企自己煮！另外小食都好好食～煎壽喜燒牛肉餃 $56佢哋新出嘅壽喜燒牛肉餃！趁熱食好味好多😛😛凍咗啲牛騷味就開始出嚟喇！四川涼麵 $30啲麵食落好煙靭 ，凍嘅麵加埋麻辣汁令人胃口大開。蔥味酸辣雲耳 $25爽口嘅雲耳，辣辣地，係呢度必點嘅小食。蔥味同調味都啱啱好，唔會話太辣。蜜餞雞翼 $32/5只呢個真係比到驚喜，價錢上實惠不特止，食落有蜜餞嘅香味。雞翼滑嫩，唔鞋。

今日在中環見客，在他寫字樓做左大半天都未攪掂，客人都好好人，叫我和另一同事去買外賣回來食左先，同事說去餃掂買餃子食，有一人餐快捷妥當。餐可選一款餡料餃子，一碗狀元九鼎湯，再選一款小食。餃子我最喜歡韮菜豬肉餃，皮薄餡鮮。用粉葛、鲮魚、赤小豆、扁豆、陳皮、鮮排骨等用古法虔製的狀元九鼎湯，能提昇免疫力，養顏保健。蔥味酸辣雲耳，一口一朶小雲耳，口感爽脆，味帶酸辣，十分醒胃還買了健康飲品，自家製山楂雪梨水，用山楂片、雪梨、甘草、冰糖、麥芽、水等製成。有清腸排毒，生津解渴等功效。

付出＝回報？呢條方程式好似係香港好難應用。每日睇住樓價係咁升，又睇下銀行戶口又得返個位數每月出糧個數字好似無咩點變？以前落酒吧一大班人咿嘩鬼叫，今日D啤酒得返自己飲。飲到斷哂片，第二日訓醒先發覺活左大半生人，幾辛苦都只係為左走向人生既盡頭，真係粒粒皆辛苦。雖然回報未必同付出成正比，但有落力自然有成功既機會，好似呢間人氣「餃掂手工餃子雲吞專門店」，就充分表演出用汗水同心機去換取成就，今時今日想食餃子都一定會諗起佢，你就知絕對唔簡單呀！👇📌中西合壁 - ▪ 龍鳳松茸雙灼餃 - $86/8只▫ 招牌之一既龍鳳餃係我第二次黎必點之選，龍鳳亦姐係黑白松露，唔好睇佢外表好似無乜特別，其實裡面既餡料十足。一啖咬開餃子，即刻散發住陣陣既松露香，而餃子做得好薄，灼過後將松露味更加帶出，鍾意濃味既朋友呢個一定岩你。而另外吸引之處係會送埋招牌狀元九鼎湯，完全無落味精，真係飲過都返尋味。▪ 香煎軟心芝士煎餃 - $62/10只▫ 另外呢款煎餃亦係最岩芝士控，外層煎到金黃香脆，而裡面除左有豬肉之外，仲食到栗米粒，口感份外豐富。而最重點就係芝士仲有半流心既質感，呢個配搭估唔到又幾有驚喜。📌手工餃子 - ▪ 芫茜豬