飛鷹餐廳

營業中

休息中

今次想介紹一下已經喺深水埗有好多年歷史，細細個成日經過又無入過去幫襯嘅舊式扒房---飛鷹餐廳，格局同金鳳差唔多，懷舊味道十足，唔知味道點呢？鐵板西冷牛扒睇個餐包嘅份量已知道主菜份量應該幾勁，果然不出所料，份量大但都算真材實料，有肉汁，肉質柔靭，啖啖肉，抵！蕃茄牛脷燴意粉鮮茄配鮮牛脷，夠甜，意粉味道配埋餐廳內嘅環境，正！總結:價錢好合理，淨係睇個舊式鐵板已經值回票價，再加埋陣（舊餐廳徐），經典！抵贊！

一入到去，所有卡位都有留座標記，唔比我地兩人坐，只能與別人共坐在四人枱，而且一位似老細的人出聲指只能坐share位。但坐位十分窄，坐得唔舒服。叫左一個鐵板西冷牛扒，一個鐵板肉眼。整體來說是肉冇肉味，都唔知係唔係正在食牛。還有最後的奶荼只能用奶水來形容，得少少茶味。如果一間餐館只係食老本，不思進取，這間餐館應該要快D消失。

因为这家餐厅就在我家楼下所以基本把他当作了食堂 一样的存在。不想做饭就下来吃 个人比较喜欢的有罗宋汤 蒜蓉鸡扒饭和牛利饭。几乎没有特别踩雷的。饭量很大女生吃不完。午餐36不能更抵。那些说服务不好的。其实那个阿姨不会笑是真的，她就是那种性格。。

摸過幾次門釘，因為次次黎都好多人等位。餐廳地方不大，如果同行人數多的話，基本上都冇咩機會入到去。所以好多人等等下都會走...餐包最先上檯，熱辣辣，又香又甜，再加上牛油，感覺一絕，係我覺得呢個餐廳最好食既野！餐湯有紅白兩款，我自己就揀左白湯，我就覺得冇乜味，有D浠。但係餐包同餐湯黎左之後，我地起碼等左九個字至一個鐘先有野食。即係我地第一個食完，最尾一個人食物都未到...真心灰...肉質較韌, 有D咬唔開既感覺。

深水埗一間好耐歷史噶舊式扒房，門面也不起眼，但每次去都必須等位，可想而知受歡迎程度，入面空間不大，光線也比較暗，可能想營造氣氛之類。午餐很優惠，而且人也沒有這麼多人，晚餐套餐相當抵食，份量大最啱鍾意食肉的人，如果鍾意肉味濃郁，建議西冷牛扒套餐，肉味香濃旁邊肉眼筋有嚼勁，然而牛柳餐則比較軟滑，鐵板上最好五成熟，到你食到一半時肉都熟得七七八八，如果想食得飽又經濟，無疑飛鷹的確不錯的選擇！

平時去探望母親都會去金鳳吃牛柳餐，不過因為成日要等半個鐘，所以諗住在這裡試試。我諗它同金鳳的歷史差不多，又唔駛等。坐下已經覺得有點不對勁，因為晚飯時間都沒有坐滿，叫了牛柳+蒜，味道一般，只是蒜很少。而且服務態度差，所以不會再來。

日本有他們的日式西餐廳，我們生活的香港，當然也有令我們自豪的港式西餐廳啦。說港式西餐，也就是我們時常掛嘴邊的豉油西餐，感覺上，歷史越悠久的店，就越有特色，味道也是越好的。這一次，獨個兒來到深水埗，我指定要食的餐廳，就是這一間，1977年已經在香港營業的《飛鷹餐廳》。 全稱叫《港澳飛鷹餐廳》，查了一查歷史，《飛鷹餐廳》早在1971年已在澳門營業。不計澳門經營的時代，之前說了此店於1977年進駐香港，剛剛好比我大一年。雖是70後，但計到今時今日，都有近40年了，時間，早已經為這一間食店，加入飲食的歷史冊之中。 餐廳的地方很細，一張4人檯，若是坐滿4個人，檯上亦放滿了食物，我的目測所見，是不夠位擺的。若是4位食客都身型魁梧的話，係會坐得很辛苦的。 第一次來，食的是午餐。而午餐、晚餐都會包兩樣野，而這兩個食物可以算是香港豉油西餐的寶。什麼寶? 就是麵包同紅湯啦。《飛鷹餐廳》的麵包，不知是示是自家製，總之，是出面吃不到的麵餐包。看起來，好似好大份量，但麵包大，其實只是質感鬆軟。麵包，是熱力十足的，而且是麥包，加入了牛油，入口更香甜可口。如果有人說，是為了吃這一個麵包而來，我絕對相信。 紅湯，也即

去開深圳埗買嘢，順便去食個午餐，但係又小嚟呢邊，唔知乜嘢先值得去試下。朋友就提議去呢間飛鷹餐廳，話係警式嘅茶餐廳，其實我聽落無乜意欲去食，諗住都係普通嘅茶記。但開左個openrice 我即刻話要去食，點解？因為一開張相就見到我最愛嘅餐包，我覺得扒餐餐廳嘅餐包係特別好食嘅，亦只有舊式格局的先會有呢種餐包嘅味。你問我係咩味，我好難可以講出嚟，剩係可以話係一個好軟熟又熱辣辣的包入面仲夾住牛油嘅油香，超正！午市拒會有套餐，一個湯，我一個主食同埋餐一。主食我選左鮮茄牛脷飯。牛脷切一片片上，食落淋身，牛脷味重。鮮茄汁用左左舊式的煮茄汁方法(真係好難講出係咩味，只可以話你有番甘上下年紀，食過舊式餐廳你一定知)，仲有幾舊鮮茄。味道方面，超好食又講不上，只可以話係無得輸嘅味道，食得多大家樂之類的快餐，不仿試下呢種味，係有過之而無不及。出面真係好小地方會食得到。另外就叫左個黑椒牛柳餐，餐湯，餐包，主食，餐飲。牛柳超級淋身，食落好有牛味，我可以話呢種牛扒唔算得係靚嗰種，但係煮出嚟好食，又有風味。黑椒汁唔會辣，有小小黑椒香味。仲有薯條同什菜伴碟。90幾蚊呢個價錢，好抵。一入到拒嘅感覺，得懷舊兩個字可以形容，當

今晚朋友建議來這裡食飯，話呢度好出名，好多人排隊等位的，咁冇所謂去試下啦，行到去，都不是太多人等位，可能都已經差不多九点了……其實等了五分鐘都沒有就可以入座，入到去座無虛席……啲人坐到密密麻麻，認真，第一個感覺呢度好細好迫夾，坐得吾舒服，你食完會好快走……尤其我哋吾係坐卡位的。今晚沒有特別想食鐵板餐，我心想，如果啲嘢好味，普通一個常餐裡的食物都會好味嘅，我点了個洋蔥豬扒燴意粉、羅宋湯加飽……這裡，好迫夾又嘈，起菜時間耐，未有嘢食個個唯有傾偈講嘢，所以好嘈……麵包，就好快嚟，諗住等埋個湯先食，但原來等個湯都要差不多15分鐘，再過多十幾分鐘（即係前後差不多25-30分鐘），我個洋蔥豬扒意及朋友的牛脷意粉、周圍客人的餐、扒才陸續上枱，我隔離個女仔叫左個什扒餐，比佢男朋友的牛扒還要來遲多十幾分鐘，我見個什扒餐有火腿，我未見過有火腿片出現於什扒餐，也不是豐富，是我孤漏寡聞嗎？我自己個洋蔥豬扒意粉呢，上枱時不太熱，我自己覺得啲汁太多，氾濫了，有点漏及鹹的感覺，豬扒一般但不致於好好食，意粉腍了一点，太多汁浸住，羅宋湯ok……朋友話佢碟牛脷就爽口，佢自己都對呢間餐廳有啲失望……整餐飯，等的時間多過用餐

逛街至下午二時，正想帶著小孩懷舊一番。誰知進餐廳後，被迫坐面壁門口座。詢問為何餐廳半空，仍不能坐「二人卡座」，她們無言以對⋯我無奈。後來自家小孩愛望街，我屈服了。久問之下才知道，太子命令，如一人吃飯必先安排「自閉座」。原來侍應認為我倆只會叫一人餐，怕我們浪費座位，並說「太子」的吩咐。此時此刻的香港，真的要這様斤斤計較嗎？當然，我也在計較，懷舊的雅興全消失了。吞進肚裏沒有味道，只見座桌上的蚊子屍體丶不潔的食具丶千年茄汁漬的桌墊和⋯一杯清水。

如果午餐時段經過深水埗，都一定會係呢度食，價錢親民午餐有湯有飯有嘢飲，只係$36，仲跟一個好大嘅餐包，食唔晒個餐包可以拿走（唔好浪費吖嘛），又或者可以將個餐包轉左薯條。呢度嘅羅宋湯真係非常好飲，個味道唔係度度都飲得到，鍾意飲紅湯嘅一定要黎試吓。但係呢度嘅服務真係出咗名嘅，大家要有心理準備

成日都聽到人講開深水埗都會提到食扒房，都會講起飛鷹餐廳，話佢裝潢夠傳統英治時代特色，食物亦都好正。 咁今日同班同事行經既時候，就決定入去試下佢，係咪真係咁正啦點知一入到去，唔覺得係特別靚，反而有少少老舊既感覺。 座位亦唔算十分空曠，仲要有少少窄，坐得唔算好舒服。 打開張餐牌，我地都冇打算叫扒黎食，叫左個散餐黎食。今次我就單點左免治牛肉飯。上菜時間都算中尚，個碟太大個，搞到我地啲位仲迫左。 至於免治牛肉飯牛肉既分量都算多，配料偏甜而不辣。味道講真係可以接受，唔太差，不過亦冇咩特色可言唯一可讚既，就係夠新鮮，牛肉唔會有老身或過熟的情況下次再黎要試真係只會試扒，其他野真係唔敢再試⊙ω⊙

今晚我們去咗深水埗荔枝角道嘅「飛鷹餐廳」食晚飯！我們叫咗西冷牛扒餐、T骨牛扒餐同德國豬手餐！西冷牛扒餐嘅肉質超鬆軟，肉味相當濃郁！T骨牛扒餐嘅T骨牛扒超大塊，肉質非常嫩滑，但脂肪就比較多咗啲！德國豬手餐嘅豬手肉質好鬆化，骨膠原非常豐富嘅豬皮相當爽滑彈牙，唔會有好油膩嘅感覺！餐包極之大個，而且好香滑鬆軟！忌廉湯嘅味道淡而無味，而且相當稀，令我們比較失望！羅宋湯超香甜濃郁，材料好豐富！

成間野直情係伏，下次唔會再去。一）西冷牛排無牛肉味，都唔知食緊咩，可能雪左好耐。二）牛排一塊薄啲一塊厚啲，隔離果塊厚啲，有啲不爽。三）等左好耐食物先黎。四）服務態度差。五）地方狹窄又熱。

對上一次食飛鷹餐廳已經係年幾前嘅事，今次夜晚嚟都幾多人，慶幸唔洗等位。之前係麥餐包，今次就係牛油餐包，不過都OK。我同朋友都係揀咗紅湯，入面有椰菜、胡蘿蔔同西芹等等，呢次飲落好似唔係咁夠味。無幾耐侍應就拎咗我哋份牛柳同西冷嚟，我揀咗黑椒汁，肉質都幾腍。呢排好多時都飲熱檸水，一來對女仔嚟講可以美顏，二來又可以消滯。唔知係唔係出街食嘢食多咗，呢次好似已經無咗以前覺得好好食嘅感覺，不過食牛扒用鐵板上又確係開心好多。