飛鷹餐廳

營業中

休息中

今日晌石硤尾早收，男人黎接我...行左陣...到19:30就去到飛鷹鋸扒⋯⋯一入到去被安排坐兩人卡位，好彩早一步入咋，如果唔係就要同人一齊坐嚕...入面燈光唔會太暗，但都好有氣氛，配埋格仔枱布，同一啲裝飾，真係幾懷舊...我就叫左個肉眼，男人叫左個西冷，首先黎嘅係牛油餐包，呢度同花x同第x唔同，係用麥餐包，仲要大大個，女仔食半個，我諗都飽左3、4成，我就留肚，將另一半俾埋男人食喇！差唔多食晒，就到個紅湯黎喇，唔知由幾時開始聽到有呢個食法...我會加少少牛油落去。呢到個紅湯都幾濃郁！但我略嫌佢甜左少少....飲到一半...連份扒都黎埋，值得一讚嘅係，佢椰菜放底，唔會好水，就晌早幾日我一丁友去左花x到鋸...嗰棵墊底棠菜，搞到成個鐵板水汪汪...搞到我都無心機影相寫食評喇。我個蒜蓉汁仲有少少蘑菇添。講番個肉眼，好大塊啲肉好鬆，好稔！等我仲同男人講...好似略嫌太多鬆肉粉...點知番到屋企就睇到飲食男女段片...應該無落到鬆肉粉嘅....佢嘅7成熟掌控得幾好！男人就話佢份西冷都好食！最後兩杯凍檸茶就唔多特別....食完出到去八點幾....已經有唔少人等位喇...好彩啫！

三人點了兩個扒餐一個常餐！五成熟牛柳变八成熟！因為早去有位但是侍應食飯难叫人招呼！兩人分个大包食，叫侍應多一個牛油但沒侍應！我們坐在水吧前方便所以自己去！拿起問水吧男可以取嗎？加錢嗎？他正在忙！我自己拿起！他卻很無礼地說不用加錢但不能自己取！我說沒有侍應所以問你！但他仍然很寸的重覆以上論說！若我自己拿就不会問你啦！你忙著看不到我呢？叫飲品朱古力原來要多给15元又不講！埋单才知！

朋友介紹 話又平又好食！於是就黎咗牛油餐包 好大個！羅宋湯味道不錯 忌廉湯就比較稀點咗西冷扒同牛柳西冷扒好大塊！牛柳較林 較細塊兩款都好味👍🏻包埋飲品 細細杯 啱晒我哩啲成日飲唔晒野既人座位比較窄 不過懷舊有特色

西冷及牛柳肉質淋，但無味道，不解場內為何滿座，對牛有要求者不建議內進。 只有餐包有驚喜，大大個熱辣辣。環境昏暗而且場內逼迫。下次不會再幫襯。如果只求平價，而不要求質素算不錯的餐廳。

星期日的午餐時間來餐廳沒甚麼人, 裝潢還不錯但正如很多舊式餐廳, 服務就不那麼貼心了是老一輩伙計的傲氣餐湯：羅宋比忌廉好喝, 沒有一種嗆鼻的椒味忌廉湯反而有點肉的騷味餐包：餐包來說這份量就很大了, 是鬆軟類主食：希臘牛扒, 不能挑熟度很薄, 但煎得邊位很脆沒脂肪, 而且全熟, 感覺有點像叉燒T 骨, 7成熟, 切開肉還是嫩紅色的很厚, 沒有說很驚豔, 但也沒有很差小記：環境尚可, 服務就不要期望太多, 但也是舒服的食物沒有說很特別, 但整體不差餐包太大了, 女生直接放棄吧

環境好懷舊，暗暗地幾有格調但地方比較細同窄，不過唔會話過份逼，都算舒服今日星期三人唔算多，不過都會滿座嗌左個豬扒餐，男朋友就嗌左西冷牛扒餐，成個餐包一個餐包，一碗餐湯，一份扒同一杯飲品，$98蚊，價錢都唔係話太貴。餐包超大份，配上牛油，我每次都食唔哂，真係好大個餐湯我今次叫左紅湯，個人鐘意酸啲同番茄味濃啲，而呢碗都做到呢種味道，唔錯塊豬扒鐵板上，個人覺得有啲硬，配上黑椒汁，個汁太水冇乜味，整體上麻麻，豬扒都冇乜味。有2塊所以都夠飽，男朋友個西冷5成熟，佢話好食過上次既牛柳。整體上其實個餐都大份，夠飽，但味道不足，好在環境撘救。

上次經過已經有衝動想試，今次特登到訪，中午時段約一點多，入座率九成，幸好唔駛，午餐有兩個選擇，另外就有常餐，我們二人都選午餐，因為午餐只係早餐價錢，$38有湯，有包，有飯，有飲品，抵到不得了；反而常餐就$58,重要加$10先有餐包。環境令我諗起小小時候的冰室，水吧燈泡簡直絕無緊有。食物方面，最最無敵係又大又熱嘅大提子麥包，實在超水準之作，餐湯都屬水準之上。洋蔥牛扒飯份量看似小，但食食吓都夠飽。餐飲茶味足。整體而言，以早餐價錢食午餐，又有餐包驚喜，算是性價比超高的選擇！推介。

特登一心揸車泥試下D陳年扒房，見佢門口都好舊,我地一行三人叫左一份西冷一份T骨一個咖哩雞飯，先泥左湯，D忌廉湯完全系豆粉＋水🤮，羅送湯入面D蕃茄燶，更冇酸辣味🤢，先到西冷同T骨扒，唔明白點解块鐡板不夠2分鐘就凍😓淋汁完全冇個種熱辣辣既聲😫😫😫⋯⋯块T骨又多根🤢咖哩雞飯到時都覺得唔似咖哩似葡式😑問侍應佢話糸咖哩飯🙄佢話蒲式系冇個幾滴辣油🤬侍應丫姐唉⋯⋯⋯⋯更不值一提只此一次絕不回頭👎🏼👎🏼👎🏼👎🏼👎🏼👎🏼👎🏼👎🏼👎🏼👎🏼👎🏼👎🏼👎🏼👎🏼👎🏼👎🏼👎🏼👎🏼👎🏼👎🏼👎🏼👎🏼👎🏼👎🏼👎🏼👎🏼👎🏼👎🏼👎🏼👎🏼👎🏼比分都要比一粒🌟我一粒都唔想比🤬🤬🤬

港式西餐，俗稱「豉油西」，是一份濃得化不開的香港情懷，也是童年時唯一有機會接觸的「西方食物」。今晚送孩子到沙田練波有段空檔，一支公出返深水埗覓食和買啲嘢，諗咗一輪最後揀返去荔枝角道近南昌街口嘅「飛鷹」，所有豉油西嘅元素飛鷹都齊備，七八十年代的裝修和餐牌設計，濃稠的港式羅宋湯，牛仔款式嘅鐵板，用醃料和鬆肉粉製作嘅廉價黑椒牛柳。豉油西未必係最好食嘅嘢，但係，呢一份香港情，食得我擁抱著萬二分嘅溫暖。

去開深水埗,朋友介紹去食飛鷹,話係好舊式嘅扒房~~因為之前食過嗰啲舊式嘅扒房....都唔係咁好食~所以都唔係抱好大期望去食~去到門口~嘩~好多人排隊喎~心諗一定係平先咁多人排隊~喺門口等緊位嘅時候~睇到佢貼咗好多雜誌讚佢嘅報道~其實喺睇到呢啲報道裏面啲相已經對佢改觀咗~睇落又好似好好味咁喎~排咗差不多有一個鐘~終於到我哋入閘喇入到去安排我哋坐卡位~但係一邊嘅卡位~其實我覺得食嘢時坐位舒適度都好重要~不過都係好食最重要~但飛鷹啲枱又真係幾逼喎~不過無計啦,唔咁逼可能要等兩粒鐘添呀排隊嘅時候已經揀咗食咩~緊係嗱嗱林叫啦~order完之後都要等一陣先有餐包,跟住個湯又要再等我太肚餓喇....湯又隔咗一段時間先嚟....所以個包....我等唔切個湯就食晒lu~個包好大個,仲熱辣辣~見到就想食我叫咗白湯淡咗啲~無乜特別~朋友仔就叫咗紅湯聽到其它人都話紅湯好飲但朋友仔話佢嗰碗湯唔夠熱,搞到唔係想像中咁好飲~我叫咗西冷牛扒黑椒汁~要幾成熟只可以揀3,5,7成~5成我怕太生,所以揀咗7成熟而朋友又係上網見啲人話牛柳好食~所以佢就揀咗蒜汁牛柳~雖然影相好似牛柳好味啲咁~當然係我個西冷好味啲啦我一心諗住佢

事實上認識呢間餐都係呢幾年嘅事，因為朋友兒時在這裏附近返學，有一次就介紹左呢一間餐廳俾我知道～.第一次食嘅時候真係嚇左一跳，因為完全有小時候跟爸爸媽媽一家去食「鐵板牛扒」嘅感覺.......首先係餐廳外面以至裏面嘅裝修.... 根本就係同一間80年代開嘅餐廳一模一樣！.至於餐廳裏面的食物以至員工/服務，一不留神真係會以為回到過去！（當然價錢除外）.自從朋友介紹之後，間唔時都會來一下，因為餐廳坐位都幾迫下，所以每次都係快快食完就走（就像去澳X一樣你唔會fine dining 慢慢食一樣，而且你食食下同朋友傾下計都有所避忌，怕食得太慢會阻住人做生意/遭人白眼一樣），今次就好快地影幾張相先食啦.我點的是黑椒牛柳餐.首先黎到的是這裏的招牌- 餐包 (很懷舊就是了）.紅湯，沒甚麼可以投訴吧 （還有白湯可選）.鐵板上的牛柳、整個setting 就是以前的味道～ 薯條🍟椰菜同蕃茄加個黑椒汁，總之沒有可能會食淨啦.果然又係食得太快唔記得影低餐茶的賣相

真心唔明白點解仲會有人黎食仲會覺得好食!事原之前經過都見人等位 本人又鍾意食牛扒 呢啲懷舊小店見佢做左咁多年 平時都有人等位諗住實無死 一直都好想試下星期一 六點已到餐廳 滿心期待 入到餐廳果刻 感覺真係好懷舊 仲有啲殘舊tim但唔緊要 風味麻餐牌都好吸引咁 多選擇我地4個人 2個叫西冷 1個叫蘇格蘭牛扒 1個叫德國豬手 落餐時 侍應塊面比餐廳更黑 朋友想叫汁另上 侍應晦氣回應汁另上都要加5蚊 真係第1次聽 朋友決定唔要汁 其實老店態度差閒事 野食好食就吹你唔脹餐湯 紅湯白湯 無特別 唔難飲 但偏咸主菜黎啦 西冷叫左5成熟 鐵板竟然一啲煙都無 食鐵板餐就係要想有啲煙同咋咋聲 點知兩樣都無 感覺係唔知放左幾耐咁 牛扒唔熱 汁又唔熱 牛扒無牛味 食落中間凍 食左幾啖都唔想再食 怕肚痛蘇格蘭牛扒 呢個係合格既 唔要汁 但呢個反而有咋咋聲都有煙出 味道都可以 可以放入口食晒既一塊扒到德國豬手 以為都係鐵板上 點知唔係 第1個失望豬手唔熱 第2個失望 有啲豬有穌味 朋友仲話覺得有啲臭 第3個失望 但好勉強地都叫食到 唔想咁浪費最後大家都飽既 但感覺好差既一餐 完全浪費quota自問食野要求不高

一年總有三…兩次會黎鋸下扒…食下份陳年感覺 。和金鳳。比較。飛鷹個麥包特時d....和花園餐廰比較飛鷹小店感覺強好多…當然也懷舊更多。但食物質素……從來百零蚊吾使的一個扒餐…又有大大餐麥包…牛油…餐湯…扒…和飲品…有得食已好開心…所以要求吾會多多。更會推推薦給大家…希望小店能繼續保持下去…因為香港已經冇幾多呢d舖頭剩😣😣😣真心系一件好可悲的事！！但今天晚上去完…真有點不舒服的…每樣東西都很咸…餐湯咸……西冷咸…牛柳咸…什扒感到真系我阿媽都吾食得落…要溝白飯食………唯一系個葡國雞飯正常小小……我吾系投訴……只系想水準好番小小…大家…可以繼續在呢些充滿著情懷的小店繼續經營下去！！我吾想食什麽大*落大x會…尾心鐵板餐囉🤐🤐🤐阿門！！

呢度星期一至六嘅午餐都好掋食，$36 一個set包餐湯、餐包、扒飯/意粉加杯餐飲。每日都有2款主菜揀， 今日係荷蘭豬扒同鮮茄火腿蛋。 我點左鮮茄火腿蛋， 我先生叫左豬扒。 查實最好食嘅係飛鷹嘅餐包， 大大個超好食。 若果午餐唔岩食， 叫常餐都唔錯。

深水埗區老式扒房餐廳，環境真係好舊式，經過門口見到餐牌寫住午餐三十六蚊仲免加一，即刻抱住見識吓咁嘅價錢會食到乜野的心態推門一試，一上餐包，嘩咁大個，羅宋湯普通啦，豬扒一塊須比較乾身但好味的，洋葱汁唔夠香，但呢個價可坐低据扒已值回票價