飛鷹餐廳

營業中

休息中

原本想食個下午茶，結果45分鐘出唔到一個下午茶，仲係餐蛋公仔面。當時 餐廳得三台客人，等佐20分鐘無動靜 催單，過佐20分鐘隔離台客人食完買單 ，仲幫我問返 嘢食未來，侍應仲好意思行來問我 你叫佐乜嘢食？我即刻發火 買單，侍應仲同我講等多 十分鐘，好快。如果間餐廳 好多人，情有可原，但係得三台客人，叫我等一個鐘頭來唔到一個公仔面。侍應各個係度吹水玩手機，甘架服務 仲要加1服務費。 情願燒佐发现幾十蚊。

我地去食果陣已過lunch hour，所以唔使等位。一向都知飛鷹係食懷舊feel，果然係好“舊”，由裝修到用具到氣氛都可以feel到有幾舊。 咁嚟得呢度梗係叫塊扒食下啦。我點左西冷，同行友人點左T-bone，另一位點左個set lunch紅酒牛尾飯。先來幾個大麥包塞飽你先.....我地點食到，最多食到半個， 要留肚食扒架嘛。  湯都係係咁兒飲下，個忌廉湯真係唔飲都得，無料係入面。 主菜嚟啦：牛尾飯嘅味道就係舊式餐廳果d茄汁味囉，牛尾骨多，肉好少。 西冷同T-bone我地都係叫7成熟，但兩份嚟到都係熟哂 (雖然都無抱好大期望)。最後，叫牛尾飯果位梗係唔夠飽啦，剛好餐廳開始做茶餐，朋友就點左個牛扒煎雙蛋餐。佢話起碼都叫做係飛鷹食過扒喎...... 

一兩年前都去過呢間深水埗嘅西餐廳今次下午茶時段到來, 無咗午餐, 唯有叫叫常餐, $56再加一, 喺深水埗嚟講感覺偏貴, 重要間嘢感覺好舊.忌廉湯算大碗, 味道中規中矩, 至於個洋蔥豬扒意粉, 意粉味道ok, 洋蔥獻係新鮮整嘅, 但係豬扒得一塊細嘅, 唔係煎, 係炸完淋個汁上去.呢個咁嘅餐連加一, 喺深水埗要61蚊, 又唔係咁值.

一入去感覺如太平館的格調，同是以老式西餐廳的部局，餐牌上的價錢如是。對於老店服務態度一向無要求或期望，因為這亦是老店"特色"之一。但重點是當佢既價錢發格調都甘太平館，我就較難想像食物會係甘，一份燒牛肉三文治，薄薄的嘉*方包沒有焊過，內裡就只有一片薄以細小的瘦弱牛肉，味道上跟一般茶餐廳無分別。價錢$45

這間餐廳，我同我嘅仔女從9幾年細細個開始幫襯，隔幾個月就從屯門出深水埗食一餐，最愛係佢嘅鐵板黑椒牛柳餐，件扒又大份，羅宋湯又好味，一人一份。但近年食物的水準一次比一次差， 最差的係員工的態度！ 今晚我個大女同我講，佢兩公婆帶埋個女(4歲)去幫襯，侍應安排她們坐一個單人相對的卡位，我個女同佢講點坐三個人，得到嘅回應。。。梗係得啦。到有4人枱，問可唔可以轉？ 得到嘅回應。。。你叫兩個餐，轉比你會比其他客人鬧！！！她們唯有戰戰驚驚，驚塊鐵板整親個女，食完那份再進一步差的扒餐。

今日同妹妹黎食飛鷹餐廳，呢間係開左好多年嘅扒房，小時候黎過，我叫左個什扒餐，而妹妹就叫左蘇格蘭牛扒餐，大家都飲羅宋湯。首先，係麵包🍞，熱左嘅麵包再加牛油冇得頂。跟住係羅宋湯，我覺得有好足夠🥕、🍅、🌶⋯⋯唯獨少了牛肉味🐮有點兒失望😔之後係主菜，蘇格蘭牛扒點左5成，成數控制得好好，而什扒餐就冇咩特別。另外，服務方面一般般😐可能係舊式餐廳。

今晚來到深水埗附近整車見到飛鷹餐廳唔使等位就快快步去試下來到近9點都全店滿坐 行慢啲都要等位啦坐下即叫左一客西冷 一客牛柳先來個大餐包加碗羅宋湯 個包明顯係叮熱 不過湯都幾入味跟住好快就到左主菜 呢啲牛仔造型鐵板就好有風味加埋「芝芝」聲 未食已覺開心真正食落味道也不錯只是服務就好一般啦 要有貼心服務既朋友就要考慮下

第一次去食飛鷹，八點未有人等位，好快有得坐卡位。首先員工有禮貌，環境舒服。雖然有少少逼，但好有舊式扒房感覺。叫左兩個雜扒餐同一個芝士奄列，好好食！！加埋一，total $254

朋友一直都鍾意食牛扒 ，之後佢就話深水埗有間叫做飛鷹嘅餐廳好過好耐歷史 ，所以就話不如去試一試下。 咁我哋大約七點鐘到達，因為朋友未到所以一定要齊人先入到，等咗大約四個字左右就可以入去啦。 座位都比較迫 ，嘢食方面我哋最後選擇咗西冷扒同埋肉眼扒 ，湯方面我今次就叫咗落宋湯 。羅宋湯來到時候見到仲有得個包添， 麥包係超級大過其實如果女仔嚟講食完個包都可以爆咗一半， 但係羅宋湯有失望，因為似醬汁嘅物體。之後 肉眼扒和西冷扒都到 ， 我叫啲肉眼扒五成熟，中間有少少紅色味道唔錯，牛肉味都好濃同好淋身，而且 分量畀我心目中大分， 不過可能薯條放喺下面所以全部都淋晒，但係都好入味。 而我朋友叫的西冷扒七成熟，但差不多是全熟有點失望。味道真的被肉眼扒牛肉味偏淡少少，但係口感就更好。飲品方面我就叫咗檸檬茶，原來係比心目中細杯，但係都好濃茶香同檸檬味，所以味道不錯。而我朋友就叫咗可樂，原來可樂係要加8蚊，佢哋都照樣嗌咗，因為都見到有唔少人繼續喺度排隊，所以我哋飲完之後就拿拿聲離開，每個人大約一百蚊左右，都幾抵食因為都十分飽肚。

前幾天男朋友帶我去到三年前吃過的飛鷹餐廳据扒~~~-因為那天不想吃太多肉，所以只點了一份T骨牛扒及鮮茄牛脷燴意粉來分吃！-由于我們想專心用膳，好好地撐下檯腳，所以決定這頓飯的期間都要收起電話！-故此，這篇食記都沒有食物照嚕-扒餐例牌有大大餐包配牛油，餐湯就是紅白兩款二選其一，味道老樣，都是不過不失的質素啦-後來的T骨扒亦是味道平平，沒有驚喜。反之意粉卻比想像中好，意粉不會過淋（小妹最怕吃淋之之既粉），亦有很多鮮蕃茄畢竟這裹主要吃的是主要是他們懷舊的風味，價錢又不算太貴，不能有太高要求吧！到了最後喝罷餐飲後，我倆那“沒收電話 專心用膳”的計劃也順利結束，所以就送上一幅喝光光的餐杯照吧

女生有時候也會出現大口大口吃肉的念頭，剛好假期快完結，錢也花得乾淨，只有2小時晚飯時間便要趕下場，平民扒房絕對是不二之選。大約晚上8點到，門口貼著大小剪報，等左10分鐘左右便入得，內在裝修環境保留舊式卡位配餐桌，所以整體環境有點小，位與位之間可算是窄。最後我們2人各自點了黑椒牛柳餐93元加一一個人，隨餐跟大大個餐包，餐湯及飲品一杯。餐包很大，自問不是小食女生，為了能完成之後的牛柳，我只吃下半個餐包我們選擇了羅宋湯，這個值得一贊味道很好，不知道是否最正宗，反正就是想吃到的味道；至於主菜牛柳，相信是性價比高的，通常吃這些梳打粉味都很重，這裡難得地沒什麼，也是值得一贊的份量適中不是特別多；檸檬茶沒什麼特別。最後，整體算是不錯，價格不是特別便利，但今時今日晚餐來說已是平民衛生情況一般，桌面還留有上家的牙簽及水漬，但一路吃一路不段有鐵板的聲音在耳邊走過，其實也蠻特別有懷舊感

女生有時候也會出現大口大口吃肉的念頭，剛好假期快完結，錢也花得乾淨，只有2小時晚飯時間便要趕下場，平民扒房絕對是不二之選。大約晚上8點到，門口貼著大小剪報，等左10分鐘左右便入得，內在裝修環境保留舊式卡位配餐桌，所以整體環境有點小，位與位之間可算是窄。最後我們2人各自點了黑椒牛柳餐93元加一一個人，隨餐跟大大個餐包，餐湯及飲品一杯。餐包很大，自問不是小食女生，為了能完成之後的牛柳，我只吃下半個餐包我們選擇了羅宋湯，這個值得一贊味道很好，不知道是否最正宗，反正就是想吃到的味道；至於主菜牛柳，相信是性價比高的，通常吃這些梳打粉味都很重，這裡難得地沒什麼，也是值得一贊的份量適中不是特別多；檸檬茶沒什麼特別。最後，整體算是不錯，價格不是特別便利，但今時今日晚餐來說已是平民衛生情況一般，桌面還留有上家的牙簽及水漬，但一路吃一路不段有鐵板的聲音在耳邊走過，其實也蠻特別有懷舊感

食左個什扒餐。同焗豬扒飯。 個什扒出到黎睇到好求其甘。 個豬扒飯就成碟碟頭飯甘。 可能鄉下唔同。出到黎問佢點解甘既樣佢話。幫我起埋出黎。 可能唔起出黎會似焗飯多d既我估，同埋坐得唔舒服。 味道一般。賣相一般。 出面茶記d扒餐可能仲好食過佢。 我入去係比佢既裝修吸引。以為幾好。 個餐一黎就知中伏。 原來以前d扒房係食依d。 我依家先知。 價錢又唔係特別平。正常甘，我本身食前都有飽飽地的 如果食量比較大既都應該唔係好夠食。 所以間野都唔會再試

同家人去食, 叫了雜扒,西冷,牛柳,煎蛋薯條。紅湯同白湯都好飲, 我就中意紅湯多d, 飲完好開胃。 之後上餐包, 餐包好大個, 軟綿綿暖暖的。我叫了牛柳, 5成熟, 鐵板上, d蒜蓉汁淋落去, 吱吱聲, 5成熟冇多冇少, 剛剛好, 有牛味, 同平時快餐點的真係好大分別喔～牛柳比起我姨的西冷細份咗dd, 不過好夠食, 食完超飽, 好滿足

付款受氣，怪事一樁。上班有糧出，禮貌相待；進膳乃付款，受氣不少。餐包可能是最出色的，大大個，而且夠軟熟，溫度夠熱，牛油溶了少許更佳。忌廉湯極淡，雖有些菜絲及腿絲，難掩其味淡之事實。蘇格蘭牛扒飯，沒牛味，醃林了的牛扒，當然，難道你期望有上乘的扒嗎？奶茶不好，猶如即沖奶茶沖出來的味道，感覺非常求其拉雜般。這個價錢，有大碟扒飯、湯、餐包及飲料，其實還可讓客人捧腹離開的，質素不算極差，但總不吸引你常來，等位/專程來拜訪則無謂。