飛鷹餐廳

營業中

休息中

從細食飛鷹食到大，少時好喜歡去，因為焗海鮮餐是我首選。但近五年，我越來越少再去。原因1是服務態度勁差。等位齊人是入坐應該，但唔明點解入面有空枱，但都要客係出面等。唔通要扮出面多人排隊？待應大部份都無記性，叫佢拎杯水，總要叫多一兩次，或者拎錯去另一枱。原因2是環境清潔問題。枱布究竟幾耐先會換？一枱客走，象徵性拿走餐具，沒有抺枱墊，就放餐牌上枱，餐牌下面壓住之前一枱客食剩的骨頭。衛生情況可想而之。原因3是食物質數。叫火腿雞絲燴意粉，就好似蕃茄汁浸意粉，雞絲無乜幾件👎。叫焗芝士肉醬意粉，個意粉煮法跟燴意粉一樣，又係汁浸意粉，但芝士肉醬就好似同意粉分開碟焗，之後上枱前先夾做一碟👎。相信大家樂的焗肉醬意粉一定好食好多。叫牛扒，要七成，但來到就似五成。👎焗海鮮餐，不如以往，得龍脷魚無乜其他海鮮都叫海鮮餐，雖然點餐前有講明，但又如何。字面上真是騙人👎。總括，裝飾四十幾年一點都沒有變過，餐牌沒有變過，餐飲個杯跟少時一樣那種杯size沒有變過。但因為老牌餐廳，所以出名多了人來食，但服務態度反而一年比一年差，食物質素同樣一次比一次差。其實如果無心做的話，不如早點接埋。

今日經過就試下呢間懷舊式扒房~點左個鐵板牛柳餐同雜扒餐~先黎餐包，真係大大個，羅宋湯味道唔錯，夠酸~牛柳同雜扒份量都好大，揀左配黑椒汁，味道唔錯，但少少鹹，薯條唔夠脆~

聽講係區內老牌餐廳，約了朋友慕名前往，坐二人卡位。食左半個鐘左右，我個碟斗仲有舊切好既牛扒，當我飲緊水既時候，老板娘突然一手抽左個碟。我O左咀，表示未食完。佢就好大聲話，你地快d走啦，出邊仲有人等緊，我地一晚要做兩台生意架！仲要賊喊捉賊甘叫我地吾好阻住佢做生意，有d台吾知我地食左甘短時間仲以為我地賴係斗，出黎道德幫口，超無奈。講真，食甘多餐廳，未見過有間甘過份！就算限時，一般都有個半鐘啦。我地食得半個鐘，食得快吾代表就應該趕我地走先，更何況我碟上都仲有牛扒，真係好無禮貌，好吾尊重人！仲要都吾係好食，我去太子第尾，金鳳etc都大把選擇啦，講真，食老麥都好味過食佢，仲吾使受氣！

食物：質素越黎越差，肉質又鞋，西冷完全唔似西冷，冇牛肉味，似好cheap既肉質，壓落啲薯條度，薯條林到完全唔想食，啲汁好鹹，大快活都高質過佢，仲冇佢咁貴。環境：有雙人座位永遠都擺個牌寫留座，但食完成餐飯未見到過有人真係（留座）啲位情願吉係度都唔俾人坐。檯面塊膠墊好污糟，痴笠笠咁。服務：想order嘢飲，個侍應直行直過，完全唔應機，再大聲啲講多次唔該，又突然話佢聽到，仲走去廚房講：叫佢自己入黎沖囉，咁趕😑😑😑 （哇，好大既官威）總結：祝佢早日執笠喇，服務差，嘢食流一個人咁講都算喇，睇完啲評論冇個好，好心佢檢討下喇

回到沒有dry /wet aged ,和牛澳洲和牛或韓牛。普通人家想鋸扒會去邊？美而廉、皇上皇、第尾定花園？小時候屋企甚少出街食飯，如果出去食又點會唔去酒樓而去餐廳吖。有收入後自己會去飛鷹。貪佢餐包夠大、以前跟飯仲唔駛加錢！餐包—拳頭咁大個是標記，翻熱已覺得好好食，仲要搽埋屋企人粒牛油先安樂！羅宋湯—鐘意佢足料同落咗麵撈，飲落去杰杰地果種感覺。鐵板牛柳餐黑椒汁—有段時間怕油煙食親都叫碟上，而家人老咗又回歸鐡板。蒜蓉汁黑椒汁免費，洋蔥汁加$3。8安士以上牛柳肉質有化學處理過但比金鳳輕手，要拗五成定七成無乜意義，只知夠熱唔韌加埋索晒汁嘅粗薯條已收貨。埋單一百有找又満足到心理生理需要，今時今日仲想點？

之前因為係Fb睇完土炮既介紹,覺得一間可以由70年代經營到依家既扒房一d都唔容易,希望可以一試呢種舊式餐廳!一入到去餐廳環境好舊式,令人回想起以前,餐包非常大個而且軟熟,同依家一般既餐包仔好唔同,我地叫左一份西冷,一份牛柳,兩種各有不同風味,我個人覺得黑椒汁一定要試,非常香同好惹味,而且我覺得牛扒同黑椒汁係最夾既,一個餐亦唔貴,$98+1,依家係出面好多地方都食唔到,好多時出面d鋪頭會張貨就價,但呢間鋪頭就冇,一件扒大過手板,而且唔會好薄,值得一讚!最後,我叫左杯熱0茶,茶底完全冇苦澀味,檸檬非常香,為一餐寫上完美句號,有機會真係要再黎食

食物：用偏咸重口味醬汁掩蓋既一塊軟淋淋毫無口感既扒﹐一pat野咁，全無肉味，一睇就知係垃圾級食材，比錢食醬汁味。環境：環境非常逼，地方清潔度一般。服務：根本無服務可言，咁都要加10%，咁大快活晚市送餐都要加啦。總結，去任何一間連鎖快餐店食扒都必定新鮮、好食過佢N倍﹗

無意中行經這間店，看見門口有人在等位，外觀又似金鳳嘅格局，所以就等一下位啦。大約等了半小時，終於有位了。我分別點了一個牛柳餐和一個咖喱雞飯。值得一提嘅係個餐可以選餐包或白飯，二揀一，如果要選意粉，就要加錢。我選了食餐包，誰知送來的是一個超級巨型，類似提子麥包嘅巨大餐包。餐包好味、軟熟，不會是硬硬的。另外，那個羅宋湯味道都好好。反而主角牛柳size是很足的，但是味道就很一般了。如果你食過金鳳嘅扒，咁我覺得金鳳會好味啲。那個咖喱雞嘅雞都好軟身，味道不錯。如果你喜歡懷舊的感覺，可以一試。

深水埗和太子區內其實都有好幾間傳統舊式的西式餐廳! 飛鷹餐廳是其中一間! 論位置, 飛鷹餐廳比較偏僻，不算近地鐵站!走進餐廳內, 坐位比較窄小, 若是大男人, 應該不會坐得舒服!! 至於價錢, 都算大衆化水平, 連加一都是百餘元一個鐵板餐!!而於味道, 個人覺得不錯! 牛排很腍, 很容易入口!!蒜蓉汁味道香濃!兩者配合起來好好味, 是小時候食過的那種味道!!而金鳳餐廳由於位近飛鷹餐廳, 加上2間都是歷史悠久的西餐廳，不少人都會將它們來比較!其實質素2間都差不多, 不過這間比較少人輪候!不用辛辛苦苦等位!

叫左個鐵板雜扒, 入面有豬, 牛(我地改左雞), 火腿AND 腸。豬扒大塊厚肉! 雞扒好滑, 火腿同腸正常。不過薯菜好少好少, 同埋好似無炸過咁, 唔香, 又林。餐湯叫左白湯, 夠大碗, 餐包是提子包, 好大個! 餐茶好細杯。另外叫左香蕉SUNDAE, 好多香蕉片, 好甜, 雪糕得一球, 但混左3隻味, VANILLA, STRAWBERRY AND CHOCOLATE, 大球D就好了。無叫牛, 好難JUDGE佢GE 王牌好唔好。

睇食評寫到好差，昨日親身識過，味道不錯，服務正常比想像中好牛既肉質口感不錯，值得推介會再幫襯感覺到用心經營既餐廳，現在香港這類集體回憶已經買少見少，推介各位試試

以前經常光顧因為價格便宜味道還湊合可是今天！雞扒里竟然吃出訂書釘 老闆也沒什麽後續處理 就說了一句不好意思 差點進醫院好嗎？？？？以後誰還敢來這種殺人餐廳？？？？垃圾

（扮留坐）話說星期日晚，約咗兩個老友食個晚飯，金鳳金翠飛鷹 SSP必食扒餐廳 。今次輪到食飛鷹，20:00到場人齊大概等5 -10分鐘 ，叫餐快，不過就會發現餐廳裡等食扒既人比外面多，其間會聽到食客指指點點，不過唔阻心情扒餐正常 一餐包 一餐湯 一扒 一飲品。先講麵包點解變咗大大個，可能記錯，細食既記得留肚； 餐湯正，有牛味，小辛辣，開胃 ； 扒係鐵板上已落汁（如果大煙同D汁要彈彈下可能要去另一間）5成熟應該通用，西冷好似多咗D膏，肉眼睇落剛剛好，T骨大大塊，飲品都係正常果D。人多唔敢叫香蕉船。

本來我食野唔太講究，平常人的60分對我來說而是好食，但這間餐廳的食物，真是差勁到冇哂所有朋友！星期日下午，常歺，洋蔥豬扒飯先來是一個稀到水一樣的忌廉湯，一生人喝過最差的湯，我以為自己是難民，然後就是主菜，豬扒搵梳打那到有開始腐爛感覺，唉！求其食完，快快趣叫埋抔歺飮，這個更令我感到非常委屈，好似自己窮到要接受呢D垃圾級食品，埋單仲要加一，簡直痴咗線，呢間餐廳招呼出名衰，真係冇諗過要收加一。結論係：這間餐廳不只是自己不會再幫襯，而是要主動叫朋友千萬不要來，大x樂、大x活好一佰倍

一般來說，星期一食肆較寧靜，顧客較少，但這裡實在太誇張了。Honey約我1915，我1900就到了，打算先攞位，誰知要齊人才可以入座，唯有在店外等Honey來。這時所見，接近70%的座位已被食客佔住了。在等待的時候，不停有人來光顧，心裡暗算會不會好快沒位，幸好Honey來到的時候，店裡還有雙人位置。很傳統西餐廳的格局，兩邊都是卡位，中間的餐桌，大概是因為客似雲來，常常高朋滿座而加的，貼近其中一邊卡位，差兩、三厘米就跟卡位的枱連在一起。基本上是密麻麻，好迫，只有一條夠一個人經過的通道。環境好迫，我們還是快快點餐。Honey點了鐵板牛扒餐，我則點了德國豬手餐。他要雜菜湯，我要忌廉雞湯。我試了一口雜菜湯，甜而不膩，幾好飲；忌廉湯都夠滑，但雞肉好「鞋」，略鹹。鐵板牛扒到，來的時候汁料已經淋到牛扒上，不是在顧客面前才倒上，只餘微量的「咋咋聲」，所以不用怕汁會濺到身上。牛扒size大過一個成年男人的手掌，嫩滑的，就算是well done，也不會「鞋」口，真的不錯，難怪環顧四周，佔了90%顧客都是吃牛扒。然後到德國豬手，相比下遜色的，其實就算沒比較，我也覺得不好吃。豬手起了骨，肉算是滑，但感覺很肥膩