飛鷹餐廳

營業中

休息中

今晚同阿媽黎食晚飯，之前已經黎左好多次，都鐘意呢度d鐵板餐，但今次唔知做咩，我地叫左兩個餐，先黎餐湯，但黎左一個，第二個要等成十幾分鐘再吹先黎，跟著黎左一個扒餐，我食完，阿媽個份都仲未到，吹左兩次，但d侍應應左你但又冇左件事，有個仲唔係咁好態度，再等左差唔多廿幾分鐘，都仲未到，隔離兩枱五個人d野都到晒（遲我地十幾分鐘入黎）谷鬼氣唔食買單走人，仲話計返我地碗湯（咁飲左碗湯要俾錢嘅）原來碗湯要成38蚊（一碗普通忌廉湯）仲要唔好態度，真係以後唔使黎

今日中午去食個肉眼扒，份量係大， 但食落口就無肉味，亦俾梳打粉𢲡到鬆泡泡， 所以乏善足陳。 最驚喜嘅係，食食下頭頂突然有陣風，跟住“撻”一聲， 嘩！ 手指公咁大嘅曱甴跌左落枱面（如以下示意圖），我當堂嘩左一聲，個女仕應望過嚟呆左兩秒，跟住個男仕應講左句：“咦，邊度走出嚟？”跟住就一手用紙巾執走左，然後當無件事發生，期間完全無道歉、慰問或補償， 最尾仲要照舊收足埋我加一，真係香港食咁耐嘢最差嘅一次體驗，呢啲老字號餐廳真係要好好改善衞生同妥善應對呢啲突發事情，今次遭遇感覺真係太差大家話報唔報食環好？

突然好想食肉，所以星期六嘅下午就嚟咗同朋友食鐵扒牛。同區另外兩間（金X同金X）我都食過，食呢間之前都有睇過金X，發現一個set都已經要成$208，所以最後揀咗呢到。雖然喺深水埗長大，亦都成日經過呢到，但係我都係第一次食飛鷹。一入到去就係電影見到嘅懷舊枱櫈同暗黃燈光，座位都算係幾逼。睇到menu價錢相宜，我哋就各叫咗一份肉眼同牛柳。餐包非常大個同軟熟，跟咗一個牛油，另外仲有餐湯（紅白二選）。同金X唔同嘅係，侍應會喺鐵板餐上之前另外喺吧頭倒咗汁先，就唔會有彈到油嘅問題。肉眼我揀咗3成熟同洋蔥汁，而朋友嘅牛柳就係3成熟配黑椒汁加蒜蓉。我覺得洋蔥汁味道唔係好濃，感覺無乜特別。牛扒好大份，我嘅肉眼仲要係兩塊上。循例都係有薯菜做底，而且有蘑菇同番茄，薯條比例上無咁多（不過都好，因為我都食唔晒XD）總括嚟講，舊港式西餐廳嚟講飛鷹係最抵食，而且一路聽住侍應姐姐們閒話家常更顯港式風味。

上次食左個難食嘅豉油西餐之後有少許陰影，即想搵返間好食嘅，網上介紹飛鷹餐廳懷舊又抵食同味道不俗即想去一轉，話時話都好耐冇係深水埗食野了。三十多年的老店，格局上一目了然，裝潢、格仔枱布及擺設，真懷舊之感。去到餐廳差不多14:00，因為就過Lunch時段即時有位。餐牌，假日都有常餐，幾抵食，但為懷舊鐵板餐而來，都係揀扒餐。餐包，好大個。羅宋湯，酸酸甜甜，味道濃郁，不俗。西冷牛扒餐，$127。要5成熟，配黑椒汁，牛扒大件肉厚，口感鬆軟，肉味唔算太濃，港式鐵板餐的味道，薯條粗身，味道正常。蕃茄牛脷燴意粉，$56，友人的。熱咖啡，普通。食物味道普通，但甚有懷舊之感。深水埗荔枝角道256號

好耐好耐之前喺深水埗練波，有時夜就會喺附近食飯，有日想同朋友慶祝就決定去飛鷹試吓，無論喺10年前定10年後，鐵板餐嘅價錢依然比出面嘅扒房平好多🤩$127就有餐湯、餐包、牛扒配薯菜同飲品，轉意粉就要加$10🍝羅宋湯都幾鮮甜、微微辣，有唔少我鍾意食嘅椰菜🥰餐包非常鬆軟，有舊式麵包舖嗰種牛油麵包香味，溫度亦都啱啱好可以溶到啲牛油，作為麵包控嘅我非常滿意😋牛扒方面我哋分別揀咗肉眼、西冷、牛柳，全部價錢一樣，不過肉眼睇都好難分辨🤣肉眼本身脂肪含量高啲，所以食落都彈牙啲，牛柳就偏淋左少少，西冷算係兩者嘅中間，但都唔會太硬、好容易切開，叫五成熟就啱啱好👍🏻份量方面都幾足，我份肉眼幾乎有兩塊牛扒咁款，雖然底下嘅菜唔可以話多，但至少比出面嘅扒房俾得慷慨🤣整體嚟講係非常之抵食水準又唔錯嘅扒餐，尤其是有童年嘅味道，所以食得好開心😆不過就唔好追求肉味好濃或者服務好高級🙈

味道是不錯的 來吃過很多次 但有個服務員態度讓人很不滿意 中年人 戴眼鏡 一開始我是坐著二人位置 我一個人 後來看到有一人位置 我轉了位置 方便其他人入座 因為週日晚上 出邊好多人排隊 全程我自己搬刀叉和水 湯 麵包 服務員叉住手站收銀機旁望住我 沒有幫我（我話轉過去 他已經點了點頭）後面我拿出手機想拍拍環境 我相機仲未打開 他已經話小姐 唔可以影人 我心想：我更係知啦 你以為你明星咩 又唔係影你 野食係ok 但這個服務員真的態度不好 我知道他係度好多年 但都唔係咁樣對個客 會讓客人覺得食物好吃！但食得唔開心！

第一次行過店舖，看到外面餐牌非常吸引，於是入內嘗試。入到裏面座位十分窄小，燈光非常黑暗，於是找了一張較為大的4人枱，但店舖經理十分黑面地話唔可以一定要座單人枱(當時全店只等5枱人客)，於是叫咗一個5成熟西冷扒，但落單時店舖經理又黑面. @@色物質數差@@當扒放到枱上切開一看到牛扒中間是瘀黑色(5成熟應該是紅色)，於是叫經理過來看看，他只說了一句“D扒系咁樣”就走咗了，再叫他，但都不理會。總結:服務非常惡劣，食物質量差。@@@劣平@@@

第一次食飛鷹，叫咗T骨扒，賣相好靚，鐵板好懷舊，但塊扒太多根，咬唔到，差不多1/4都係根，有啲意外，但味道可以。面包好食，夠軟熟羅宋湯ok餐廳環境衞生一般服務麻麻，冇乜禮貌完。

講定先 如果最低只可以俾0分 飛鷹係零同好多評論一樣 又係有好多空位 但係都要等成10分鐘先俾你入之前有人話好食有懷舊feel 完全係講大話食物係頹飯質素 但收成$60幾個牛脷飯切成一條條 意粉連擺好d都唔得 一pat 野上菜最緊要係佢收緊10% service charge 但完全冇服務可言 餐具連tissue 一野擺落枱水又唔係自動上俾你 要問 問完又係一野擺上枱就算 連分返杯水俾每一個人都冇 侍應個態度原本以為對個個都係咁??唔係㗎 對住個熟客 水就自動上 擺好曬 餐具又同你擺好 仲要係好明顯嘅差別待遇絕對冇下次 最後杯餐茶叫左奶茶 望到都知好稀好薄 唔使再浪費大家時間

餐廳裝修係70年代嘅風格，枱布枱墊餐牌都充滿一種懷舊的感覺🎬呢種港式扒房真係買少見少，係唔少香港人嘅童年回憶🫢當日夜晚7點到達，唔洗等位直接入座，以為中伏，點知過多陣就越嚟越多人，好彩早咗一步🙈🙈食物味道唔算太出眾，最主要都係食回憶同埋環境🙆🏽‍♀️🙆🏽‍♀️鐵板牛柳餐 蒜蓉汁(7成熟) $127牛柳份量足夠，口感十分淋，牛味亦重，而且食得出係冇落鬆肉粉！🤤鐵板雞扒餐 蒜蓉汁 $127由於唔食牛嘅關係就嗌咗雞扒試吓，上碟時都俾佢嗰份量嚇親，有三大塊😬不過味道就麻麻，食完好口渴，應該落咗唔少醃料套餐係跟薯菜，可另配意粉或白飯加$10當日就揀咗茄汁意粉，正正常常冇咩特別兩個套餐都有餐包、餐湯加一杯飲品餐包大大個好軟熟，溫度啱啱好👍🏽餐湯就嗌咗忌廉雞湯，完全係冇味需要自己落胡椒粉同埋鹽調味，少少失望😵飲品凍熱皆可，細細杯一啖就飲晒🙈不過可以選擇加錢轉特飲💁🏽‍♀️‼️注意‼️只收現金環境⭐️⭐️⭐️⭐️味道⭐️⭐️⭐️服務⭐️⭐️⭐️價錢⭐️⭐️⭐️📍飛 鷹 餐 廳深水埗荔枝角道256號

由細已經開始幫襯飛鷹餐廳，對佢有無限嘅情意結，雖然唔係成日幫襯，但充滿住回憶。同好朋友傾計，同男朋友拍拖，都係食飛鷹🥹今次同老公嚟懷緬一下，見佢嘅裝潢依舊，但因為COVID嘅關係多咗d透明膠，枱椅嘅擺法多年冇變，連枱墊依然係八九十年代嘅style，牆上嘅掛鐘、送餐嘅「升降機」、水吧、昏暗嘅黃燈，完完全全咁將氣氛停留喺十幾年前😆餐湯味道依然，餐包依然係大大個，order咗蕃茄牛脷意粉同西冷扒；我唔會話佢嘅嘢好好食，佢嘅味道咁多年依然無變，來幫襯飛鷹餐廳要嘅係回憶，同享受佢嘅氛圍🥹 食物果然係留住回憶嘅最好方法🥰 飛鷹餐廳唔需要煮得好好食，只需要好好咁保留佢一直以來嘅特色，比欣賞佢嘅人好好咁回味舊香港就好了😚

想食平價鋸扒，嚟到多年歷史嘅飛鷹餐廳，環境係舊式扒房設計，有一種懷舊嘅風味，所以座位比較狹窄😁叫咗T骨牛扒餐$142同埋西冷牛扒餐$127，兩款都係五成熟先來餐包，以及羅宋湯餐湯，我覺得餐包好出色，熱辣辣而且包好鬆軟，好好味，以羅宋湯就偏向微微嘅辣味鐵板牛扒，上菜時淋上黑椒汁，香味濃郁，但牛扒預左冇咩牛味，主要食濃汁整體來講，如果只想感受鋸扒風味，又平平哋，對食扒冇咩要求，都可以一試，因為成個餐都好大份，一定夠飽

💪🏻 鐵板西冷牛扒餐（$127）鐵板最大嘅特色就係可以淋上醬汁，咋渣聲😍 餐廳上餐時會即時淋上醬汁，好有懷舊風味！西冷牛扒肉質軟淋，配上蒜蓉汁好好食😋 鐵板餐亦有少量薯條、椰菜作配菜！💪🏻 餐包、餐湯餐包熱辣辣，麵包鬆軟，搽上牛油嘅餐包真係一流🥰 忌廉湯夠creamy，羅宋湯亦都好香蕃茄味。 餐廳裝修都保留40年前嘅懷舊風格，好似返番去40年前嘅感覺，非常懷舊🤓味道：7/10性價比：6/10 食住瘦指數：💪🏻💪🏻/5

冇嘢做諗住試下舊式扒房， 入去坐在三人坐座位超窄卡位一上個紅湯幾企理， 餐包都ok， 點咗個肉眼扒同埋豬扒， 點知個兩個扒都好唔掂那到啲肉梅曬。 見個扒咁差， 個朋友啱啱到叫佢千祈唔好叫扒， 諗住叫個雞肉三文治穩陣啲， 點知佢真係畀兩嚿雞肉加 看咗麵包， 完全冇其他嘢， 乜嘢醬料蔬菜都冇。唔使諗 絕對冇回頭 完全毫無誠意可以我都好唔明點解要夠200字先可post， 係想阻止人寫評論定係點， 九唔搭八不過我點都寫埋佢因為太離譜了

【深水埗區】【飛鷹餐廳】我記得好耐之前，同 ex 嚟呢間食過嘢，不過都真係好耐好耐之前，而且係佢話想食嘅。又咁講，其實係佢知我中意食呢啲嘢，所以佢特登搵呢間嚟畀我食。當年對呢度嘅印象係好多人，同埋佢個餐包勁大，成隻太空船咁。今次去，喺太子站行過去，感覺好似遠過喺深水埗站行過去咁，不過一條路咁實情都唔算難搵。只係自己懶叻行過咗一個街口，又兜多咗個圈，輾轉之間先去到。不過喺門口先有得嘟安心，入咗去都要返出嚟嘟先會完成到。睇餐牌，諗諗吓都係冇咩其他嘢想食，叫返個鐵板牛扒餐算數，喺四款之間我選擇咗「新西蘭肉眼扒餐」，要揀成數，即係生熟程度，糾結咗一陣最後都係揀咗「五成」。醬汁我揀「蒜蓉汁」，冇生蒜好似硬係爭咁啲嘢咁嘅。前菜「忌廉雞湯」其實都麻麻哋，而「鮮油餐包」都大個不過硬係冇當年咁驚喜。跟餐「普通飲品」我要「凍檸茶」走甜，真係好普通。個扒上到嚟，唔係喺面前淋汁，而係淋好咗先上菜。而塊扒唔係一塊過，味道正正常常。成份餐價錢 $117，都係合理價錢嚟，有機會有下次嘅。不過今次要寫嘢，就叫多樣嘢，想叫 $43 嘅「菠蘿船」，點知佢入錯單做 $33 嘅「菠蘿新地」，味道都幾清新，唔錯。呢餐成餐夾埋連