飛鷹餐廳

營業中

休息中

想起原來我食過這店念念不忘，但竟然未寫食評⋯星期日晚，突然想懷舊一下，朋友建議這家西餐廳，幸好到時尚早，不用等太久有位。這店歷史太悠久，和我父母聊天都提起他們年輕時都食過⋯而佢的每一小節從外到內，餐牌，裝修擺設都有不少的歷史，彷彿置身於花樣年華的感覺中，但只覺得有點逼。說回食物，當然要鋸吓扒，主打是種種鐵板餐，而我比較花心，於是點了什扒餐。雜扒餐份量十分大，而有齊腸仔火腿豬牛扒和雞翼，每一樣都是十分高質素，加上鐵板上，當淋上汁時那種（炸炸聲）真的令人十分興奮，特別推介牛扒，應該係西冷，好有牛肉味而且配上椰菜和炸得脆的薯條，均衡一下而十分滿足。另外，佢羅宋湯亦十分足料，啖啖蔬菜加埋大大個甜餐包，整餐十分滿足。總結：值得再去，因個鐵板餐真的令人念念不忘，一定記得那種傳統和港式的感覺。

星期日晚上，出動一試街坊價鐡板牛扒餐！$88.0 未計加一！奶油雞湯配餐包：餐包先到，勁大個！可惜等到湯到，餐包已經凍哂！湯夠熱，可惜冇乜味！可惜加可惜！鐵板黑椒牛柳：牛柳肉質同味道不錯！黑椒汁尚可！整體滿意！凍檸茶：正常！

見呢間係有歷史有口碑去一試，仲等左咁耐位，點知質素相比起金鳳真係差好遠首先係牛柳 要八成熟尼到係得三四成 平時個鐵板係可以整熟佢但佢個鐵板真係唔係好熱 d薯條食上口都唔辣口 個扒一直生生地 好un 完全唔好食 唔會再試！質素同價錢都唔抵

今晚本嚟諗住同女朋友去哩間飛鷹撐檯腳，點知啲態度每況愈下！我哋7點半到，一坐低已經即刻嗌嘢食，女朋友要咗塊蘇格蘭5成熟，我就要咗塊西冷3成熟。我哋一路等，等咗成5個字，我個塊嚟咗，但係女朋友個塊扒等多成兩個字都未嚟。唯有叫個侍應催下，點知一催就係噩夢既開始！我哋等咗成半個鐘，點知女朋友個份所謂5成熟既牛扒根本貨不對板。左邊完全唔熟，同生既冇分別，右邊就熟到同well done一樣。叫個侍應嚟問清楚咩事，剩係say sorry，咁究竟係幫我哋寫多份扒定係點呢？之後我哋係完全冇答復既情況下坐多個字。終於，坐多個字之後，老闆親自出面嚟睇下咩事。我哋同佢講完個情況，佢可以諗都唔諗，睇都唔睇話我哋唔識。話5成熟就係煎下個面，入面唔會熟。大佬，你真係當我哋成世未食過扒啊？宜家係你左邊個舊完全未熟，右邊熟到乜咁。仲要啲態度差到好似我哋屈佢咁，有冇搞錯啊！本嚟你換過塊，我哋當冇事，但係你宜家啲態度太差，咩老字號根本就唔可以幫你加半點同情分。呼籲大家如果唔想一邊受氣，一邊食啲質素同價錢唔成正比既“牛扒”，建議去第間食。

舊食店近年食小見小,一間間退下來。這一天來到舊區深水埗，諗起某一天工作路經呢條街,落車被它的奶茶咖啡味迷住了,但工作關係未能一試,終於有機會試了。去得舊店已經預左無服務態度，但比起預期更差。正是食飯黃金時間,好在不用等位,搭位坐細細的四方枱，與同枱及隔離枱食客多了一份親近感。無所謂啦！最緊要好食!扒 7成熟,上餐......先來凍的硬崩崩的包隔一陣再上餐湯餐包浸餐湯會好食d~賣相堆頭夠晒豐富,扒的下底墊了薯條,林晒喇!扒的質素對得起價錢,有驚喜!食完成個餐,好似唔夠飽。再叫又等同耐,所以都係算數!

有天跟女朋友到上址晚餐,進場後發現座位很窄而且搭抬,本來也不介意,但對方已叫了大半抬食物,我跟女朋友點了兩個鐵板!眼見旁邊多張吉抬便打算調抬,換黎既答案竟然是(調抬?當然唔得啦)就這樣跟我們四人就不斷頂住對方進食,心想為何有吉位也不准調!原來就因為需留抬給較熟絡的朋友!食物方面,餐湯超稀,牛柳難食,明明嗌7成黎果時仲血淋淋好似得4成熟咁!食過最差既扒房,永遠black list

叫左2個set, ~黑椒牛柳7成熟$88~串燒黑椒牛柳7成熟加蒜蓉$88+$3~美底炸薯條$40舊式餐廳座位都是很窄啦. 本身坐門口方台, 調左一次卡位, 服務態度真的很無言, 對舊式餐廳的員工服務一直都很包容, 旦由於女伙記竟然"閏" 我, 佢話: 有比餐具你又唔出聲, 另外因為我張台重有上一位客人食淨既檸檬核, 我提佢抹, 佢當住我而前好大力甘令起粒核掉落地@@ 我作為客人真係好難唔覺得冒犯.餐湯羅宋湯ok, 都很濃, 餐飽超大個, 很有heart.鐵板牛柳很好味, 本身$88一個牛扒set, 我會覺得係會用蘇打粉la 過d 牛既, 點知食落又無wor, 肉質很有層次感,.也很鬆軟, 果然係老字號. 串燒牛柳很多配菜, 牛柳的汁超香.炸薯條賣相很一般, 食落都炸得很好食餐飲加$3叫左大coffee

中學同學聚，成班麻甩佬，緊喺搵啲靚牛扒食啦！今次嚟到深水埗區食依間老字號！大家幾個人開心 share 一吓！依到環境裝修充滿八十年代風味，連餐排都非常老字號！一坐低 order 完冇耐，就整兩個大麥包，大家都好驚喜！因為依家好多扒房都喺細方包仔！再跟送兩碗餐湯，一白一紅！我自己就飲咗個白湯，味道真喺唔錯，而且夠杰身，可見舖頭落足整忌廉湯！我哋叫咗三個 set dinner！第一個喺《西冷牛扒餐》，要五成熟！賣相雖然平凡，唔花巧！但口感非常一流，啖啖肉唔錯，唔太硬又唔太淋，非常適中！味道方面都幾有牛味，可見食材新鮮！正！第二個 share 食喺《什扒餐》！有雞扒、腸仔、煙肉、火腿！非常老字號做法，好有細個時同屋企人去扒嘅感覺！口感固然爽口彈牙，但味道都真喺唔差！我另一個食齋嘅朋友就叫咗《焗海鮮飯》！雖然話海鮮飯，但店員落單時話主要喺食魚柳，總算喺童叟無欺，貨真價實！個炸魚柳外脆內軟，忌廉汁味道啱啱，唔會太稀，都幾杰身！每人平均夾咗 100 蚊左右！依個租金高企嘅時勢，真喺要多多支持依類型嘅老店！

先在此說明。好評係比佢水準連貫性既。見下面食友既評論。可能未係好知飛鷹係一間賣梳打扒既豉油西餐廳。如果用平時食西餐既牛扒黎同佢比較就真係唔係好公平。就好似用酥皮蛋撻你比較曲奇皮蛋撻 一樣。 總唔能夠話曲奇皮蛋撻 得一層咁渣架嗎。講番正題。飛鷹最有特色就係佢 餐包。我諗呢個餐包亦都係佢比金鳳做個出息的地方。呢個餐包。第一啦Size較大。仲記得細個食完都已經半飽啦。 同埋亦都非常之咁鬆軟。雖然唔係新鮮出爐。 但佢亦都聞到佢既麵包香。其實飛鷹我真係細細個就已經食 。仲記得細個個時覺得個鐵板姐姐聲真係好過癮。依家細個啲小朋友物質咁豐富有點會有咁嘅諗法呢。可能好多人都覺得 呢啲梳打扒肉質欠奉。但係對我來講已經係最細個要等大事大節先有嘅享受。 其實如果想好食啲嘅不妨叫七成或者九成。咁反而會感受到個肉質。呢道嘅蒜蓉汁亦都非常夠蒜。不得不提。飲凍飲個細杯真係細到冇朋友。同埋佢放枱面張枱墊都好油。都幾唔開胃

每次晚上搭巴士經過荔枝角道金鳳門口永遠最多人等，飛鷹無咁多金鳳N年前食過，印像都唔差，後來新開的金翠都試過唯獨飛鷹咁多年都未試過又見到呢度咁多喊面，不過未試過始終都要試下今日平日夜晚去到，和友人一共2人都要等下位門口聞到好香羅宋湯味，更加餓餓地等左10分鐘左右，有張四方檯當然要同人搭檯，我又唔會介意見到有食評話唔俾轉檯其實去得就預左，食完都閃人啦坐底叫嘢，我5成黑椒牛柳，友人就5成黑椒西冷先來巨型大餐包，暖暖地，幾好味我哋飲紅湯，夠濃夠味又唔會太鹹，唔錯唔錯飲飲下湯，隔離台同後生老細響度嘈(服務態度好差的太子爺??)內容大約係佢叫五成熟，第一次太熟，第二次又話太生佢又話上次來都唔係咁，老細話一陣你又話太熟點先之類最後老細都肯同佢再整番熟少少唔通真係好似呢度食評咁講得咁差??無耐個扒都上來，汁係預先淋定好在鐵板都夠熱，切左友人舊西冷試下都似5成熟，有肉味，都OK再試下自己塊牛柳，都係似5成，無太生或老本身都預左係港式扒房既鬆肉粉牛柳食落又無想像中咁淋，唔似完全"那"到淋晒果類仲食到有牛肉味(當然無西冷咁重肉味)至於薯條就比較差，似炸唔透餐飲都係傳說中咁細杯，兩啖就飲晒好多老式餐廳幾十年來

$34係星期六可以食到d咩午餐呢，今日中午就去左飛鷹餐廳，午餐有餐包，湯，飯/意粉，凍/熱飲，係唔係好抵呢！餐包 - 好大個，暖暖地，茶上牛油都好好食，食完都飽左兩成。羅宋湯 - 酸酸地又唔太咸，開胃！蒜茸雞扒意粉 - 意粉煮得幾淋，雞扒唔鞋好食，個蒜茸汁好勁蒜茸味不過咸左小小！凍檸茶凍檸水 - 檸檬都有三塊又唔太甜！埋單仲唔使收加一！

知道出名, 就去咗試下, 反正這價錢,冤枉了也不是好肉赤既! 我點了海鮮餐, 價錢和其他扒餐差不多, $8x以為有大蝦, 青口之類鐡板上啦點知, 只係一碟薯蓉焗魚柳+幾粒仔八爪魚唉... 一上枱見到, 我心不由得一句: "吓?"食落, 魚~腥得不得了, 吃不出魚味, 只吃出雪藏味!慘咯!男友叫了最出名的西冷扒,講明七成熟結果, 伙記同時拿了三份西冷扒出來, 隨意放低一份,那麼究竟是否七成熟呢?真的考起我們的食力! 哈哈(苦笑) 好迫, 坐得好迫,本來想感受下裝潢古典的懷舊感覺,但迫到咁, 其實我覺得去大x樂/美x食一份扒, 坐得仲舒服和浪漫喔!因為對面坐著的情侶們,跟我們的距離, 只係平時我們望電腦的距離,><" 我聽到哂佢地講咩, 佢又聽到哂我地講咩!而離我手肘不夠一尺已經又是另一pair情侶時叫我, 怎能感到那份浪漫情調呢?只想, 匆匆食完就算了!餐包的巨形和餐飲的微型對比強烈!姨姨們的街市式服務我會諗, 是因為只得最低工資故此沒有更高水準還是因為是餐廳多年的老伙計, 聽不入"今時今日咁既服務態度唔得喇"的調子呢?固然, 一如我之前的食評, 我不要求殷勤得像女僕的服

年三十，口痕想食嘢。但係好多舖頭閂咗門，點好？行到飛鷹，居然未閂喎！急急腳走入去先。由於係下午茶，唔想食得太多，所以唔叫扒餐嘞。叫咗啲平時唔會喺呢度叫嘅嘢:蝦多士炸得鬆化，好香脆。中間嘅蝦都有啲蝦味，算係咁啦。但係，點解個法式牛柳粒會令我諗起乾炒牛河啲牛肉嘅？啲汁仲食得出有鮮露味。還好，唔太韌。埋單$74。下次我會skip咗個牛柳粒，試其它嘢。

我都唔知點解飛鷹會咁出名，真係百思不得其解琴晚平安夜同男朋友特登去鋸扒，六點半去到見到十幾人等緊位，等左差唔多45分鐘終於入到去，坐低即刻叫左西冷牛扒（黑椒汁）同蘇格蘭牛扒（燒汁），食扒奉送餐包、羅宋湯或忌廉雞湯同飲品。等一陣有餐包同湯送到，個包仲微暖，好巨型，兩個湯都不過不失。之後上西冷牛扒同蘇格蘭牛扒，一食塊西冷我即刻諗起乾炒牛河啲牛肉，啲梳打粉乸得太過火，扒無扒味，淋patpat一舊野又多筋，成塊扒好厚，根本唔係平時食開果啲西冷。男朋友個蘇格蘭牛扒都係一陣梳打粉味，真係好難食，百幾蚊個餐比啲乾炒牛河牛肉我地食，真係大中伏。 結果成餐最好味係杯凍咖啡 真係無下次

喺度我想奉勸未去過呢間餐廳嘅網友再三考慮是否真的願意用$100食一個質素差、服務態度仲差嘅餐。聽朋友話呢間餐廳唔錯，於是特登遠道而來，我地兩個人七點幾入到去，卡位滿左惟有坐方枱，之後兩組人入嚟咁橋又有兩張卡位埋單，於是見佢都坐卡位，我咪好聲氣問如果一陣再有卡位可否轉給我們呢，當時剛點左餐，點知呢位阿叔語重深長咁解釋，又話繁忙時間好多人、又話卡位都要搭坐架⋯⋯下刪五十字，我好奇怪咁話我見其他二人食客都係坐卡位都坐到埋單，我先問句可以轉枱嗎？然後真係有張卡位埋單，我都未趕得切開口問，唔夠三秒我見到「留坐」呢個牌已放左喺卡位o既枱面，我再客氣地問剛才位阿叔，佢依舊用不慍不火嘅態度想再loop多次頭先段說話，我即時問「一係轉、一係唔轉」，佢答「唔轉得」，然後T-bone steak 同另一份扒到，扒無扒味唔在講，肉質鬆散但出奇地超多筋，有好幾舊咬了幾口都要吐出來。以為不幸事情出哂咩，原來仲有個類似事頭婆嘅師奶仲有「份量」，坦白講我坐嗰張方枱係好舊式嘅枱，我地兩個坐都係緊緊夠，有兩個年輕人入嚟，師奶就將我地枱面o既醬料執開叫佢兩個坐，OMG，我就快食完就走就話唔緊要啫，佢兩位坐落嚟差唔多膊頭貼膊