飛鷹餐廳

營業中

休息中

記得細路果陣~据牛扒是生日,考試高分,聖誕等等時候才有的節目那時還記得位於旺角波鞋街果面有閣仔的那一間花園是最愛去的地方,而是次飛鷹~我只去過數次到大過自己有能力時就不覺是什麼回事..今年很想很想與新舊家人,一同据我兒時牛扒於是我選了飛鷹如果未黎過的朋友要有心理準備~1,地方細少好易與鄰枱碰撞 2,枱好細張 我點了T 骨 5成 家人點的是牛柳 5成首先上枱是 先聲奪人的大麵包~!! 嘩如果細食的女士一個飽加個湯已經飽晒麵包是暖暖的~從中剖開把牛油藏在內待一會再食~包夠件頭一啖咬落去你會先食到暖暖的包之後有少少凍牛油,果種飽滿的感覺非筆墨能表達~之後上枱是紅湯(羅宋湯)料頭足,味道濃,正!!!再黎T 骨到啦~我喜愛T骨因為可以食到兩款肉5成熟剛好据落去時仍有血,熱騰騰,肉嫩嫩再加上適中的黑椒汁,於口內演奏了一場很好聽的交響樂,...唯一有一缺憾...點解冇雪糕/啫喱O既~X.X~

食咗十幾年都ok，近這兩三年唔知發生咩事，食咗噤耐我係食西冷7成熟，但近來啲西扒食落好似比(食粉奄過噤太淋)，試過食牛柳，丿但都係有食粉奄過噤，至于管理(應該係啊哥冇做，細佬接手管理)，好差，啲態度差到 明明有枱又唔比人座，一定要搭枱都唔十知為咩，做生意啫，難得街坊俾面嚟食，我本人已經比咗三次機會它！！但態度一次比一次差，所以決定以後唔會再去！！

個到d野食都唔錯ge不過侍應態度就非常惡劣我同我朋友2個人去就想坐'卡'位點知佢要求我地坐埋一邊已經個到ge台都好細2個人坐埋一邊 係超迫你話因為多人而要坐埋一邊 我唔介意但食完都無人坐至於野食方面d餐包唔熱 又亁d白湯都好飲d薯條'林'曬 上菜碟周邊都有汁d野飲太少

Lunch去鋸個扒，輕鬆下，想去附近一間平靚正扒房，經open rice search 就發現左飛鷹餐廳。 Lunch時間都叫滿座，但不用等位，即係一台入一台出咁。環境都係好昏暗，一貫舊式扒房格調。客人通常都係叫set lunch ，我地一場黎到，當然要試下鐵板牛扒啦。蒜蓉汁配T骨扒 & 黑椒汁配牛柳。。。 首先羅宋湯+牛油餐包。羅宋湯好夠味，唔係個種溝淡左茄汁水。牛油餐包好大個，真係有成個拳頭咁大，不過好睇唔好食，個包好乾，好似放左好耐咁，又涷，如果可以熱一點會更好。其實食完個包都飽左一半了。 之後就是MAIN COURSE, 鐵板上嘅感覺真係好讚, D汁淋落D扒度, "JA JA"聲, 好有獲氣咁。T骨牛扒和牛柳都好林，都知道用左好多野醃林佢......蒜蓉汁很可口，味道也不會過鹹；黑椒汁雖然是自家製，但我嫌味道偏淡，黑椒味亦不夠，不過以這個價錢來說，其實已經物有所值！

唔錯嘅黑椒汁，好有懷舊風味，但。。。。湯唔夠熱，鐵板唔夠熱，扒唔夠熱，鐘意食熱野嘅人保證失望。另外T骨扒一半都係根，咬到牙都軟，薯條亦炸唔透，呢次係第一次食無煙出嘅鐵板餐，差過茶餐廳，一絕！！！

聽聞飛鷹已經好耐好耐, 只係每次想鋸扒, 都自自然然去金X排隊.本身今次都係去金X, 但實在等太多張枱了, 所以想試試飛鷹.入到去, 格局老實講, 同金X差不多, 座位也是迫迫的. 氣氛都是暗暗的.但為左食物而光顧的人客, 實在不會介意這一點.這次我跟男友點了牛柳及西冷. 6成熟.首先來的, 是無味的紅湯, 和無料既白湯. 加每有2個拳頭般大的麥包.吃了這個餐湯及餐包, 其實已飽了30%.上扒了. 配扒的汁, 並不是上枱才灒上去, 有點失望.上枱後, 汁都被鐵板蒸發了一半. 扒....叫了6成, 但來的, 超過8成.可能本人食慣了金X的口味吧, 這家的, 完全不是我杯茶.以及冷氣完全不足夠, 未吃到一半, 已在出汗了, 心里只想快D再快D食完, 走人.最後三扒兩撥清碟, 飲了餐飲就埋單走人.只此一次, 下不為例.本人覺得, 這家店的質素, 跟樂樂活活心心差不了多少.要鋸扒, 唔使黎到呢度鋸.

比大家ge食評呃左特登去到呢度食! 先泥杯餐茶凍檸茶, 細杯度..真係兩啖飲哂 算啦..泥個餐飽..係就係大家所講ge大大件. 緊係啦, 你唔食哂個飽ge話餓住走tim呀!個羅宋湯, 過得去, 同出面茶餐廳一樣.到個扒............叫左個蘇格蘭扒同黑椒牛柳..點解香港d扒係都要整到甘鬼'林'?我o係外國成日食牛扒都未食過甘ge質地.放入口係就係好'林'.....但就好似食緊肥豬肉lor!!真係誓死都唔會再去呢間野度食!!! 一係唔食, 一係買塊扒返屋企自己煮, 一係去間真真正正西式餐廳食!唔講個扒....d超難食冇薯仔'肉'ge薯條,有我手指尾ge size得3條甘多多,其他細條到真係!!!!!!!數埋10條超細ge薯條都唔知有冇!椰菜,份量超小!我都唔知大家覺得佢有咩甘好食?????????真係食到成肚氣走!

是日路過此地, 竟然只見幾人排隊, 與平時門外的人群不同, 以往都因人太多而從沒試過這店, 於是今天一試店內地方不大, 枱而放得非常緊貼, 出入很有難度, 撘頭在所難免湯沒什麼特別, 不什麼出色, 餐包是非常大個的, 比一個人的兩個拳頭還大, 相信是想人記得的特色吧..算是腍身的, 嫩滑不乾, 黑椒汁香, 少許薯菜, 整體ok, 但與其他任何餐廰的鐵板扒沒大差別

今日男友話想食呀扒仲有個大大的餐包, 我地特登由尖咀, 過深水埗食, 點知等左20分鐘有多呀~可能星期五的原故. 等不是問題, 最大問題係, 叫個餐來了, D餐包又唔夠熱, 男友唔多開心, 食完個包包, 等左一陣, 西冷牛扒來了, 我要七成熟的變了九成!熟過頭, 而且又有雪味, 塊扒又"鞋" 又軔! 真係超難食~未食過咁難食架扒囉! 之後叫野飲又等左15分鐘先來~比我地遲叫架都來左了.呢間餐廳的水準真係越來越差呀~

1.深水步這間充滿70年代的飛鷹餐廳，名氣頗大。五人用膳，七時多等位，差不多要八時多才有位。2.環境係懷舊，可惜枱貼枱，椅貼椅，出入也要說句唔該....3.伙記...沒有怎樣溝通...沒意見...4.落單到食物上枱，5分鐘內先有餐包，比正常餐包大兩倍口感唔錯，雞肉忌廉湯味少喊，出面多數是甜，口感不錯....5.牛扒七成熟、大件、美味、煙銀、著條可口、飽肚總括....除了逼了些，也相當祗食....

lunch 時間去, 2個人(我+同事丙), 好老士o既感覺, 簡直係返番去八十年代咁用以前居企飯個o的膠墊, 不過我同事話呢間係好o野.... 所以點都要o黎試下!所謂o既4位卡座, 我2個人企就ok, 如果4位都唔知點算....嘩.... 個包勁大個, 熱熱o地好想食晒去, 有人問侍應o羅個袋裝走個湯一般... 都算ok!唔知咩原因, o的o野遲遲未到... 原來係同一樣o野o既單集齊先出, 建議大家叫o的大路o野, 唔係有排等....豬扒大件, 味一般總結今日lunch都算抵食, 幾拾蚊就有扒食仲想點!

70年代feel的門面同字體同21世紀太格格不入好old sch而且密封既門令我參透唔到入面究竟旺唔旺多人先代表好食嘛!入面好的骰除左U形大台之外都坐滿人turnover rate極高紅色調的裝修坐得好迫既人感覺好warm侍應清一色白恤衫(攝衫)+牛仔褲+belt諗起都old sch人雖然多但侍應o係入面遊刃有餘揸住d熱辣辣既鐵板牛扒穿插都唔覺得危險哥哥仔侍應仲好好唱口好nice前所未見過咁大個餐包!五成熟西冷好大塊應該有10o.z同花園餐廳一樣用牛牛鐵板我仲食到有血水滲出唻冇over done肉質幾嫩唔韌好食!所有食物都係搭lift落唻原來廚房o係樓上!食到捧住個肚走!

好耐無去過据扒，見此舊式扒房，心思思想試下。當朋友問我想去邊樹吃生日飯就決定來這裡了！晚上七點四十五分到，剛巧不用等坐到最後一張卡位，lucky！後來的都要坐中間四方桌搭枱啦（卡位已經很迫，所以搭枱... 感覺更迫）第一次來點菜前問老闆意見，老闆一句樣樣都有人叫ga wo，樣樣都受歡迎ga la！你諗掂先叫啦...= = 首先上桌的係大大的麥包，真的很巨大呢！拎上手暖暖的，咬落都鬆軟，食完已半飽了！羅宋湯都多雜菜，可惜不夠熱...主菜叫佐 黑椒牛柳，黑椒汁很惹味，牛柳七成熟，咬落去嫩嫩的無咩根！蒜蓉雞扒，蒜蓉汁相對黑椒汁就失色不少了，有蒜蓉，但食落無咩蒜蓉香味。雞扒煎得岩岩好，算係扯平。雜扒配燒汁，雜扒有豬扒牛扒雞翼火腿腸仔，豬扒牛扒略嫌鞋口，火腿腸仔雞翼都係soso la....每份都係有薯條雜菜，可惜薯條上桌時已被醬汁淹沒，只得數條唔脆又唔夠喉，感覺真係伴碟。小店不停有客進出，翻枱速度頗快，老闆伙記見你食完，已即時請你埋單。80蚊一份扒餐，我唔會特地再來！

星期一夜晚,接左老佛爺放工,又係度扭曬計話要食d特別野深水步向來食肆多不過符合老佛爺要求就少上來OR見到飛鷹好似幾好咁,間唔中都想試下呢d 2046式金鳳餐廳ge口味於是6點正就去到.入到店內,燈光昏暗只有一桌客人(2男的)我同老佛爺就求其坐埋一邊卡位度,阿姐好快手咁比左2杯水,之後仲拿埋掃把在掃地,感覺好似仲未開店咁,然後過左一陣佢地開飯食佢地ge晚餐,令人很好奇到底食緊咩野餐牌內當然主力想食扒,老佛爺愛的t-bone居然都有,我想試d特別ge就叫左蘇格蘭牛排(阿姐話即係肉眼,可挑幾成熟)叫左一t-bone(套餐88蚊)同埋蘇格蘭牛排(套餐73蚊),2個都要羅宋湯,黑椒汁,7成熟先黎2個大大大餐包,很大又很飽肚,老佛爺見到即眉開眼笑,手快塗牛油大啖大啖咁咬呢種港式口味宜家可真買少見少羅宋湯隨後送上,味道普普通通,即係港式餐廳煮出來ge口味,有落茄膏,唔..pass牛排隨後送上,上黎已經幫你落好汁唔需要''支~~''一聲擋擋先的確是七成熟,肉排挺厚身, t-bone則比較薄底下有擺上波浪薯條,桌上仲有埋茄汁唿汁隨意添加牛排好食還好食,不過畢竟是港式做法,有用梳打粉醃過,食到尾聲,扒都凍

六隻飛鷹在附近完成任務，就趕到附近的補給站作點補給，很明顯這補給站都有相當的歷史，設備有點舊，但勝在還有空調設備，補給站空無一鷹，就只有我們，我們瞬間就看餐牌，十五十六一番之後，就決定要四件扒餐、一個意粉餐及一個小吃。帶回正題，這類的老豉油西餐店子，在香港買少見少，真的趁有空就好去回顧一下香港的老味道，說回是日點的扒餐，全部都只不過是六十八元，相比於意粉一客也要四十多元，真的是抵得很。先來的是餐包，我們五個餐，理應有五個餐包，但來就只有四個，也不打緊吧，反正此店的餐包非常之大個，一個基本抵足外邊其他店子兩個餐包，其實此店的餐包除了大之外，最棒都是因為它真的很好吃，焗得鬆軟又夠熱，帶點餐包的甜味，也有麵包的麥香，無論塗不塗牛油來吃，都很是美味。有餐包也有餐湯，剛巧大家都較喜歡紅湯，這碗羅宋湯看來紅得很奇妙，有別於一般茶記的紅湯，有點淡淡的紅色，喝入口味道很濃，但就不是很酸濃的那一款，觀其湯身稠稠而又不太酸，看來店家不是加了茄膏，而只不過加了生粉及味精加味罷了，不過至少味道夠濃，濃得來又不太鹹，蔬菜下得夠多，有椰菜、洋蔥、紅蘿蔔及蕃茄，全都被煮得軟腍，喝起來其實不差。小吃要了個蝦多士，只有