飛鷹餐廳

營業中

休息中

舊式情懷，店子小小，卡位座亦須搭枱，非常擠擁。進食期間亦有不少人進來，也需要等一會兒。餐包原來非常大個，比起坊間的提子餐包最小大一點五倍😵，微熱軟身。忌廉湯普通，不太杰身，沒甚麼料在內。黑椒牛柳，試了一口，不太軟林，反而我的西冷牛扒更軟身。西冷牛扒，五成熟，的確剛好五成，中間部分仍然呈粉紅色半熟狀態。牛扒大大塊，霸佔整塊鐵板，筋不多，只在旁邊有點筋，中間部分均是鮮嫩牛扒😍，左至右切開中間也呈粉紅色半熟狀。薯條份量不多，十條八條，盡吸蒜汁肉汁，香味濃🤓，但以牛扒壓著很易燒焦，黑色一間間的不太好看😨。此行未有感到其他食家所說的「態度惡劣」、「買難受」😵。飛鷹亦不算是非常美味，但比起荃灣沙樂美或太子的舊式扒房，此店還是勝一籌🤘🏿。

深水埗其實有很多懷舊的餐廳。經友人介紹下，就跟男友一家去試試看該天打算食早餐的，但十一時多了接近十二時，沒有早餐了。其實它以扒出名，但今次揀其他來食！每個餐都跟一湯及飲品。細看餐牌，就是奇怪為何餐包要另外收費，而且$10細看四周，原來餐包不是一般跟餐的餐包，而是巨型餐包，比一個拳頭還要大，於是，喜愛包的我又豈不試呢？！叫了一個跟男友share食，麵包頗鬆軟！但可以再翻熱點，會更香軟。生炒雞絲飯：真的是雞絲嗎？！是雞肉吧！而且好多料，每一匙都充滿了食材，有生菜，火腿，雞蛋，雞肉。通常碟頭飯都非常咸，但這個不會，味道剛剛好。而且飯的量很多，女孩子可能略嫌大碟，食不完可以打包！男友則叫了牛肉窩蛋飯。同樣好大碟，加了生蛋一同食的配搭也不錯，蕃茄配牛肉，可看得出廚師大方的配及，只是略嫌濃味了點！每個餐都附送湯，這個羅宋湯一般，而且較水，但勝在多蔬菜。

平時行開深水埗都經過飛鷹，知道出名食鐵板燒扒， 想試好耐！不過今次lunch去食，又食唔落甘大份扒，最後揀左個午餐，$36蚊，有湯，包，意粉/飯，drink都好抵食。個羅宋湯，好酸好咸..餐包非常大舊，我食唔哂午餐係鴛鴦扒意粉，份量適中，味道剛好。扒質不要求很高質，不過不失，看價錢，都算很不俗，一餐抵食，我會比幾高分，仲想下次夜晚來食鐵板，但係服務就扣哂分，侍應阿姨好似唔休做甘，態度唔多好，本身餐廳好靜，食客講野都好細聲唔嘈，但啲阿姨反而講得好大聲好嘈好煩，令人食得好唔舒服，所以我食完就那那林走了

一入餐廳，無人招待，侍應掛住同熟客吹水，我地便隨便揾個卡住坐。內裡環境昏暗，好彩夠暗，眼不見為幹淨。我點了個茶餐，＄28有塊牛扒,2隻太陽蛋,仲有多士和熱飲,實在太抵,所以無乜要求.牛扒可能"那"得太勁,所以肉好鬆好淋,但無牛味.朋友見一場來到,就點左碟鐵板燒牛扒.鐵板燒有餐湯,餐包和飲品.唔知係咪lunch太好賣,唔夠餐湯,廚師開稀比我地,好似開水咁.牛扒味道同茶餐塊牛係一樣,只係多左d汁,完全無牛味,朋友點7成,來到血淋淋,幸好鐵板上,惟有等一陣才食.

其實宜家好多餐廳一打開menu都好少有燴意粉食今次黎到飛鷹, 唔食扒黎食茄汁雞絲燴意粉上台一睇, 好多鮮蕃茄係度已經加分不少蕃茄汁亦唔會話只得甜味, 真係搵蕃茄慢慢煮出黎, 我好鍾意食呢隻味道, 好味.雞絲都重好嫩滑, 其實我平時好驚餐廳只係搵茄汁或者茄膏撈完意粉就叫有味但呢度既燴意粉都值得一試, 又足料, 不枉我等左15分鐘先上台

雖然住在附近但從來就未來過, 這天跟太座到來獻出我們的第一次,平日下午並不太旺場, 由於客人不多, 即使枱與枱之間空間有限亦唔覺得太迫夾,我們叫了: 洋蔥豬扒燴意粉 & 葡國雞飯 $52 + 10%洋蔥豬扒還可以, 意粉則比一般舊式茶餐廳的稍稍有咬口, 配菜伴碟欠奉, 個汁都勉強夠味!葡國雞飯則做得無色無味, 佩服得五體投地啊!最驚喜的反而係個餐飽, size係一個男人拳頭般大細! 質地重要綿身不是空心飽!奶茶只是好普通個隻

点歺/上菜：上菜都幾耐，但午餐不算太忙。上菜冇分邊張枱先後点先，明明A枱点左先，但比D歺湯加包比B枱先。但之後A枱起碼等8-10分鐘先有湯/包。湯 ok, 普普通通歺包超大，份量十足，裡面不空心！蘇格蘭扒，D汁一齊上，不是在你面前淋汁，甘樣，我覺得冇左鐵板扒歺既意義。扒食落同平時歺廳D牛扒歺完全冇分別！分分鐘佢所以類別扒其實是同一類扒。

呢間野個大太子冇禮貌加串咀都已經唔係新鮮事。多人排隊唔好阻你做生意， 所以次次叫個老人家出黎催埋單，我可以理解呀。但今次我地連茶都未飲完呀，大佬！之後要多你一杯暖水姐，使唔使催到我褲都掉呀，再加上你門口人影都冇個，真係想請問你係到催物呢？唉～我知你覺得客呢家野，多一個唔多少一個唔少。不過次次比人趕走，仲咁多面色睇，就算你啲野食係ok, 但我都好難說服自己再幫親你。不過真心講，你啲野食係好過出面好多扒房，但味道已經冇再好似以前咁好食。

懷舊港式扒房之旅至在懷舊 差d點錢買難受5成熟 t bone 一切開熟晒即刻叫佢換換左塊新 熟度剛好5成仲厚左大塊左吹漲味道 肉質淋 肉味唔濃最好食反而係自浸忌廉湯既餐包埋單$118

本身見門口好似懷舊餐廳，又有 trip advisor 個 logo，諗住應該唔錯，就一心入去試下，點知一入去就知出事。入面逼到冇朋友，啲枱一張貼一張，行都行唔到。下午去時，得幾張枱坐咗人，但已經覺得好逼好嘈。夜晚如果多啲人，一定嘈到聽唔到人哋講咩野。服務態度差過街邊茶記。個個全程黑面。手腳又慢，好似唔使做咁。同佢講張枱濕咗，佢應咗聲就算，完全唔會擦乾淨張枱。仲有，個員工放低杯水嗰陣，成個手掌掂住個杯口，仲要旋轉一周。大佬，我仲點飲杯水啊！講到野食，真係令人大開眼界。我第一次見到有人用飲羅宋湯既西湯碗裝餐蛋麵/ 沙爹牛麵！ 啲麵塞到實一實，啲湯少到似濕撈公仔麵~ 湯底同沙爹淡而無味，牛肉俾啲粉攪到無晒質感，食咗都唔知自己食咗啲咩野。杯凍飲仲驚嚇。凍檸水但係用普通大細既玻璃杯裝。支飲管突出黎嗰部分仲高過個杯。無味道，無裝修，無服務！

第一次去，當我們二人入座時帶位哥哥説明要搭枱，同意的，我眼見右手邊有二張卡位空著，而中間的方枱，每枱都坐了兩位客人，就問可否坐卡位，帶位的哥哥態度不怎好地説：梗係唔得啦。。。果張四人卡位嚟架。。。結果我們被安排坐到左手邊的卡位，那有分別嗎？奇怪！態度需要這樣嗎。。。點了：黑椒牛扒餐 和 蘇格蘭牛扒餐兩款牛扒都被醃得太淋，而蘇格蘭牛扒比較薄身所以質感更淋，淋到有點像在吃山竹牛肉，味道是不錯的。這家試一次便夠，客人付款進餐支持店家，不是白吃的，態度可以温和一點。

本人在深水步都住左廿幾年,間中都有幫襯下,午餐Set Lunch 底食但因為食物質數已一年不如一年,所以都少左去食.今日一家3口(2大人,1小朋友),貪佢就腳就貢左入去,入到見無咩人,就是但搵個卡位坐底,點知一坐底就有個好唔客氣既WAITRESS大聲叫..(喂!喂!喂...坐黎哩度),心想,都無咩人,點解一定要坐佢要求既位置哩..加上佢命令式既語氣,我地已經火火地到用餐既時候,由於小囡年齡較細(兩歲半,所以就攞左放係台面既塑膠餐牌玩,可能D汁整到個餐牌,個不禮貌既WAITRESS 立即從小囡手中搶回那塑膠餐牌,...我地即刻同個WAITRESS講,會幫手抺反好佢,叫佢放底餐牌,並且解釋,因為小朋友鍾意玩,所以先肯坐定定食野...點知個WAITRESS講..你地哄小朋友,你地既事,可以用電話啊,玩具啊去哄,唔好整污D餐牌,仲有人要睇.....當時我地仲慶個佢上個份鐵板牛扒當個白頭老細行過,我向佢投訴哩件事...點知佢仲唔客氣甘回答左一句:我地哩度唔係中環....甘即係點...即飛鷹食野,就係甘既服務態度,

今午12點半，我約了朋友再去飛鷹食牛扒，一入去，太子仔就問我幾位。(兩位)，佢又指我地去坐中間排枱同其它食客一齊食，今次我眼見左邊有3個4人卡位，右邊有1個6人卡位和2個4人卡位，全部空枱都放上一個留位牌，我同太子仔講:「可唔可以坐卡位，食完好快走。佢話D卡位要坐4人。」無奈地，我倆叫咗西冷和T骨各七成熟。其間有兩個客入嚟。(又係兩位)，太子仔就指佢地坐卡位，我睇到即時有點唔開心。點解會大小超?我都係客人。我定眼望住太子仔，佢心知奶野。好唔願意地在卡位上拿起留位牌叫我地去坐，我和朋友都感覺有點委屈。 麥包送到，紅湯好耐未到， 叫侍應冇回應，咁叫兩杯水又冇反應，想點?紅湯送到，發覺好稀仲得半碗。湯和包還未吃完，T骨和西冷送到，張枱太細放唔到。要好快咁飲，救命。到食D扒，我地要七成熟; 發覺兩塊扒只得五成。 食落好大陣奄味; 塊扒淋DD，食淨一半食唔落， 跟住同朋友傾陣計埋單走，我本人一向支持懷舊餐廳，但現在已經受夠了，食物和態度一次比一次差，(飛鷹餐廳再見了)

今日我們去咗深水埗嘅「飛鷹餐廳」食飯！我們叫咗T骨牛扒餐、黑椒牛扒餐、大蝦多士、炸魚薯條、火腿煎雙蛋、紅豆冰、羅宋湯同超特大懷舊餐包！T骨牛扒餐嘅T骨牛扒同黑椒牛扒餐嘅牛扒真係超大塊超抵食，火喉啱啱好，唔會太老同太韌！大蝦多士嘅大蝦非常新鮮彈牙，多士炸得色澤金黃，唔會太油膩！炸魚薯條嘅炸魚肉質嫩滑，炸粉唔係太厚，非常鬆脆！羅宋湯非常足料，味道濃郁！超特大懷舊餐包真係超大個，包質非常鬆軟！仲有好耐無食過嘅懷舊紅豆冰！真係令我回味無窮！

適逢老公生日，他親自點名到飛鷹餐廳吃飯，我們於7時15分到達，不用等位，一入來侍應說明我們要搭檯，我們也沒所謂的，但因為他看到我是大肚婆，於是安排了我們到卡位那邊坐，這一點確實抵讚!看過餐牌後，老公點了什扒餐，而我就點了雞扒餐，轉頭更送上大餐包，這個餐包的SIZE可真大的，胃口細的女生定會被KO，餐湯中規中矩吧，之前因為有網友說雞扒餐共有三塊雞扒，可是我的只有一塊，價錢對比下，什扒餐就顯得非常抵食!總括來說，間中來吃一餐都OK的!