還記得上次大概一兩年前來到新港中心，大概在晚上的八點幾接近九點，很多店舖都已經好像就嚟打烊，好巴閉，說已經截了單，而且都還要收費$90個餐。這次再來，想不到，人流少了，當然又說很多人去了外出或是北上消費，現在你看看這兒的餐，$50-60都已經有，你看看我這個款式上海擔擔麵麵餐。


一個$58嘅擔擔麵餐，包括麵條，蒜泥白肉，還加個小食，就只是沒有包飲料，你想想，葵涌廣場地下坐喺商場裏邊的擔擔面都要$33一個擔擔麵，份量都不算太少，麵條份量不少，另外我點了辣油分開上，因為想把麵條分給小嬰孩，它亦都的確做到，因為它的辣其實都挺像紅油那種辣椒油如果本身個湯已經有辣油，相信洗一洗，小嬰也很難吃得到。它的擔擔麵有點花生在內，醬油不算太過濃，小嬰也吃得挺為快慰；麵條也粗條及彈牙，其實質素相當不錯另外的蒜泥白肉，份量也相當多，除了下邊有雲耳墊底到相片有成五六件大大件的蒜泥白肉，份量一流，另外加了$8有個小食就是雲耳青瓜，想不到雲耳亦都相當多，反而青瓜份量很少，只有四五條細細條的，多到好似免費一樣。好似蘭芳園$26一個菠蘿包只係返叮，頂上的菠蘿皮不太脆不太熱的菠蘿包都可以賣$26 ，而這樣一整個托盤的食物只需$58 ，蘭芳園你快啲收吧。

好似妻子在香港仔買過呢間的小食，這天在炮台山北角這一邊焗促着，請了半日假沒有什麼特別工程，於是走落樓下行逛一下，看看有什麼下午茶可以吃，不過要去到太古城好似比較遠，亦都因為口袋裏便都已經有自己滴漏的咖啡，因此倒不如就咁喺麵包店買兩個包算了。🤷🏾試了這兒的雞尾包，都大個，雖然餡料不算太多，不過味道都帶甜，椰絲份量也相當不少，因此味道也不太差。相比起附近其他新式麵包店，龍珠餅店這些本地傳統麵包店，更加真材實料，睇得出抵食夾大件。

大榮華真係超舊式，舊到佢新年營業仍然好似舊式茶樓一般，不過至少不是加30%服務費，只是+15%，還可以接受，然之後等了15分鐘左右就有位。 嬰兒除了吃包之外，多數都鍾意吃這裏蝦餅魚蛋類的東西，於是叫了這個蝦餅，是非常舊式底面有層脆片的東西，不過脆的東西過氣，嬰兒寧願吃中間的墨魚滑部份。 這個山竹牛肉的確非常舊式原始，你看看，除了牛肉、蔥、芫荽之外，睇吓竟然墊了西洋菜，它在家中叫你老婆洗西洋菜都麻煩，又要洗又要摘，😂嘥晒啲時間，原來舊式酒樓山竹牛肉底下竟然是煎有西洋菜，反正好像時光倒流。 不過由於這次等位10至15分鐘，因此有張圓桌自成一角，還是相當清幽，感覺相當不錯。

這間陸記以往在工作的時候，應該在元朗另一個位置都有分店，到而家佢應該得返呢一間。 不過10年之前又係食呢間，點解10年之後返到嚟元朗就係食呢間呢？😌 因為元朗區內，即使經常說有很多新食店，但其實很多都經不起年月洗禮，因為它們都不是真材實料，例如都是拍照呃like那些咖啡店，或是曇花一現的日式店、米線湯麵等等。🥲 反而原來，最經得起風雨 ，十年如一日，反而這間陸記桂林粉，還在紅色小巴站旁邊，屹立不倒。 這次再食返個絕代雙豬粉，有豬頸肉四五片，另外仲有鍋燒肉三四片，鍋燒肉仍然是極為厚身，夠曬質感，外皮夠香脆，好像而家吃感覺肥美而香噴噴，沒有以往吃那麼肥膩和飽滯。😉 豬頸肉三四大塊，肉質夠嫩，🤓嫩得來不算太過肥，味道相當可口，但是又不覺得太過油膩。 這兒的調味料亦都有幾款，好像土瓜灣的阿妹小食，有一款類似尖椒的，帶少許辣味，如果不怕吃青椒那種味道都OK，挺為香辣，另外有款就是辣椒魚露，我覺得兩款都覺鮮美；另外還有辣椒油，辣得來夠香，不會一味死辣，不像潮州辣椒油那般，因此它的清湯雖然本身冇乜味，但是幾款醬油加加味，吃得相當快慰。 這次吃亦都忘了，之後睇到其他人的相片才記得這間陸記桂林粉有水晶涼粉，其實早10年就已經有，好像而家去食辣嘢都會提供解辣的那些涼份一般。

印象中之前想去金鐘灣仔嗰間，不過由於它的食評睇上來唔算太吸引，而且負評比起好平多，結果嗰次就放棄咗沒有去蘭杜街嗰間大叻。 顯示發現原來鰂魚涌都有，不過由於是午市放晏晝半日，沒有太好胃口食太大碟飯，結果就到了後邊一間新開的車仔麵吃，妻子就點這個的蔥油豬扒雞翼飯。 想不到，雞翼大大隻，內裏好像不太乾，豬扒亦都非常大份到切開了之後都有很多件，見到肥瘦均勻，除了瘦的部份，其他有脂肪的都未算太過肥膩，蔥油分量不多不少，另外有豉油另上，不會淋在飯面頭整到林晒，都算是不錯的，鰂魚涌這間大叻比起灣仔的好得多了。

呢間壽司郎的確比起荃灣廣場嗰間少人，你見到荃灣廣場等60幾張，這間綠楊坊的只需10多20張。 在綠揚坊這間壽司郎亦都位處於比較高嘅層數，因此即使門口有大量人在等位，其實也不算太過影響其他食店 運作。😂 不過呢排戒緊口，其實都冇乜食到啲咩特別嘢，三文魚其實也相當普通，和外賣店的其實都差不多。 我覺得壽司郎的軍艦就特別出色，因為它遊人如鰂，任何時間都在等位，貨如輪轉，因此紫菜次次咬落都嚓嚓聲，☺️裏面的配料夠新鮮，然後芥末八爪魚夠新鮮味美，帶微微的芥末辣味，加少許醬油，就已經顯得相當美味。 想不到原來小孩子也能吃到那麼多，見到佢食完蒸蛋，然後又食咗一舊又一舊的壽司飯，然之後再吃那些炸雞，之後還可以一日吃完整個士多啤梨芝士餅，簡直教人大開眼界。 妻子又叫我叫芭菲杯杯，不過其實嬰兒吃太多甜及凍的東西都不好，其餘吃剩的雪糕或是冰粒其實我都不算特別喜愛，因此這次我點了綠茶蒴餅，想不到，蒴餅味道相當好，帶點輕微的茶香，淡淡的茶味，不算太過甜，再加少許綠茶粉，相當可口。

因為這天沒有買任何麵包，亦都冇曬牛奶或是豆奶在公司，不能吃可可或是燕麥，要花費金錢來買麵包。 一直聽清潔阿姐講金鐘呢邊日日都食唐記，怎麼我沒有找到唐記的存在呢？ 結果發現我去錯地方，原來唐記是在另外一邊的出口，因此求其來到這個break talk麵包新語，看到其他包都不太便宜，求其叫返個平時喺其他舖頭最想吃的肉鬆包。🤗 結果買返去之後，你發現它的肉鬆份量不算太多，不過味道都帶少許辣味，雖然不太差，但其實質地都比較乾，冇乜特別，竟然喺地鐵站這個麵包新語，即是break talk，一個這樣細細的，內裏質地沒有特別的肉鬆包，要成$15/一個，貴過青衣我最喜愛那間肉鬆包一倍，貴到咁樣嘅價錢，😔令你覺得唔需要再試其他嘢，就可以斷定它又貴又唔抵。

呢間又係位於水車館街嘅麵店，本身睇上去門面冇乜特別，點知內裏裝修非常古色古香，有大大個簷篷在廚房門口。 先睇吓餐牌，原來有酸辣、牛雜以及牛腩，不過酸辣牛雜都聽落唔錯， 一次過就可以試佢嘅酸辣湯底以及牛雜的味道。 我叫了酸辣小酸，的確不算太酸，酸辣味道的辣味還是夠勁秋，吃到後來都要喝點東西才能解辣；麵條好像份量都不算太少，最令人吃驚的，反而牛肚非常之出色，辣得來又入味，叫你喜出望外的那種味道。其他牛雜就沒甚麼特別，就是湯底襯在牛雜特別，吃得過癮 店內還有一隻相當可愛的小貓咪，間中會在店內穿梭每個角落，相當惹人憐愛

真是笑爆嘴，在灣仔這邊工作，但是有同事說行過來呢個市政大廈嘅熟食市場，其他同事竟然大大聲說話「行好遠」，其實這天，我只花了大概八至九分鐘便行到來，又哪兒算遠呢？🤷🏾 其實好多時候，所謂食店的人情味，都是因為店員記得你的所好，興趣，或是日常習慣，因此，其實你到連鎖餐廳，也可以有「人為因素」產生這種所謂的人情味，😀不過現在人類龍蛇混集，有些又帶着身邊藍牙耳機去工作，當然就會少咗人情味啦。🤷🏾 通常都係咁，灣仔區其實好多地方都五光十色，有些店舖，一個快餐，或是一個隨便的午市客飯，動輒都要$60-70 ，都間中聽到啲同事買外賣，無端端都要夾$70-80。反而，這個大大幢的攞到市政大廈，其實內裏有熟食市場，入到去，你就見到佢非常舊式，好像牛頭角熟食市場那般舊式，而且骯髒，但其實上完電梯之後，都熟食市場嗰層，亦都尚算企理。 這個熟食市場，非常細小，每一間店舖和配置的座位都不算太多。 反正也不算經常外出吃，如果都是吃碟頭飯的話，好像有點無謂，而且浪費，倒不如食下滷水，點要過豬腩肉及豬脷，坐低睇一陣電視，很快便端來。 老細拿來的滷水，就好像其他食評的相片一般大大碟，不過竟然沒有其他配料，整碟都充滿豬脷以及豬腩肉到底下有少許汁以及花生粒。 雖然這樣都相機明碼實價，比呢個價錢就俾晒肉你，不過肉未免太多了，好像豬脷，因為滷水豬脷不是新鮮即整那種，因此滷水過後，還是會比較硬，比較堅韌，冇咁軟林，咬到有啲牙齒都軟了；豬腩肉就一啲啲，擺喺面頭嘅質地比較好，肥瘦均勻，頂上的皮沒有毛，但是底下的，就會比較乾，以及肥膏比較多，豬皮帶點毛，當然冇咁吸引。你看看這個拼盤，你就可以看得出，它是幾件唔同嘅肉砌出嚟拼在一碟上，簡稱搭棚，不過起碼都叫做夠大條囉。 另外，想不到他竟然沒有自家製造，或是用返潮式辣椒油，因為當我想問老細有冇辣椒油到他竟然拿出一碟好像豆瓣醬般的上海食辣椒醬，少許失望。 因為豆瓣醬本身配合潮州滷水食物，其實都不算太過配合，始終豆瓣醬都係適合食返上海麵，或是餃子、鍋貼那些食物才最為配合。 因此，總結來說，雖然看相片這間滷水小店都不太差，不過始終由於食品質素以及使用豆瓣醬作為辣椒油，因此不算極之優良的食店。 下次再去這個熟食市場，可能食返另一邊比較多人嘅其他餐廳嘅小菜或碟頭飯都可以的。

估唔到喺呢度睇嚟好似舊式嘅麵包店，原來收費也和新式麵包店的價錢差不多一入去，就見到啲麵包郁啲都要雙位數字。 果然喺市區真係大晒呢間紅豆烘焙，我點了一個綠茶紅豆麻糬，雖然內裏的確有麻糬，紅豆份量亦都不算太少，但其實差唔多咬到接近一半，才有紅豆餡料，因此餡料其實都偏少而且麵包表面比較乾，吃到嘴巴也偏乾。 雖然市區吃這些特色麵包。 $13唔算太貴，不過餡料偏火竹即是體積還算夠大個，但也確實不太抵食。 另外的餐蛋包，雖然$10唔算貴，但也比起一般麵包舖貴得多，味道不怎麼特別， $10就偏貴。