飛鷹餐廳

營業中

休息中

呢間野個大太子冇禮貌加串咀都已經唔係新鮮事。多人排隊唔好阻你做生意， 所以次次叫個老人家出黎催埋單，我可以理解呀。但今次我地連茶都未飲完呀，大佬！之後要多你一杯暖水姐，使唔使催到我褲都掉呀，再加上你門口人影都冇個，真係想請問你係到催物呢？唉～我知你覺得客呢家野，多一個唔多少一個唔少。不過次次比人趕走，仲咁多面色睇，就算你啲野食係ok, 但我都好難說服自己再幫親你。不過真心講，你啲野食係好過出面好多扒房，但味道已經冇再好似以前咁好食。