飛鷹餐廳

營業中

休息中

同個朋友傾計食飯, 揀左依間比金鳳大d靜d無咁多人既飛鷹...星期二平日夜晚七點前入到去都未算好full, 重有卡位坐...我選了黑椒牛柳餐, 朋友點了蘇格蘭牛扒餐...都要了黑椒汁...大麥包、羅宋湯果然好味....牛扒鐵板上...但唔知點解我個 friend 個份係我的兩陪咁大已有心理準備牛不是原汁原味個種...似茶餐廳大家樂個d...所以亦好享受....好ok!餐茶叫了熱好立克同熱華田...美中不足是......吃了一個鐘老闆就請我們幫幫手埋單讓座他人了

有時見到外面有人等位, 所以諗住不錯今晚見冇人, 就入去試下叫左個蘇格蘭牛扒餐 $63and 鮮茄牛利意粉 $42個牛利勁淋, 係淋到.....冇牙佬都食到鮮茄有一個, 但d (地X) 茄汁勁多, 似茄汁撈意, 意粉都係淋的直頸係出面茶餐廳o既快餐蘇格蘭牛扒, 又係勁淋, 似係d牛肉已經被"la"到咁完全冇牛肉o既質感............唯一ok o既係湯 and 包result : 失望

喜愛食野的我及內子都十分喜愛食東西,所以就周圍上網睇下有咩好野食.而今日的目標就是飛鷹餐廳!!而e間餐廳的特點啊,大件+低食!! 先來餐包及餐湯,見到個餐包,果然係好大件... 平時食開果d真係叫細包,e個真係大包.胃口細d的人,食完個包真係唔洗食而個味道甜甜地,ok.不過都係無食曬,留返個肚食"扒"個湯要左紅湯啦,十分足料!!而且酸味十分!正!!!好味 主菜來了,大份的牛扒!! $63 個分量係出面大家樂,美心的1.5倍到,見到咁大份,心諗今次可以過足口癮不過真係的無咩牛味,內子就覺得薯條太少,得幾條.....哈,咁先可以張你個重點放係件扒果到~內子的主菜,就是雜扒.都係大大份,有牛扒,豬扒,腸,火腿,煙肉. 我同內子都食到好飽,不過其實佢食左一半到,有一半都分左比我食.醬汁方面,我試了黑椒及蒜蓉汁,黑椒汁的味道比較香及美味.適合係無咩牛味的"扒"食用~最後餐飲~完滿的一餐,要大大件,抵食e間真係唔錯,63蚊.你重想點?保證你可以食到飽飽,不過要令牛扒,好肉味sor e間唔岩你

飛鷹，這個名字感到很親切呀~因為妹子的babe芝娃娃的乳名就叫做’飛鷹’，哈哈..當日溫書團隊去完私竇溫書之後，fu哥建議去飛鷹据扒，大家舉腳贊成，但miu同學要回家追看大結局的關係，先走了！一行3人沿途有講有笑慢步深水埗，初時以為在不遠處的地方，因為妹子知道這間店子的扒是出了名的，預計去到都要排隊..不知不覺已行到荔枝角，而且位置都幾辟靜，幸好fu哥是這裡的地頭蟲~到了門口，見到有幾個客人站著，以為要等位，點知侍應轉個頭話3位有位..入到裡面，一目了然！地方就是這丁點兒大，我們坐的位置正正在中心點，被包圍的感覺真的有點抖不過氣！看著這裡迫迫澀澀，陰陰暗暗，殘殘舊舊的，就是大家所謂的懷舊格局吧！妹子以一人之力不能ko整份晚餐，建議2份餐3人吃，誰不知牆壁上寫著每人最低消費要$15大元，噢~正在苦惱之際，某位侍應遞上一張小食餐牌，正好解決問題，本來ki想試蝦多士，但fu哥吃蝦會敏感，所以最後選了美式雞翼~首先來的是2個拳頭般大的巨型麥包，妹子都是第一次吃到這麼大的餐包，包痴的妹子當然要獨吞一個喇~另一個就是他們2分~熱辣辣的餐包可謂鬆軟無比，沒有那種乾淨淨的感覺，不過略偏甜點..妹子已經

父親大人話要食飛鷹... 當然要順佢意啦!四眼女侍應首先放低一個餐牌俾我地一台三人無耐就快步走過黎 由我地手中/眼中強搶本餐牌 然後隊過另一本俾我地 無講原因直到我問咩事 佢先施施然話"節日特別安排"再問佢有咩咁特別 佢話餐牌唔同 (?????)我再細閱之後先發覺... 價格本身係~$65一個節日特別安排後變左$78一個因為我唔係好餓 所以唔想食扒... 見到有海鮮 再問四眼阿姐 個海鮮大會有d咩?佢好似唔係好似咁答我 "有魚... 有八爪魚仔... 呢d囉!"係煎定焗架? "有焗有煎囉..."真係有少少無奈!最後我個海鮮大會黎啦喇 我見到一堆白色野 表面似乎有層芝士蓋住 再加白汁下底有塊魚 果然係有d八爪魚仔 再用薯蓉圍住好老實 個賣相好唔得!!! 好似嘔吐物 食落更加唔得 無味... 我要落好多茄汁先食到落去父母大人都係叫左黑椒牛柳 係招牌菜... 果然係好d!我其實幾buy入面d懷舊陳設&牛柳 侍應們衣著都會襯返架但係四眼阿姐 & 海鮮大會真係扣曬分!!

說沒有改善空間其實係想講呢間野應該唔會打算去改善，所以話說在前，應該最後一次黎，不過講真呢度其實唔算係差，雞扒餐個份量其實幾大而且都好食，蒜茸味又夠香，忌廉湯感覺係翻熱而且d熱肉好老，杯餐飲實在好細杯呢，仲有如果想拎走飲既話要加三蚊 ....講返呢度，我見好多人話服務差，係我覺得只能夠話唔算好，可能呢度有返咁上下歷史，佢地習慣晒又有一班熟客基本上總會黎幫襯，已經有d唔休做，所以都唔好望佢地會改善各種質素黎吸引新客其實呢類餐廳香港雖然唔多但未至於得佢地一間，下次搵過第二間吧

今日下午放假, 出旺角取東西, 途經深水埗, 一心想去試吓飛鷹的午餐, 去到門口已經2點15分, 好在仲有午餐供應. 因為過了吃飯時間, 舖內人不多, 十多張枱只坐了5張, 我一個人可以坐晒整個'car'位, 所以都坐得很舒服. 今日午餐可選洋蔥豬扖飯/意粉, 或者生炒雞絲飯, 我揀了洋蔥豬扖意粉, 因為雖然不是正式的扖餐, 但或多或少總可以試到少少飛鷹扖類的水準。四眼姐姐先送上餐湯和餐包, 個包真的很巨型, 就好似麵包店細size的提子包大一個size, 當我想查牛油, 用刀介開個包時, 真的嚇親我, 因為個包是出煙, 並且很辣手, 我第一次食到D咁熱的餐包, 真的很感動. 個包很軟身, 很有包味, 可能個包size十分大, 所以我查了些牛油, 是完全吃不到牛油味, 基於健康理由, 最後都是放棄再查更多牛油, 況且就咁食個包, 我都已經覺得幾好味了. 餐湯我揀了羅宋湯, 有少少渣, 味道恰到好處, 唔似去某D餐廳, 飲羅宋湯好似飲緊罐頭湯咁, 又唔會在湯面浮起一層油. 豬扖意粉又是熱辣辣的, 意粉很多, 滿了一整碟, 蕃茄汁不是快餐店橙色汁的貨色, 而是傳統蕃茄汁的味道, 與意粉

間野唔係話好好食,不過又唔係差既..但係就係因為間野既一位 "四眼" 女姐姐D態度好到冇人有,有佢一日係間舖, 我不會再幫襯,我會叫埋D 朋友唔好去!!我今日叫了一個"洋蔥豬扒"要黑椒汁!點知個扒黎到係洋蔥汁,我就同果位"四眼" 女侍應講..唔該!我要黑椒汁喎,佢就好大聲咁講"你叫"洋蔥豬扒"梗係洋蔥汁架啦!我就答佢,我同左落單果位男仔講話要黑椒汁,佢冇講我知唔可以喎,我不是第一次幫襯.我之前都係咁叫架啦!佢唔換都不突止,仲話你唔食洋蔥就唔好叫洋蔥豬扒"啦!!!嘩..點做生意呀!我話得啦,咁冇野了,其實我唔係唔食洋蔥,我係想要黑椒汁,比錯都唔緊要,講一句唔好意思,我都冇謂換啦...但呢位"四眼"女侍應一句唔好意思都冇....仲要超級悔氣話我比個黑椒汁你加返落去喇!我已經費事同佢講落去!!!總之,飛鷹有依d 咁既員工,實在浪費!!!

我以後都不會去荔枝角的"飛鷹餐廳" 吃扒了!! 寧願去金鳳... 態度差到不得了, 食物不怎樣特別ok.. 有雪味, 回家很渴水!! 結帳時, 看一看帳單, 我們點了什扒+雞扒 二個餐, $62 + $63 = $138??? 不是嫌貴, 而是覺得奇怪總數而已, 那位姐姐很串的說.. "加一呀, 你未o黎過o架!!" (哇, 態度好到呀!!) 我馬上說 : "我真係未o黎過!!!" 我還想大聲地說.. 我第一次來吃, 也是最後一次, 不會再來!! 連隔鄰枱的食客也看不過眼還比我們大聲的說... "來過都未必記得幾多錢o架, 比我我就鬧佢啦.." 後來個四眼待應找錢都pass 給第二個來找給我們! 哼! 不會再有第二次了!!!

一早想去附近的金凰吃扒，但知道人多，所以選擇晚上10時才吃晚餐，以為冇乜人啦，　點知？　10PM都要等25張枱.........當時飢寒交迫, 想起朋友介紹, 就係附近的飛鷹餐廳, 一於決定行10分鐘過去試試啦:餐包: 真係好大個呀餐湯: 一般啦兩份6成熟牛柳: 不過黎到似8成熟, 而且唔夠熱, 佢地唔似金凰係你面前落汁, 冇左「揸揸」聲的氣勢, 不過黑椒汁好好味餐茶: 大杯過金凰環境: 個人覺得好過金凰, 冇咁迫

每一次同DADDY, MAMMY 黎飛鷹都會叫黑椒牛柳 5 成熟 3 份紅湯 3 份凍 0 茶 3 杯今次都唔例外 =]麥包 - 好大個, 鬆軟, 熱辣辣, 好食紅湯 - 除左有湯, 仲有料GA, D料出奇地都好好食, D牛都好食WOR黑椒牛柳 5 成熟 -熱辣辣鐵板上, 冇OVERCOOK, 時間掌握得好好, 好稔, 好大塊, 個汁都OK, 不過薯條就差少少, 因為放係所有野下面, 所以軟哂, 都唔知係薯條定薯茸=.=凍 0 茶 - 好多冰 =.= 2 啖飲完節奏好快, 想坐耐少少都唔得=[不過用咁GE價錢有D咁好GE食物, 真係又低又好食

老鷹雄霸荔枝角道30幾年，不能看小。一個午餐就已俘虜不少食客，我獨闖鷹巢，一大個餐包打頭陣，己佔了我肚三分一，次關羅宋湯，渣多香味足，最後同茄汁牛利飯戰鬥半小時，好飽，牛利整得好林，岩哂無咩牙力的我來吃，茄汁杰杰地帶些甜撈飯一流。放下28元，就能享受滿意的午餐又可以緬懷當年情侶們拍拖聖地。

我很久沒有到這裡開餐，也可能最近食得多扒的關系，有了比較，現在才有所發現，首先，他們先上的麥包和羅宋湯都ok, 但我最失望是T bone扒的部份，我發現牛扒是經過過程，用了化學物處理令牛扒鬆軟變大，食落全無肉質和口感，豆腐像比它還要好。費用: 60HKD，但結果是完全失望。

今天和兩位同事吃午飯，大家也無甚頭緒，有同事打趣說想吃「飛鷹」的巨型餐包，既沒反對聲音，因此便決定到「飛鷹」吃午飯，至於他們口中的巨型餐包，我也是不知就裡的，因為我從未到過「飛鷹」午膳。說起「飛鷹」，想當年我還年輕的時候，也只是晚上和舊同學去過一次「据扒」而已，之後就再沒有光顧過了。對於食物沒太多印象，就只記得有一張圓形沙發座椅；今次再踏足「飛鷹」，不知會是個什麼樣子呢？我們走了約十分鐘左右就到達了「飛鷹」，門庭沒什麼改變，仍然維持一貫舊式的風格。進到裡面，可能時間尚早，人客不多，我們坐了一張卡座。午飯時間緊迫，大家也沒閒情逸致「据扒」，大家都是叫客午餐，我點了紅湯，黑椒雞扒飯及熱檸檬茶。餐包不一會，侍應已奉上餐湯及餐包，傳說中的巨型餐包果然不是說笑的，真的跟我早餐吃的提子包大小沒什麼兩樣，賣相也有幾分相似，就只差沒有幾粒提子乾而已。餐包烘過才上卓，因此還是熱熱的，餐包吃起來相當鬆軟，塗點牛油，更見美味。紅湯我點了紅湯，大大的一碗，看起來頗為濃郁。紅湯內菜蔬夠多，喝起來質感較厚，有很濃的茄膏味道，辣度適中，整體味道調配得宜，雖然味道多來自茄膏，但茄膏就是有其獨特味道，這類茄膏湯偶一而喝

一開始,侍應已經用不太友好的態度''指示''我和我的朋友們入座 我選了一客豬扒發現有很多''肥膏''(最少都有五,六塊)我覺得一兩塊''肥膏''是不太能接受的吧在最後差不多吃完的時候跟侍應反映一下希望他們可以改善啊怎想到那位侍應(可能是太子爺來的吧)竟然這樣說: 「豬扒有'肥膏''好正常啊!你未食過豬扒啊?」我說:「有'肥膏''係正常,但係塊豬扒係有太多'肥膏',起碼'五,六塊'肥膏'」(我只是期望他說:我們會改善一下)那位侍應超級不友善的說:「不知幾多人中意食'肥膏'啦」我說:「你而家係咩態度?我都係反映一下想你地做好d我係消費者 我只係表達一下意見姐」那位侍應:「咁你而家又係咩態度啊???」.......我覺得就算一間餐廳的食物有多好,服務態度都是很重要的客人指出有不足的地方餐廳應該接受和改進如此惡劣的服務態度怎叫人再光顧????????