順日本料理 (已結業)

地方不算大, 也不算豪華, 有Bar台, 師父夠擔公開出來係客人面前整野食,其實代表實力有返咁上下.牛肉稻庭烏冬(105$) 其實主要睇湯底既話質素係高的, 醬油湯傳統日本整法黎, 淡淡地應該係為迎合香港人口味? 因為通常我聽傳統日本既醬油湯都係比較咸. 但淡淡地反而係我中意, 我自己唔中意太濃味.清清淡淡有種比較健康既感覺. 銀鱈魚照燒(160$)食日式我基本上必點銀鱈魚, 一般我食既都係西京燒, 呢到有小小唔同,首先呢件係無骨既, 另外汁方面微甜帶本身銀鱈魚都好香. 算係十分好食!玉子(60$)我比較中意食玉子, 照叫左一份, 呢到玉子色同出面比較唔同,感覺蛋白比較多, 比出面香小小, 同埋彈牙小小. 主要係份量比較少如果可以大卷D就好啦or有2件我都滿足!魚濃湯(80$)呢個真心必試, 呢個湯十分有水準, 味道十分好飲, 熱度岩岩好可以飲到喉嚨好舒服,另外湯既濃度十分高, 味道上好剌激, 濃得黎最緊要係唔會覺得濟, 有種清甜既口味.整體來說只能講一分錢一分貨, 呢到食物質素同師父質素明顯比出面一般餐廳高,環境唔算優美, 服務我感受到既係師父認真既煮食態度!值得一試.

今晚我哋兩個人放咗工之後就嚟天后食日本嘢撐枱腳,我哋兩個都有選擇困難症都唔知揀咩嘢食好因為樣樣野都想食最後見到二人前定食(Set Dinner for 2)就order左嚟食啦!我哋驚唔夠喉仲叫咗個魚湯同埋牛舌!二人前定食:海帶豆腐沙律-超大碗,做開胃菜一流雜錦刺身 -啖啖新鮮刺身,so Yummy 清酒煮大蜆 - 超重酒香,食完想醉照燒牛肉 - 超香濃,超juicy !椰菜雞肉棒鍋 鹽燒鯖魚 - 無骨魚唔怕近到骨超正!甜蝦蓉飯 - 新鮮甜蝦落少少豉油個鮮味會更加重!金槍魚碎飯 - 新鮮嘅金倉魚好鮮甜!甜品 - 一口即溶嘅糯米糍 ,令人想一食再食!魚湯 - 新鮮魚煲湯!飲完覺得靚左!牛舌 - 啖啖肉...好彈牙

出去天后食好西😋位於天后既順日本料理食物好棒好棒😆各位吃貨們真係一定要去食下啊😊小明為食餐單: 竹定食set dinner🍱 $240·沙律及味噌湯🥗 沙律係蟹柳、魚子、海帶、豆腐混埋一齊既，好開胃豆腐好滑😋·什錦壽司🍣 壽司食材好新鮮，食落好soft好鮮味😋·稻庭烏冬🍜 我揀左凍既稻庭烏冬，烏冬好爽滑，沾上附上醬料食，好正🤤·甜品🍨 甜品係一舊好軟好稔既黑糖，食落唔會好甜，好似食軟綿綿既棉花糖咁😋鰻魚飯dinner set🍱 $180·沙律、前菜及味噌湯🥗 沙律菜蕃茄好fresh，前菜既酸瓜酸酸地好開胃，味噌湯好好味啊😉·鰻魚飯🍛 好大條鰻魚又厚又大塊🥰成個飯都有鰻魚汁，好正😍大蝦天婦羅🍤 $28大大條大蝦天婦羅，香脆又唔會油膩☺

今次嚟到天后呢間經營左二十七年仲屹立不倒嘅日本料理餐廳，朋友都推介過食物高質而價錢又大眾化。☺️餐廳環境古色古香，環境唔算太闊落，大幾容納到二十人左右。.魚湯✨店員推介飲嘅魚湯，用十幾斤黃腳鱲熬製而成，一嚟到已經聞到魚香味，將魚湯熬至奶白色，飲落濃郁而唔腥。.慢煮牛舌 $90✨超級推薦大家去食呢個！牛舌炆得好腍，入口好嫩，牛舌仲要係厚切口感真係不得了！配上清甜又入味嘅白蘿蔔，連碗入面嘅湯都一樣咁清甜！.Omakase -和 $580 （一人）.「頭盤」麵豉配青瓜-第一次食呢個配搭，好特別！麵豉嘅鹹香配清甜爽脆嘅青瓜。魚頭軟骨-魚就食得多，食魚頭軟骨就真係第一次，食落口感好爽脆配上酸酸甜甜嘅昆布，十分開胃！.「精選壽司十件」店員建議由味道最淡的竹籤魚壽司開始食至最濃郁鮮甜嘅海膽甘蝦軍艦。餐廳嘅壽司🍣超高水準，所有嘅魚生都好新鮮，帶子又又厚又鮮，中拖就唔洗講啦，海膽甘蝦軍艦兩樣都咁鮮甜就算食完鮮甜味都仲係留喺口腔。.「天婦羅」有蝦、茄子同冬菇，就算炸物都一樣咁出色，可以炸至油而不膩，啲炸粉又夠薄！.「大蜆鮮紫菜清湯」蜆肉肉質厚嫩，鮮紫菜幼滑，因為用到鮮紫菜味道偏咸。.「甜品」黑糖蕨餅份

疫情關係, 近來都少出左, 前排路經天后, 試左一間有歷史既日本野.入到餐廳，OPEN KITCHE佈局，今次安排了bar枱位置，客人可以同廚師有少少交流，就係日本餐廳既signature style.魚湯$80 蜆湯$135兩碗都有濃郁鮮味, 各有特式, 我比較鐘意蜆湯, 因為每一隻蜆肉都漲卜卜, 好鮮甜, 差D想叫多碗, 不過知仲有好多野食, 所以留肚.牛肉鍋$130 濃濃牛肉湯已經好夠味, 配上牛肉, 金菇, 豆腐, 再加埋粉絲係底, 真係好好味‧最重要, 成個鍋好大碗, 好抵食.海老天 $56。薩摩芋天$20天婦羅都係我食日本野必叫item, 粉漿夠薄 唔油膩, 好好食.銀鱈魚燒 $160真係好出色, 本身魚肉好滑, 但廚師將皮煎到好脆, 又配上醬汁, 一個人食哂成碟.親子丼$135,非常驚喜！勁大碗😍雞同蛋都好滑, 再配上一碗湯, 裡面蘿蔔煮得好淋, 一個好豐富晚餐.其實MENU上有好多野都未試, 串燒, 刺身，鰻魚飯。下次一定要再黎食

年尾要清年假，約閨密晚餐，我説想享受一個寧靜美味的晚餐🌱，她介紹了這間開業二十多年位於天后的［順日本料理］。我喜歡坐吧枱，倆個都不想用腦😆，想選套餐，有$ 650二人套餐，或每人$ 500十道菜的商務套餐。店員推薦下，選了後者，都幾豐富，其中包括沙律、刺身、燒牛肉、炸天婦羅、手握壽司和甜品等。十道菜中的：刺身五盛：有拖羅、牡丹蝦、帶子、油甘魚及三文魚，選料上乘新鮮，甜味亦足。我很喜歡那隻肥嘟嘟，鮮爽甘甜的牡丹蝦刺身。青瓜漬物：漬過的青瓜，帶點昆布味，口感爽脆中點微酸，讓我可以清一清味蕾，品嚐其後的佳餚。清酒煮蜆：蜆肉新鮮肥美，以清酒及昆布高湯烹煮，分外鲜甜美味，每一口都充滿淡淡的清酒香。燒牛肉：牛肉肉質細滑，油脂分佈亦均勻，肉汁豐富，而且有入口即溶感覺。壽司：由廚師決定，選用當天新鮮魚生作手握壽司。有竹籤魚、左口魚、鱈魚；魚肉透白甘甜，配上日本珍珠米，風味十足😋。這裡讓人有種寧靜舒服的感覺，舌尖上的享受，好像把煩惱一掃而光，滿足而回💕。

今晩嚟到天后嘅一間日本餐廳，入面好有日本氣氛，連壽司師傅都係講日文的，好正宗。餐廳有兩層，地方寬敞舒適。梅定食（$240）- 性價比好高，一個定食有齊沙律、味噌湯、魚生飯、稻庭烏冬同泡芙甜品。魚生固然好味。但不得不提沙律，竟不是平平無其的生菜沙律，而是用海、蟹柳和蟹籽配上酸醋汁，底下更是滑豆腐，口感一流。海膽壽司（$99）- 這個是市價。海膽真係好鮮甜，可惜紫菜未夠脆身。黃立鯧魚湯 - 啲魚煲到溶，好清甜，仲有豆腐和菜，好高質嘅湯。清酒煮蜆 （$135） - 蜆肉肥美大粒，清酒味濃郁，份量都有好大。梅酒（$60）- 吃日本料理餸梅酒真係一流，記住食埋粒梅呀！

成年飛唔到，真係好掛住家鄉（日本），為咗一解鄉愁，我同朋友去咗大坑尋找家鄉的味道。 鐘意食日本菜嘅朋友一定對大坑唔陌生，而「順」日本料理餐廳已經係大坑屹立多年，之前食過幾次lunch，今次一於試下晚餐。 環境方面，餐廳有兩層，入到去首先見到bar枱，另外旁邊亦有幾張兩人座餐枱，位與位之間都有足夠空間，坐得舒服。 食物方面，餐廳選擇幾多，有得散叫，有套餐，亦有廚師發辦，不過今日想食熟食為主，所以叫咗自選5款套餐，分別點咗:- 紫菜金槍魚蓉- 什錦泡菜- 脆雞沙律- 吉列豬排- 牛肉鍋 金槍魚蓉加入日本大蔥碎同芝麻，令口感多份層次，再混合鵪鶉蛋加上紫菜，成件事更香口，正。什錦泡菜入面有醃漬蘿蔔、牛蒡、蒜頭同蕎頭，最有驚喜係醃蒜頭好夠味，完全唔覺食緊蒜頭。脆雞沙律份量好足，有大量蔬菜，炸雞醃得幾入味而且幾嫩。主菜既吉列豬排真係要比十個like，豬排醃得好入味，重點係外層炸到脆卜卜，成塊豬排都好juicy好軟熟，好好食！牛肉鍋一樣好足料，有好多蔬菜同配料，湯底係甜醬油味，整體味道不過不失。 另外加咗魚濃湯及清酒煮大蜆，個湯好鮮甜，鐘意魚嘅朋友可以一戰。而清酒煮大蜆，每隻蜆都非常飽滿，好乾淨完全

朋友曾經介紹過呢間日本餐廳，話質素高味道好，今日喺天后附近，想食高質日本料理，就特登行去試吓😁一個人但係又想試多啲嘢，咁就叫咗$500嘅Business Set Menu，裏面有10道菜：- Appetizer 前菜- Salad with Crab Meat & Crab Roe カニとカニ卵のサラダ- Assorted Sashimi 刺身盛り合わせ- Cucumber Served with Vinegar きゅうりの漬け- Boiled Clams with Sake あさりの酒茹で- Grilled Prime Ribeye with Teriyaki Sauce リブアイのグリル- Tempura 天ぷら- Assorted Sushi 寿司3種- Seaweed Soup 新鮮な海苔スープ- Dessert デザート基本上全部都幾好味，其中特別美味嘅有：ー　雜錦刺身：刺身非常新鮮、肥美😋ー　牛肉：肉質軟熟又唔肥，好濃郁嘅牛味😋ー　清酒煮蜆：蜆肉新鮮每一隻都好多肉，配合清酒煮，簡簡單單食到蜆肉原本嘅鮮味😋ー　壽司盛合：三種魚都非常新鮮，日本珍珠米好香米味，配合埋一齊食好

呢餐飯約左十世，終於約到啦！三個大忙人。曾住朋友生日，食個Omakase賀一賀佢先！ 🎐セット 和 ($580)🦀前菜 - 蟹膏豆腐香濃嘅蟹膏，加上滑滑嘅豆腐，蟹膏齒頰留香🐟前菜 - 三文魚軟骨好有趣嘅味道，軟骨用檸檬汁醃過，清新爽口，好開胃🍣精選壽司10件🐟左口魚肥厚多脂、肉質柔軟細膩🐟竹籤魚香口肥美，加上香蔥點綴，帶出魚嘅鮮味🦪醬油燒帶子用醬油燒過嘅帶子，帶少少嘅甜味，加上瑤柱嘅鹹香，好滿足🦐赤蝦壽司赤蝦肉彈牙，面頭加左少少蝦膏，香而不膩🐟深海大池魚池魚油脂分佈均勻，清甜🐟油甘魚壽司口感柔軟細滑，肥而不膩，滿滿魚香🐟炙燒左口魚裙邊輕輕炙出魚油，令魚油融化係魚肉之間，入口即溶，魚油嘅香留係口腔裡面，回味無窮🐟炙燒銀雪魚平時食西京燒嘅銀雪魚就食得多啦，銀鱈魚壽司又真係少d，肉質爽口嫩滑，加上山椒，層次豐富🐟金槍魚腩金槍魚腩，亦叫做拖羅，油脂豐富當然唔洗講，面頭加上山葵漬物， 香且不膩🦐甘蝦蓉海膽壽司甘蝦切成蝦蓉，爽口彈牙，面頭再加上大大舊海膽，口感豐富滿足🦐天婦羅最滿足嘅當然天婦羅蝦啦，啖啖肉，彈牙香口，保持蝦肉嘅肉汁 🦪大蜆鮮紫菜湯簡單嘅嘅湯作尾調，鮮甜清新，令整個氣氛變得舒適🧁甜品

#跟住我食唔中伏.無得去日本，食日本野止痕😎日本料理香港好多，今次介紹呢間 #性價比超高食物又高質嘅日本餐廳(其實都係朋友介紹俾我🤭).#小店 環境清幽幾舒服唔會感覺拘謹，招呼都好nice☺️Order咗個二人set👇🏻＋店員推介［上湯牛脷］.前菜［海帶豆腐沙律］食落酸甜豆腐好滑食完即刻好開胃好餓😂.［什錦刺身］厚切三文魚、帶子、油甘魚🤤新鮮👍🏻兩隻甜蝦大大隻，好食❣️.［上湯牛脷］超好味！！重牛味又唔會騷，食落好軟腍😍 #無介紹錯 👍🏻.［清酒煮大蜆］啲蜆好肥美😋食落鮮甜無沙酒味唔算重，唔錯！.［照燒牛肉］好香濃牛味肉質嫩滑入口即溶👍🏻不過我覺得啲照燒汁太勁，重口味咗少少.［野菜雞肉棒鍋］湯底清甜蔬菜非常新鮮，食湯鍋去油膩岩哂雞肉棒口感好特別，我一般🤭.［塩燒鯖魚］食到我拍哂手掌👏🏻大大條夠肥肉多，重點燒得好好！🤤皮脆肉汁多，唔同平時嗰啲乾爭爭又硬.［金槍魚蓉＆甜蝦蓉飯］各有特色金槍魚好香😋甜蝦好滑夠鮮味真係好食好滿足！最後仲有個好滑嘅士多啤梨泡芙做甜品💞.$650二人前定食 #推介 樣樣野都幾好食，質素平均👍🏻食完好滿足心情靚😚.....

今日陪家人到港島取貨，順便去了這間日式餐廳吃晚飯。店內有兩位師傅負責主理。首先點了魚濃湯及慢煮牛舌。魚濃湯可以說是滿滿魚的精華，看上去清淡只有豆腐及菜，但魚味超濃，令人驚喜，可以想像是用上好幾斤鮮魚才做到如此奶白色的濃湯。而慢煮牛舌入口即化，蘿蔔清甜，對於喜歡吃牛舌的人來說是必試。另一樣令我覺得驚喜的是松葉蟹膏豆腐，會點這個是因為家人喜歡蟹膏，實際上來到份量較少，看上去豆腐都帶微綠色。入口意外地蟹膏香濃，連豆腐都帶有鮮味，分開蟹膏和豆腐品嘗後，發現帶微綠的豆腐應該是用蟹汁做成才會有如此鮮味。刺身亦是其中一樣必點，其中有款白身魚魚身爽口帶油份，非常新鮮。最後喜歡牛舌的我們追加了串燒牛舌及鰻魚飯，先說串燒牛舌，咸香混合黑胡椒的牛舌較重口味，適合配上啤酒。而鰻魚飯應該是即點即燒，所以等了一會才上菜，很少會在香港吃到魚身爽口的鰻魚飯，一般都是口應偏軟，所以很有驚喜。

🌕Hello 我係Moon🌕好耐好耐都冇試過坐喺度靜靜地食日本嘢啦，🥰每次嚟到天后都會經過呢間日本料理店，😂今次終於嚟食啦！🤪我同朋友一早訂咗位，😳坐喺度望住師傅整感覺真係好療癒！😍一邊傾心事一邊食刺生好正！佢哋嘅每一款料理都好精緻而且好高檔，😛環境都好放鬆，🤩可以慢慢享受！✨先講一講佢嘅前菜，😳係海帶豆腐上面仲有少少蟹柳蟹子，🤭感覺好清新，😛而且佢嘅豆腐真係好滑好滑！😗再嚟就係我最期待嘅刺身拼盤，🥰一共有吞拿魚三文魚帶子刺身蝦，💕每一件刺身都好高質素而且厚切，😳佢嘅帶子好清新，✨因為旁邊有檸檬片，🤪食落口有清新嘅感覺，😚佢嘅吞拿魚油脂分布好完美，😋食落口仲有好香嘅魚油味，真係好正！😛佢嘅清酒煮蜆都好新鮮，😜清酒嘅味道唔會太重，😏蜆肉好新鮮唔會有沙，😝而且每一粒都大大粒！如果鍾意食魚嘅朋友一定唔可以錯過鯖魚，🥳大大條兩個人分享一定好夠，😤落多啲檸檬汁仲可以有開胃嘅感覺添！😳呢度嘅吞拿魚飯真係好好味，🥺撈勻一齊食每一粒飯好飽滿而且充滿着吞拿魚魚油香！😍最後有個小小嘅甜品，😚係黑糖厥餅，🤪口感煙煙銀銀好Q彈， 🤩好好食！🥳🌕最後Moon Moon真係好滿意呢間高檔嘅日式料理店，😍其實佢嘅選

呢間日本料理有個商務套餐包左10道菜基本上都包含晒刺身、壽司、燒物、湯等前菜有中華沙律同蟹肉蟹籽沙律好健康好清新的感覺😋刺身併盤有帶子、三文魚腩、油甘魚、大蝦可以滿足到我對刺身嘅渴求整體刺身質素鮮甜厚身又好味然後有青瓜昆布漬物酸酸甜甜的感覺可以清清味蕾再刺激下食慾食下一道菜清酒煮蜆粒粒蜆肉都大大隻食落好入味好清甜照燒牛肉薄切的牛肉燒得岩岩好天婦羅皮脆香口，入邊隻蝦都好大隻🤣壽司拼盤池魚、吞拿魚、左口魚厚潤脂香，鮮味十足紫菜湯好多紫菜好足料還有海鮮的鮮香甜品是蕨餅蕨餅是日本傳統的和菓子之一口感煙韌，加上黃豆粉，咬下去十分香甜

今次來到天后一間由日本人在1993年開業的日本餐廳, 聽說食物及價格不是太昂貴, 所以我約咗好耐唔見朋友在這裡見面相聚。預先book好枱，費事到時無位放工來到的時候已經坐了幾張檯哦, 師父在料理檯忙碌中, 我們被安排坐在料理檯前。一邊吃一邊看師父在做料理。-HK$480自選5款料理:燒鱈魚薄脆~香酥爽口 芳香薄脆, 帶點鱈魚香, 蘸著沙津醬吃, 正合我心意。-鹽燒三文魚頭~這款鹽燒三文魚頭每日限定發售, 幸好我們進膳時間早, 先有機會品嚐這麼大的三文魚頭。師傅將三文魚頭燒至焦脆效果, 非常香口, 沒有半點魚腥味。如果喜歡酒的朋友一定要點這道菜, 因為配酒真的一流。-什錦串燒~鮮冬菇、免治雞肉軟骨棒、雞軟骨及大京蔥串燒。全部也是我最喜愛的串燒口味，鮮冬菇滑嘟嘟、免治雞肉軟骨棒口感綿密帶有脆口、雞軟骨爽脆點上蛋黃醬更惹味。最後吃爽爽大京蔥串燒來減低油膩感。-紫菜金槍魚蓉~金槍魚非常新鮮，拌入生雞蛋一起吃, 增加軟滑感, 入口即溶, 用脆卜卜的紫菜包住吃，增加多一層口感。-牛肉鍋~天氣開始冷，來一個熱辣辣又份量多的牛肉鍋。牛肉嫩嫩，內藏大量蔬菜及粗春雨。春雨吸收牛肉的精華，真美味。湯汁不會越