順日本料理 (已結業)

今晩嚟到天后嘅一間日本餐廳，入面好有日本氣氛，連壽司師傅都係講日文的，好正宗。餐廳有兩層，地方寬敞舒適。梅定食（$240）- 性價比好高，一個定食有齊沙律、味噌湯、魚生飯、稻庭烏冬同泡芙甜品。魚生固然好味。但不得不提沙律，竟不是平平無其的生菜沙律，而是用海、蟹柳和蟹籽配上酸醋汁，底下更是滑豆腐，口感一流。海膽壽司（$99）- 這個是市價。海膽真係好鮮甜，可惜紫菜未夠脆身。黃立鯧魚湯 - 啲魚煲到溶，好清甜，仲有豆腐和菜，好高質嘅湯。清酒煮蜆 （$135） - 蜆肉肥美大粒，清酒味濃郁，份量都有好大。梅酒（$60）- 吃日本料理餸梅酒真係一流，記住食埋粒梅呀！