霸王山莊

營業中

休息中

差唔多有成年冇去過霸王山莊食上年第一次去既時候,水準都不錯今次都冇乜退步由於碟頭唔算大,我同老豆既食量都唔細因此兩個人點左6樣1.川辣牛筋麵-幼滑($42)2.酸辣湯麵-黑金鋼($42)3.雞絲粉皮($48)4.紫蘇排骨($58)5.重慶水晶餃($28)6.小籠包($28)湯麵總共有5種可能揀幼滑,扁滑,粗豪,健康,黑金鋼-黑金鋼係由薯粉做,比較有咬口估唔到同酸辣湯都好夾不過湯底就酸左少少,但可以接受-川辣牛筋麵,湯底有清清既雞味牛筋入味但係"林"得滯-小籠包非常出色,湯汁多.皮薄但又唔會穿-紫蘇排骨同重慶水晶餃都係普通-雞絲粉皮做小食非常惹味芝麻醬好香,粉皮夠薄唔碎,辣味亦都係恰到好處!整體而言都係值得再去

7點鬆D去到,非常多位,但如果8點幾就要等位了.霸王炒飯:見係招牌菜先叫,不過發現只係楊州炒飯多左D雞絲,特色方面有D失望,不過整體味道就幾好,D蝦又彈牙.杭州炒年糕好普通的一道菜,唔係太油,如果咁都做得唔好,呢間店就唔配咁多好評喇.小籠包($28 4舊,賺到笑)不過又真係做到皮簿餡靚,D湯好正;好熱呢,小心熱親咀~有D牙煙,但冇穿到~雖然明知佢賺到笑,但又真係抵佢ge.桂花小丸子出奇地清甜!有D驚喜.丸子係芝麻餡,粒數適中.高力豆沙最差的一道,因為冇乜豆沙,搞到好似食包咁

食消夜~~poster寫住消夜套餐36.......up! 叫咗兩個消夜麵set$40Ｘ２(包霸王麵+小食+凍/熱飲品)食物都ok la(消夜嗎).....服務good結脹......$121元?????????茶錢$10前菜仔.兩人一份..又$10set $40ｘ2=80凍飲!!!加$5元一個.即係又$10(仲知豆槳要熱啦~等佢多啲工夫!!自已又平D)10+10+80+10+11(加一服務費)=$121...但係最唔抵係凍飲加$就無寫明囉寫住:消夜麵套餐(包霸王麵+小食+凍/熱飲品)仲有呀~都叫set 啦仲俾壺茶做咩wow~總之$係小事消夜百多元係正常消費!!(係出面的話)唔老實做生意就唔係禁舒服..條氣呀~下面位食家小弟明白你的心情

見幾多人, 真的有D誇張, 夜晚一行6人去食晚餐, 8點去到, 見門口好多人, 不過我地訂左位, 都要照等, 等左10幾分鐘, 終於有位, 上樓上食, 6個人, 佢比左張長方形枱。未坐埋位, 已經感到地方異常局促, 人流又多, 一班女仕坐了在我們後面, 講野既音量同街市賣菜既無分別, 我地都覺得好難頂~~~~好喇, 一坐埋位, 已經比D人嘈到我地要嗌破喉嚨咁講野, 勁辛苦!之後, 我地叫左個4人套餐, 再加左D野食~~飲佢地D茶, 完全唔似茶, 淡過飲水, 仲要收錢既。啤酒成廿幾蚊一枝, 唔好去搶????肯定唔會叫囉~!!!! 先黎個酸辣湯, 大家一致覺得佢得個"辣"字, 又稀, 又無酸辣湯應有既味, 一味得個辣!!!!!再黎個什麼" 龍井蝦仁", 蝦仁無味, 只是點落D醋度就有D味, 不過唔多好味囉, 食剩勁多~!!! 小籠包.......嘩~一夾即穿, 無水準可言, D汁已經流晒出去, 咁易穿, 好無癮囉~!!!!6個人食, 無人夾唔穿, 同王XX個D差得遠呢.......因為人地個D皮簿得黎唔易夾穿。鮑汁離錦炒飯- 個賣相OK, 粒粒飯都有蛋, 第一啖食落都OK, 食到第4,5啖

同2位朋友試下呢間, 都幾易搵不過係門口個reception就真係登佢辛苦, 大熱天時著住制服, 企個位完全無冷氣, 得部座地風扇...好慘...見佢應酬緊另一個客, 既然我有朋友到左, 就直接入去搵吧座位安排係玻璃房入面, 附近仲有幾張大檯, 因為焗住d聲係房, 所以隔離稍為講野大聲d, 笑得瘋狂d, 耳仔即時won左! 搞到我地3個女仔講野都要特登大聲d講...我地見到有二人套餐, 食物種類都唔錯, 份量好似好多咁, 就試下啦不過因為有孕婦在場, 所以落單時都話小辣, 呢樣又的確做到喎! 值得一讚!! 套餐有以下: 涼拌辣茄子 - 凍凍地好得意, 而且有6-8件, 份量好足, 可惜d汁太鹹 水煮魚 - 小辣都唔錯, 下面d魚肉吸晒辣汁, 好味好多~ 不過原來下面勁多芽菜, 我都試過吸晒汁既芽菜, 辣既程度接受到, 不過我唔食芽菜的, 哈哈! 酸辣湯 - 係好過出面既, 至少唔會過酸 辣辣炸子雞 - 真係炸得好脆, 重點係入面真係有雞, 唔係純粉 小籠包 - 皮唔會太薄, 所以拎得有d「牙煙」都無穿, 保留肉汁係入面, 非常好! 夠熱, 可惜我唔食太熱, 暖暖地食, 入面d肉好

環境係幾好野食一般啦.唔難食.但...食完都唔會想再去食呀..至少王加沙個D有一,2款送食完係會想再去食..晚市無優惠唔會再來

係近1個月前後食左2次呢間霸王山莊.先同朋友再同家人其實本人麻麻地鍾意食中菜.不過朋友們鍾意坐圓枱.而屋企人又比較鍾意中菜.所以我都樂於配合.不過食評就真係個人感覺.在乎分享.好壞與否真係見人見致.雞絲粉皮:夠花生醬味.唔錯.如果無花生粒粒就更好.因為我唔太鍾意食.但份量比較少.小籠包:第1次食皮太薄.好易穿.第2次再去食.竟然又變得剛剛好.唔厚唔薄.食到包住肉汁既感覺好好多花雕醉雞:無試過.所以無意見.霸王雞:我唔太鍾意食成隻雞既野.不論白切.鹽焗定炸子.所以本身心存偏見.不過隻雞的確唔"鞋"口.而且個皮係脆既.松子桂花魚:條魚炸得夠脆口.而且唔會用得太多粉漿.配合埋醬汁.好味道!糖醋魚塊:甜甜酸酸.味道唔錯.可惜魚塊淋晒.似乎係煮得太耐之嫌.紅袖炒手:紅袖炒手唔係應該OK辣架!?呢間真係唔係wor.紅袖同炒手分開上.而個汁竟然唔算辣.反而仲甜甜地.夫妻肺片:牛肚牛根牛肺都有.覺得幾新鮮.而且辣味係慢慢滲出黎.賽螃蟹:蛋白炒得夠滑.而且幾清淡.唔會無味.亦唔會太鹹.片皮鴨(二食):唔係到到有得食.黎到點都要嗌下.不肻第2次食既份量比第1次少好多.而且皮仲多過肉.真係有少少失望.杭州炒

帶媽媽去TST辦點事,微微細雨,晚餐隨意尋找,經過此店,媽媽說以前試過,OK的,7點幾,不用等位,最好不過,細妹其後加入,隨意叫了2人餐$188:包括:小籠包-雖然有肉汁,皮亦薄,但無鮮味賽螃蟹-唔得,蛋白唔夠滑,麻麻山莊炒麵-好味,雖然材料不多,但麵身彈牙,幾好 雞絲粉皮-太少青瓜絲,雞絲亦唔多,麻醬太杰,已經唔係大碟,都食剩了糖醋魚塊-哩味整得唔錯,甜酸味道剛剛好,魚肉唔會死實實雙色桂花榚-內有波羅同strawberry,好味,好香桂花味,又唔太甜,其實唔加生果重好另外,有promotion至4月底,加$2蚊有韭菜餅, 餅皮夠薄,唔油,本應好正,但奇在入面d韭菜雖然好翠綠,可惜無韭菜香味!唔叫d酸辣既野食下,硬係好似欠一d野,於是,加碗酸辣湯麵,要了幼麵,麵係好彈牙,好食的,但那酸辣湯底,料太少,好多木耳絲,味道唔酸唔辣,唔知想點,唔掂囉,重收$48,好失望呀!

見到依間食評都過得去，就即管去試吓啦。其實都預咗會麻麻地，因為細佬係上海点心師傅，所以對上海嘢自然要求高Ｄ。黎到最緊要試吓小籠包，真係失望！Ｄ包皮超薄又易穿，冇麵粉味又韌係就係有肉汁，Ｄ肉有趙口，唔會一pat pat，可惜偏甜。其實小籠包最好係Ｄ皮適中，有麵粉香味，唔知点解間間都話要皮簿餡靚、要有肉汁。如果係咁不如食肉丸，改到冇咗原有的風味，簡直不知所謂睇怕要食正宗小籠包，都係要自己整！！

我同Honey拍拖一週年，諗咗好耐都唔知食乜好，响尖東附近行咗一圈，就揀咗霸王山莊。一坐低一大叠Menu比我睇，款式勁多，價錢雖然看起來不太平，但埋單時原來不是想像中貴。雞C粉皮---味道很好，麻醬亦足夠砂窩雲吞雞---正，但湯底再濃D就好王金蝦---味道啱哂我，不過Honey話太濟黑醋排骨---排骨看起來很肥，好似好硬，但咬落去立刻離骨，師傅勁佢地有個大優惠，加$1至$10有小菜送，我揀咗個肉碎四季豆，味道好好，只售$3蚊雞，勁抵重點推介小籠包，皮薄肉鮮，很多湯，超正佢哋服務都好好，最令我難忘就係我埋單攞張咭出離時嗰經理竟然知道我貴姓，佢仲同我講＜多謝晒，張生，麻煩响張單簽個名＞我同Honey等個经理走去碌咭時諗離諗去點解佢會知我貴姓，最後嗰經理返嚟我就問佢點解，原來佢話當我攞張咭出來時巳經立刻見我個名，我巳經好耐無响D餐廳感受到咁體貼嘅服務，值得一讚。埋單只需三舊水多D，起碼好過去食自助餐，一個人都成三舊水啦！

我參加openrice 的活動,幸運地送給我一張霸王山莊$100 現金券,好開心.因Cash Coupon 快到期,而且只可晚飯使用,所以吃完晚飯後,便去尖沙咀試吓,當飯後甜品.這家茶錢是每位$5.首先嚟咗碟小食$10,我們一家人都覺得幾好食.於是再叫多一碟,女部長攞嚟之後,她細細聲說了幾個字,我們都聽唔清楚她說甚麽,後來賬單上沒有收這碟錢,オ知道她說這碟是送的.皇家蘿蔔絲酥餅 $25 : 蘿蔔絲餅入面的蘿蔔絲軟軟淋淋的,味道幾清甜,外層脆卜卜, 整個來說幾好味,感覺好清新,可能是無肉嘅關係.椰汁燉花膠 $28/盅 : 有香濃椰汁味,花膠都算多,好甜的我.OK. 叫了兩盅椰汁燉花膠,試吓,我和女兒一人一盅,因女人要滋補.薑汁鴛鴦小湯丸 : 這款糖水是熱的,糖水有濃濃的薑味,很暖胃,吃後有種舒服的感覺. 小湯丸入面是芝麻餡,甜甜

到霸王山莊食霸王餐？此話何解？實情是多謝Openrice送我及友人一人一張面值一百元的現金券，用以消費，三個人原本食了三百多元的美味佳餚，用了現金券後，每人只需五十多元，認真有食霸王餐的感覺。每道菜都很有水準，每道菜都很有味道。我最愛的是黃金蝦，蝦爽口彈牙，沾上咸蛋黃張再油炸，食第一件很是滿足，第二件有些膩，第三件已用盡quota了。第二最愛是咸肉豆腐湯，清清的一道菜，豆腐清菜都很新鮮，湯底咸中帶鮮味，一口氣飲了兩碗，之後亦無口渴非常，讚!第三最愛是醣醋排骨，真的做到酸甜惹味，送白飯一絕。肉不是肥肉，是金沙骨部位，合我心意。其餘食物包括：酸辣湯麵，料足，粗面有咬口，坦白，是食得過的，不過併以上小菜，又好似不太配合，給比下去。重慶紅油抄手8隻，估它不到排這麼美，整整齊齊的，味道一般，無驚嚇，亦無失望。清香桂花小湯丸，用Openrice coupon送的，還是薑味湯底較為吸引，芝麻湯丸依舊好味道，一碗有十幾粒，見到未食都開心。服務方便，不得不讚侍應zero，他全晚服務了得，除了給予我們點菜的意見之外，更不時給我們添水及收碟，服務應真週到，抵讚!有機會，一定會再來。

2009年3月18日晚上雖然霸王山莊在我的公司附近, 但一直沒有光顧的意欲, 因為主觀感覺這裡的食物會很貴的, 但OPENRICE給了我一個試菜的機會, 因為之前得獎,得到100元現金COUPON, 所以一定要試試。當晚放工後, 我與家姐約在6時15分到逹, 不用等位, 而且可以坐四人枱, 地方很濶落, 很舒適, 侍應亦很殷勤、很有禮貌的接待我們。安坐後, 先來了一碟小食, 我們也不清楚是什麼, 像是辣菜圃似的, 又甜又辣, 好難食, 不合我們口胃。因為這晚不算肚餓, 所以我們只點了一籠霸王小籠包、一客霸王生煎包、一碗排骨健康麵, 還用了OPENRICE 的優惠券, 所以送了一碗薑汁鴛鴦小湯丸。霸王小籠包 $28-- 必食之選! 一籠有四隻, 用筷子夾起時, 看到包內有很多肉汁, 皮薄但沒有穿, 師傅的『手工』可算一流, 味道很鮮味, 而且不會很肥膩, 家姐讚不絶口, 我亦覺得我在上海也沒有吃過這麼好的小籠包。霸王生煎包 $28 -- 一客四個, 做得很細緻, 賣相很美, 包底煎得很脆, 但又不會過燶, 好香口。包的皮做得亦是很薄的, 豬肉料很嫩滑。但最美中不足是外皮比較肥膩, 我想是

是OR活動給我的 Cash Voucher帶領我來到這裡. 北方館子, 其實是父母的最愛, 收到張 Cash Voucher, 同自己飯局, 父母時間, 夾夾夾, 夾出呢個星期五, 一齊試下呢間霸王山莊.6:45到, 小姐說明要8:30交檯. 星期五, 沒所謂啦. 亦證明了 好食既食肆, 永遠是人山人海的. 7點鐘, 父母與姊都到齊. 小籠包, 醉雞, 是必叫之選. 另加上黑醋排骨, 貴州燴茄子, 鍋蹋豆腐同鍋貼, 為是晚的精選菜式.前菜, 是一碟荀的涼伴茶, 慢慢食, 飲淡茶, 慢慢得, 一夾一口, 差不多俾我一人食哂. 人齊, 第一樣點下的, 是花彫一客. 醉雞睇落好細盅, 但不要被那小小盅嚇到, 以為好細份. 夾落, 原來層層肉. 而且雞肉是全去骨雞肉. 淡淡酒香, 淡淡肉香. 吃時不忘飲一兩口花彫, 酒味香純. 帶有雞味. 若是前幾年, 能用上一些上等雞, 相信更加陶醉. 世俗人說的食醉是否就是這意思呢?三個主菜, 黑醋排骨, 貴州燴茄子, 鍋蹋豆腐, 比較奄尖的姐, 要叫一些比較難整得好, 同平常阿媽整唔到既餸. 她的第一個 choice, 是貴州燴茄子. 茄子中問釀入魚肉

第一次食估唔到會咁差2個人叫左雞絲粉bei, 紅油抄手, 3絲抄年榚雞絲粉bei: 佢d涼伴sauce太甜, 令到成個雞絲粉bei都冇左清新既感覺紅油抄手:佢d餃子同sauce係分開上的, 佢d sauce又係太甜, 過份甜....令到成件事好奇怪3絲抄年榚: 算係最好食既一樣, 因為佢冇咩味................!!!! 仲有佢d蝦係"梅"既.......!!!!!!!!!!埋單2個人 :$176....