霸王山莊

營業中

休息中

一向以來我都好鐘意上openrice 搵下野食...今年新年之後, 居然收到佢寄黎既 Leonidas Chocolate $100現金卷 + 霸王山莊 $100 現金卷真係開心有免費野食... ^^ 係星期四就捉左我同事陪我一次過掃左e兩間店...真係難為左佢.. haha~放左工第一時間就去book 左位既霸王山莊....食左獅子頭幼麵 + 一隻聲稱係用燻焗既手法整既醬茶鴨............ 個麵既湯底唔都幾香濃.....麵都算幼滑, 只可惜獅子頭好乾.....當我地食完獅子頭麵之後, 同事就同我講...「你發唔發覺我地無左d野丫？」我先發現d待應幫手沖茶...仲沖到d茶壺都無埋......仲有一個餸都未黎都唔洗咁趕客架？無論係味覺同嗅覺+聽筧都話俾我知佢係一隻"炸子鴨"...再加上送來一碟淮鹽......我+同事係點菜前已經再三咁問過待應隻鴨係點樣整....佢話係先焗後燻... 但係e隻鴨d皮鬼咁脆...d油咁多到"b"出黎.......食完之後d油令個餸底仲反晒光完全沒有燻過既香味.....有被騙既感覺...而且d鴨無起骨....根本就無辦法就咁夾著d飽黎食.....

由於獲得Openrice送的100蚊coupon，所以去試了。點了1 小籠包：好味，皮薄多汁2 紅油抄手：好味，我鐘個醬油，少少辣3 6蛟promotion價嘅全隻鮮魷：勁抵，幾鮮，味道唔錯，用黎餸霸王抄飯，正！4 霸王抄飯：ok，but咸左少少2人食了164蚊，實質每人只付32蛟。味道唔錯，but價錢稍貴，亦見唔少遊客去食，所以覺得好有遊客feel

二月廿七日(星期五)今日老公放假,在尖沙咀等我放工,太約六時半左右去到霸王山莊了,因為沒有訂檯,還是早點去穩陣點,星期五會比較多人的!幸好時間尚早,不用等位,坐在樓上,但是服務員先旨聲名只可以吃到八時半,我們心想,如果食物快送上,不消15分鐘我們就可以埋單走人吧!我們吃東西都是來去沖沖的!我們坐在樓上,是房來的,有張四人檯!打開menu之際,老公見到對面有sugar(我search過是有心太軟吃的...我真是矛盾又愛吃又怕肥,還給一個誠實的senior說的胖了...慘!看來要介口了!)老公說一定要帶我吃所有香港的心太軟!!!好了,大家都餓,就散叫了四種食物!當然少不了他們6元的優惠:竹枝辣味蝦一打,還有我們都未吃過的螞蟻上樹,小籠包,糖醋魚塊蝦是最好吃的,雖則有些比較細隻,但是六元不可以太高要求的,連殼也可以吃!很脆,很香口!小籠包就剛剛合格,首先皮太薄,不是說薄不好,但是會一夾很易破了,汁也漏了出來,肉就比較細粒糖醋魚塊就很惹味,這味餸沒有難度的,所以不會有差表現的螞蟻上樹是辣辣的炒粉絲,新嘗試,不錯!但是涵料就很少,只是肉碎幾小粒最後又加了蒸銀絲卷,味道不錯,但是一層層的感覺沒有金

又一次有幸得到OR 送出的霸王山莊 cash coupon, 於是星期三晚去咗食dinner~六點幾去到，唔多人，有好遊客。被安排坐卡位，唔錯，幾舒服。立即揭開餐牌，叫了幾樣食品。小籠包是少不了、一定要試的菜式。這兒的小籠包做得十分出色！皮超薄，仲有點煙韌，不易穿。非常juicy~好多肉汁，一湧而出！肉汁不會肥膩，是真正的肉汁，而不是水溝油。肉很鮮，一啖一隻，乾淨利落！紅油抄手讚！皮同小籠包一樣咁薄，又有韌度。包得結結實實，餡料豬肉味鮮，唔肥膩。個醬味道都調得好，唔辣，帶點甜味，質地杰杰地。$6 特價蝦霸王山莊6周年，晚市有$6 一打蝦。講真，以呢個價錢，我唔expect 有好質素。但都可以做好d囉。d 蝦好細隻，剝完殼都無咩肉食。最慘就係勁黐殼，根本就好難搣。所以我地剝咗幾隻都費事晒口力。擔擔面：繼湘川滬之後又一難食擔擔面。面身係好ge, 幼身，非常煙韌彈牙。但面條完全無味。湯底一d都唔香，用了poor quality ge 醬料，搞到個湯又無味又鞋口。無花生醬味都算，但仲要苦苦地，唔通炒燶咗花生！迷迭香排骨：又一好味之作！排骨好有肉，又夠味又夠淋，仲帶點彈牙添！醬汁酸酸甜甜，還有一

再次多謝 openrice 的 cash coupon，令小妹多左藉口周圍食 ~~~ 上次 fb 推意粉餐，今次霸王山莊同樣地又有 promotion: 1. $6 -- 12 隻竹簽蝦2. $18 -- 湯丸 (有兩款)3. $38 -- 小菜買一送一 (只限 VIP) 今次去尖咀分店，亦是「入圍熱店」... 地方比荃灣店稍為寬敞，但都係好嘈，同埋位與位之間的距離唔夠... 空間不足 ~ 格局有如高級一點的茶餐廳，但價錢並不便宜，總覺得有點不相稱。至於食物既評語如下: 竹簽蝦 - $6 12 隻，好抵 ~ d 蝦好香口，蒜蓉味好足 ~ 蝦就唔好 expect 好新鮮彈牙 ~ (講真，咁既價錢你仲想點喎？﹗)，但幾重味精，食完好口乾。三鮮湯年糕 -- 佢既湯底好清，亦都好多料，但.. 個大廚應該係唔該得落鹽，冇味啊﹗涼伴四季豆 -- 都係一般咁啦，好多蒜蓉... 都食到四季豆本身清甜的味道紅油牛肚 -- 夠香但偏鹹，牛肚都整得唔錯薑汁湯圓 -- 最好係呢個。薑汁夠濃，好暖胃。小丸子芝蔴餡，而且是流沙的，好﹗但小丸子的皮略嫌厚左少少，同埋硬左少少。埋單，有 op coupon,,, 原

而家出街食飯有好多$1野, 又有優惠, 呢間duo係, 有$6一打蝦.我係佢地member, 之前收到sms廣告, 尋日去試下, 又幾ok, d蝦幾有肉地, 個味又香辣唔錯! 另外又叫左必叫既小籠包, 醉雞, 松子魚, 雲吞雞, 桂花糕(openrice coupon送!!!) 我覺得小籠包冇得頂, 不過醉雞d味勁左dd, 其仔ok, 我個fd第一次黎都好鐘意, 但係幾多人, d位有d迫.比起其他上海菜, 佢地d野食算唔錯, 又成日有優惠, 所以duo 算係我既心水選擇!

由於在尖沙咀區得一個鍾頭食飯，見這間有位不用等便闖入試試。店內座位都算多，枱的間隔都不錯有空間，分上下兩層。我們二人入店被安排了上二樓房內，很難找到伙計，坐張四人枱都幾好。餐牌都有不少選擇，當然我沒有辦法一次過試，只點了幾樣：砂鍋雲吞雞：味道一般，料尚算足，比較欣賞雲吞，皮偏厚但在湯中變得軟身及吸了湯的味，不算太濃，份量方面兩人每人也喝了三四碗。煎鍋貼：如果沒有點砂鍋雲吞雞便以為鍋貼皮厚是這店的特色，我猜只是大廚想一味兩食，但煎和放湯是兩件事，煎的皮厚並不好吃，因為會變硬，所以一流的菜式是不容貪方便的。辣椒虎蝦：做近宣傳所以只賣六元一隻，每人限叫一隻，都幾辣幾好味，夠中隻。一字骨：即是酥炸排骨，大概是用了绍興酒醃過，所以炸完仍有酒味，味道不錯不過就比較熱氣。香蒜油麥菜：不太油，清清地。整體印象都幾好，有機會都會想來試試其他菜式。

係尖沙咀工作已經五年多,我和同事經常都到呢度食lunch,食物質素偶有失水準之時,但大致上都可以接受.佢地既小籠包無可否認真係好食,但而家出面好多地方都能做到有水準既小籠包,因為我覺得鼎泰豐,翡翠,上海婆婆都無佢咁好食,所以希望佢地能保準一貫水準,能做到係香港做小籠包既領導者,佢地午市都有好多套餐選擇,都好抵食,大約都係三十幾蚊至四十蚊不等,價錢黎講真係好合理但係最近呢幾個星期去,感覺開始有點兒走下坡既feel,因為我都幾鐘意食蟹粉既人,係上幾次我見佢午市張order紙有幾款蟹粉小菜推介,咁我就order 左一款,最後埋單都未黎,問返d小姐,佢地就而家唔合時喇,所以無做,都唔緊要,但點解落單時唔同我講,要我地係度白等呢,但之後幾次我再幫襯,佢地張order紙都仲有蟹粉推介(我上次都隔左成個月先再黎,我以為佢地出返蟹粉)於是乎我再剔過,落單時個小姐都話比我聽而家無做,ok今次有提示,之後幾個星期我都有幫襯(因為其實我係經常性幫襯,因為同事係勁鍾意食佢既小籠包),但張order紙都依舊不改,蟹粉仍在,我諗這點就反映左佢地管理不善之處,仲有就係地方清潔,環境比前差左及有點污糟,希望留意到食評

2月11號晚同同事去左尖咀霸王山莊, 一早book定3人位, 去到都係要等, 等左10分鐘左右先有位; 第一次黎, 印象都唔錯坐低之後就睇餐牌, 因為一早睇左open rice d食評, 大概知道叫邊d送會比較保險, 不過既然有2人餐, 就叫個2人餐再加2樣送; 2人餐包括:*山莊炒麵----ok啦, 不過不失*小籠包----ok啦, 同出面食個d差唔多*京蔥炒牛肉----好食!!!*賽螃蟹----no good, 無味, 食完好似食左陣風咁*雙色桂花榚----好味既甜品, 比出面大餐廳既好味另加2樣送菜:*霸王炒飯----麻麻啦*脆皮素鵝----ok啦, 幾好味既3個人全部清晒所有送, 要特別講講個雙色桂花糕, 桂花糕4件, 其中2件裡面有士多啤利生果片另外2件有芒果粒, 好驚喜, 因為本身聽到桂花糕呢樣甜品以覺得同出面個d差唔多, 都係入面有桂花咁啦, 估唔到佢咁有心思, 而且仲幾好食tim!我下次同fd食飯會再黎ps: 環境就嘈左少少, 坐左2個幾鐘; 我地今次個位坐係近後門個度, 後門用玻璃門, 我見到有老鼠係出面街行過.....睇得好清楚, 好大隻, 所以如果你唔想見到呢d

諗住近過年,獎勵自己食餐好D.點知...好似選擇錯誤.入到門口,問你幾位,之後就冇人帶位.唔緊要,咁我地咪自己搵位坐低.接近十分鐘,我地都揀好野食,都冇人問我地飲咩茶.之後個侍應收我地張order紙.仲要入溜野食.佢就諗住入多數食特價野,成張紙都冇望清楚.最先到既係2杯飲品:熱奶茶:但係凍既,摸隻杯就暖暖地,一D煙都冇既凍豆漿:冇乜特別,唔會覺得太甜.食物方便我地叫5樣:涼伴茄子:味道到以前一樣,咁好味,保持水準 但D茄子好似唔夠淋,所以有D美中不足.小籠飽:我都知佢好出名,所以,每次我都會叫既. 但今次好似唔同,味道係一樣,仲好多汁. 但個皮,實在薄少少,好容易穿.酸辣雲吞:酸辣湯係幾好味,而且又多料. 可惜D雲吞,個心都唔熱既,都唔知係咪預先煮好.京蔥羊肉飯:真係幾好味.可惜份量少D.$48 而且都幾多油!xx戈貼:本身真係幾好味,可惜我覺得塊皮,厚少少.

今次已是第三次光顧了，依舊點了午市麵食套餐：1)小籠包主角始終是主角，不能不點的。有幾霸王，一試即知。包皮依然是它的出品最薄，薄起來不易爛，上品也。肉質雖鮮，但論湯汁則不及鼎泰豐的豐富。2)酸辣湯麵酸與辣調得尚可，味道及質量可以接受。3)凍柚子蜜柚子味道尚算充足，無甚特別。除了因為那霸王小籠包有再來光顧價值之外，下一次也難找藉口再來了。

31號同bf出tst倒數前黎呢間試下我地叫左小籠飽,紫蘇排骨,賽旁蟹,菜肉雲吞面小籠飽:好細粒,入面ge肉冇味,少湯紫蘇排骨:賣相唔得,d肉好"un"賽旁蟹: 一般貨色菜肉雲吞面: 完全唔係上海菜肉雲吞,似水餃多,不過面ok彈牙4樣野,食左230蚊....好貴.........

今次小妹為大家介紹呢間京川滬料理....平安夜晚約左同男友行街食飯....我就揀左呢間....仲預早2日訂位....我訂左8點鐘....大慨7點半左右到達....侍應生就帶我地上2樓....估唔到係坐貴賓房呀....環境都唔錯....係比較逼....可能係多人掛....我地坐低好快就點左6款小菜同炒飯....唔使15分鐘就全部上台....第一款係小妹鐘意食既雞絲粉皮....涼浸浸....味道唔錯....第二款係黃金蝦....呢款係侍應推介....味道一般....好重蛋黃味....唔夠脆....第三款係紫蘇排骨....肉質好淋....用蔥做配料....做了綠葉既角色....食完排骨....再食蔥....感覺好清新....第四款係霸王炒飯....呢款真係非食不可....每粒飯都炒得好乾身....多配料....抵讚! 當然仲有其餘3款小菜....可惜只能上載4張相片....唔緊要....下次再介紹比大家!(抵讚之處 : 每款小菜同飯....都炒得好乾身....碟邊完全見唔到一滴油....服務員非常之有禮貌)

接X放工都已經好晏啦.想試下新野就黎左霸王山莊.見到佢門口寫住"1蚊1隻蟹粉小籠包"入到去有D似酒樓咁.有MEAU同兩張紙.有宵夜套餐.我地叫左$128二人餐.包括2個小菜,2個餃類,2個麵同埋兩杯野飲.係要加一,荼芥同埋酸菜錢(花生)."1蚊1隻蟹粉小籠包"係每人限叫1粒GA JA!小菜:雞絲粉皮:好重既花生醬味.係我心目中既雞絲粉皮好似唔係咁...牛腱:普通啦.我唔係太中意依味小菜.餃類小籠包:皮夠簿,肉汁都算飽滿,但我都係覺得佢用既肉太肥.窩貼:依個有驚喜.個皮唔太厚之餘,咬落去竟然有肉汁"濺"出黎.真係無誇張麵類:酸辣麵:感覺好上海.湯底好"杰"好多切絲既材料.口感唔錯.但味道唔算真係太好.擔擔麵:無諗過咁辣但都幾香.無乜特別感覺...P.S:麵類係唔只1種選擇!好粗,幼,...期待已久既蟹粉小籠包1個字油!咬落去成口油.諗起都想嘔!!!!!!!!!!!其實成晚既小菜都偏油.但真係抵食.選擇又多.應該會有下1次^^

記十一月上旬平價下午茶附近傾完計滿身酒氣，要跟另一位朋友傾傾細節，就來了這裡吃些輕食。來了幾次，每次都是跟家人叫小菜吃晚餐，這裡的小炒師傅不少，吃到怕，但老媽堅持這裡好座。分別叫了麵．小吃．甜品綜合式麵點套餐（卅元），朋友叫了甜心套餐（廿八元），有餃子有小吃，的確如果霸到卡位的話傾起計幾舒適又好座的，是日人不多亦順利霸上四人梳化位。比較起小炒，近十五人在開放式廚房打麵糰搓點心、麵點，都咪話唔吸引～小吃滬式雞絲粉皮，粉皮帶著綠豆粉的柔韌，可惜麻醬夠濃但少了花生帶出的香，風味差了一點。香菇炆雞麵要了扁麵，餐牌上說它的特性是滑身一點的，吃來，很軟腍，是浸不得水的要快吃，肉湯底下了些師傅，味道還可以的。朋友的羊肉餃皮做得軟熟，難得羊肉餡羶香鬆嫩，帶著應有的肉汁，美味！只是醋汁是偏近南方味道，有點敗興。閒坐個多小時，傾好細節又要趕下場，埋單每人卅二，平到笑。