集眾菜館

營業中

休息中

我近年食過最差嘅一間餐廳，已經前一晚特登打電話book話要乳鴿，諗住同舊同事聚吓舊見吓面，搵間小菜館食吓嘢。點知呢間餐廳全部嘢都甩皮甩骨咁，我落班嘅時候已經同佢講咗話尋日特登留咗兩隻乳鴿，但都可以等我地食到一半既時候話比我哋知賣哂，而且最離譜嘅係仲想賴返落我哋轉頭，話我哋無落單，明明一早落單嘅時候已經講咗幾次，尋日有留到乳鴿，叫佢同我落單，咁都可以冇咗件事嘅，呢間嘢真係經經典。佢啲人完全係冇溝通，運作又極差，啲侍應又唔醒目，廚房出菜勁慢，啲人講到佢啲咕嚕肉點樣好食，其實真係好普通，我哋真係食到個個都好炆憎，情願去過第二間食過，賣單嘅時候又計多錢，我真係強烈建議啲人唔好幫襯，真係唔值，附近周圍大把嘢食，真係唔使食得咁谷氣！

食物質素強差人意，事頭婆冇禮貌到無話可說🤬朋友睇完食評叫我們來試， 到店大概6：25pm,未坐低事頭婆話要 7：45p.m 還枱， 我地話冇問題， 諗住1個鐘4個字食完應走該都冇問題，反正個地方咁擠迫都唔會坐得耐！ 即刻叫餸，叫完等左半個鐘先出第一碟，係拔絲咕嚕肉，我地隨即叫左4個飯，諗住一邊食一邊等其他餸同飯，點知第一口食個咕嚕肉，居然唔熱的，仲要唔係拔絲的！$138一碟普通到唔普通嘅例牌size 咕嚕肉，D 肉仲要唔多新鮮咁樣， 唔知點解O.R. 會有咁多好評。。。 🤔幾分鐘後先再來第二碟金沙尤魚，又係又咸又唔多新鮮的！ 第三碟金磚豆腐需然都係唔熱的，但味道都還可以 。 一路追緊嗰4個飯，終於喺追左5，6次之後姍姍來遲， 來到都係暖的 🤐等到第4碟鵝腸，結果又係唔熱，仲要又咸又有腥臭味🫣 到第5同第6碟餸到來，都一樣又係唔熱，味道都係一般！ 最後第7＆8碟等到 7：19分都未見影，我地叫老闆娘取消， 因為實在等到飽晒（ 真係以為自己去左巴黎食法國菜！）當時老闆娘聽到反應好嬲，問我地而家係咪想唔要，係就早D 講！ 我話而家咪話緊妳知囉！ 跟住佢好嬲咁走埋來同我講， 妳知

開關後D加拿大親戚返香港探親，同佢地食飯要食中菜，於是就帶佢地黎呢間試一試。佢地個個都話菠蘿咕嚕肉好食，佢嘅咕嚕肉真係做到皮脆肉嫩有彈性，D汁又唔會整到個咕嚕肉淋晒，D菠蘿仲係新鮮菠蘿唔係用罐頭菠蘿，水準之作。蒜蓉粉絲蒸青口蒸得好鮮嫩，啱啱熟所以好Juicy，真係做到鮮味加滋味。黃金豆腐粒有驚喜，入面舊豆腐好滑，係一個非常正嘅小食。蝦乾蒜蓉蒸勝瓜又係好好食，佢D蝦乾都幾大隻，好香蝦乾味。將勝瓜粗鞋部份切走，所以食落去好嫩。樣樣都好食，個個都食得開心。

朋友強烈推介我一定要黎呢間舖頭試吓佢個咕嚕肉，今晚終於黎咗，個咕嚕肉真係無介紹錯，我見基本上差不多枱枱都有叫，堅掂。佢個咕嚕人見人愛嘅地方就係真係做到外面就算落咗汁仍然可以有脆皮感覺，而入面嘅肉又可以保持嫩滑兼帶少少肉汁，師傅功架出晒黎。佢個小炒皇都好正，炒得夠乾身，一上枱已經聞到D韭菜的香味，仲有就係佢D芋頭絲炸到好脆口，而D腰果亦都炒到香晒，好夠鑊氣。我見廚師推介塊板仲有一味白胡椒魚標好似幾正，叫咗，好食好惹味，佢用鐵板上熱辣辣，仲有佢好聰明咁用了白胡椒闢咗D魚鯹味，另外個魚標煎到少少脆面口感唔錯。佢個琥珀合桃都唔錯，餸酒啱晒，老闆娘話係師傅自己整唔係直接交貨黎唔怪得之咁好味啦。

呢間真係值得期待的小店，唔卦得知唔Book位都幾難Walk-in，個羊腩煲超正，好彩Book位時口多多問吓有咩野要Book定。佢個羊腩煲係用新鮮羊腩，所以令人覺得D肉質特別好，佢D羊一D都唔"so"，仲有D枝竹吸晒D羊味好正。咕嚕肉係佢地嘅名菜，D咕嚕肉真係做到外脆內軟，D菠蘿係用新鮮菠蘿，D咕嚕肉用嘅豬肉又係用新鮮豬肉，唔怪得佢D小菜價錢係略高，不過物有所值，同用雪藏食材好唔同，真係好味好多。辣子雞做得好乾身，又香又辣，D腰果炒得好香，腰果上面仲有辣椒味，夠晒鑊氣。籠仔甜梅菜蒸菜芯係老闆娘推介嘅，真係唔錯，D菜芯蒸到好軟，D梅菜嘅質素都唔錯，清清地，好過炒菜或者金銀蛋。白胡椒煎魚卜又係好食，第一次咁樣煮魚卜，D白胡椒好香，D魚卜都幾鮮味，唔知關唔關D白胡椒事呢？

從來都不想寫食評，因為每人的口味不同，不想影響其他人。但今次真的很氣憤，因為老闆娘的態度實在令人汗顏。我們訂了2人位，5：25 到了菜館，老闆娘已說6：40要交枱，明白既，做生意緊要。不說味道了，上到枱的餸菜要熱是基本要求吧 。我們2人叫了2碟餸菜及2人份的白肺湯。第一碟上枱的是，完全沒有熱的感覺，再試下啲餸料，是凍的，同老闆娘說，她說3碟一齊炒，怎麼只有你碟會凍？我又怎麼知道呢！她將那碟餸菜來回了2轉與我們爭論說碟的低部是暖的，然後與㕑房說佢哋要隻碟都熱，我們從來沒說過要隻碟熱，只要求餸菜熱，那麼簡單。

真正的冬天來了，又到了羊腩煲季節，今晚在這太子小飯店食羊腩煲，味道唔錯，唔知係唔係因為佢地係用新鮮羊肉做羊腩煲，所以無乜羶味。$498一煲，羊腩份量都幾多，仲跟埋一碟生菜比我地。D枝竹吸晒D羊腩汁所以特別好食。老闆娘仲問我地夠唔夠汁真係好細心好服務。羊腩煲之外我地仲叫咗個咕嚕肉，真係好食，唔卦得差唔多枱枱都叫，老闆娘話佢地係用新鮮豬肉，真係好難得，因為新鮮豬肉真係貴好多，所以出面大部份食肆都唔會咁落本。另外仲飲了佢有隻支裝德國麥啤，幾好飲，同羊腩煲好夾。

星期六同成班朋友約埋一齊食小菜,主要係為左試佢個識拉絲概鮮菠蘿拔絲咕嚕肉同唔洗搣殼概避風塘瀨尿蝦肉,提醒大家記得訂台唔係’翠翠’地都要等返半個鐘全部份量都唔多,走概係小量精品類型, 5個人點左9個菜先夠飽 人均$300,不過都係好概可以試多幾款菜,每碟一人1-2嚿~ 鮮菠蘿拔絲咕嚕肉$138一夾落去堅係拉到絲,外層脆卜卜入面鬆軟,值得推薦為必點菜式紅燒妙齡乳鴿$204外皮香脆，乳鴿肉夠嫩口 一D都唔乾脆皮炸大腸$118呢味菜好考功力,一過唔小心炸過龍塊炸大腸就可以硬到用黎劈柴,今次好好彩外皮脆入面大腸嫩,十分滿意金沙鮮魷魚$128鹹香的鹹蛋黃醬配爽脆彈牙的魷魚，再加一杯啤酒，一個字正！冰火魷魚$88呢碟條狀魷魚,條條爽口加埋上面概XO醬送酒一流!豉椒炒鵝腸$148條鵝腸都夠肥美,個汁鹹左小小,係全台份量最大碟概小菜避風塘瀨尿蝦肉$268唔洗搣殼 純瀨尿蝦肉上已經嬴哂 瀨尿蝦肉完整 夠大隻 避風塘味道配瀨尿蝦肉絕配~如果唔收開瓶費會開心D!總結:精品小菜,樣樣好味,價錢小貴~集眾菜館地址 :太子柏樹街13號地舖電話號碼:84812583

天氣凍就好自然會掛住羊腩煲，所以book枱嘅時候已經book定，因為呢一間食店基本上唔book位係好難有位，間中都見到啲Walk in嘅客人喺度嘈喧巴閉話冇位，好似人哋老奉有位俾佢哋夠，見啲店員仲要好有禮貌去回應，真係覺得佢哋慘慘豬。呢間嘅羊腩煲$498 ，唔使加一，送一碟菜，有一斤半新鮮羊腩，真係抵食，出面好多地方收緊五百幾蚊嘅羊腩煲都係雪藏羊腩。羊腩煲入面除咗羊腩之外仲有冬筍、冬菇同支竹，啲枝竹吸晒啲羊肉味，超正，白飯都可以每人食到兩三碗冬天食完。食完成個人暖晒，真係寒冷天氣一定要食羊腩煲。

服務態度非常之差，未坐好就崔人叫餸，6點15分入座，7點45分要立即走。又污糟又嘈。員工又污糟，沒有禮貌。趕人走，我們無飲茶無食過花生，等齊人先叫餸。那位收銀大嬸態度惡劣走過來叫我地走。仲要收10元服務費，垃圾無禮貌。又將貓鎖在出面，對小動物不尊重。我們三個人，得半張枱用，伙計仲用了三份一張枱來自己打包外賣。現在飲食開始多人大家都明白，唔明點解可以有咁嘅服務態度？深水埗太子大把小菜館炒餸。希望那位大嬸服務態度改善。員工又少製造緊張氣氛。

超人氣小菜店, 去到全場爆滿, 雖然有訂枱, 但都係要等前面交枱鮮菠蘿拔絲咕嚕肉 - 價錢比其他菜式或者大排檔稍貴, 但物有所值, 夾起拉媽, 炸到酥脆, 酸甜調味得宜, 絕對係必食之選 金薯蜜椒安格斯牛粒 - 薯仔跟咕嚕肉用同樣粉漿炸到非常酥脆, 蜜糖加上黑椒非常惹味, 牛肉粒都比下去古法羊腩煲 - 訂枱已經預留, 份量較少稍貴但係全煲都用上軟腍羊腩, 味道偏藥材唔會太鹹, 唔算好膻可以一試另外有再加料要牛肉, 不過味道平平鎮店小炒皇 - 大大條蝦乾加埋炸芋絲, 香口下酒菜鐵板珍菌生啫田雞 - D菇吸哂田雞鮮味好味, 只係田雞唔夠大隻, 肉較少鐵板生啫雞什 - 鐵板上枱熱辣辣幾好送酒, 不過略油每枱都會有花生, 飲個啤酒食小菜係爽嘅, 會再叫咕嚕肉試埋其他小炒

好耐無嚟食集眾，襯而家晚市可以食耐啲，又可以一大班朋友嚟食佢嘅世一咕嚕肉喇～ 訂枱嘅時候仲留左個羊腩煲，佢仲有好多同其他餐廳唔同嘅特色小菜，一於食返餐勁嘅！ 集眾嘅「鮮菠蘿拔絲咕嚕肉」係真係不得了， 拔絲、好肉、香口，講真佢唔算係果種傳統被稱為「頂級」果種「大甜大酸」嘅咕嚕肉，但真係好多朋友食完都係為佢回頭。 古法羊腩煲，佢係真係羊腩，唔係羊肉，以差唔多 $500 嘅價錢嚟講佢唔算好大份，但係用料好好亦都好夠味，個汁底少咸但好夠腍，我地人多食之後仲叫左幾碟菜車落去撈晒佢個汁食。 鐵板生啫雞什，另一個我地幾乎每次都叫嘅小菜，鐵板上潤腎腸乜都有喇，熱辣辣送酒一流呀鎮店小炒皇，另一個驚喜小菜，特別係有啲炸芋絲，令到成碟野好食左勁多先。 金薯蜜椒安格斯牛粒，呢個都係出色野，啲薯仔炸到外脆內軟 加埋蜜糖，呢碟野薯仔搶手過牛粒呀鐵板珍菌生啫田雞，呢個第一次食，味道同鐵板生啫雞什近似，略嫌田雞肉少骨多，食落就無咁豪快～其實仲有好多小菜想試，但係已經飽到好飽，唯有下次再戰。

今晚一路食一路有人Walk In一路都食閉門羹我心裡暗暗覺得好彩預先Book了位。點了5樣野5樣都好食，咁好食唔怪得想食一定要訂位啦。最好食要算是咕嚕肉，基本上睇Openrice同埋現場差不多枱枱都叫就知道係好東西。侍應話係用新鮮豬肉整嘅，而且做到淋埋汁都外軟脆內軟，仲有就係D菠蘿都係新鮮菠蘿而唔係罐頭菠蘿，果然出色。籠仔甜梅菜蒸菜芯又係好好食，甜梅菜同菜芯嘅味道非常夾，清新得黎味道亦有層次感，值得推薦。川椒豬手係冷盤，少少辣好開胃，豬手的肉質亦唔錯。鐵板雞什好惹味，上枱啫啫聲兼香氣撲鼻，雞什固然好食，但係佢連D配菜都好正真係問你死未﹗金薯安格斯牛柳粒係侍應姐姐介紹嘅，我想講D金薯(其實即係炸過嘅薯仔粒)好好食，好食過D安格斯牛柳粒。

有一日係網上睇到報導就心思思想試吓下同朋友訂咗枱雖然準時到，但都仲要係門口等一陣不過食物就真係好出色！鮮菠蘿拔絲咕嚕肉真係酒店級水準！如果係酒店中菜廳出品咁既質素起碼賣HK$258炸漿超薄，脆到傻左老闆用新鮮豬肉做，肉質彈牙拔絲糖漿 濃稠程度剛剛好，唔會黐牙！絕對可以翻啅！金薯蜜椒安格斯牛柳粒平時薯仔牛柳粒都係食牛柳粒係呢到 薯仔先係主角薯仔上漿拉油後，外皮脆入面粉仲較少少甜味，好好食鎮店小炒王！世一坊間 小炒王好多都會炒到D韭菜或材料淋晒集眾 唔會！仲要用左 芋頭絲！每一款材料 炒熟的時間都唔同但呢到每一款材料都係爽口我搵唔到一款係炒到過咗龍係我食過最好食的小炒王！青尖椒炒滑蛋分量夠晒大碟！炒蛋一定要夠滑，火喉一定要掌握得好！加埋尖椒有少少辣辣得幾過癮！送飯一流！炸功出色！外層薄到都唔可以叫做外皮非常鬆化，食賴尿蝦唔使剝殼非常方便！豉油王炒麵同樣出色！夠獲氣！麵條炒得乾身有少少脆！油粉控制得剛剛好撥開麵條碟底唔會有過多嘅油！幾好食！

原本想食楚撚記，但book唔到🥲🥲朋友介紹就試下依間菜館🫶🏻🐷鮮菠蘿拔絲咕嚕肉 $138「拔絲」硬係有種吸引力，但係食落其實冇咩特別😂😂朋友話超級脆，咬落係有聲，但係我食咗幾粒都唔脆🫠暫時未有一間可以超越到權發雙餸飯嘅咕嚕肉😜🐷金沙新鮮魷魚 $128好邪惡嘅東西🤫魷魚嘅炸粉好薄，可以掛滿鹹蛋黃，係幾優秀嘅🤞🏻🐷琥珀芥末牛柳粒 $148有幾粒焦糖合桃係隔離伴碟，牛柳粒一啲都唔靭軟林林的！加上芥末醬幾特別而且都係夾🤪但係食到尾會突然好攻鼻到流眼淚🥲🐷海味雜菜煲 $98炒菜同雜菜煲淨係相差$10，我依啲精明嘅師奶梗係揀雜菜煲😂入面咩菜都有啲，仲有粉絲蝦乾，湯底清清地有鮮味，好啱撈飯🙊Overall🐽整體嘢食都有質素嘅都幾特別，喺其他大排檔未必會見到🙊不過佢價錢偏貴份量偏小，性價比唔高🫠可以有其他更好嘅大排檔選擇🌸環境 🐖🐖🐖 3/5食物質素🐖🐖🐖🐽 3.5/5店員態度🐖🐖🐖 3/5人均消費 ～$130集眾菜館 📍太子柏樹街13號地舖