集眾菜館

營業中

休息中

今晚一路食一路有人Walk In一路都食閉門羹我心裡暗暗覺得好彩預先Book了位。點了5樣野5樣都好食，咁好食唔怪得想食一定要訂位啦。最好食要算是咕嚕肉，基本上睇Openrice同埋現場差不多枱枱都叫就知道係好東西。侍應話係用新鮮豬肉整嘅，而且做到淋埋汁都外軟脆內軟，仲有就係D菠蘿都係新鮮菠蘿而唔係罐頭菠蘿，果然出色。籠仔甜梅菜蒸菜芯又係好好食，甜梅菜同菜芯嘅味道非常夾，清新得黎味道亦有層次感，值得推薦。川椒豬手係冷盤，少少辣好開胃，豬手的肉質亦唔錯。鐵板雞什好惹味，上枱啫啫聲兼香氣撲鼻，雞什固然好食，但係佢連D配菜都好正真係問你死未﹗金薯安格斯牛柳粒係侍應姐姐介紹嘅，我想講D金薯(其實即係炸過嘅薯仔粒)好好食，好食過D安格斯牛柳粒。