集眾菜館

好耐無嚟食集眾，襯而家晚市可以食耐啲，又可以一大班朋友嚟食佢嘅世一咕嚕肉喇～ 訂枱嘅時候仲留左個羊腩煲，佢仲有好多同其他餐廳唔同嘅特色小菜，一於食返餐勁嘅！

3

集眾嘅「鮮菠蘿拔絲咕嚕肉」係真係不得了， 拔絲、好肉、香口，講真佢唔算係果種傳統被稱為「頂級」果種「大甜大酸」嘅咕嚕肉，但真係好多朋友食完都係為佢回頭。

鮮菠蘿拔絲咕嚕肉

古法羊腩煲，佢係真係羊腩，唔係羊肉，以差唔多 $500 嘅價錢嚟講佢唔算好大份，但係用料好好亦都好夠味，個汁底少咸但好夠腍，我地人多食之後仲叫左幾碟菜車落去撈晒佢個汁食。

古法羊腩煲

鐵板生啫雞什，另一個我地幾乎每次都叫嘅小菜，鐵板上潤腎腸乜都有喇，熱辣辣送酒一流呀

鐵板生啫雞什

鎮店小炒皇，另一個驚喜小菜，特別係有啲炸芋絲，令到成碟野好食左勁多先。

鎮店小炒皇

金薯蜜椒安格斯牛粒，呢個都係出色野，啲薯仔炸到外脆內軟 加埋蜜糖，呢碟野薯仔搶手過牛粒呀

1

金薯蜜椒安格斯牛粒

鐵板珍菌生啫田雞，呢個第一次食，味道同鐵板生啫雞什近似，略嫌田雞肉少骨多，食落就無咁豪快～

鐵板珍菌生啫田雞

其實仲有好多小菜想試，但係已經飽到好飽，唯有下次再戰。