集眾菜館

營業中

休息中

天氣凍就好自然會掛住羊腩煲，所以book枱嘅時候已經book定，因為呢一間食店基本上唔book位係好難有位，間中都見到啲Walk in嘅客人喺度嘈喧巴閉話冇位，好似人哋老奉有位俾佢哋夠，見啲店員仲要好有禮貌去回應，真係覺得佢哋慘慘豬。呢間嘅羊腩煲$498 ，唔使加一，送一碟菜，有一斤半新鮮羊腩，真係抵食，出面好多地方收緊五百幾蚊嘅羊腩煲都係雪藏羊腩。羊腩煲入面除咗羊腩之外仲有冬筍、冬菇同支竹，啲枝竹吸晒啲羊肉味，超正，白飯都可以每人食到兩三碗冬天食完。食完成個人暖晒，真係寒冷天氣一定要食羊腩煲。