阿木台灣麵 (豉油街)

營業中

休息中

阿木台灣麵（旺角）❣️今日假日帶主子們出巡，唔講唔知，行過發現旺角阿木台灣麵原來係寵物友善餐廳，咁一定要入去試下！餐牌有飯有麵，主打套餐系列，價格非常實惠。🌟鹽酥肉便當外層金黃色的鹽酥肉，咬落去咔咔聲。火候控制得相當好，肉汁鎖緊。一啲都唔柴，入面好Juicy又嫩滑。跟便當仲有有三種配菜，解膩開胃。搭配台式經典滷肉飯。眼見到有一粒粒肉燥，肥瘦均勻。肉汁鹹度適中。珍珠米軟熟，粒粒分明。撈肉汁食非常可口。🌟鹽酥雞即叫即炸鹽酥雞，絕不翻炸！熱辣辣。炸粉超級薄，外脆內軟，雞肉嫩滑juicy，充滿台灣夜市的味道。調味適中，鹹香可口。令人停唔到口。❣️總括而言，寵物友善嘅餐廳不多，尤其喺旺區。阿木台灣麵係值得推薦嘅寵物餐廳。而且價格親民，份量頗大，性價比高。門口仲有好多台灣商品，價錢亦好合理😏

今晚同朋友去咗旺角嘅「阿木牛肉麵」,環境整潔舒適,職員親切有禮。叫咗好多嘢食,個個都好正!首先試咗佢哋嘅「鹽酥雞便當」,炸得恰到好處,外焦內嫩,雞肉彈牙多汁,送飯一流。再試咗佢哋嘅「台灣腸便當」,粗壯肥厚嘅台灣腸仔,煎至金黃酥脆,咬落去啲汁噴晒出嚟。香濃惹味嘅腸仔配搭上滑嫩嘅滷水蛋,實在是絕配。最後試咗佢哋嘅「麻醬拌麵」,細滑嘅麵條配搭上濃郁香濃嘅麻醬,夠味卻唔會太膩。上面嘅新鮮青瓜絲為這道菜添加咗清新爽口嘅感覺,夏日食起嚟清爽可口。總括嚟講,「阿木牛肉麵」嘅環境、服務同埋嘢食質素都好出眾,非常值得一試!

又去咗食台灣菜，今日試咗新嘢，除咗食芝麻醬冷拌麵，就梗係唔少得食牛肉麵啦1. 芝麻醬冷拌麵:麵條Q彈有嚼勁,芝麻醬香濃回味無窮,清新爽口,是夏日裡清涼解膩的絕佳選擇。2. 鹽酥雞:外酥內嫩,鹹香味十足,搭配清脆爽口的小菜。肉質鮮嫩多汁3. 紅燒牛肉牛筋麵:濃郁的牛肉湯頭,入口即化的牛筋,配以彈牙的麵條,層次豐富,4. 凍奶茶:茶香醇厚,奶味濃郁,冰涼順滑5. 凍冬瓜茶:冬瓜的甘甜與茶葉的香氣完美融合,微微酸甜,入喉清涼解渴,是夏日裡的最佳解熱飲品。下次都會試佢其他小菜，例如蛋餅，今次因為太飽所以冇食，下次一定要試返😏😏

垃圾！首先一入座沒有人理會，有兩名男職員只在裡面傾計，叫也沒理，ok食物上枱，鹽酥雞淡而無味，鞋霎霎，飲品如同飲糖水，環境差，無冷氣，室內溫度超過40度，廁所又話壞連出入的門都壞，枱與枱又迫，抖不過氣，免費都吾會再來，貼錢買難受！

紅燒牛肉牛筋麵（$79）湯底好清，味濃帶微酸。牛𦟌好腍兼入味，牛筋同樣軟腍。麵條正常唔糊口。炸排骨便當（$65）需時十數分鐘。炸粉脆，醃味夠，豬扒夠軟身唔嚡。唯一可惜係炸粉痴唔實塊豬扒，一夾就甩頭甩髻。肉燥味濃唔肥膩，撈飯一流。惠顧麵類或飯類，可半價享用飲品。珍珠奶茶（+$15）、黑糖珍珠鮮奶（+$17），兩杯都正常發揮。枱面有一罌自家製麻辣醬，個人覺得好掂，啱哂我口味。麻味多於辣味，配麵、點豬扒、甚至加落肉燥撈飯都好好味。PS：冷氣唔係好夠，人多就更熱，尤其食湯麵，食到流哂汗。

最近OpenRice有開飯熱店選舉，一登入就見到叫我投票，回顧番過去食過同收藏過咁多間餐廳，一見到阿木台灣麵又心思思想食，所以同friend weekend又去咗，再次覺得真係幾抵食我哋去食 lunch set，我叫咗鹽酥雞便當，lunch set $59算抵食但份量都好充足，鹽酥雞起碼有十件，炸得好酥脆。本身便當set包咗開胃小食三款同肉燥飯，肉燥份量好多，好juicy又唔會過鹹。珍珠米粒粒圓潤彈牙，同肉燥係最好朋友我個friend叫咗牛肉麵，我武士道但佢話都唔錯，湯底好濃郁，肉又係份量好多。最正係套餐加杯珍珠奶茶只需$10，我唔想飲凍嘢淨係叫咗跟餐檸水唔使加錢都有三片檸檬唔錯！

阿木台灣麵係旺角站E2出口步行大約6分鐘。食台灣特色食物小店。食物多款選擇：麵類、便當、飯、腌菜、台灣小食、蛋餅及飲品。✅香蔥麻辣肉燥飯肉燥飯，配上大量嘅香蔥加上麻辣, 及肉燥真的是另一番味道。✅滷肉飯滷肉飯係台灣經典美食之一，簡單得來好考驗廚師嘅技巧。滷肉肥瘦得宜，飯粒分明配合滷肉醬汁非常美味。阿木台灣麵💥💥旺角豉油街60至102號鴻都大廈地下3-4號舖

▪️ 紅燒牛肉麵 ▪️呢間旺角嘅台灣小店嘅紅燒牛肉麵真係一絕！湯底濃郁香醇，牛肉炆得好嫩滑，入口即化。麵條彈牙有嚼勁，吸收晒湯底嘅味道，每一口都充滿咗牛肉嘅香味。仲有幾塊大塊牛肉，量足味美，食完真係滿足。▫️ 肉鬆蛋餅 ▫️肉鬆蛋餅都唔錯，薄薄嘅餅皮煎得金黃香脆，內裡包住滑嫩嘅蛋同肉鬆，味道非常豐富。每一口都可以感受到蛋嘅香滑同肉鬆嘅鹹香，真係好好味。配埋少少甜辣醬，味道更加突出，食完唔會覺得膩。▪️ 珍珠奶茶 ▪️講到台灣飲品，點少得珍珠奶茶！呢度嘅珍珠奶茶奶味濃郁，茶底清香，就係甜咗少少。珍珠彈牙爽口，唔會太硬或者太軟，口感剛剛好。

坦白講佢碗牛肉麵喺香港算係幾好食，湯底唔錯，而且牛肉幾多仲大大舊，份量唔孤寒。另外都試咗蛋餅，味道都唔錯，不過都幾大份食唔晒。最想講吓嘅係店內環境真係有好大問題，坐得逼都算喇，但真係好熱好熱，體感溫度仲熱過喺室外。我仲要坐得都算近個冷氣，仲見到個冷氣較到16度😅但真係完全feel唔到冷氣淨係feel到廚房啲熱氣…一路食一路全身都流汗。眼見已經喺牆上裝咗幾把風扇但仍然係熱到令人難受令人冇胃口。講真唔處理下呢個問題，啲野幾好食都假…真係唔會有意欲再去🥵🥵🥵

📍旺角 阿木台灣面話說本身已經幾鐘意食台灣野，今日去到旺角當然不妨試下阿木既台灣野。之前已經聽過朋友介紹係幾好食，同感覺好台，今次試完又真係幾高質，而且性價比都幾高。٩(˃̶͈̀௰˂̶͈́)و今次就叫咗佢個鹽酥雞，再加麻醬拌麵，仲有佢個台灣腸便當。整體嚟講味道都相當唔錯，而且用料都幾多，普通一個成年男子都會夠飽。鹽酥雞方面，佢唔會有太多炸粉係上面，而且係新鮮出爐，即叫即炸，所以都好新鮮同埋熱辣辣咁樣。最有驚喜係佢個便當，肉燥飯嘅份量好多，而且調味相當之唔錯，唔會過鹹但係又有一啲香味。加上佢個台灣腸既調味都好傳統，仲有少少配菜，令到成個味道更加豐富。

大約半年前行經此店，當時好多人在門外等候，一直記下此店，等待有空時光顧。上星期五放工後與女友找晚飯地點，想起此店，決定當晚便去！女友先放工，大約8時前到達餐廳，心想她要等位，我大約遲15分鐘到，應該還要多等一會才能入座。不消一會，她告訴我已經入座，只有好少人等位。我到達後，她已經點了紅燒牛肉牛筋麵（$79），另加金桔檸檬話梅汁（$17）。我看完menu，手機下單了一份麻醬伴麵（$45），加了$3轉關廟粗麵，再加一份肉鬆蛋餅（$45）。好快女友的牛肉麵和飲品送到，立刻試一口牛肉麵，發現湯不夠熱，沒有藥材味，另外牛肉沒有什麼味道，但勝在煮得夠腍，麵質不夠彈性，整體感覺一般。之後麻醬伴麵和蛋餅也送到了，關廟粗麵的質感也大致相若，感覺粉粉哋，不夠彈性！麻醬味與平常其他地方吃到的雞絲粉皮相若。蛋餅餡料充足，入面佈滿好厚的肉鬆，算真材實料！金桔檸檬話梅汁，正常味道，冇失望，冇驚喜。對本人而言，餐廳食物質素屬於普通，但覺得最不好的是座位擠迫，空調不足 (基本上係感覺不到有冷氣），眼見好多客人也在流汗！匆匆吃完，便埋單走了！我相信這次是我第一次和最後一次來光顧了！

🍜招牌蕃茄牛肉牛筋麵蕃茄既味道十分濃郁,又唔會太酸。牛肉同牛筋煮到軟身,好入味。麵條彈牙爽口,配埋麵汁正合適。真係一碗好味醒胃既麵。🍠梅子地瓜條呢個地瓜條真係外脆內軟,地瓜味濃郁。淋咗梅子粉後,酸甜滋味就出現喇！一口下去,令人食完唔想停手。🥢鹽酥雞便當呢個鹽酥雞真係好吸引人!雞塊香脆可口,咬落去又脆又滑,好滿足。加埋白飯、醬料和小菜,成個便當既味道真係十分完整。🍚滷肉飯滷肉飯一向都係經典美食之一。呢間嘅滷肉肥瘦得宜,入口即溶,超級入味!飯粒分明,好有咀感。配合滷肉醬汁,實在太美味了!🥢招牌芝士肉鬆蛋餅呢個蛋餅餅皮薄酥脆,餡料豐富,肉鬆同芝士糾纏在一齊,入口即溶。蛋餅又大又飽肚,值得推介!

肉燥豆苗食飯盡可能都會叫碟菜，比較健康，少有會係豆苗，菜吸哂肉燥汁，幾好味，滷肉肥瘦均勻，唔會太油膩，送飯食一流。麻醬拌麵麵條偏闊身口感煙韌，濃香麻醬撈麵吃得滿腔芝麻香，然後同青瓜絲撈埋一齊，口感豐富同時惹味。台灣小香腸香腸表皮微焦，咬落Q彈有咬感。夾住蒜片一齊入口，香氣濃郁之餘有少少辛辣，完美融合台灣在地風味。紅燒牛肉麵牛𦟌勁厚又大塊，牛筋炆得好林，加埋酸菜一齊食好味，湯底濃淡適中，飲左都唔會好口渴。

招牌芝士肉鬆蛋餅招牌芝士肉鬆蛋餅真係一試難忘！蛋餅皮煎得金黃香脆，內裡夾住濃郁嘅芝士同肉鬆，每一啖都充滿驚喜。芝士嘅香味同肉鬆嘅鹹香味完美結合，再加上蛋餅本身嘅柔軟口感，真係非常滿足。招牌紅燒牛肉牛筋麵呢個招牌紅燒牛肉牛筋麵真係不得了，湯底濃郁，充滿牛肉嘅香味。牛肉煮得好淋，入口即化，牛筋亦好彈牙，非常有嚼勁。麵條煮得剛好，唔會太軟亦唔會太硬，吸收晒湯底嘅精華，每一啖都好滋味。台灣腸便當（滷肉飯）台灣腸便當入面嘅滷肉飯真係一絕，滷肉煮得好入味，肥瘦適中，每一啖都充滿肉香。台灣腸味道濃郁，再配埋少少生蒜片，一齊食更加有層次，香味更突出。

這次要介紹的是一家隱藏在巷子裡的台式小吃店。這家店的招牌菜真的超級有特色首先是招牌麻辣牛肉牛筋麵。一上桌就能聞到那濃濃的麻辣香氣，真的是讓人流口水。牛肉和牛筋的份量很足，牛肉煮得非常軟嫩，每一口都能感受到麻辣的滋味，而牛筋則是Q彈有勁，咬起來非常有層次感。麵條也是一大亮點，彈牙又不失嚼勁，吸滿了湯汁的精華。湯頭麻辣鮮香，辣度剛好，不會過於刺激，非常適合喜歡麻辣口味的朋友。接下來係招牌芝士肉鬆蛋餅。這道菜看起來簡單，但味道卻非常豐富。蛋餅的外皮煎得金黃酥脆，裡面包著滿滿的芝士和肉鬆。芝士在高溫下融化，拉絲的效果非常誘人，而肉鬆則是鹹香十足。充分感受到蛋餅的酥脆和內餡的濃郁然後是鹹酥雞。這道菜絕對是下酒小菜的首選。雞肉塊外層裹著薄薄的粉漿，炸得金黃酥脆，咬下去時能聽到清脆的聲音。裡面的雞肉鮮嫩多汁，調味非常到位，每一口都能感受到鹹香的滋味，再配上店家特製的椒鹽粉，味道更加豐富最後是鹽酥雞便當。這份便當不僅份量十足，配菜也非常豐富。主菜是鹽酥雞，外皮酥脆，內裡鮮嫩多汁，調味剛剛好，不會過鹹。便當裡還有滷蛋、青菜和滷肉飯，滷蛋入味，青菜新鮮爽口總的來說，這家小吃店的每一道菜都非常值得一試。不僅