阿木台灣麵 (豉油街)

今次我約左朋友去麥花臣踢波，踢完波就係附近食埋飯先番屋企，呢間阿木台灣麵就成日經過都多人食，多人食既多數都係好野黎，就去食呢間，佢係可以用Gulu app攞飛，攞定先去就可以慳番d時間😉紅燒牛肉牛筋麵（$80）牛肉麵既牛肉可以揀片切或者角切，片切就係牛腱心，肉質比例比較多，角切就係牛腱頭，根位比較多，我就揀左片切，件牛係整到好淋，帶輕微膠質感，牛筋就質感糯軟彈牙，而最重要既湯好有台灣紅燒風味，入口甘香回甜🍜鹽酥雞便當（$60）鹽酥雞粒新鮮即炸，仲有佢地自己整既阿木鹽酥雞粉，記得要落，好味好多，而個飯係台式肉燥飯，味道唔錯，係個汁唔係好夠，多汁d撈飯先正🐥韮菜蚵仔煎蛋（$72）呢份蚵仔煎size非常大，蚵仔大粒新鮮又唔腥，入面仲有好多韮菜，而個蛋冇整得太老，幾滑，呢個可以點下佢地個自家製麻辣醬食，我覺得係幾夾，個醬好好味，類似沙茶醬狀既辣醬😋梅子地瓜條（$ 43）梅子地瓜條都係新鮮炸起，炸起身唔算好油，梅子味粉酸甜清爽，地瓜條食到佢既蕃薯甜味🍠芝士岩鹽奶蓋炭燒烏龍茶（跟餐$20）佢個奶蓋好抵讚，真係好厚一層，咸咸地既奶蓋好好味，個茶底帶輕微煙燻味🥤仙草奶茶（跟餐$15）奶茶順滑，仙草份量都多，同珍珠奶茶差唔多，仙草就比珍珠冇咁韌，踢完波飲呢個爽d🧋呢間餐廳既野食全部都好大份，小食係勁到好似主食咁多，食完呢餐超級飽，我最欣賞個牛肉麵，個湯同牛都出色，其他野食都好食，唔怪得佢要排長龍👍🏻…查看更多

餐廳：阿木台灣麵地點：旺角豉油街菜式：台灣菜餐牌：午市套餐，下午茶餐，阿木牛肉麵，台式便當，阿木拌麵，老台灣腌菜，台灣小吃，蛋餅同飯。飲品有古早味，芝士岩鹽奶蓋，珍珠奶茶，冷泡茶，台灣紅茶，四季春青茶。落單用QR code。番茄牛肉牛筋麵（片切） $80大大碗番茄牛肉牛筋麵熱辣辣上枱。片切即係牛腱心肉質比例較多，一共有兩大件超厚身件，明顯係半筋半肉，牛味又濃，厚身啖啖肉，好味道。有好幾條牛筋，入口即化，滿滿骨膠原。麵條係白色拉麵，都有咬口，份量適中。伴有鹹菜同蔥花，可以叫多鹹菜同多蔥花。個湯甜甜地，味道好濃番茄味，真係見到新鮮番茄，配麵好夾，唔會油膩。滷牛筋 $62滷牛筋一客8條，滿嘴都比骨膠原張住，滷得好入味，微微辣。面頭灑上蔥花。芝士岩鹽奶蓋炭燒烏龍茶 $20我叫左芝士岩鹽奶蓋炭燒烏龍茶，微甜同無冰，微甜係剛好甜度，帶微微茶味，加上面頭厚厚鹹香奶蓋真係好夾。轉外賣杯加$1。方便邊行邊飲。今餐食物飲品質素唔錯，而家搬左過隔離分店更大更舒適。…查看更多

-11月沒有公眾假期，但又想去一趟台灣旅行，經過旺角就選擇了台灣人主理的「阿木台灣麵」一解思台之愁。餐廳環境寬敞又乾淨，小清新的木系風格裝潢。🌱點了幾款台灣地道小食和主食，每款份量都十足，價錢親民又好吃。當中紅燒牛肉牛筋麵最令我印象深刻，牛肉好香，牛筋軟糯又有咬口，而且手工麵掛湯得來又有嚼勁，即使放了一會兒，亦不容易變得太腍。另外，炸雞排和韭菜蚵仔煎蛋亦有驚喜，比去台灣夜市吃過的更好吃！❤️炸雞扒外面脆得來，內裏仍保留肉汁，加埋阿木鹽酥雞粉，好惹味！😍韭菜蚵仔煎蛋外脆內軟，蠔仔粒粒爆滿很鮮甜，蛋香同韭菜完美融合✨。第一次嘗試喝金桔檸檬四季春 ，味道意外地覺得很夾，喜歡檸檬的，不要錯過💕！吃完還可以在收銀處看看有甚麼台灣團購的產品買回家，很像去了一個台灣小旅行一樣呢！☺️很推薦大家到訪一嚐正宗的台灣味🌼-What we ordered🎈1. 紅燒牛肉牛筋麵 （片切） $802. 炸雞排 $443. 韮菜蚵仔煎蛋 $804. 肉鬆蛋餅 $45Drinks🥤（凡點牛肉麵或便當套餐飲品半價）1. 金桔檸檬四季春 $342. 黑糖珍珠奶茶 $16-#footage_hk #mongkok #hkrestuarant #旺角美食 #旺角 #阿木台灣麵 #台灣美食 …查看更多

旺角阿木台灣麵台灣人經營，三代傳承，一直口碑好的排隊店，今日同朋友下午時段經過，見不用排隊，即時入去試試。紅燒牛肉牛筋麵（片切）：湯底清澈，但味道清甜濃郁一點都不辣，片切牛腱心厚切，肉質和筋位比例相當，口感軟腍，阿嫲小孩都喜歡，牛筋軟腍彈牙，滿滿膠原蛋白，手工麵彈牙掛湯，份量十足。炸排骨便當：炸排骨外層酥脆，豬排軟嫩不韌，肉燥飯採用台梗九號米，飽滿Q彈，軟黏香甜，肉燥飯追求健康偏瘦肉多，香甜濃郁，很下飯。韮菜蚵仔煎蛋：蛋餅煎到外脆內軟，包住粒粒飽滿脹卜卜的蠔仔，鮮味十足，搭配清新韮菜和鹹甜醬汁，好味得來，份量十足，小食可當主菜。台式滷大腸：大腸肥軟，滷汁醇香，味道不錯。黑糖珍珠奶茶：茶味香醇，口感順滑，黑糖甜度適中，珍珠Q彈，味道不錯。金桔檸檬汁：主要由金桔汁、檸檬汁、話梅等冲泡蜂蜜而成，酸酸甜甜，開胃解膩，搭配1至12號主食飲品半價，值得一試。…查看更多

阿木台灣麵一向係我最鍾意嘅餐廳之一，以前成日大排長龍🤩 原來而家搬咗大舖，有更多座位，一樣喺豉油街，但終於唔洗排🥳🐮 蕃茄牛肉牛筋麵 （$80）嚟呢度必食牛肉麵！我揀咗片切嘅牛肉，牛肉大大塊又好香，麵底煙韌，配埋香濃湯汁好好味🤤🍱 炸雞排便當（$68）便當都係好吸引嘅選擇😍 便當有三款小食，肉燥飯同炸雞排，雞排超大塊，肉質鮮嫩又多汁，外皮酥脆加上惹味調味粉😋😋🍳 芝士肉鬆蛋餅 （$49）蛋餅係我最愛嘅台灣美食☺️ 呢度都有四款蛋餅選擇，我揀咗芝士肉鬆，鹹香十足，加上蛋香超好食😋🐥 鹽酥雞 （$39）鹽酥雞一粒粒香酥脆口，雞肉一樣係嫩滑多汁😚🍋 金桔檸檬汁（跟餐$17）🍑 蜜桃烏龍（跟餐$14）跟餐飲品仲有半價添，餐飲甜度適中，解膩一流！阿木台灣麵📍旺角豉油街104號地舖…查看更多