阿木台灣麵 (豉油街)

餐廳：阿木台灣麵地點：旺角豉油街菜式：台灣菜餐牌：午市套餐，下午茶餐，阿木牛肉麵，台式便當，阿木拌麵，老台灣腌菜，台灣小吃，蛋餅同飯。飲品有古早味，芝士岩鹽奶蓋，珍珠奶茶，冷泡茶，台灣紅茶，四季春青茶。落單用QR code。番茄牛肉牛筋麵（片切） $80大大碗番茄牛肉牛筋麵熱辣辣上枱。片切即係牛腱心肉質比例較多，一共有兩大件超厚身件，明顯係半筋半肉，牛味又濃，厚身啖啖肉，好味道。有好幾條牛筋，入口即化，滿滿骨膠原。麵條係白色拉麵，都有咬口，份量適中。伴有鹹菜同蔥花，可以叫多鹹菜同多蔥花。個湯甜甜地，味道好濃番茄味，真係見到新鮮番茄，配麵好夾，唔會油膩。滷牛筋 $62滷牛筋一客8條，滿嘴都比骨膠原張住，滷得好入味，微微辣。面頭灑上蔥花。芝士岩鹽奶蓋炭燒烏龍茶 $20我叫左芝士岩鹽奶蓋炭燒烏龍茶，微甜同無冰，微甜係剛好甜度，帶微微茶味，加上面頭厚厚鹹香奶蓋真係好夾。轉外賣杯加$1。方便邊行邊飲。今餐食物飲品質素唔錯，而家搬左過隔離分店更大更舒適。…查看更多

旺角「阿木台灣麵」性價比驚人，百元內飽嚐地道風味。招牌蕃茄牛肉牛筋麵（$80）湯頭濃郁酸甜，牛筋軟糯入味，牛肉片嫩而不柴，麵條吸飽湯汁一絕。炸排骨便當（$68）排骨酥香不油，配菜畫龍點睛。蚵仔煎蛋（$72）蚵仔飽滿鮮甜，蛋香焦脆無腥氣。肉燥地瓜苗（$45）清爽解膩，肉燥鹹香提味。飲品更是亮點：芝士岩鹽奶蓋四季春（$20）奶蓋綿密鹹甜，茶底清雅；黑糖珍珠奶茶（$16）珍珠Q彈，甜度剛好。人均百元飽足感爆棚，味道直逼台灣本地水準，在港能以此價品嚐如斯品質，絕對是隱藏版寶藏小店！…查看更多

今日，我就去咗旺角 阿木台灣麵呢去食咗個好優惠嘅下午茶。餐廳裏面嘅感覺呢好家庭風格， 一種好濃厚嘅台灣氣氛。令我諗咩呢早幾年啦去咗高雄嗰邊呢探朋友， 嗰種氣氛呢同喺高雄呢真係好鬼似。我就今次點咗個蕃茄牛肉麵、 玉米蛋餅、 醬油水蓮 同埋呢 一杯桂圓紅棗茶。 冇諗過唔夠15分鐘內，即係呢間舖真係速度好快，幾乎所有嘢都上曬菜。呢個牛肉麵，我自己本身都幾鍾意食佢嗰個粗麵，好夾呢佢嗰個湯底煮溶咗嘅蕃茄同埋a菜。玉米蛋餅呢我好欣賞佢，食落好香，蛋漿比例均勻同埋呢個麵皮係好煙韌。當然唔少得去食醬油水蓮， 水蓮入口清爽，配烚熟嚟煮呢好正。 飲埋杯桂圓紅棗茶， 真係除咗養生之外， 梗係喺秋冬滋補下血氣。…查看更多

今晚同朋友兩個人去食呀木叫左蕃茄牛肉麵，炸雞扒便當，芹菜蚵仔煎蛋，滷牛筋，嗌咗兩杯飲品，桂花烏龍茶，金橘檸檬四季春蕃茄牛肉麵，個湯底超濃郁嘅蕃茄味個牛肉係入口即溶超級正，佢可以揀片切或者角切 (細心位加分)我係揀咗片切去台灣店一定要食炸雞扒，大約等咗15分鐘內，熱辣辣嘅炸雞扒入口鬆化配埋肉燥飯一口接一口真係停唔到芹菜蚵仔煎蛋，食到係好紮實嘅感覺，如果鍾意食紮實嘅雞蛋一定要嗌滷牛筋，我自己加咗佢嘅辣椒醬，配搭埋一齊食少少辣入口溶化嘅牛筋，正！桂花烏龍茶，佢係冇糖嘅，食完濃味嘅嘢可以清一清口腔，感覺清新…查看更多

阿木在旺角廣華街開第一間舖的時候已經光顧，因不同因素搬舖至現在位置，基本上都在附近所以相信也留得住舊客。她們一直保留著一加三，也就是一款主菜跟配三款小食的下午茶餐。主食方面我選了麻醬乾拌麵 ，而小食則點了炸甜不辣、滷牛肚絲以及滷豬耳，再配一杯餐飲共$39。乾拌麵可以選多麻醬、多青瓜絲，也有扣底的選擇。一直喜歡她們的乾拌麵保留了一定硬度，吃上來有質感，可是今次煮得有點淋，未至於糊口但已經沒有咬口，但味道上拌著檯面上提供的自家製辣醬仍然好吃，有蝦的香氣。甜不辣煙煙韌韌的幾好吃，而牛肚絲和豬耳則滷得很入味。不過豬耳的毛髮沒有清得很乾淨，食客吃的時候要留意了。餐廳搬到新舖後冷氣更猛、環境更舒服和乾淨，希望她們可以繼續努力，我會再來光顧:)…查看更多