阿木台灣麵 (豉油街)

餐廳：阿木台灣麵地點：旺角豉油街菜式：台灣菜餐牌：午市套餐，下午茶餐，阿木牛肉麵，台式便當，阿木拌麵，老台灣腌菜，台灣小吃，蛋餅同飯。飲品有古早味，芝士岩鹽奶蓋，珍珠奶茶，冷泡茶，台灣紅茶，四季春青茶。落單用QR code。番茄牛肉牛筋麵（片切） $80大大碗番茄牛肉牛筋麵熱辣辣上枱。片切即係牛腱心肉質比例較多，一共有兩大件超厚身件，明顯係半筋半肉，牛味又濃，厚身啖啖肉，好味道。有好幾條牛筋，入口即化，滿滿骨膠原。麵條係白色拉麵，都有咬口，份量適中。伴有鹹菜同蔥花，可以叫多鹹菜同多蔥花。個湯甜甜地，味道好濃番茄味，真係見到新鮮番茄，配麵好夾，唔會油膩。滷牛筋 $62滷牛筋一客8條，滿嘴都比骨膠原張住，滷得好入味，微微辣。面頭灑上蔥花。芝士岩鹽奶蓋炭燒烏龍茶 $20我叫左芝士岩鹽奶蓋炭燒烏龍茶，微甜同無冰，微甜係剛好甜度，帶微微茶味，加上面頭厚厚鹹香奶蓋真係好夾。轉外賣杯加$1。方便邊行邊飲。今餐食物飲品質素唔錯，而家搬左過隔離分店更大更舒適。…查看更多

今日終於去咗旺角呢間“阿木台灣麵”，店內已經坐咗8成人到，唔駛等好耐時間就入到去，平日見要排好耐隊。店內環境舒適，仲播放住台灣歌，真係好似去咗台灣咁先嚟一碗 [ 麻辣牛肉新竹米線 ] 麻辣湯底十分之香，加上牛肉片嫩滑，辣味適中，啖啖都可以食到牛肉嘅鮮味。米線滑溜，仲吸收咗濃郁嘅麻辣湯汁，每口都好惹味。加上幾片蔥花，整體味道更加清新，再加上一隻溫泉蛋，口感更加豐富當然唔少得要叫份 [ 芝士肉鬆蛋餅 ] 外皮金黃香脆，內裡芝士融化，配埋滿滿肉鬆，簡直好好食！再加埋蛋香，食落去好滿足，真係一口接一口，根本停唔到口最後呢份 [ 香酥炸排骨 ] 外層十分之香脆，內裡嫩口，炸得剛好，肉質鮮嫩，咬落去滿滿肉汁流出，食到好滿足。一個人食一碗麵配搭兩款小食，真係好正…查看更多

今次去咗旺角嘅阿木台灣麵～店舖環境帶有濃厚台灣街頭風，簡單明亮裝修同台灣歌曲背景音樂好有氣氛，熱鬧多人，氣氛好，啱晒同朋友午飯聚會。🍜麻辣牛肉牛筋麵牛肉同牛筋燉得好入味，湯底濃郁帶微辣，麵條彈牙掛湯，酸菜脆卜卜開胃，辣度適中好正。 🧀芝士肉鬆蛋餅蛋皮軟熟包住澎湃肉鬆同芝士，熱辣辣拉絲效果邪惡，蛋香同蔥香濃郁，份量足料，幾有驚喜。 🥬醬油水蓮水蓮脆嫩清新，醬油調味簡單入味，配蒜蓉提鮮，食落爽口解膩，好親切～ 🍵芝士岩鹽奶蓋四季春青茶四季春茶底清香，芝士奶蓋厚實綿密帶微鹹，岩鹽加層次，飲落順滑又解渴。 🍊金桔檸檬汁金桔酸甜同檸檬清新融合，冰涼順口，飲落開胃又健康，配菜一流。 阿木台灣麵由台灣人主理，主打正宗台灣菜式，牛肉麵沿用家傳老店配方，麻辣醬自家炒製無味精無添加，每道菜都精緻又有驚喜。環境又熱鬧，之後仲想同朋友一齊試吓佢哋嘅滷肉飯！…查看更多

✨ 旺角掃街掃到攰，想搵個地方坐低食個正宗台灣麵？阿木台灣麵一定唔會令你失望！一入到去就feel到濃濃嘅台灣夜市風味，勁有親切感！🥰🍝 蕃茄牛肉麵（片切）：呢個真係必點！牛肉片大大塊又夠腍，湯底濃郁得嚟帶點蕃茄嘅清甜，麵條掛湯又夠煙韌，真係食到碗底朝天都唔夠！🤤🥢 鹽酥雞：台灣小食點可以冇鹽酥雞！呢度炸到外皮脆卜卜，入面雞肉嫩滑多汁，胡椒鹽調味得啱啱好，真係令人食到停唔到口！🐔🥗 醬油水蓮：估唔到小菜都咁有驚喜！水蓮炒得爽脆，加埋醬油同蒜蓉爆香，清爽得嚟又惹味，食完咁多肉食返啲蔬菜，感覺好fresh！🥬🍵 飲品方面，叫咗兩杯解渴神器：芝士岩鹽奶蓋燒烏龍茶同話梅紅茶，兩杯都揀咗無糖，清甜又解渴，配埋啲炸物同麵食真係絕配！🥤…查看更多

去咗「阿木台灣麵」試咗幾款嘢食，感覺幾實在，冇乜花巧但有心機。 檸檬四季春，清清爽爽，茶味唔會太搶，檸檬酸度啱啱好韮菜蚵仔煎蛋份量幾大，蚵仔乾淨無腥味，配埋韮菜味道香口又唔會太油膩滷牛筋煮得幾入味，口感軟腍又有咬口，滷汁唔會太重手蕃茄牛肉牛筋麵（片切），湯底好香番茄酸香，牛肉片薄身唔韌，牛筋亦夠腍，麵條彈牙，整體食落暖笠笠，好似台灣家庭式口味。 芝士岩鹽奶蓋四季春青茶，奶蓋鹹香，唔會太甜，配返清香茶底，飲到尾都唔覺膩。 總括嚟講，係日常想食台灣麵食或者小菜嘅一個不錯選擇。 …查看更多