阿叔泰麵 (金殿臺漢宮閣)

營業中

休息中

最近去左太古城近地鐵站嘅一間泰國餐廳，位置真係超方便，無論搭地鐵定係行路都好易到。一踏入餐廳，就感受到濃厚嘅泰國風情，再加上服務員態度親切，好有風味。我地叫左泰國船麵，一碗熱熱嘅船麵端上嚟，湯底金黃透亮，香味濃郁，未食都好有期侍，麵有唔同選擇，配上新鮮嘅肉丸同香菜，口感層次分明。加少許砂糖，湯底嘅味道更突出，甜中帶鹹，真係好正，令人一口接一口，根本停唔落嚟！蝦功拌飯，當服務員將呢碟打卡一流嘅拌飯送上時，我已經忍唔住流口水。粒粒白飯飽滿，搭配上鮮嫩嘅蝦，蝦肉超級爽滑，口感彈牙，真係令人感受到海鮮嘅鮮味。咖喱醬香濃，飯粒上沾滿咗咖喱汁。通菜，呢道菜清新又爽口，通菜色澤翠綠，炒得剛剛好，不會太老，食得健康又好味。肉碎生菜包，生菜新鮮、脆口，包住野味嘅肉碎，咬落去一瞬間，肉香同生菜嘅清脆交織，真係好味到不得了！肉碎調味恰到好處，下會太油。最後，當然唔可以錯過泰式奶茶，一杯香濃嘅奶茶上嚟，奶香同茶味完美結合，甜度啱啱好。呢間餐廳無論係位置同食物都超正，我一定會再返去試其他菜式，期待更多驚喜！

成日行過都好多人,今日早了點有位就立即去試試。阿叔牛肉船麵,這個是我想吃的,選了金邊粉這個是我認為最索汁的,湯頭很濃郁有強烈的牛骨湯味道,但湯是清的不混濁,店員教授要2匙糖,半匙辣椒,半匙魚露,半匙醋,加了以上4樣後味道更香濃帶點甜味又有點辣味再來點鮮味,真的好味道,牛腩是爽口的,脆豬皮索汁後味道一流,牛丸彈牙可口。街頭豬手飯,豬手份量多,豬皮Q彈入味,味菜配飯是很配合的,鹵水蛋如果有一隻就好了。生炸蝦餅,這個可以一試,蝦餅結實彈牙,而且有蝦肉粒的,還有是炸得很脆口。飛天通菜,在家就是炒不好通菜,要做到入味是很難的,這個菜是爽嫩,味道鹹鹹辣辣的,還帶點鮮味,做得不錯。熱蜂蜜菊花露,味道甜美潤喉,適合秋冬的飲品。泰式咖啡,冰凍的咖啡,味道很甜美,咖啡的甘味也有,很好喝。味道: 可以一試環境: 座位較緊密衛生: 整潔服務: 尚可價錢: 可接受

今日介紹嘅餐廳位於太古城附近，去附近打工一族午市嘅好去處，所以我哋去嘅時候都比較多人。餐廳嘅午市套餐都相對抵食，二三十蚊嘅價錢就可以加小食。阿叔牛肉船麵（牛）今次嘅船麵面底選擇咗金邊粉，金邊粉係新鮮製作嘅，比較索湯，所以食到一半嘅時候職員會幫我哋加湯。船麵嘅湯底非常之濃郁，牛味偏重。炭燒豬頸肉豬頸肉嘅份量比想像中大好多，最少有八件豬頸肉。芒果糯米飯細細碗嘅芒果糯米飯，最適合做飯後甜品，如果係當造嘅芒果會更加好食。蛋炒咖喱蟹肉飯蟹肉嘅份量非常之多，配上炒咖喱蟹嘅醬汁，加埋炒蛋，令人係不知不覺間已經食晒成碗飯。阿叔泰麵 (金殿臺漢宮閣) (太古)太古太古城道26號太古城金殿臺漢宮閣地下G409號舖

之前行過見到呢間新開嘅泰國餐廳平日夜晚竟然都幾多人，睇落價錢都唔貴，所以就搵咗日去試吓 ！我哋叫咗炸蝦餅，冬陰功海鮮媽媽麵，同埋紅咖喱雞配飯。炸蝦餅 $92炸得幾乾身，幾彈牙。冬陰功海鮮媽媽麵🍜 $88原來係用泰國嗰隻即食麵媽媽面，食落都幾特別😂！海鮮都幾多，食落都還好。紅咖喱雞配飯 $72個雞原來係炸過，咖喱味道唔錯，但係嫌佢個雞冇乜肉。間店上菜超快，店員都幾好服務嘅，男店員會每樣食物都介紹吓，笑容都幾親切😁

呢間之前慕名在大圍店食了一次， 印象良好，後來才發覺原來在比較近的太古都開了間分店， 不用長途跋涉就梗係要來到 再試試啦！阿叔船麵用上半肥瘦的牛腩， 望落去肉跟脂肪已經晶瑩通透， 咬落亦都軟淋充滿牛肉香。 肉丸亦都彈牙爽口。用上純正泰式金邊粉， 帶煙韌很夾香甜的湯頭。 畫龍點睛係上面的炸豬皮， 增加整個麵食的口感和層次。街頭豬手飯很有真正在泰國街頭食豬手飯的味道和感覺， 肉已經醃得入味， 配搭的酸菜都好醒胃。 相信唯一的不同係肉嘅比例比起在真正泰國食多出十多倍芒果糯米飯配雪糕一上枱估唔到容器是一個缸， 最頂一層雪糕然後芒果，糯米飯在最低， 非常有禮好客的男店員介紹原來一羹到底 畢來吃，就可以同時間食曬三款材料。 尤其喜歡這裏的糯米帶微暖，而且依然非常軟糯。泰式綠奶茶尤其喜歡這款綠奶茶， 個人覺得除了有泰式奶茶本身那款香料味， 再加少少台式飲品那奶綠的感覺， 出面少有而味道好出色。好喜歡這裏的店員有禮貌而且醒目，見到湯河開始冇湯，會自動建議加啲湯，抵讚！

阿叔泰麵太古太古城道26號太古城金殿臺漢宮閣地下G409號經開太古，老友推介地道泰菜，食材新鮮高質，果然冇介紹錯。😸Asok Combo香葉肉碎煎蛋飯有五種辣度，這次叫小辣，香葉肉碎口感鬆軟，好入味，香氣慢慢滲出，加流心太陽蛋，餸飯一流。🤤街頭豬手飯豬手面層口感鬆軟，中層入口即溶，豬肉口感煙韌，醃製得恰到好處，酸菜爽口，蛋味濃郁，推薦！😋牛肉船麵面層加了炸豬皮、芫茜和芽菜提升層次，牛肉口感煙韌，肉汁豐富，份量十足，泰國麵 夠爽滑，趁熱食，大滿足。😻椰子海鮮湯金邊粉配料鮮味十足，有鮮蝦、青口、蜆和魷魚，湯底吸收了海鮮的精華，鮮甜香滑，金邊粉爽口彈牙，好味道！😽香茅雞翼即叫即炸，炸油新鮮，外層香脆，內層嫩滑，香茅味濃，加泰式酸辣醬，好開胃。😍泰式炸魚餅爽口彈牙，少少辣，鹹度適中，好惹味！😋凍班蘭薏米水薏米口感煙韌，原汁原味，飲完好舒暢。😁泰式綠奶茶茶味香濃又夠滑，冰底夠凍，甜度適中。😺阿叔泰麵 環境舒適，食材新鮮高質，湯底夠正，侍應服務態度好，還會再來。😎🤘🏻

之前食過尖沙咀Asok Garden，口碑唔錯，主打各式泰菜。今次嚟到太古呢間Asok Thai，簡約裝修，專做泰麵。椰子海鮮湯金邊粉非常推薦呢碗椰子湯底嘅金邊粉，椰香滲透麵條，椰香噗鼻。海鮮有蝦、蜆肉及魷魚。泰式虎蝦炒河炒河少辣，有少少油膩感，相信係辣汁所致，但非常惹味。阿叔小食拼盤泰式炸魚餅｜地道炸雞棗 ｜泰式酸辣鳳爪｜香茅雞翼｜炸豬皮有幾款小食想試，食拼盤就最岩喇。最正係炸雞棗，入面仲有粟米粒同粉絲。青檸蜜揀咗一杯凍飲，青檸加蜜糖，整體唔算太甜！🛎️必試指數：8/10🔆

👏👏無加一 呢區嚟講罕見地平靚正👏👏👏🥢🥢🥢淨係炒河都值得 = 回訪率90% 🥢🥢🥢⭐️ 生炸蝦餅：外脆內嫩，鮮蝦膠彈牙，好食⭐️阿叔牛肉船麵：湯底香料牛味濃，微微辣，牛肉大大舊，仲有豬肉丸、炸豬皮同花生，粉絲喺裡面，可以隨心加砂糖、辣椒、辣椒油同醋⭐️醉貓豬頸肉炒河：超惹味，鑊氣十足，豬頸肉肥而不膩，食到口水直流！⭐️試咗泰式綠奶茶$32，清香又唔同，帶啲茉莉香，仲有濃濃抹茶味，真係好正！下次再來！🏷️ 船麵$88 炒河$82 蝦餅$92 綠奶茶$32

地方乾淨坐位正常，不過人多就會有啲迫。叫左新出嘅椰子海鮮湯金邊粉，招牌阿叔牛肉船麵(轉金邊粉)，同埋蝦餅。椰子海鮮湯金邊粉湯底椰子味道特別，好濃，料都多同埋新鮮，值得試。牛肉船麵係用牛腩，肉唔多好腍入味，入口即散。有幾粒肉丸。味道正常。佢哋嘅金邊粉唔係平時嗰隻，口感十分似薯粉，係好煙韌，不過佢超吸水，上菜4-5分鐘成碗湯俾啲粉吸晒變左撈麵，好彩職員會加番湯。另外蝦餅好似有啲overcook, 蝦肉唔彈牙，外皮炸到好似有層殼，好一般。

今日喺太古城見到有新開嘅餐廳，呢個煮蛋係食泰國船麵，今次喺太古再開多咗一間分店，以後喺港島東區又有多個選擇啦🤭今次過嚟食lunch，當然過嚟食最出名嘅船麵啦🙂‍↕️阿叔牛肉船麵($88) 追加炭燒豬頸肉($25)同凍斑斕薏米水話明係招牌，當然就係佢最出色嘅菜式啦。湯底係濃郁嘅牛肉味，配料都好豐富，有牛腩牛丸同豬皮，食落去就同喺泰國嘅睡眠味道一樣咁正式🙌🏻午餐都有唔同嘅小食同甜品可以追加，例如香茅雞翼、泰式酸辣鳳爪、泰式炸魚餅、芒果糯米飯等，今次追加咗香茅豬頸肉😋香茅味好重，豬頸肉燒到好均勻，同碗船麵一齊食都好配小店座位唔多，但上菜都好快，店員亦都好友善，每逢喺港島東又想食泰國嘢，一定會諗起呢間😌

於泰國一嚐冬陰功媽媽麵後念念不忘，竟然於香港找到熟悉的味道創立於元朗區的泰國船麵專⾨店進駐港島，主打泰國街頭食物裝修以不同顏⾊配搭襯托出泰國⾊彩繽紛的感覺復古鄉村風木枱凳於繁華都市中營造清新悠閒的用餐環境冬陰功海鮮媽媽麵味道酸辣，內有青口、魷魚、蜆及蝦等，十分足料青咖喱配飯可選雞或牛，洋溢出濃濃的正宗地道口味炭燒豬頸肉稔香軟彈，肉味濃郁新鮮，配酸中帶辣的醬汁飛天通菜爽口無渣，加上蒜頭及辣椒，香辣惹味

太古城新開嘅泰式店，叫咗最多人叫嘅阿叔牛肉船麵，上枱湯底非常濃郁，船麵有牛腩，炸豬皮及肉丸，味道非常正宗，份量夠大份，另外配料可以加糖加醋，咁樣食法味道更有層次。豬手飯配雞蛋，外皮筷子一夾就可以散開，個滷水底有少少藥材香，肉味道越食越吸引，送飯一流，如果有埋啲酸菜就更加好。飛天通菜，有啲炸椰絲在面，口感特別香脆，通菜炒得爽脆。最後叫了椰汁西米糕，底層有西米，粟米及香芋，味道清甜，椰香十足，充滿泰式風味。另外飲咗兩杯梳打青檸特飲，埋單三百零蚊，可以食到正宗泰式嘅味道。

我今日放假，好友約我去太古城行街 shopping，順道去位於太古太古城道26號太古城金殿臺漢宮閣地下G409號舖的阿叔泰麵食晚餐，環境舒適，坐得舒服。我點左個 阿叔牛肉船麵（金邊粉）$88，好友點左個 醉貓豬頸肉炒河 $82，另外點左個甜品 泰式奶茶蛋糕配雪糕 $88，飲品係 蜂蜜菊花露$24，青檸蜜$24。阿叔牛肉船麵（金邊粉）賣相不錯，有牛肉、炸豬皮、花生、牛丸... 等，材料豐富好味；醉貓豬頸肉炒河份量不少，豬頸肉香口好食，河粉掛汁好味；泰式奶茶蛋糕配雪糕好靚靚，蛋糕充滿奶茶味，好有特色；兩款飲品好清潤。

呀叔泰麵 - 地道泰式午餐今日嚟到太古城一間泰國菜，喺設計裝潢上面已經非常有東南亞色彩，午市提供款式多、特色嘅泰式料理。街頭豬手飯$78叫咗地道嘅豬手飯，豬手份量都多，啖啖肉，豬皮非常入味，膠質又夠。嘢飲仲可以免費附送嘅熱青檸蜜。蝦功拌飯 $128有六隻大大隻彈牙嘅海蝦，配上鮮味邪惡嘅鹹蛋黃蟹黃醬，拌飯真係冇得輸。午市套餐仲包咗凍蜂蜜菊花露。泰式酸辣鳳爪 +$22炭燒豬頸肉+$25飛天通菜+$35最後嗌咗幾款小食，推介炭燒豬頸肉，燒得唔會好油膩、香脆少少燶，再配上泰式酸醋；另外就叫一個飛天通菜，夠晒惹味又唔會好辣！

👩🏻冬陰功海鮮媽媽麵 $88海鮮種類同份量都唔少 有魷魚 青口 蜆肉同埋大蝦樣樣都新鮮鮮甜 有軟嫩有Q彈亦有青口嘅煙韌媽媽麵雖然睇落同平時嘅公仔麵可能無咩分別 但口感更Q彈有嚼勁湯底酸酸辣辣帶啲甜味 味道順滑容易接受 唔會話太酸辣太刺激👌🏻🐟泰式炸魚餅 +$22係冬陰功味嘅炸魚餅！！充滿泰國風味！即叫即炸保證上枱時新鮮熱辣辣🔥口感軟糯糯 無魚腥味又唔會話好似太膠咁味道香辣混合著檸檬葉香氣 越嚼越香😭👅🪽飛天通菜 +$35最近出街食泰國菜都嗌咗幾次通菜 嚟到唔係唔試試啊嘛😙通菜鮮嫩爽脆 行嘅係芡汁濕潤路線除咗有平時常見嘅蒜蓉仲有大量炸蒜增加香味同脆卜卜口感味道鹹辣惹味 食得好順口 越食越想食😋🍵泰式綠奶茶 +$12橙色嗰款泰式奶茶就飲得多啦 綠奶茶真係第一次～味道甜而不膩仲有陣綠茶獨特嘅清香味出奇地解膩解渴 飲幾啖又可以繼續享受美食嚕