阿叔泰麵 (金殿臺漢宮閣)

營業中

休息中

約咗朋友係太古放工一齊食飯， 除咗太古城中心之外，其實屋苑入面都有好多優質食肆。 東隅酒店行前少少， 新開嘅泰國餐廳， cp值高而且唔使加一。泰式酸辣鳳爪冇骨鳳爪酸酸辣辣， 而且數量都唔少， 質感爽脆彈牙， 清爽又開胃。泰式生炸蝦餅每次到泰國餐廳嘅必點菜式， 蝦餅飽滿金黃， 外層鬆脆 口感彈牙， 加埋酸甜醬味道更加好食。醉貓豬頸肉炒河這個真的值得推薦， 新鮮嘅粗河粉， 質感非常煙韌彈牙， 厚薄適中而且嫩滑， 辣辣地 夠香口有夠鑊氣， 重點係豬頸肉嘅份量很多。青咖哩牛肉 配白飯原本以為係青咖哩配牛肉片原來係配牛肋條， 好感度大大提升， 而且配豆角 、泰國茄子、 粟米仔 、小蕃茄， 真係非常豐富。

見屋企附近新開咗間泰國菜餐廳，呢日特登過嚟試吓好唔好食先🤔🍜阿叔牛肉船麵 $88麵底揀咗要粉絲，送到嚟時店員仲拎咗盤調味料過嚟，分別係糖|魚露|白醋|辣椒粉，加落湯度可以提升鮮味😋整碗麵有5-6件牛腩仲要大大件😍肉丸爽口彈牙，炸豬皮啱啱食時好爽，浸落湯食又另一番風味😋由於我掛住影相搞到食咗唔夠3分1就得返好少湯😅店員見我碗麵無乜湯主動過嚟幫我加湯👍🏻👍🏻👍🏻🍖街頭豬手飯 $78豬手飯嘅豬皮好香口，豬手肉好軟熟仲好入味👍🏻最正係有得揀要多汁，本身個飯d汁都多，店員另外再比咗細細杯汁我地自己加😍整體份量都幾多👍🏻🥭芒果糯米飯配雪糕 $68同其他地方食到嘅芒果糯米飯唔同，呢度嘅芒果糯米飯係裝喺個細砂煲入面幾有特色👍🏻微暖嘅糯米飯加上雲喱拿雪糕層次感豐富，配合埋芒果嘅酸甜味真係滋味十足呀😍🍋‍🟩青檸梳打 $24🍍菠蘿梳打 $26泰式餐廳必飲嘅凍飲😋

最近得知阿叔泰麵搬咗黎太古😍 難得咁近當然要去會一會佢🤭 餐廳內部裝修簡約又美觀，主要採用溫和舒適嘅木系裝橫，令人好放鬆🤗 首先㨂咗個餐廳推薦嘅阿叔牛肉船麵🤤 麵底🐧 就㨂咗泰國特色十足嘅Mama 麵🤭 船麵本身個湯底都好鮮好香😆 跟職員建議，加埋糖、醋、麻油同埋辣粉一齊食，整體滋味更出眾🤩 真係好食到停唔到口🥳 牛牛無論係丸子還是肉肉都又濃又香，真係好高質✅ 多點了一件泰式奶茶蛋糕做甜品😆 大大件好抵食🤭 蛋糕口感偏似雪糕凍餅，冰冰涼涼好啱夏天食🥰 食落每一啖都充滿奶茶嘅醇香👍 唔會太甜恰到好處😘 兩杯飲品包括經典必選嘅泰式奶茶同埋咖啡😋 兩者都味道濃厚，甜美無比😝 喜甜人士必飲佳選🥰 

今日放工喺附近見到間新開嘅泰國菜🇹🇭最愛泰國菜嘅我一定要試吓❤️裝潢有種小清新典雅嘅感覺同一般泰國菜唔同🤪味道一樣有返咁上下水準有驚喜呢🤩⭐️ 香葉肉碎煎雙蛋飯 🍳肉碎炒得乾身濃郁嘅香葉香氣🌿口味好地道👍🏻煎到脆卜卜嘅雙蛋蛋汁流到飯入面🥚係簡單地道嘅味道⭐️ 青咖喱雞撈米線 🥘青咖喱雞香料味重辣度都好惹味🌶️雞肉帶焦香🍗好似沾麵咁嘅食法令到米線吸收晒咖哩嘅香氣🍜⭐️ 地道炸雞棗 🐔炸得超香口好有泰國夜市攤檔嘅感覺✈️靈魂係一定要配上辣雞醬🥫酸甜嘅口味有特色⭐️ 飛天通菜 🥬同樣係食泰國菜嘅必備☺️ 除咗辣度之外外呢度嘅調味同樣帶蒜香比較溫和🧄配飯食岩岩好⭐️ 芒果糯米飯配雪糕 🥭芒果甜度好新鮮恰到好處💛配上糯米飯既口感黏糯度適中帶米香🤍⭐️ 泰式奶茶 🧋雖然甜度同冰塊係固定🧊但係呢個比例控制得啱啱好茶香濃郁🍵甜度唔會太高喧賓奪主非常驚艷🍭⭐️ 青檸梳打 🍋‍🟩入口清爽感覺好Fresh🥤平衡返濃郁嘅泰國食物就啱啱好

又到悠閒的星期日,得知太古城開了一間泰國菜食店,於是相約友人一試。店面是木色的窗框，店內約有十數張枱,不算很大, 但都乾淨整潔。由於是星期日,都幾乎坐滿了客人。我們先點了兩杯飲品，青檸梳打及菠蘿梳打，冰不是太多,菠蘿汁甜道適中可口。小食是選了泰式炸魚餅，有八塊都算多,配著泰式辣醬，魚餅有著冬蔭功味,微辣, 幾有特色。主菜就是蝦功拌飯，滿瀉的鹹蛋黃醬舖滿飯同蝦，賣相已非常吸引，蝦仁爽口彈牙，鹹蛋黃醬香濃而又不會有太油膩，恰到好處。當然也要嘗嘗甜品,我們選了芒果糯米飯配雪糕，冰凍的雪糕配著芒果及微暖的糯米飯，又冷又熱的感覺非常有趣,是不錯的甜品。

阿叔泰麵喺太古開咗分店 !! 咁近我緊係要黎食下啦 !! 店舖雖然細細間 , 但座位都幾闊落😌😌裝修簡約但舒適 ~ 阿叔牛肉船麵 ($88)有 3 粒丸 , 大概 8 塊牛肉 , 湯底好濃好香 ~ 我哋揀咗金邊粉 ~ 食食下發現冇晒 d 湯 , 抬頭就見到店員過黎幫我地加湯 , 原來食店用左新鮮金邊粉 😏😏 所以特別吸湯 ~ 蛋炒咖喱蟹肉飯 ($88)蟹肉大大增添左鮮味 ~ 蛋炒咖喱辣辣地 , 又有蛋香 , 食落好濕潤👍👍撈飯一流 !! 中間仲有啲洋蔥同蔬菜增加口感 , 好好食呀 !!炭燒豬頸肉 ($78)唔會好肥 , 點埋泰式辣汁 , 好惹味 !!青檸梳打 ($24)濃濃青檸味 ~ 梳打泡泡綿密好飲 ~蜂蜜菊花露 (熱) ($22)飲落甜甜地 , 食完辣野飲好舒服 , 好潤喉 !整體黎講 , 食店嘅選擇雖然唔係好多 , 但泰菜招牌嘅食物呢度都有😋😋所以一定揀到你啱食嘅 ! 味道好有泰國嘅感覺 , 份量都多 , 又唔使加一 , 性價比好高 ! 👍

今日下晝走去試吓 叫咗兩個船麵同埋一個炒河 個炒河好似用油嚟煮咁 河粉質地OK 不過真係好油 食完之後成個下晝個胃頂住 我唔知道之前好嗰啲食評係點樣嚟 但係真係唔建議大家去食 服務都幾好，經常同人斟水 同埋上菜速度都快埋單三百幾蚊 價錢唔係貴，但係真係唔應該俾啲咁嘅嘢俾人食

今日去太古城搵朋友，順便喺附近搵好嘢食。阿叔牛肉金邊粉湯頭香氣撲鼻，店員教我哋落少少醋、糖、魚露，就能夠大大提升湯底的鮮甜味道。牛肉鮮嫩多汁，肉丸彈牙，而金邊粉的韌性恰到好處，食完彷彿感受到泰式家鄉味。蝦功拌飯鹹蛋黃蟹黃醬非常香濃，絕對係今晚最大亮點。而且搭配新鮮的蝦仁，大隻爽口，第一次食咁好味嘅蝦功拌飯。泰式炸魚餅味道出色，軟糯香口，搭配著泰式辣醬，辣辣地好開胃。椰汁斑蘭糕靚到令人好想食嘅斑蘭糕，口感綿密，有椰汁的香氣，甜而不膩，我同朋友都好鍾意食！凍蜂蜜菊花露清新爽口，不會過甜，有滿滿的菊花香氣，喝上一口，瞬間感到心情愉悅。

太古城除了中心之外，周邊的住宅下也有很多餐廳，而且最近仲不斷開多了幾間新的餐廳，今日就同老公試一試泰國船麵餐啦！美食推介：💛泰式酸辣鳳爪：酸酸辣辣的一道傳統泰式鳳爪，鳳爪口感彈牙，沾上酸辣醬汁一起吃，十分惹味👍🏻💛炭燒豬頸肉：豬頸肉炭燒得非常香口，而且薄薄一片沾再沾上泰式汁，味道豐富而不膩🤭💛阿叔牛肉船麵：傳統的泰式船麵，我們選了粉絲，由於粉絲非常吸湯，店員也很親切地經常問要不要加湯，非常窩心☺️牛肉是以牛腩部位，肉質軟腍，加上肉丸、炸豬皮等等材料，好食😋👍🏻非常豐富💛冬陰功海鮮媽媽麵：麵底是用了泰國最有名的媽媽麵，配上餐廳自家烹調的冬陰功湯底，酸辣度剛好，加上雞蛋及新鮮海鮮，非常出色的一款麵食👍🏻推介👍🏻💛泰式奶茶蛋糕配雪糕：充滿泰式奶茶的蛋糕，濃濃的茶味，配上冰涼的雪糕，好舒服，而且不太甜👍🏻💛泰式奶茶：傳統的泰式奶茶味道，不太甜，好飲👍🏻*餐廳店員服務細心，值得一讚👍🏻*價格抵食👍🏻👍🏻

牛肉船麵 啲牛全柴，招牌都做到咁樣啲麵過多 又會發漲 唔怪得職員已經準備隨時可以加湯，但啲湯唔夠熱 配菜芽菜通菜粒 得果幾粒 好似好貴牛丸有3粒都ok既另外 冬陰公海鮮媽媽麵 ok啦 總結呢間泰菜半桶水啦 ，冇泰式金邊粉都知廚房咩料 星期六lunch時間 得半間舖有客應該唔會再來囉

隔了一段時間未曾享用泰國菜，今日約了朋友前往太古，來到 阿叔泰麵用餐。蛋炒咖哩蟹肉飯 $88米飯與配菜分開呈上。雞蛋、芹菜與洋蔥與咖哩一同翻炒，最後點綴上蟹肉。咖哩炒蛋的口感輕盈，濕潤度恰到好處。冬陰功海鮮媽媽麵 $88餐廳的推薦之一，以冬陰功湯作底，搭配蝦、蜆、青口及魷魚等新鮮海鮮，配以泰國當地的媽媽公仔麵。公仔麵的質地剛剛好，口感爽滑。冬陰功湯底的味道不辣，但卻保留了其獨特的風味，尤其喜愛魷魚，咬下去彈牙。飛天通菜 $65通菜的口感爽脆，烹煮得恰到好處，調味適中，並不過鹹。生炸蝦餅 $92蝦餅共六件。外皮炸至金黃酥脆，口感結實，搭配泰式甜辣醬。泰式綠奶茶 $32/1泰式綠奶茶甜而不膩，飲後回甘，茶香濃郁。

太古城新開了一間泰國菜餐廳，今晚特來嚐嚐這裏的菜式。餐廳店面不大，裝修簡約而富泰國風情，明亮整潔。這裏用QR CODE掃碼下單，方便快捷，菜式的細項還有多樣選擇。「阿叔牛肉船麵」，先來個特色的“調味四寶”，包括：辣椒粉、魚露、白醋、砂糖，顧客可按自己喜愛而隨意添加。船麵一大碗，牛肉是爽口的牛腩，份量不少，肉質彈牙，配菜有肉丸、炸豬皮、牙菜等。麵底選了金邊粉，幼滑可口。灑上少許辣椒粉及魚露，辣辣的鮮味，尤其惹味。「香葉肉碎煎雙蛋飯」，有多級辣度可以選，由走辣至“地獄辣”，喜歡挑戰極辣的朋友不要錯過，但我只選了小辣。肉碎炒得很香，加上兩隻半熟荷包蛋，微辣滋味，伴飯真一流。「泰式炸魚餅」，份量很多，新鮮即炸，香脆可口，魚肉味鮮，配上泰式酸甜醬，是不錯的小食。「炭燒豬頸肉」，燒得微焦，比較爽口，肉味濃。「芒果糯米飯配雪糕」，賣相特別，用瓦盅盛載。雪糕配芒果糯米飯，非常合拍。「泰式奶茶」，有特別的香味，我最喜歡。這裏食物有質素，價錢合理，還免收加一服務費。

望其他食評講到有機會正宗泰國菜，平時又見到咁多人排隊，就試下有幾咁正宗。小弟從來都未去過泰國食泰國菜，只知道一食泰國嘢就一定因為泰辣或者泰衞生而肚痛。今次無，所以應該好衞生。點咗個泰式鳳爪、炸雞棗、醉貓豬頸肉炒河、泰北金麪。泰式鳳爪：正正常常無驚喜炸雞棗：熱辣辣上枱醉貓豬頸肉炒河：略咸，河粉似薯粉彈牙泰北金麪：我未食過正宗嘅可能真係好正宗，佢個咖哩湯底係比較苦而冇味，似只有香料加椰汁無調味，啲麪就正正常常。初以為佢成個面都係炸咗先再落湯烚，原來只係會炸面嗰幾條放喺頂裝飾。間鋪都幾多後生仔喺度做，自然今世代嘅小朋友嚟講佢地服務算係咁。木口木面但係都好肯幫手收碟、上菜同斟水。叫到佢就一頂會幫下手。唔似啲酒樓姐姐同西餐侍應，遞高隻手叫人，明係見到都令歪面。價錢嚟講，個人覺得佢定價算係高。不過講真，今次今日嘅香港呢個價都已經叫到正常。但係同一個價，係同區嚟講，仲有好多選擇。

跟太古放工嘅同事食過輕食。阿叔牛肉船麵嘩好大碗，又好多餸，最濃嘅係牛味，鍾意食牛嘅一流！冬陰功海鮮媽媽麵嘩😍好喜歡呢個冬陰功味，仲加上媽媽麵，真係有童年回憶🤣佢嘅餸都真係偏多：滿滿嘅海鮮，啲蝦真係好新鮮。👍🏻👍🏻泰式酸辣鳳爪好味，但我想再濃郁一啲就一百分😚😚泰式炸魚餅呢個又夠味又夠軟又夠香🥳🥳🥳推介👍🏻芒果糯米飯配雪糕呢個係我食過最好味嘅芒果糯米飯，個擺盤好搞笑，好似係個壺度咁。糯米飯好軟腍，甜味剛好，椰汁剛好，搭配雪糕，如果加少少紫米就一百分💯凍青檸蜜唔錯唔錯👍🏻

太古城唔只太古城中心有好嘢食㗎，圍住太古城啲住宅周邊都有好嘢食。餐廳裝修簡約，餐牌款式唔多，用手機掃二維碼落單。🌷蝦功拌飯蝦隻肥美淡口，青瓜爽口帶甜，米飯乾爽得來帶少少濕，將蝦膏蛋黃和飯拌勻，味道鹹香微辣，很好食。🌷肉碎生菜包生菜新鮮，口感爽脆，而肉碎份量都幾多，每片生菜包咗大量微辣的肉碎都食唔完，肉碎有啲油分，但係加點青檸汁又剛好減輕咗油膩感。🌷香茅雞翼雞翼的肉嫩滑，唔會多油，隱隱約約聞到香茅香氣和食到它的味道。🌷飛天通菜通菜口感嫩滑，用咗蒜頭同辣椒炒，香辣惹味。🌷熱蜂蜜菊花露菊花露夠熱，味道都幾甜，用棒拌勻就啱啱好。唔收加一但服務唔錯，店員不停幫我哋斟水，又主動幫我哋加至四人枱俾我哋放食物👍🏻。