Show Time Sports Bar 尖沙咀諾士佛臺10號騰龍閣3樓 啱啱教完結他，老友想去酒吧超Chill吓，帶咗我去諾士佛臺樓上酒吧，環境有feel，音響效果正，仲有得玩飛鏢同篤波，果然冇介紹錯。😺 串燒組合 秋葵、煙肉車厘茄卷、大蔥鴨胸串、日本厚油楊和多春魚、雞肉棒、雞髀菇、雞皮和雞軟骨。串燒即叫即燒，蔬菜新鮮，肉汁豐富，外脆內軟，記得趁熱食。😍 金黃炸薯條 炸油新鮮，又香又脆，加茄汁食好正。😽 惹味泰式魚餅 香口彈牙，少少辣，鹹度適中，推薦！😉 Death Wood 調酒師將波本威士忌、杏仁、香草調和，再即場煙燻，high ball 夠凍，好飲。🤤 Alice in wonderland 調酒師將 Tequila、新鮮士多啤梨調和，好Creamy，又香又甜，女孩子一定喜歡。😻 Show Time Sports Bar 環境舒適，食材新鮮，侍應服務態度好，放工嚟 Chill 吓幾正，還會再來。😎🤘🏻

劉興記生煎包專門店(上環) 上環文咸東街2號地舖 經開上環，老友想食生煎包，帶咗我去劉興記，果然冇介紹錯，有驚喜。😸 招牌生煎包 生煎包加了香蔥和黑芝麻，金黃色的外層香脆煙韌，一口咬落去爆汁，原來要飲曬生煎包內的肉汁先至可以一口咬落去😂。餡料新鮮，保留原材料的味道，調味做得好好，必食！下次去我會食六個，抵食好多。🤤 麻醬手撕雞絲粉皮 手撕雞新鮮嫩滑，青瓜絲清新爽口，捲狀的粉皮口感煙韌，將又香又滑的麻醬撈勻，好味道！🤤 秘製上海炸排骨 大廚即叫即炸，外層香脆，肉汁豐富，醃製得恰到好處，可以加甜酸辣醬提升層次，推薦！😍 豆漿 豆味香濃，甜度適中，健康有益。😽 劉興記生煎包專門店 食材新鮮，招牌菜出色，侍應服務態度好，還會再來。😎🤘🏻

Pandan Asia Fusion Bistro 尖沙咀柯士甸道西1號 ELEMENTS圓方水區1樓1044-1045號舖 經開九龍站圓方，老友帶咗我去食星馬菜，果然高汁，環境舒適，食材新鮮。😺 新加坡白胡椒肉骨茶配油香飯 肉骨茶湯底香濃，肉骨(肉汁豐富，口感煙韌)、豬肚(爽口彈牙)、豆卜(同湯底好夾)和蒜蓉的精華融入湯中，沒有味精，小小辣好惹味，我把湯底喝光了。吃到中段可以加蒜蓉、辣椒、醬油和油炸鬼提升層次，油香飯香滑煙韌，推薦！😻 娘惹傳統班蘭椰漿飯 配巴東牛肉脆皮雞卷 班蘭椰漿飯香氣四溢，漬物爽口開胃，溏心蛋夠香滑，花生和魚仔乾夠香脆。巴東牛肉口感煙韌，肉味香濃，雞卷外層香脆，爆汁嫩滑，醃製得恰到好處，必食！🤤 桔仔話梅水 酸酸甜甜的配搭，飲完好舒暢。😽 水果冰茶 班蘭葉配新鮮菠蘿，茶味香濃，夏天飲一流。😉 Pandan Asia Fusion Bistro 食材新鮮，環境舒適，侍應服務態度好，還會再來。😎🤘🏻

Fika 將軍澳坑口村24號地舖 經開坑口站東港城，老友推介西餐FIKA，餐廳食材新鮮，環境夠Chill，果然冇介紹錯。😸 是日餐湯 蕃茄濃湯，真材實料，酸度適中，口感香滑，面層加了忌廉和香草提升層次，好飲！😋 是日沙律 沙律菜夠新鮮，車厘茄和柑橘香甜爆汁，加了羅勒油醋醬好開胃。😽 FIKA 自家製沙律碗 沙律碗有南瓜、牛油果、煙三文魚、車厘茄、蘑菇、杏仁片和橙香油醋汁，底層超多沙律菜，我最近少食澱粉，啱曬我😙。配料新鮮健康，口感煙韌，醬汁開胃，推薦！😍 墨魚汁燴海鮮扁意粉 大廚即叫即製，扁意粉口感煙韌，吸收了香濃墨魚汁的精華，好惹味。海鮮新鮮彈牙，份量十足，面層加了飛魚子提升層次，大滿足。🤤 茉莉花茶茶味清香，飲完好舒暢。😃 Americano 咖啡味香濃，醒腦提神。😁 Fika 環境舒適，食材新鮮，侍應服務態度好，還會再來。😎🤘🏻

奇蹟拉麵 旺角通菜街22號達明大廈地舖 經開旺角好多嘢食，老友想食拉麵，帶咗我去女人街嘅奇蹟拉麵，果然高汁。😉 烏賊濃味拉麵🍜+原味濃拉麵🍜 主要配料有叉燒肉、味付半熟蛋、蔥和筍，我哋追加咗叉燒肉和紫菜，我唔夠喉，一定要加麵。😂 叉燒肉新鮮嫩滑，肉味香濃，入口即溶沒有筋，脂肪和肉的比例很好，大廚處理得恰到好處，必食。🤤 味付半熟蛋蛋味濃郁，內層香滑，外層入味。😍 蔥夠香，不辣口，筍夠爽，入味沒有渣，紫菜吸收了湯底的精華，好味道。😻 原味濃拉麵的湯底，原汁原味，香氣四溢不油膩。烏賊濃味拉麵的湯底加了墨汁，層次提升了，湯底沒有味精，鹹度適中，我把湯底喝光了。😽 拉麵口感煙韌，沒有鹼水味，處理得很好。 炸雞 即叫即炸，炸油新鮮，雞肉香滑juicy，加少少檸檬汁效果更佳。😋 ✨支裝津路烏龍茶，無糖，解渴，去油。😸 奇蹟拉麵 環境舒適，食材新鮮，侍應服務態度好，還會再來。😎🤘🏻

AGA RESTAURANT & BAR 尖沙咀厚福街12-12A號藍馬商業大廈5樓 經開尖沙咀，老友帶咗我去酒吧餐廳，見到個環境咁正，chill 吓先！😽 西班牙風乾火腿意大利巴馬臣芝士薄餅🍕 面層加了芝士碎和新鮮火箭菜提升層次，餅底香脆又夠薄，風乾火腿鹹度適中，肉味香濃，巴馬臣芝士和配料融為一體，醬汁酸酸甜甜好開胃，推薦！🤤 日本明太子、蟹子、珍寶帶子扁意粉🍝 大廚即叫即製，珍寶帶子新鮮彈牙，面層加了飛魚子和香草提升層次，扁意粉口感煙韌，吸收了醬汁和菇類的精華，趁熱食，好正！😻 MAY MADE🍹 調酒師將 Monkey Shoulder 威士忌、聖日爾曼利口酒、Pampelle 利口酒、白胡椒、檸檬汁、橙水和CO2 調和，酒精強度不錯，酸酸甜甜的口感，杯中放了大冰柱keep住凍，好飲！😍 ROSE AGA🌷 調酒師將紅酒、法國君度橙酒、士多啤梨、橙和檸檬調和，甜度適中，果味香濃，飲完好舒暢。😚 AGA RESTAURANT & BAR 環境舒適、食材新鮮、Cocktail 好飲，侍應服務態度好，還會再來。😎🤘🏻

SHADI 土瓜灣譚公道108-114號 雲天大樓地下A號舖 經開宋王臺站探朋友，發現一間地道中東菜小店，仲可以食漢堡包、熱狗同薯條，試下佢啲手勢先。😽 Shawarma (Chicken) 沙瓦瑪 (雞肉) 大廚即叫即製，阿拉伯薄麵包口感煙韌，慢煮雞肉，肉味香濃，蕃茄、生菜和洋蔥夠新鮮，酸瓜爽口，酸度適中。醬汁香甜好開胃，沙瓦瑪份量十足，每一啖都食到新鮮食材，推薦！😻 安格斯牛堡 麵包鬆軟 ，安格斯牛肉肉汁豐富，即叫即煎，香氣四溢。香濃芝士融入漢堡中，新鮮蔬菜好fresh，香甜醬汁夠惹味，食完好舒暢，必食！🤤 套餐仲可以加薯條和飲品。😃 食漢堡包梗係要飲原味可樂。😍 SHADI 中東廚師主理，食材新鮮夠地道，還會再來。😎🤘🏻

UFuFu Cafe 銅鑼灣謝斐道535號 Tower 535 1樓101-102號舖 經開銅鑼灣，老友推介日式 fusion 西餐，環境舒適，食材新鮮，好惦！😽 沙律菜新鮮種類多，醬汁酸酸甜甜好開胃。 😽 鹿兒島和牛漢堡咖哩飯 大廚烹調得恰到好處，和牛漢堡牛味濃郁，肉汁豐富，口感煙韌，香氣四溢。珍珠米飯晶瑩通透有飯香，咖哩汁濃度適中，加忌廉又香又滑。吃到中段可加福神漬(大根)、椰絲、提子乾和炸蔥提升層次，好味道，推薦！🤤 草莓家族多士 香濃的抹茶雪糕底層加了脆脆有驚喜，好快畀我食曬。即叫即製的法式吐司，外脆內軟，配料有士多啤梨、藍莓、黑莓和紅桑子，酸酸甜甜的醬汁好開胃，中層有鮮忌廉，加楓糖漿，百感交集，喜歡甜品的朋友不能錯過。😻 鹿兒島柑橘梳打 香甜清新的柑橘味，記得攪勻飲，飲完好舒暢。😚 UFuFu Cafe 環境舒適又夠Chill，食材新鮮款式多，侍應服務態度好，還會再來。😎🤘🏻

Royal INN 銅鑼灣告士打道311號 皇室堡3樓313-314號舖 經開銅鑼灣，老友想食西餐，近近地帶咗我去皇室堡3樓 Royal INN，環境舒適，食材新鮮有驚喜。😽 法式龍蝦濃湯 龍蝦湯夠 creamy，味道濃郁，法包軟熟，好開胃。😋 迷你海鮮拼盤 生蠔即叫即開，鮮味十足，大蜆 after taste好強，鮮味慢慢滲出，海蝦口感煙韌，青口加醬汁，效果不錯。😍 香煎法式鵝肝 鵝肝鵝油豐富，香氣四溢，入口即溶好邪惡。蘑菇意大利飯，醬汁調配得恰到好處，帕馬森芝士同蘑菇好夾，意大利飯口感煙韌，車厘茄和香草提升層次，好味道！🤤 蜜糖芥末籽慢煮美國豬柳 豬柳肉汁豐富，口感煙韌，配菜有鮮甜的南瓜泥，爽口的意大利青瓜，蜜糖芥末籽提升層次，吃到中段可加肉汁效果更佳。😻 藍莓醬巴斯克芝士蛋糕配雪糕 雪糕甜度適中夠香滑，巴斯克芝士蛋糕口感鬆軟，芝士味濃，藍莓醬同蛋糕好夾，生果夠 juicy，推薦！😁 Latte 忌廉加奶夠香滑，咖啡味慢慢滲出，甜度適中。😀 熱檸茶 檸檬新鮮，茶味香濃。😚 Royal INN 食材新鮮高質，環境舒適，侍應服務態度好，還會再來。😎🤘🏻

鴻運食菜館 旺角通菜街2A-2P號鴻光大廈地下P號舖 黎到旺角勁多嘢食，今次老友帶咗我去女人街食川菜，好地道，有驚喜。😋 老壇酸菜魚 超大碗，我同老友每人食咗三碗仲有剩。酸酸甜甜少辣的湯底有驚喜，真材實料，沒有味精，可以直接飲用。配料有香蔥、芫茜、芝麻、芽菜、娃娃菜、酸菜和辣椒，底層加了粉絲，吸收了湯底的精華，好味道，魚肉新鮮又夠滑，推薦！🤤 乾鍋田雞 這道菜已經好耐沒有試了，因為處理得好的餐廳不多，大廚推薦，果然沒有令我失望。田雞肉鮮甜爽口彈牙，外層香脆，香氣四溢，配料炒得夠香，醬汁醒胃，薯條自家製，好入味。😻 川味口水雞 口水雞的醬汁好惹味，辣度適中，雞肉新鮮嫩滑，必食！😁 食川菜梗係要飲吓啤酒，叫咗兩支青島，大滿足。😚 鴻運食菜館 食材新鮮夠地道，喜歡川菜的朋友不能錯過。😎🤘🏻