阿叔泰麵 (金殿臺漢宮閣)

營業中

休息中

今天去太古城探朋友，然後我們來到這家泰國菜小餐館食晚飯。店舖小小，非常熱鬧。生炸蝦餅$92新鮮炸起，金黃香脆，蝦餅厚身，夠彈牙。泰式炸魚餅$60魚餅軟滑爽彈，蘸少少泰式酸辣醬，微辣更惹味。阿叔牛肉船麵$88我地揀了金邊粉，個湯底好濃厚，牛肉好腍，牛丸爽彈。金邊粉好吸湯汁，加上爽口芽菜一齊食，超正。個船麵好大碗，食咗一陣之後湯汁被麵吸了不少，店員好貼心會為每枱食船麵的客人加熱湯。香葉肉碎煎雙蛋飯（小辣）$72呢個香葉肉碎飯由不辣到辣有五個程度可以選擇。我哋唔係好食得辣，揀咗小辣，食落肉碎好惹味連埋雙蛋嘅蛋汁撈勻一齊食，好快就食晒。飛天通菜$65通菜幾爽嫩，不會好油膩。

因為親戚住在太古城這邊，所以我經常都會來到這裡，見到住宅地下一向有很多小店都非常有特色，不過平常和親戚吃飯，由於人數太多都是吃酒樓，所以這天我約了朋友前來這裡試一試心儀的餐廳。 這間泰國餐廳好像是新開的，所以也很有興趣來試一試，餐牌簡潔易明，我們很快便選擇到想吃的。 我們這天是閒日的晚上前來，餐廳都幾乎坐滿客人，很受歡迎。 阿叔牛肉船麵（$88）本身都很喜歡船麵，因為用料豐富，牛肉份量都多，肉吸收了湯汁，湯汁帶微辣。可以選自己喜歡的粉麵，我們選了河粉（+$8），這與平常吃的河粉有不同，更闊身及煙韌，更能吸收湯汁味道，亦有炸豬皮和肉丸配搭。 蝦功拌飯（$138）愛蝦人士必吃！蝦有7至8隻之多，大大隻，鮮甜及爽口彈牙，最喜歡是面頭淋上滿滿蝦膏造的醬汁，非常香口，拌飯一流。 小食拼盤（細）（$88）小食拼盤就可以每款小食都試一試，我們兩個人，點份細的剛剛好。泰式炸魚餅外面炸得金黃酥脆，肉質柔軟，帶有泰式香料風味。地道炸雞棗，在泰國餐廳比較少見這道小食，炸得金黃酥脆，雞肉juicy。泰式酸辣鳳爪帶微辣，很香口，肉質軟嫩。香茅雞翼表皮輕輕烤過，沒有用炸粉，更加令吃到雞翼的味道，口感外脆內軟。炸豬

📍阿叔泰麵（太古）💥阿叔牛肉船麵（$88）湯底係偏藥材嘅牛骨湯有濃郁嘅牛肉味 都幾易入口配料好豐富有牛腩牛丸同豬皮配金邊粉索晒啲湯好正！💥炭燒豬頸肉（套餐追加$25）有好香嘅炭燒味豬頸肉燒到焦香惹味💥飛天通菜（套餐追加$35）炒得好有鑊氣口感爽脆蝦醬同蒜味濃郁小小辣令通菜更惹味💥芒果糯米飯（套餐追加$35）芒果食落好甜糯米飯煙煙韌韌椰汁好香💥凍斑斕薏米水飲落幾清甜薏米口感煙韌唔錯👍💥泰式奶茶茶同奶嘅比例岩岩好冇叫少甜甜度都岩岩好岩晒香港人口味🤣

阿叔泰麪每次經過太古，這兒總是排長龍，今晚竟然有空位，馬上想試試。🍄蛋炒咖喱帶子飯成碟都係帶子，非常惹味，如果咖喱味再濃一點我更喜愛☺️🍄炭燒豬頸肉燒得好肉汁多外皮脆，加分位就係佢嘅醬汁酸酸辣辣，好正。🍄肉碎生菜包嘩！從未見過咁大片嘅生菜包，而且脆同埋爽甜，調味調得好好。🍄芒果糯米飯配雪糕上碟好得意，用一個細細嘅碗裝住。糯米飯係暖嘅，連埋雪糕食好好味，呢個甜品咁出色😘😘😘除了店舖比較少之外，呢間係無可挑剔🥹性價比高！

見到咁多好評便專程去試下!點知好失望! 今次係我人生第一次寫評語!為咗表示真係比一般般還要一般!牛肉超「 鞋」， 配料冇特別! 根本唔值呢個價錢! 地方細， 但又坐好多人! 泰式奶茶還可以的! 魚餅就麻麻!好難令我再返轉頭食!

🐱🍖 醉貓豬頸肉炒河 ($88)今次試咗呢道菜，河粉炒得香脆，豬頸肉嫩滑，味道融合得非常好。每一口都有濃郁嘅醬汁，真係非常過癮！🥥🌶️ 青咖喱 配飯（雞） ($72)青咖喱嘅香味撲鼻而來，雞肉吸收咗咖喱嘅濃郁味道，配上白飯食落去，令人一口接一口，唔想停手！🍤🌶️ 泰式酸辣鳳 ($60)呢道菜酸辣味道剛好，蝦肉新鮮，搭配啲香料，食落去真係好醒胃，令人想多食幾口，回味無窮！🥬✨ 飛天通菜 ($65)呢道菜清新又健康，通菜炒得恰到好處，保持咗脆口感，帶有一絲蒜香，食完後整個人都覺得清爽！🥤 7up ($10)整體而言，呢餐真係唔錯，值得一試！

位於太古嘅阿叔泰麵，主打食船麵，另外仲有其他招牌嘅泰國菜式。餐廳主要採用木系既餐桌同餐椅，環境簡約。🍴肉碎生菜包（$68）肉碎炒得幾香，夠乾身，味道濃郁，如果再辣啲就更加惹味。生菜大大塊，新鮮爽口，包肉碎一齊食可以中和油膩感。🍴阿叔牛肉船麵（$88）船麵麵底揀左金邊粉，麵係新鮮即煮，比較容易索湯，店員會主動幫忙加湯，湯頭清甜，另外更有醬料提供，可以自行調配適合自己嘅口味。船麵配料包括有:牛腩、牛丸同炸豬皮等，個人特別鍾意牛腩，肉質夠腍，帶點牛香。🍴泰北金麵（$78）湯底濃郁鹹香，唔會太辣。麵條闊而扁，好容易掛到湯汁。部份麵條炸過，脆脆哋，令口感多個層次。雞髀大大隻，肉質幾嫩。🍴泰式奶茶（$30）食泰國菜點少得飲泰奶，奶味較為突出，質感幼滑。🍴泰式綠奶茶（$32）綠茶味道清香，甜度適中。

星期日唔知去邊好，老公話不如去太古城行下！話嗰度有間泰國菜食船麵好正🍜想去試下！一出太古城站D1出口，5分鐘左右就到喇！岩岩過左午飯時間，唔駛排隊！轉河粉+$8碗麵一上黎就聞到好香！望落超多料！店員拎左個調味架，介紹左泰國人食船麵係兩匙糖，醋、辣椒、魚露各半匙！我地先唔落調味料，飲一飲個湯好香濃既牛肉味！！然後再試下跟店員指示落調味料，再飲一飲個湯！估唔到個湯既味道更加有層次！好難形容，大家要過黎試下😂😂 初初覺得加河粉要$8有少少貴！但係食落就知完全係值得！店員話河粉係用上泰國既新鮮河粉！十分掛湯！每一啖都吸晒湯汁既精華！😋😋 牛肉煮得夠淋好入味！炒河好有鑊氣！河粉加上金不換炒！少少辣！正😋😋 豬頸肉份量好多，口感爽口！美好既假日當然唔少得甜品！蛋糕泰奶味香濃！配上香草雪糕，😋😋😋好似好少見有泰式綠奶茶飲！連個杯套都泰有feel喇！ 好清新，唔會好甜！可以試下！總結，呢度既船麵真心令我難忘！其他野食都好有水準！！值得一提，店家提供比客人既係青檸水，泰國菜味比較濃，食完飲一飲杯水感覺好refresh! 印象分💯 ！！

我女友是住太古。所以搵食係太古街坊最容易不過的。更是必備。美味佳餚。應有盡有。見到一間餐廳食泰菜。二話不說衝了入去**阿叔牛肉船麵**無疑是最令人期待的主角。這碗船麵的湯底清澈而濃郁，散發著誘人的香氣，牛肉經過精心燉煮，肉質鮮嫩，入口即化，與彈牙的金邊粉相得益彰。湯頭的鮮美與牛肉的醇厚交織在一起，讓每一口都充滿了層次感，搭配上新鮮炸起豬皮。讓整碗麵的風味更加獨特。令人陶醉。小食拼盤更是讓人驚喜，包含了「地道炸雞棗」、「泰式酸辣鳳爪」和「香矛雞翼」。炸雞棗外酥內嫩，香氣四溢，咬下去的瞬間，肉汁四溢，令人垂涎欲滴。泰式酸辣鳳爪則是另一番風味，酸辣的醬汁讓人感受到泰國的熱情，搭配上鳳爪的Q彈口感，香矛雞翼外皮金黃酥脆，肉質鮮嫩，搭配特製的醬汁，更是美味無窮**泰式咖啡**，這杯咖啡香氣濃郁，帶有淡淡的甜味，讓人感受到泰國咖啡的獨特魅力。入口順滑。

黎到阿叔泰麵，點可以唔食阿叔船麵🤭阿叔牛肉船麵 （含花生🥜、炸豬皮）麵底揀左米粉，特別索湯🤣，湯底味道都幾濃郁，仲會同時比埋4款調味料自行調配岩自己既口味，入面牛肉份量都好多，牛肉口感軟腍入味，仲有幾粒丸子蛋炒咖喱帶子飯 蛋炒咖喱口感好 creamy，好好食，入面帶子係唔會太大粒咁，配埋飯一齊撈黎食，咖喱味道偏香甜，唔會太辣，撈飯一流飛天通菜 通菜好惹味，甜中帶辣咁，口感清爽泰式綠奶茶 青檸🍋‍🟩梳打

呢間阿叔泰麵終於開到嚟港島區，d嘢食都幾抵食！-阿叔牛肉船面$88阿叔牛肉船面以佢濃郁嘅牛骨湯底而出名，湯底經過長時間熬煮，味道醇厚，仲帶有淡淡的藥材香。今次就揀左金邊粉作為搭配，滑嫩又嚼勁，d麵索哂d湯汁。-蛋炒咖哩蟹肉飯$88一直都覺得咖喱配蟹肉係非常之夾。咖哩連埋啲蛋，蟹肉同白飯一齊食口感順滑又濃郁-炭燒豬頸肉$78炭燒豬頸肉喺呢度必試，豬頸肉厚切且炭香四溢，外焦內嫩，搭配特製醬汁，酸辣開胃

一直喜歡食thai餐嘅我 見到太古新開左阿叔泰麵當然要試試啦！【招牌】 阿叔牛肉船麵 當然試試啦~果然招牌船麵🛶 ~菜品滿滿！大塊牛腩 牛丸 仲有船面標準炸豬皮牛肉湯底超濃郁 河粉滑口 湯汁都很掛麵！ 🍜茜和芽菜提升層次喜歡上面炸豬皮，增加整個麵食的口感和層次！Asok Combo香葉肉碎煎蛋飯🍛去泰國必食Combo有五種辣度🌶️這次我揀左中辣搶眼嘅流心太陽蛋~香葉肉碎炒香 口感鬆軟好入味，辣辣地好惹味！餸飯一流！😋甜品 當然要嗌翻個斑斕糕啦！🥰斑斕味十足 甜度剛剛好唔會好膩~~而且QQ彈彈 好過癮啊！

今晚想食得簡單啲，去了太古城一間泰式餐廳。裝潢設計簡潔，服務員非常有禮。食物種類有湯麵， 炒麵， 小吃…….…..。 阿叔牛肉船麵配米粉推介之選。有牛腩，牛丸，炸豬皮，份量不少，相當豐富。湯底濃稠，被米粉吸盡精華。椰子海鮮湯金邊粉湯底雪白，陣陣椰香。金邊粉煙煙靱靱有彈力，掛湯不錯。海鮮有蝦，魷魚，青口，蜆肉。芒果糯米飯配雪糕賣相跟一般不同，好特別。糯米飯十分軟糯有嚼口。酸酸甜甜嘅芒果和雪糕嘅配搭真一流。

太古泰式船麵🇹🇭1. 香葉肉碎煎雙蛋飯 $72肉碎份量好多 而且可以揀辣度 好啱啲鍾意食泰國嘢但又唔食得太辣嘅人揀 而且都幾香蒜味 佢撈左好多嘅蒜粒 個蛋都煎得啱啱好 啲蛋汁泌哂出黎2. 醉貓豬頸肉炒河 $82第一次食到呢個好似蒟蒻嘅河粉texture 食落十分彈牙有咬口 相對港式河粉個個米味同粉味粉味冇咁出 比較有水份 所以似濕炒多啲 而豬頸肉就正正常常 但整體食落幾惹味 佢仲有啲啲辣咁 唔錯3. 香茅雞翼 $62有六大隻 食落外脆內嫩 香茅味好出 入面個雞肉肉質都好嫩滑 仲有啲肉汁 正4. 芒果糯米飯配雪糕 $68佢將個椰子雪糕同芒果糯米飯放入去個細細地嘅碗仔到 幾得意 食落個糯米飯仲係暖暖地 仲煙韌 個芒果多汁又好甜 加埋個椰子雪糕一齊食幾好味又幾夾📍阿叔泰麵 太古太古城道26號太古城金殿臺漢宮閣地下G409號舖

🙋🏻‍♂️餓底探員去咗太古調查呢間泰式粉麵，之前喺大圍見到已經好想食，可惜大圍店已結業，最近太古開咗，終於有機會食到了，餐廳嘅泰式粉麵有多款選擇，搭配唔同口味湯底，另外仲有地道嘅飯類，小食同甜品供應，食完真係泰滿足😌🍗小食拼盤(細) $88🙋🏻‍♂️表示個拼盤有泰式鳳爪，雞棗，炸魚餅，雞翼同炸豬皮，泰式鳳爪味道酸辣，食落有咬口，其餘嘅小食都炸得香脆，餓底最愛雞棗，外脆內軟，食落香口惹味🥥椰子海鮮湯金邊粉 $88🙋🏻‍♂️表示個金邊粉入面有鮮魷，青口，蜆肉等海鮮，味道鮮甜，配上奶白色椰子湯底，飲落有濃厚嘅椰香，加上青檸，香茅同南薑，個金邊粉食落充滿泰式風味🥩阿叔牛肉船麵 $88 (轉河粉+$8)🙋🏻‍♂️表示個船麵有軟腍嘅牛腩，彈牙嘅牛丸，酥脆嘅炸豬皮等配料，麵底揀咗河粉，口感滑順，非常掛湯，湯頭味道香濃，店員建議加入砂糖，辣椒乾，醋同魚露調味，令湯頭更加提鮮，層次更加豐富，唔夠湯汁店員會幫忙加湯，非常貼心👍🏻🍋‍🟩青檸七喜 $28🙋🏻‍♂️表示杯七喜配上清甜嘅青檸，飲落好有泰式風味，清新又解渴📈吃貨指數😋好味度 9/10🔙返啅度 9/10