阿叔泰麵 (金殿臺漢宮閣)

營業中

休息中

見咁多好評，都算近屋企就去食晚餐，我哋两個人大約7:15 到，餐廳都好多客。餐廳座位都幾窄，一啲都唔好坐。不停見有人入嚟，都幾好生意。我地點左一個船麵，泰式蝦炒金邊粉，炸魚餅，冬檸7。 個船麵一啲都唔熱，湯又無味，啲牛勁難咬，非常伏。金邊粉好似無炒過咁，有三隻定四隻蝦，芽菜都無多條，小小蛋，完全無Pad Thai 味；魚餅正常，我聽到隔離枱話個咖哩都唔得，好水。至於好多好評嘅濕炒河粉又唔係個menus 度總結係無下次，两個人食左差唔多280 蚊。唔明點解咁多好評，我同男友都覺得好唔掂。早知去太安樓食仲好。

喜歡食泰國菜，朋友介紹了太古這間店舖，價錢非常抵，又舒適阿叔牛肉船麵湯底非常濃郁，酥軟的牛腩肉及牛丸，加上脆卜卜的炸豬皮，而且有多款麵底選擇，味道很好冬陰功海鮮媽媽麵用料非常豐富，有豬肉碎，魷魚，蜆，蝦等食材，用料很新鮮，配合酸酸辣辣的冬陰功湯底，味道非常香濃好味肉碎生菜包每次食泰國菜都必食，新鮮的豬肉碎，加入青檸汁，味道香濃，包新鮮的生菜非常合拍生煎蝦餅蝦餅爽口彈牙，蝦肉新鮮，味道鮮甜，加上酸甜汁，沒有油膩感青檸梳打及荔枝梳打一個清香，一個清甜，非常解喝好味

#MC帶你去太古.依間人氣小店，發跡於元朗嘅人氣泰國船麵店，最近更進駐港島！➖✨ 阿叔泰麵.由2018年於元朗起家，曾日賣300碗，成為區內人氣名物之一。餐廳主打泰國船麵，以30斤牛骨加入藥材熬足12小時成為船麵湯底，加上炸豬皮、牛肉、豬肉或雞肉，非常正宗。➖🥢 醉貓豬頸肉炒河｜$88 ✨推介✨.即叫即炒！豬頸肉肥而不膩；河粉口感好彈牙而且闊條好掛汁，搭配洋蔥、紅椒、金不換，香味十足；份量精緻，可以試多一兩款食物！➖🥢 飛天通菜｜$65.飛天通菜炒得非常爽脆，而且油潤有光澤，好有鑊氣！加上少少指天椒及蒜香提鮮吊味，更加惹味。➖🥢 泰式奶茶｜$30.泰式奶茶香醇幼滑，甜度好適合香港人，甜而不膩又有濃厚茶香味。➖⚠️ 服務費｜Service Charge.全店沒有加一服務費。🟰🟰🟰🟰🟰🟰🟰🟰🟰🟰🟰🟰🟰🟰#Ming_Course #東區美食 #太古美食 #太古好去處 #香港美食 #香港探店 #太古 #阿叔泰麵 #asokthainoodle #太古泰國菜 #泰國菜 #泰國料理 #泰式料理 #泰菜 #泰料

一到週末就會去太古行街, 心血來潮想食泰國野, 上網搵到依間係民居之中既泰菜餐廳, 直接去左食當晚餐餐廳雖然唔算好大, 但勝在裝修吸引, 有種簡單既復古感覺, 掃QR直接落單, 當中有我至愛既醉貓炒河, 立即叫左! 晶瑩剔透既水晶河粉炒得入味又有穫氣, 豬頸肉惹味爽口啖啖肉, 愈食仲覺得愈辣, 好頂癮跟住叫左個蛋炒咖哩帶子飯, 我係因為個蛋炒咖哩而叫, 本身我好鍾意食咖哩炒蟹當中既咖哩加左蛋花, 依個飯直頭用左蛋花咖哩做汁黎伴飯, 真係好正, 帶子食落幾鮮又唔會過分熟, 煮得剛剛好, 伴埋個蛋炒咖哩咁一口食一流啊!食泰菜點少得叫飛天通菜, 炒得惹味又唔會太咸, 夠哂爽脆小食生炸蝦餅真係今晚之冠, 外皮炸得好香脆, 粉漿啱啱好又唔會太厚, 咬一口已經食得出蝦味好突出同濃烈, 真係用左真蝦打成既蝦餅, 食嗰時真係係咁點頭, 真心必叫!飲品就叫左青檸可樂同青檸梳打, 正常發揮, 食完飲返杯梳打, 爽啊!

阿叔泰麵是一家深受食客喜愛的泰國餐廳，菜單上的選擇讓人垂涎欲滴。蛋炒飯咖蟹肉飯是必試的招牌菜，米飯粒粒分明，咖喱香氣撲鼻，搭配新鮮的蟹肉，讓人一口接一口，令人難以抗拒。炭燒豬頸肉則是肉質鮮嫩，外焦內軟，配上特製醬汁，讓每一口都充滿層次感。這道菜的香氣和味道都十分誘人，適合與朋友分享。菠蘿梳打是一款清爽的飲品，酸甜適中，特別適合搭配辛辣的泰國菜，能有效解膩。而熱菊花蜜則是一道獨特的飲品，帶有淡淡的花香，既可以消暑又能增強食慾。

🍽️醉貓豬頸肉炒河 $88高度推薦尼道菜🤩💯豬頸肉口感爽彈，份量都好多；河粉質感軟軟糯糯，好似薯粉咁😋食落有陣陣香辣味，非常惹味😌🍽️阿叔牛肉船麵 $88船麵湯底有好濃郁嘅牛肉味🤤入面有牛腩、肉丸、炸豬皮，非常豐富🥰麵底我哋揀咗金邊粉，幾吸汁，浸住湯食都唔會爛👍🏻🍽️小食拼盤 $88尼個有無骨雞腳、泰式魚餅、雞棗、香茅雞翼、炸豬皮等小食🤩種類繁多，最啱想試好多嘢又驚食唔晒嘅我哋🤤🧋泰式奶茶 $30服務費❌味道😋 8.5/10性價比💰 8/10環境🔎 7.5/10服務🫶🏻 8/10打卡指數📸 7.5/10٩(˃̶͈̀௰˂̶͈́)و 推薦指數🥰 8/10

呢間泰式餐廳抵食又美味😋平日晚市都好爆滿，但流轉得快小食拼盤（細）炸魚餅➕雞翼都充滿香茅味，炸豬皮好酥脆，對於唔食得辣嘅我嚟講，泰式鳳爪都真係幾辣下，而我就比較鍾意食炸雞棗阿叔牛肉船麵可自行加上調味料，會更好味，揀咗蛋麵，必試👍🏻口感真係好香好滑，🈶牛肉、牛丸、炸豬皮等配料，非常豐富飛天通菜以泰式風味炒製嘅飛天通菜，既保留咗蔬菜嘅鮮嫩，又融入咗泰式魚露➕蒜香嘅濃郁風味，食落好爽口泰式奶茶蛋糕配雪糕有兩球香滑嘅雲呢拿味雪糕，泰式奶茶蛋糕濕潤細膩，甜度適中青檸梳打飲落酸甜清爽，蘇打水嘅氣泡感令人倍感輕快泰式綠奶茶淡淡嘅奶香與濃郁嘅茶香相結合，飲落冇茶澀味，口感甜美順滑，令人一口接一口，非常推介

次次見到lunch time都好多人，決定夜晚放工之後黎試下哈哈🤓✨醉貓豬頸肉炒河 $88呢個好推薦😍！！濕河口感煙煙韌韌，同辣椒、芹菜同埋洋蔥一齊炒，辣辣地好惹味，忍唔住一啖接一啖，好快清曬，超正！豬頸肉份量都幾多，厚肉又好味🤤✨阿叔牛肉船麵 $88可以揀唔同麵類，我揀咗金邊粉。啲粉索曬濃郁嘅湯汁，湯汁帶少少酸味，幾開胃，加埋軟腍嘅牛腩，同入邊花生同埋炸豬皮等配料更香口😆。食食下唔夠湯店員會過嚟幫你加返，好貼心！👍✨生炸蝦餅 $92炸得金黃香脆，蝦肉幾彈牙。✨芒果糯米飯配雪糕 $68芒果糯米飯配雲呢拿雪糕呢個組合幾特別，食落又唔奇怪喎！撈埋一齊食會比平時芒果糯米飯甜少少，但夠邪惡好滿足🥭～～✨泰式奶茶 $30香濃而不澀，充滿茶香。飲過咁多泰式奶茶嚟講都算適中唔會太甜！✨菠蘿梳打 $26酸酸甜甜清新又解渴。

今日去咗太古做嘢，Lunch時間周圍逛下，見到阿叔泰麵好多人排隊，吸引到我同朋友排埋一份，等左15分鐘左右。店內坐滿食客，店員都快手快腳，點完餐好快有得食，食物非常有水準，絕對性價比高Asok Combo蛋炒咖喱帶子飯 拼冬陰功海鮮媽媽麵 $118好鍾意呢款蛋炒咖喱帶子飯，每一啖飯都食到咖喱，咖喱甜甜地好惹味，仲有新鮮帶子添，另一款冬陰功海鮮媽媽麵，湯底濃郁，辣辣地好醒胃，一個餐食到兩款吾同款式，非常不錯阿叔牛肉船麵(含花生、豬皮）今次麵底揀左蛋麵，這款阿叔牛肉薯麵，果然有水準湯底濃郁，麵質口感彈牙，配上牛丸牛腩炸豬皮等，非常豐富追加小食芒果糯米飯 $35飯後甜品芒果糯米飯，糯米飯夠煙靭配上椰汁+芒果，好味道泰式咖啡 $12泰式綠奶茶$12無論綠奶茶定咖啡都好有泰式風味，口感幼滑

再訪位於太古嘅高質抵食泰國菜餐廳😚 內部裝修簡單又不失清新，滿滿泰式風情❤️ 燈光明亮坐得舒適✅ 主食㨂咗餐廳推介嘅泰式船麵同埋香葉肉碎煎雙蛋飯☺️ 船麵有多款麵底可以㨂，🐧 就㨂咗職員誠意推介嘅蛋麵😆 好掛汁好吸味👍 湯底味道層次豐富，集甜、鹹、鮮、辣於一身😍 真係勁惹味✅ 香葉肉碎煎雙蛋飯份量十足，肉碎多到成座山咁高🤣 超足本勁抵食👍 肉碎有多款辣度提供選擇，食得辣嘅朋友記得挑戰地獄辣😈 餐廳宜家有限時活動🤩 由即日起至3月31日，30 分鐘內食得曬成份地獄辣客飯，就可以獲取即影即有相一張，並張貼係餐廳辣人谷 🌟 最快完成嘅十位朋友，仲有額外獎金獎品架☺️ 另外叫咗一客豬頸肉小食😘 肉質彈牙有嚼感，唔會太老太韌，外層焦香薄脆，入口肉味濃香，加埋特調醬汁，更添滋味👍 甜品㨂咗經典必食嘅芒果糯米飯同埋勁靚嘅斑蘭糕❤️ 糯米飯煙韌軟糯，香甜可口充滿椰香❣️ 斑蘭糕玫瑰造型勁靚😍 食落彈牙香滑，甘甜中帶有斑蘭嘅清新😎 好出色✅ 

✨太古城「阿叔泰麵」午飯時段經常爆滿，這裡門面幾骨子，午市餐牌都幾多選擇。***** ***** ***** ***** ***** 香葉肉碎煎蛋飯🍳肉碎粒粒分明，蛋汁撈埋白飯同吃，味道豐富。出門口。 牛肉船麵🍜牛肉口感OK軟腍，金邊粉爽口不過熟，手勢1流。凍斑斕薏米水微甜底帶有斑斕香氣，薏米去濕開胃，味道清新，愛健康人士不能錯過。泰式酸辣鳳爪鳳爪啖啖肉、辣到適中，都好啱口味。總括來說，這店食物擁有泰式風味，裝修環境都ok, 一定會再次來訪。

剛點完餐，還沒上菜，食物品質暫不討論。但是服務態度極差，叫點菜甩一張二維碼給我們，店內完全沒有信號和網絡網頁也點不開。請服務員分享wifi 密碼也不應答，就說與wifi無關。最後還是手寫菜單，還一臉不情願。等菜期間手機還是沒有網絡再次拒絕分享wifi 密碼，現在我就是站在店門口發這條評論。這種餐廳自求多福吧

我哋好鍾意食泰國菜，之前見到屋企附近呢個位裝修，原來係開咗泰國菜，今晚就過嚟食晚飯。呢度嘅店員非常有禮貌，會推介menu上菜式。生炸蝦餅蝦餅即叫即炸，新鮮熱辣辣，外皮香脆，一邊蝦肉爽口彈牙，點上泰式辣醬，未到酸甜開胃。飛天通菜通菜炒到好有鑊氣，口感爽脆無渣，加上蒜蓉辣椒炒，超級惹味。醉貓豬頸肉炒河豬頸肉份量都幾多，肉質爽脆煙靭可口，河粉嘅質感係軟糯Q彈，唔同我哋平時食開嘅港式炒河。茘枝梳打菠蘿梳打兩款梳打非常夠氣，味道酸香甜開胃。

今日happy Friday 要對自己好d lunch 時間去食一間月平時都超多人排隊嘅泰菜 果然冇令我失望一入到餐廳店員為我哋帶位之後即刻好熱情咁樣為我哋介紹餐廳有啲乜嘢招牌菜 同埋有啲咩心水推薦 要知道喺商業區lunch時間 仲可以咁熱情係非常唔簡單好溫暖好加分阿叔牛肉船麵店員推薦船麵 因為係舖頭嘅招牌菜 上到菜之後果然唔簡單 店員同我哋介紹泰國正宗嘅食法就係再加其他嘅香料落去船麵嗰度食 與此同時店員亦都捧住一大盆嘅香料仲好細心咁樣教我哋每一個香料應該要落幾多份量面食得出係新鮮做嘅 亦都非常之掛湯 亦都好足料 面上面有好多牛肉亦都有炸豬皮增加麵嘅口感蛋炒咖喱蟹飯咖喱好香濃 喺咖喱底下有超級多嘅蟹肉 如果你係蟹肉控嘅話真係啱晒胃口 咖喱亦都唔會搶走蟹肉嘅鮮味 仲食到嘅蟹肉 真係大滿足泰式炸魚餅上菜嘅時候熱辣辣 真係新鮮整 魚餅嘅外層炸到好鬆脆非常之香口香茅雞翼好濃郁嘅香茅味 雞翼亦都好多肉汁炭燒豬頸肉食落去有仲有炭香味 個外皮仲燒到有少少脆口 咬落去 亦都非常多肉汁泰式酸辣鳳爪呢個攞嚟開胃簡直一流 鳳爪酸酸辣辣 食完食慾即刻大增泰式奶茶茶味超級香飲完奶茶之後個口都仲有好大浸嘅茶香味

開左一段時間終於有機會試下阿叔泰，知佢比較出名係牛肉麵不過今次叫左外賣豬手飯，甘岩OpenRice 又有折，份量都算大份，一個人一定夠食，但失望是豬手肉比較老比較硬，亦好少汁。希望可以改善下