自選半半炸雞(有骨) 食炸雞通常我哋都會揀有骨，鍾意原汁原味成件雞塊咁食😋李氏廚房嘅炸雞非常好食，為食嘅我哋叫咗半半炸雞，一次過試晒兩款唔同口味🥰 🍽️青辣椒蛋黃醬 $118 尼個醬令我哋非常驚艷🤩醬料比我哋想像中多好多，點極都仲有😋青辣椒唔辣，加上大量蔥絲同蛋黃醬，食落好清新無咁易覺得膩👍🏻 🍽️蜂蜜蒜蓉 $113 尼個反而有少少辣，配合蒜蓉，食落好惹味🤤此外，兩款炸雞都非常酥脆，同時保留到肉汁，唔會炸到柴晒❤️ 🍽️韓式玫瑰炒年糕 $188 尼道菜用咗條狀嘅年糕，口感煙韌，仲有魚糕、腸仔、生菜等材料，口感豐富、份量超多☺️玫瑰醬聞落好香，味道甜甜辣辣，非常掛汁👍🏻 (含服務費) 味道😋 8.5/10 性價比💰 8/10 環境🔎 7.5/10 服務🫶🏻 8/10 打卡指數📸 8/10 ٩(˃̶͈̀௰˂̶͈́)و 推薦指數🥰 8/10

🍽️韓牛set menu1 $1080 有上腰肉、牛排肉、薄桾肉 同牛後胸🤤牛肉嘅油花分佈得好靚，食落牛味都好重👍🏻我哋比較鍾意上腰肉，肉質細嫩，充滿肉汁🥰 🍽️綠茶猪五花肉 $220 (200g) 肥同肉嘅位置層次分明，燒至金黃之後剪開，再燒埋側邊，色香味俱全，非常吸引🤤呢度嘅豬肉、牛肉都係喺韓國屠宰後，2-4日內送到，食落肉味濃郁、好有鮮味😋 🍽️凍湯辣醬蕎冷麵 $140 食完油脂十足嘅燒肉，除咗蔬菜，仲想要啲麵食中和吓☺️蕎麥冷麵嘅醬有少少辣，配埋個湯同瓜菜，食完又可以燒多幾件牛😝 三木嘅老闆好熱情，會同唔同客人打吓招呼、傾吓偈，用流利英文介紹吓啲餸菜，有種好親切嘅感覺☺️ (含服務費) 味道😋 8.5/10 性價比💰 6.5/10 環境🔎 7.5/10 服務🫶🏻 8.5/10 打卡指數📸 7/10 ٩(˃̶͈̀௰˂̶͈́)و 推薦指數🥰 8/10

✨龍莊 📍太古英皇道1001號8樓2號舖 #2tummies_太古 #2tummies_中菜 🍽️鮑汁花膠 (訂座送) 花膠大片厚身，口感煙韌，有好重嘅膠質感☺️鮑汁嘅味道都好香濃，兩者非常匹配👍🏻宜家有 訂座 優惠，提早一日訂座四人或以上晚餐就會送每位一客鮑汁花膠，非常抵玩🤩 🍽️春葉傘菌蒸肉餅 $128 肉餅比平時食開嘅彈牙、有口感😋肥瘦比例均勻，咬落有好多肉汁😌傘菌嘅鹹香同肉餅好爽，食落更有鮮味❤️ 🍽️鹽水鴨(半隻) $198 鹽水鴨肉質嫩滑，鹹度適中👍🏻值得一讚嘅係，好多道餸嘅底部都有個細爐仔幫手保暖，唔會話食到一半就凍晒🤩 🍽️黑松露和牛炒飯 $128 炒飯好有鑊氣，配上黑松露同和牛，香味更上一層樓😋 🍽️龍蟹膳 $688 -招牌蟹王煎腸粉 -上湯煮蟹 蟹膳唔但止打卡able，味道更加係一流🤤蟹香味濃，無論配煎香嘅腸粉，定係直接用上湯煮，都非常惹味😚 🍮特濃豆腐布甸 $28 豆腐味濃郁，質感細滑，清淡好味🥰 另外，龍莊仲有包廂房間可訂，啱晒家人/朋友聚會😋 (含服務費, 茶位) 味道😋 8.5/10 性價比💰 7/10 環境🔎 8/10 服務🫶🏻 8/10 打卡指數📸 8/10 ٩(˃̶͈̀௰˂̶͈́)و 推薦指數🥰 8/10

🍽️滋潤養顏雪蓮子桃膠椰子雞鍋 $238 個湯底幾足料，有唔少雪蓮子同桃膠，湯嘅味道都唔錯😋另外，有髀位嘅雞肉，肉質嫩滑👍🏻 🍽️新鮮牛胸爽 $98 牛胸爽一份有十大片🤤切得較薄身，尼點非常好，因為有時厚身難以掌控熟度。薄身大片，更容易滾到啱啱好，食落口感爽嫩、唔會好油膩☺️ 🍽️黃金脆蟮球 $78 蟮球新鮮炸起，口感非常酥脆，食到好重咸蛋黃味🥰打邊爐中間，食啲香口嘢去轉換口感，會覺得無咁悶😝 🍽️風花雪月手打丸拼盤$168 拼盤總共有6款丸，每款兩粒，兩個人一份就啱啱好🥰無論係手打蝦丸定墨魚丸，口感都好爽彈👍🏻當中，我哋最鍾意流心芝士墨魚丸、同手打鴨肝蝦丸，估唔到鴨肝同蝦丸嘅味都幾夾😋 🍽️手打魚麵 $58 魚麵好特別，咬落有少少彈牙，味道同口感都好似魚蛋，會話好似食緊條狀嘅魚蛋咁，好得意😝 🍽️山水滑豆腐 $28 🍽️秀珍菇 $38 (含服務費) 味道😋 8/10 性價比💰 6.5/10 環境🔎 7.5/10 服務🫶🏻 8/10 打卡指數📸 8/10 ٩(˃̶͈̀௰˂̶͈́)و 推薦指數🥰 8/10

🍽️招牌德國鹹豬手 $318 鹹豬手嘅份量非常多，真係有成公斤重🤣同Menu張相唔同，佢係已經幫你一塊塊咁切開，方便進食🥰外皮好脆身，中間有層薄薄嘅脂肪，肉質結實，配上特製芥末籽忌廉汁，味道一流、口感滿足😚 🍽️香煎雞肉忌廉青醬貓耳朵粉 $178 尼個pasta俾人一種好健康嘅感覺😌雞肉用咗雞胸嘅部份，但肉質又唔會好柴👍🏻青醬有好香嘅羅勒味，味道清新；貓耳朵粉口感有少少煙韌，我哋都好鍾意☺️ 🍽️豬皮脆片配牛油果醬 $92 豬皮脆片炸得好脆身，食落可以聽到好清脆嘅聲音👍🏻攞嚟送酒飲，會更加滋味😋 (含服務費) 味道😋 7.5/10 性價比💰 6.5/10 環境🔎 7.5/10 服務🫶🏻 8/10 打卡指數📸 7.5/10 ٩(˃̶͈̀௰˂̶͈́)و 推薦指數🥰 7.5/10

🍽️日式鐵鍋牛骨髓,鵝肝,雞蛋,牛柳飯 $298 職員會搬個架喺隔籬，喺我哋打完卡之後，即場炒勻個飯🤩鵝肝口感嫩滑，油脂感十足😋牛柳肉味濃郁，再加上撈勻咗牛骨髓同雞蛋嘅飯，邪惡度爆棚🤤 🍽️意大利風腿芝士焗西蘭花山 $68 尼個西蘭花望睇真係成座山咁🤣芝士唔係拉絲嗰種，但係都幾掛汁，加上火腿嘅油脂香，整體配合得相當好😚 🍹Fresh grape & apple yogurt soda $58 頂部嘅提子好清甜，份量都唔少😍另外仲有蘋果同檸檬嘅味道，再配以乳酪梳打，飲落非常清新🤩 🍹Pineapple hat $48 飲落唔會好酸，同埋個菠蘿真係好似頂帽咁，上面仲有啲焦糖，可以切開佢，食埋個菠蘿😛 🍰震震下梳乎厘奄列 $118 嗰日同行朋友生日，於是乎餐廳特登用上旋轉木馬底座，整到靚一靚俾我哋打卡🥰梳乎厘蛋味濃郁，質感方向，我哋影完相都仲保持到鬆軟，口感一流！！ 味道😋 8/10 性價比💰 7/10 環境🔎 7/10 服務🫶🏻 7/10 打卡指數📸 7/10 ٩(˃̶͈̀௰˂̶͈́)و 推薦指數🥰 7.5/10

🍽️泡菜豚肉豆腐鍋 $118 尼個鍋有好多唔同嘅材料：泡菜、白豚肉、沙自、鵪鶉蛋、芝心魚腐等，可以一次過試到晒😋另外，佢嘅湯底味道偏辣，鍾意食辣嘅你，一定要試埋個吸收晒湯汁嘅薯粉😚 🍽️幸福半筋半肉麻辣拌麵 $89 半筋半肉意思係採用咗牛嘅腱位，肉質比較有口感，食落唔肥膩，同時牛味非常濃郁🤤佢嘅麻辣醬非常惹味，配上硬少少嘅手工拌麵，簡直一流！ 🍽️古早花雕雞卷 $42 尼道菜嘅花雕酒味好濃郁，雞肉入晒味🥰同埋佢係做咗去骨嘅處理，食落啖啖肉☺️ 🍽️宜蘭蝦吐司 $42 面頭佈滿芝麻，外層摘得非常香脆，蝦肉嘅比例都算多，唔錯😋 🍹屏東荔枝烏龍茶 $12 🍹台南鳳梨烏龍茶 $12 味道😋 7/10 性價比💰 7/10 環境🔎 7/10 服務🫶🏻 7/10 打卡指數📸 7/10 ٩(˃̶͈̀௰˂̶͈́)و 推薦指數🥰 7/10

🍽️炭燒頂級封門牛柳(dinner set) $276 牛柳色澤鮮艷，香味飄逸🤤我哋揀咗五成熟，望相都可以見到廚師對熟度嘅把控、同牛肉嘅質素有幾好🤩封門柳牛味超級濃郁，肥位唔多但肉質仍然鬆軟嫩滑，而且外層煎得香但一啲都唔鞋，非常推薦❤️ -TABLE水果茶 (套餐+$20) -Oreo芝士餅碎杯 (套餐+$48) 🍽️香煎西班牙杜洛黑毛豬鞍架 (Dinner set) $244⋯⋯ 我哋對黑毛豬鞍架嘅印象非常深刻🥰肉質非常軟腍，煎完唔單止唔鞋，仲有幾有口感😋同埋佢嘅份量都幾大，好有厚度，啖啖肉，非常滋味😌 -荔枝綠茶 (套餐+$18) - 是日餐湯＋蒜香酸種包 (套餐+$38) 🍽️三色醬雞翼 $68 雞翼味道非常出色🥰而且係即叫即炸，送到嗰時溫度仲好熱，外皮超級香脆😋 🍽️焦糖香蕉比利時窩夫伴雪糕 $68 🍽️榛子杏仁朱古力蛋糕 $58 (含服務費) 味道😋 8.5/10 性價比💰 7.5/10 環境🔎 7/10 服務🫶🏻 7/10 打卡指數📸 8/10 ٩(˃̶͈̀௰˂̶͈́)و 推薦指數🥰 8/10

🍽️老壇子酸菜魚 $258 (二人份) 呢道餸上菜嗰時好得意，店員會大嗌佢哋嘅金句，好有氣勢😆酸菜魚嘅份量好大，有非常多嘅鱸魚，三個人食可能都夠😚魚肉厚切，肉質嫩滑無骨，啖啖都係肉🤤酸菜酸得嚟爽脆，酸菜同魚同樣非常好食❤️另外個湯嘅辣同麻調配得啱啱好，非常惹味，我哋再加咗啲餸去配埋個湯🙈 紅薯粉 $20 金针菇 $20 🍽️糊辣口水雞 $68 口水雞肉質嫩，而且加咗老乾媽，唔單止辣，麻味都非常重，食完好開胃😋 🍽️麻辣小酥肉 $52 小酥肉雖然炸過，低入面嘅肉唔會好乾，質感軟腍腍有肉汁，配上少少辣粉，食得好過癮🥰 🥤馬蹄好椰清補凉 $28 飲落好清新好潤，充滿椰子味，非常解辣😚有馬蹄、爆珠同啫喱，口感豐富😌 另外，餐廳超多人排，但原來可以經餐廳連結預先訂座，非常方便🥰 味道😋 8.5/10 性價比💰 7.5/10 環境🔎 7.5/10 服務🫶🏻 7.5/10 打卡指數📸 7.5/10 ٩(˃̶͈̀௰˂̶͈́)و 推薦指數🥰 8/10

4courses set dinner $398 (2人同行有88折😋) 🍽️香煎法國鵝肝|玉桂蘋果醬 鵝肝煎得幾香，多士非常脆身，配上蘋果醬，有油脂香之餘又唔會覺得膩🥰 🍽️勃根地燉安格斯牛面頰|意式玉米糕 牛面頰嘅份量都幾大，經過燉煮，質感非常軟腍，仲有少量充滿膠質嘅筋絡，口感非常好🤤 🍽️慢煮特選澳洲保濕豬肉眼扒|奇米秋里醬 醬汁有啲似食印度嘢好多時會見到嗰種，味道清新，有微微嘅酸同辣，仲有淡淡嘅草香味😌肉眼扒中心部分幾嫩滑，配埋個醬，食落幾惹味😋 ☕️貓頭鷹自家特調溶岩玫瑰朱古力 店員會喺你即場倒啲奶落朱古力度，泡沫慢慢升起，然後好似熔岩咁樣沿住個杯流出嚟，好治瘉☺️朱古力嘅可可味好香👍🏻 ☕️3D柴犬拉花芝麻Latte 隻3D柴犬勁cute🥰郁下個杯仲會搖下搖下，勁得意，超級打卡able😚 🍽️雜菌湯/京蔥海鮮湯 雜菌嘅味道比一般嘅濃郁；海鮮湯都幾鮮甜，仲有一粒粒蜆肉😋 🍮泡芙 紅莓同開心果味泡芙，有朱古力撻底喺下面☺️ 味道😋 7.5/10 性價比💰 6.5/10 環境🔎 7/10 服務🫶🏻 7/10 打卡指數📸 8/10 ٩(˃̶͈̀௰˂̶͈́)و 推薦指數🥰 7/10