鐵牛台灣牛肉麵 (希爾頓大廈)

營業中

休息中

一號風球，冇雨但天氣超熱35度又乾，人都乾咗…經過尖東原本想去嗰間好耐冇去的特色小型咖啡店食小食，飲下咖啡或下午茶，hea 下，放鬆下個人，但它原來收6pm….見隔離有間台店好多吉位，環境舒適，就係咁去咗間店試新嘢！因為麻麻哋想（下午茶）食麵，先叫住杯飲品解渴先：椰香、紫米、紅豆冰少糖少冰，都有點期待，見食評話食品唔差，相信飲品應該唔差，結果…..以為自己叫咗：淡味椰香、少紫米、少紅豆多冰限定飲….$46加10%；咁啱坐近收銀位，啲歌勁大聲，個人呢…放鬆唔到，頭都快爆炸😩在街邊叫杯台飲仲抵，又多款，味道又啱口味。其實都失望，之後連小食都冇叫….直頭要即寫食評表達下失望的感覺⋯⋯

📍 鐵牛台灣牛肉麵 (尖沙咀)🗓️ 6 May 2023這天打算到尖沙咀嘅科學館逛一逛，享受一個下午，所以出發之前先嚟到鐵牛食個午餐。不過尖沙咀呢間地下舖的確有啲難搵，我哋兜嚟兜去好多次先搵到。大家見到向下嘅樓梯同埋銀行，就唔好猶豫，行落去啦！第一次嚟到尖沙咀分店，舖頭比我想像中大同埋闊落，亦非常光猛，比人一種好舒服嘅感覺。入到舖頭大概3:30鐘左右，興高采烈諗住叫下午茶set嘅時候先發現原來星期六日係冇午餐set同埋下午茶set嘅，好可惜。最後我哋單點叫咗兩個拌麵同一杯飲品。🍴 麻辣擔擔夜市小香腸拌麵 $76🍴 香蔥肉燥鹽酥雞乾拌麵 $75兩個拌麵比較起來，我會鍾意麻辣擔擔拌麵多啲，麻醬加上辣油，非常惹味。不過都的確有啲辣，食唔到辣嘅話就揀返普通乾拌麵會好啲。台灣小香腸同鹽酥雞都好食，香腸嘅甜味配埋新鮮蒜片味道即刻豐富好多。下次會想試下鐵牛臭臭鍋，見到幾乎每枱都有點，睇落好吸引。

相信大家一定食過鐵牛嘅牛肉麵，但原來佢哋都有臭臭鍋俾大家打邊爐！今次就嚟個二人輕打邊爐食法！ 餐牌上總共有五個湯底俾大家揀，而且仲有追加配料，性價比超級高😋鐵牛臭臭鍋(微辣）＄108本身都已經超足料！配西班牙豬肉片、臭豆腐、鴨血、芋頭貢丸、米血糕、蜂巢豆腐，蟹柳、燕餃、雪枝揚、響鈴、娃娃菜、金針菇、蔬菜、粉絲、冬菇主鍋可以跟白飯或新竹米粉，或者加$8白飯可轉滷肉飯/芝麻海苔飯一個人未必食但兩個人又唔夠食，所以建議大家可以追加配料：+臭豆腐1份 $20+生菜 $10+鴨血4塊 ＄20+芋頭貢丸2粒 $12再唔夠食仲可以加多份小食添！鹽酥雞拼夜市小香腸 $46

又到晚上吃晚飯的時候，途經鐵牛台灣，就想吃台式火鍋，於是就入內光顧，入到店內服務員帶位，坐了位後就開始點餐，點餐要用手機鏡頭掃描QR code，進入點餐畫面後就點餐，這次點了原味石頭小火鍋，大約十五分鐘左右餐到了，湯底用豬骨餚製而成，很清甜和不咸，火鍋料也很充足，有蟹柳，魚皮餃，生菜，娃娃菜，蘿蔔，炸豆腐，黑毛豬肉，冬菇，新竹米粉，牛丸和金菇菜等，另外可以跟餐添加火鍋料和飲料，跟餐點的飲料價錢比單點飲料的便宜一半，添加東西要找服務員跟進，這次另外點了鴨血，花枝丸和特式飲料凍屏東香水檸檬紅茶，食物和飲料到齊後就開始吃，火鍋料夠新鮮全都好吃，花枝丸夠大粒和彈牙有口感，值得推薦點花枝丸，新竹米粉夠柔軟容易入口，凍屏東香水檸檬紅茶也夠大杯，而且很好飲和夠冰凍，火鍋的份量也夠大，吃完後己經很飽，店內環境舒適整潔，冷氣夠涼，座位寬敞舒適好坐和燈光夠亮的裝潢格局，服務員的態度也很好，整體上很不錯，下次再來光臨

又到晚上吃晚飯的時候，途經鐵牛台灣，就想吃牛肉麵，於是就入內光顧，入到店內服務員帶位，坐了位後就開始點餐，點餐要用手機鏡頭掃QR code，進入點餐畫面後就點餐，這次點了半牛筋和半牛肉麵，蕃茄湯底，大約十五分鐘左右餐到了，於是就開始吃，湯底有濃郁的鮮茄味，很酸甜好飲，牛肉和牛筋入口即熔有口感，麵條夠彈牙，份量適中，賣相也不錯，店內環境舒適整潔，冷氣夠涼，座位夠寬舒適好坐和燈光夠亮的裝潢格局，服務員的態度也很好，整體上很不錯，下次再來光臨

📍地址：🍚食物台灣鐵牛 39+6蚊就有野飲麵條好食 食緊就好似返咗去台灣 有台灣的味道野飲叫咗杯奶茶 好彩不甜 剛好 下次一定要叫珍珠 而鹽酥雞 覺得味道𣎴太夠味 可能因為唔夠熱 出唔到鹽酥的味見佢出咗個火鍋 下次要試埋佢 唔知台灣麵放入火鍋入邊係點呢 🏠環境店舖空廣 坐得舒服 同朋友聚餐都係一個唔錯嘅選擇 尤其係下午茶的時間🌟總結推介指數：⭐️⭐️⭐️環境指數：⭐️⭐️⭐️⭐️服務指數：⭐️⭐️⭐️#🐳肥肥食記🐳

第一次試咗牛肉牛筋面同臭臭煱。牛肉麵味道普通，茶木贏佢九條街！臭臭煱食材唔太新鮮，味道又唔好。職員個個黑口黑面，想叫職員弄熄火煱的火，第一個男職員應完無人影。第二女職員叫咗兩次都唔采你，以後無下次！！😡價錢又唔係平，味道又唔算出色！個個職員都係啞嘅！差⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯

我咁多年都係「鐵牛嘅鐵粉」，差唔多咁多間都食過，仲成日叫外賣。尖沙咀店裝修夠光，木系Muji無印style；職員個個服務主動，有禮貌，特別係2月5號晚市嘅帶眼鏡男職員，值得一讚！！知道尖沙咀有新出一人一鍋，臭臭鍋，非常支持，啱哂我呢個牛魔王打邊爐怪。另外點解鍾意鐵牛，因為價錢抵食，份量啱哂我呢啲乜都想試，眼寬肚窄嘅人，所以有埋一人一鍋，覺得超正，滿足哂所有願望！！個火鍋價錢$100以下，但材料好豐富，跟餐加多碟牛都只係$20，加$8仲有埋滷肉飯，真係好抵！！屋企人仲叫咗小食：鹽酥雞拼小香腸，同滷水拼盤。飲品：百香果QQ同珍珠奶茶，都非常OK～ 個杯嘅圖畫都好搞笑。「鐵牛嘅鐵粉」會再encore！！

去開尖沙咀行街 又撞啱午飯時間 又想飲杯珍珠奶茶 就想起鐵牛嘞 店內環境光猛 非常寬敞 卡位舒適點了炸花枝丸拼麵 花枝丸非常彈牙 味道很不錯 麵食份量中規中矩 如食量大未必夠食🤭食物價錢亦配合地理位置

不是想叫大家吃葷，奈何最近頭暈腳軟，需要補點血，叫了牛肉飯，立刻充滿力量（感謝為這頓犧牲的大地萬物）希望自己下次還是可抵擋美食的誘惑。鐵牛台灣-滋味叫人不能忘記。

好耐冇去尖東行下，今晚就同老公舊地重遊拍下拖，老公重帶我去食鐵牛台灣牛肉麵，餐廳裝潢高雅，地方整潔，燈光明亮。一人火鍋有四款不同口味的湯底選擇，基本材料有芋頭貢丸、豬血糕、蟹柳、蜂巢豆腐、燕餃、雪枝掦、響鈴、雞蛋、娃娃菜、金針菇、蔬菜、粉絲、冬菇。肉類有配安格斯牛肉片或西班牙豬肉片每款煮鍋配白飯或新竹米粉。火鍋材料新鮮，丸類爽口彈牙，蔬菜類林甜，肉類切得厚薄適中，油香與肉味比例平均。雙重芝士牛奶鍋：奶白色的湯底充滿牛奶和芝士味，味道香濃，除咗基本材料，還有芝士丸、車打芝士，配西班牙豬肉片和珍珠白飯，豬肉片纖維較細緻，肉質柔軟且滑潤，芝士丸內芝士餡料味道香濃，口感彈牙。香濃番茄爆蔥鍋：配西班牙豬肉片和新竹米粉，紅卜卜的蕃茄湯底味道酸甜，加埋豐富的配料和新竹米粉，米粉吸收湯底精華，爽口又帶蕃茄味，越食越滋味！火鍋可另加配：鴨血軟嫩有嚼勁，味道是偏溫和的麻辣味。花枝丸超彈牙又爽口。西班牙豬肉片肉色鮮紅, 味道甘香, 軟腍多汁。脂肪分佈如大理石紋、油潤甘香，肉嫩多汁。小食木魚炸豆腐：豆腐外皮好脆口，內裡豆腐好嫩滑，配上甜酸醬好惹味！夜市小香腸拼鹽酥雞，小香腸口感紮實，嚼勁十足，煙韌多汁。鹽酥雞

好耐冇食炸嘢同飲百香果qq，叫左排骨肉燥拌面十分咸，排骨頭3塊都可以接受，都易咬，之後就覺得好肥膩同埋好粉。太耐冇食飲品都轉左外賣杯，中意之前透明耳仔杯多d，可以睇到入面有咩餡同埋有冇曱甴，底下好甜但又攪吾開😔。轉左用Qr code落單都好吾洗行黎行去。

很久之前吃過一次臭臭鍋，令我想再食，知道鐵牛也有這款一人份臭臭鍋，就相約朋友來尖東晚餐。餐廳環境光亮整潔，裝修舒適，還有VIP房有私人空間。鐵牛臭臭鍋配安格斯牛肉片 $118安格斯牛肉片上桌時還是生的, 但火力很猛,不一會就熟了, 牛肉鮮嫩而牛香濃郁, 臭臭鍋的配料也很多, 有臭豆腐、鴨血、芋頭貢丸、米血糕、蜂巢豆腐、蟹柳、燕餃、雪枝揚、響鈴、娃娃菜等,重點當然在臭豆腐, 細細粒但味道非常濃郁, 難得一見, 鴨血也都特別,外表像豬紅但口感較Q彈, 燕餃有點驚喜, 長條形以燕皮包著豬肉, 雪枝揚即是花枝丸, 也很鮮味,臭臭鍋湯底濃郁帶辣很惹味, 新竹米粉小小一碗煮起來卻有好多份量很飽足, 最後推介另外叫一份金菇, 最適合配濃郁湯汁吃。大甲椰椰芋香$23 感恩珍珠奶茶$21兩杯飲品杯子採用不透明, 設計銀色好有cyber feel, 兩款飲品味道自然, 不會太甜, 芋香味幾突出。紅蔥燙青菜$35加添纖維攝取之選, 份量比想像中多, 加上紅蔥吃著感覺沒那麼沉悶。小時候排骨台灣便當$96巨大的酥炸排骨, 入口酥脆鬆化, 三角造形的飯淋上滿滿的魯肉醬汁, 用量一點也不省, 味道很有台灣風味, 還

又好凍啦，今年香港凍既日子好似比之前多左，都好既，有番個冬天感受下，凍既日子最好就係打邊爐架啦都好一陣子無食尖東分店，原來裝修左，而家光猛左好多，成間野光鮮曬，感覺幾好桂花烏龍冷泡茶（$16）、大甲椰椰芋香（$23）跟餐可以優惠價叫飲品，大甲椰椰芋香好香芋頭味，唔記得叫小甜但都唔會太甜紅蔥燙青菜（$35）、牛二寶小拼盤（$68）、逢甲鹽酥雞（$39）牛二寶有牛腩同牛筋，炆得入味同夠淋，鹽酥雞比一般台店整得出色，炸醬外層唔厚，入面係淡淡雞肉鐵牛臭臭鍋（$98）叫左兩款臭臭鍋，如果想食安格斯牛肉片就要加$20，本身係跟西班牙豬肉片，另外可以揀跟麵或者飯，臭臭鍋個臭味就係黎自臭豆腐，材料仲有豬紅、響鈴、豬大腸，米血糕、菇、粉絲，最俾到驚喜我就係粒芋頭貢丸，有粒粒芋頭，好好味

屋企人鍾意食台灣菜，今次帶佢嚟到尖沙咀既鐵牛食台灣菜。餐廳環境走小清新路線，都幾適合打卡。食物款式都幾多，而且價錢親民。香濃蕃茄爆蔥鍋($118)蕃茄湯味道幾清新，酸甜開胃，肉方面都揀咗西班牙豬肉片，都有4大塊，偏瘦少少，有肉味。另外火鍋配料包括:芋頭貢丸、米血糕、蜂巢豆腐、蟹柳、雪枝揚、響鈴、娃娃菜、金針菇、蔬菜、粉絲同埋冬菇。個人最鍾意芋頭貢丸，食到好香芋頭蓉🤤另外火鍋可以配飯或者新竹米粉，屋企人叫咗新竹米粉，索晒啲湯汁都幾正😆台灣本味麻辣鍋($118)一上枱就聞到陣陣既麻辣味，都幾夠辣，有麻香，火鍋配料基本上同其他鍋都係大同小異，呢個就多咗鴨血，口感幾滑。肉就加左$20配安格斯牛肉片，肉味係有既，不過容易俾麻辣湯嘅味道蓋過。鹽酥小拼盤($48)拼盤包括有鹽酥雞、花枝丸同埋脆薯，個人比較鍾意脆薯，炸得香脆，面頭灑上甘梅粉，酸酸甜甜幾特別，而且番薯味道都幾香。花枝丸都彈牙，食到少少花枝粒，幾有咬口。鹽酥雞鹹香，如果肉質再滑身少少就好啦。飲品方面就叫咗大甲椰椰芋香，幾香芋頭味，唔會好甜。雲林縣蜂蜜檸檬酸酸甜甜幾開胃，啱晒打邊爐