鐵牛台灣牛肉麵 (希爾頓大廈)

同朋友喺尖沙咀行到攰，專登嚟希爾頓中心呢間「鐵牛」食台灣下午茶。餐廳光猛乾淨，卡位坐得舒服，傾計一流！▪️麻辣擔擔私房牛肉拌麵：必食推介！一上枱就見到用心滷製嘅金錢腱，厚切軟淋入味；仲有骨膠原爆炸嘅牛筋，炆到黏口又彈牙，個麻辣擔擔醬香濃惹味，撈勻食真係無得頂！絕對係總鋪師級數嘅私房菜。▪️小時候排骨台灣便當：懷舊鐵盒好有feel！排骨炸得香酥，肉質唔鞋，配埋滷肉飯同幾款小菜，份量足又夠地道。▪️木魚炸豆腐：外脆內嫩，木魚片喺上面跳舞，點甜辣醬食好開胃。▪️麻辣鴨血豆腐粉絲鍋：鴨血滑溜冇異味，豆腐索盡湯汁，麻辣湯底香醇唔死辣，粉絲掛湯力強。🍹 飲品有心思▪️（冰）宜蘭金桔檸檬蜜（少糖）：金桔同檸檬嘅酸甜平衡得啱啱好，清新解膩，飲完成個口好refresh！▪️（冰）美式咖啡：正常發揮，咖啡味醇厚，用來提神不錯。▪️滷肉飯嘅肥肉比例稍為多咗少少，怕肥嘅朋友可能要撈開食。總結：呢度食材新鮮有誠意，尤其係碗私房牛肉麵，真係食到廚師嘅用心同手功！環境舒適，絕對會為咗骨膠原牛筋同金錢腱再encore！…查看更多

和朋友來到尖東希爾頓大厦的「鐵牛台灣牛肉麵 」食晚飯，店舖光猛開揚，窗明機淨，座位寛闊舒適。餐牌上的食物總類也很多。火鍋賣相非常吸引，當然要試啦！《香濃蕃茄爆蔥鍋配安格斯牛肉片》$148小火鍋食物總類多，有芋頭、貢丸、血米高、蜂巢豆腐、蟹柳、魚餃、魚豆腐、響鈴、蕃茄、雞蛋、娃娃菜、金針菇、粉絲、冬菇和蘿蔔。每樣一件，夠晒多元化，也可以吸收不同的營養。蕃茄湯底清甜，薄薄的牛肉片輕輕芍一下就食得，還可以自選跟飯或新竹米粉，值得推薦。《總鋪師私房牛肉麵》$88喜歡吃牛的朋友一定不要錯過這碗牛肉麵，有金錢展、牛肋條、牛筋、牛肚絲，份量足夠，牛肋軟腍入味，牛筋彈牙，牛肚絲爽口，湯汁味道恰到好處，樣樣都好吃。《綜合滷味拼盤》$58 鹵水蛋、鹵大腸、豬耳爽滷味拼盤每樣都非常入味，尤其是豬耳，又爽又腍，口感一流。《酥炸花枝丸》$40大大粒的花枝丸外酥內嫩，非常彈牙，好正。《紅豆珍珠奶茶》$38《宜蘭柑桔檸檬蜜》$32…查看更多

✿ 鐵牛臭臭鍋(微辣) $128尤其適合最近天氣，食完都暖和起來臭臭鍋料超多不詳列了，參見圖🤣多樣化又好味重點的臭豆腐有臭到‼️😍喜歡臭豆腐的必點✿ 總鋪師私房牛肉麵 $88牛肉麵也是高質😍湯底清伴藥膳甜，肉肉分量多，軟嫩不柴又入味；分量大，友人小鳥胃吃不完，我忍不住幫忙包底清碟😬兩份主食都好推薦‼️😚 ✿ 魚酥皮蛋豆腐 $45✿ 紅蔥燙青菜 $38清淡口味的可以跟我們選這兩款，豆腐可走醬，青菜可選白灼，減脂友好🤘 ✿ 柳丁椰果綠茶 $36✿ 大甲椰椰芋香 $36可以客製化去糖少冰，貼心加分👍椰果綠茶不錯，大大枝，清新，去糖後完全不甜，非常好😜芋香奶沒有芋泥本人，對我來說就一般了(._.)…查看更多

突然掛住台灣味道，行過尖沙咀見到「鐵牛台灣牛肉麵」，店舖夠闊落，坐低完全冇壓迫感，就入去試下！ 必點招牌總鋪師私房牛肉麵（$88） ，一碗入面有金錢肚、牛肋條、牛筋同牛肚絲，每樣都夠晒入味！特別係塊牛筋，入口軟腍得嚟又帶少少嚼勁，膠原蛋白滿滿，女士食咗實鐘意！湯底濃郁唔會鹹膩，撈埋麵食簡直停唔到口。 鐘意辣嘅朋友，麻辣鴨血豆腐粉絲鍋（$58） 千祈唔好走漏！鴨血滑嘟嘟，完全冇腥味，麻辣汁滲透晒入面，咬落仲有汁爆出嚟；豆腐同粉絲吸晒啲精華，麻得過癮又夠香，但唔食得辣就記得避開啦～ 仲有鹽酥雞拼夜市小香腸（$48） ，簡直係台灣夜市還原！小香腸配埋蒜片夾住食，鹹香惹味；鹽酥雞外皮脆卜卜，入面肉質嫩滑，唔會乾柴。…查看更多

呢間已經食過幾次，因為真係好抵同好食仲要有好多間分店，今次終於忍唔住要推介吓俾大家雖然叫主打牛肉麵，但其實佢仲有好多其他台灣嘅美食，款式多元化👍叫咗個鹽酥小食拼盤，啲炸物全部新鮮即炸，上枱嘅時候熱辣辣，個人最鍾意食佢個炸花枝丸所以忍唔住嗌多碟😂出邊炸到金黃色好脆口，但入邊啲肉好紮實爽口，調味恰到好處餐廳主打嘅鐵牛牛肉麵，湯底都係用牛肉熬出嚟，幾好唔會好鹹蓋過啲牛肉同埋麵。面嘅質地正正係我最鍾意，粗身得黎夠咬口👌另外一個主食就叫咗個幾入味嘅火鍋！湯底揀咗麻辣鴨血🤤鴨血超級好食，加埋啖紫菜飯入口真係無得輸。成個火鍋嘅配料都好多，入邊仲有粉絲，所以其實淨係食呢個都好夠飽👍兩杯嘢飲個人好鍾意愛玉冰茶，都係嗰句煙靭有咬口😆正…查看更多

1️⃣原味石頭小火鍋:味道中規中矩，一人份量好夠，勁飽！我哋叫咗新竹米粉，好幼，可以掛到汁！佢嘅西班牙豬肉片好腍，幾好味~呢個鍋適合鍾意口味比較清淡嘅朋友仔~佢嘅火鍋有好多選擇，下次會想試吓佢嘅麻辣鴨血火鍋😋2️⃣總舖師私房牛肉麵：湯底味道好濃郁，佢嘅牛腩同埋牛筋都好大塊，好足料！牛筋比較有咬勁，個人比較鍾意腍少少嘅牛筋🙈蘿蔔都好甜~佢有好多唔同嘅面揀，我哋揀咗台南刀削麵，質地好滑，口感唔錯~但下次我會揀米粉，因為佢嘅牛肉湯底好好味，米粉比較可以掛到汁!3️⃣鹽酥小拼盤：拼盤上面寫咗梅粉，唔鍾意梅粉嘅客人，記得同佢哋講聲~最鍾意佢嘅炸花枝丸，因為佢裏面唔會好乾，仲可以咬到粒粒嘅花枝😋4️⃣夜市小香腸:味道中規中矩~我本人唔鍾意食蒜，所以冇夾蒜食🙈份量足夠，建議同朋友share~📍尖沙咀加連威老道96號希爾頓大廈LG樓28號舖(PolyU附近)…查看更多

今晚嚟到尖東店點咗個紅燒蕃茄牛肉麵，味道OK … 加杯草莓牛奶爆珠、味道有啲太甜 … 加埋加一就要$125。比較差嘅係門口負責收錢嗰位店員（可能係店長） … 明明係企咗喺度，唔知數緊啲乜嘢 … 總之就係當兩個客等緊透明。我企咗喺度5分鐘都唔收錢。佢一句都唔識同個客講：1. 唔該等等2. 唔好意思要你等咁耐3. 多謝嘢食雖然唔差，不過次次食完好口渴。應該放咗唔少味精。咁樣嘅服務，加上只係用QR code落單。埋單又要個客去門口俾錢。唔明點解仲好意思收加一服務費？ 應該唔會再嚟！😡…查看更多

位於尖東嘅🌟鐵牛台灣牛肉麵🌟，除咗主打嘅台灣牛肉麵🍜外，同時供應台式鍋物♨️及便當等，人均都係一百左右，性價比唔錯👍🏻！🍱小時候排骨台灣滷肉便當 $79排骨係古早口味，炸得夠香口，滲去陣陣香料嘅氣味！滷肉飯做到肥而不膩，唔錯！♨️香濃蕃茄爆蔥鍋 - 安格斯牛肉 $148包含十幾款索湯配料嘅台式鍋物，配埋白飯/新竹米粉，份量豐盛！蕃茄湯底都幾香郁，帶蔥香同埋天然嘅甜美，幾好！🔥鹽酥小拼盤 $56包含三款台灣夜市熱門炸物：鹽酥雞、花枝丸、脆薯！🌶️麻辣鴨血豆腐粉絲煲 $56熱鍋上菜，好香！麻辣味適中，鴨血夠滑，豆腐粉絲同埋娃娃菜勁索湯，十分惹味！🧋感恩珍珠奶茶 $34｜鴨屎香狂打檸檬茶 $36餐廳供應多款台式手搖飲品！…查看更多

同仔仔響尖沙咀辦些事之前，在附近一間食台灣牛肉麵的店舖食咗晏先，未到公司食晏時間，人流唔算多，單邊一排卡位，唔太逼好舒服！因為午飯時間所以冇套餐，但一碗麵加些錢可以有主食、小吃和飲品，價錢都算合理！總舖私房牛肉麵（人氣之選）香濃牛肉湯加埋淋滑牛肉，麵底軟硬適中！鐵牛台灣牛肉麵 （半筋半肉麵 ）都係用牛肉湯底，牛筋真係好稔， 牛肉夠入味，兩款牛肉麵要加入酸菜一起食，提升牛肉麵的味道，份外滋味！小吃有紅蔥燙青菜、逢甲鹽酥雞，外微脆帶有鹹香味！有菜有肉好滿足！仲有夜市小香腸，在腸上面加片生蒜片，如果喜歡食蒜片的會特別鍾情！飲品係鴨屎香狂打檸檬茶和嘉義檸檬冬瓜茶，兩者都用（黃金比制作），下午天氣仍然悶熱，嘆返杯冰凍檸檬茶都好爽！…查看更多

@鐵牛台灣牛肉麵今日去咗尖東唱lunch K，唱完之後周圍行下啦，經過呢間位於地庫嘅鐵牛牛肉麵，半圓窗口望入去見到環境唔錯，感覺幾舒服，我又好耐冇食過台灣嘢，就即管試下！㊙️見到餐牌寫湯頭係用🐄牛大骨燉煮，並加入爆炒牛肉和大量蔬果🥦🥕🥒🍅慢火熬製嘅湯，最重要係冇味精，我估都冇得輸，所以我哋每人嗌咗一個牛肉麵📌鐵牛台灣牛肉麵（半筋半肉麵）+$3轉新竹米粉湯汁方面，牛味好濃，但絕對唔咸，可能加埋啲蔬果熬製帶少少蔬果清甜味，牛筋炆得好淋好入味，啖啖充滿骨膠原，入口即化，非常黏嘴，而牛肉切到大大舊都炆得好淋，好有咬口，兩種唔同嘅口感，超滿足。米粉係偏幼嗰種，吸曬啲湯汁，超好味📌總舖師私房牛肉麵有金錢展，牛肋條，牛筋和牛肚絲，各有唔同嘅口感，軟嫰，爽彈....牛肉麵口感彈牙又嚼勁，掛上湯汁亦有另外一番風味📌宜蘭柑桔檸檬蜜(熱)柑桔檸檬蜜，清新又潤喉，還可以解油膩📌滋潤蜂蜜檸檬(熱)蜂蜜滋潤，檸檬又可解膩，甜度啱啱好📌酥炸花枝丸花枝丸炸到外脆內軟，Q彈紮實，還咬到入面粒粒嘅口感📌櫻花蝦粉絲娃娃菜用瓦煲上，用火慢慢加熱，粉絲索埋湯汁，正櫻花蝦大大粒，完全冇欺場總結：我覺得呢間台式小店食物質素高，真材實料，感覺到廚師用心烹調食物，最欣賞就係冇加味精，回家都唔覺得口渴，環境舒服又寬敞，價錢合理，午市和下午茶重免收加，一定會在encore❤️…查看更多

尖東附近有間台灣菜好出名好多分店 店舖好闊落兩個人都安排咗一個大卡位 坐得好舒服👍🏽👍🏽行入舖頭見到好多人都食火鍋，但我哋今日想食吓麵😋😋我哋叫咗麻辣擔擔夜市小香腸拌麵自己比起湯面，更加鍾意呢個拌麵 唔算好辣，啱晒我唔係太食得辣 但係又好惹味👍🏽👍🏽👍🏽鐵牛手沖涮涮牛肉麵湯底超級濃郁 牛肉好腍 麵條吸晒湯汁嘅精華 紅燒牛肉麵真係成日食 呢個係幾高質👍🏽👍🏽綜合滷味拼盤好入味，特別鍾意豬耳好爽口👍🏽酥炸花枝丸炸得啱啱好，一咬開好多汁😍 凍南投縣百香果QQ食完鹹嘢飲呢個好解膩 酸酸甜甜非常解渴👍🏽凍大甲椰椰芋香台灣風味嘅芋頭飲品 椰香味好重 唔會太甜👍🏽👍🏽👍🏽見到隔籬枱嘅鍋物好吸引 下次會再嚟試吓👍🏽👍🏽…查看更多

今日同朋友路過尖沙咀，想搵好西食。咁啱喺Openrice見到呢間餐廳，比佢嘅招牌火鍋吸引咗，於是決定一試。餐廳俾我想像中闊落，而且裝潢都唔錯。侍應安排咗我哋坐卡位，卡位嘅位置大概可以坐到四至六個人。我哋嗌咗首先吸引到我哋嘅香濃蕃茄爆蔥鍋，配安格斯牛肉🥰唔可以唔講，佢嘅配菜真係好豐富，蕃茄濃湯都好入味牛好鮮嫩，大推！小時候排骨台灣便當睇相都覺得好精緻，滷肉夠肥夠入味。排骨酥脆可口，仲有小配菜可以解膩同樣推薦綜合滷味拼盤滷味非常入味，最鍾意佢嘅滷蛋。另外豬耳爽脆有咬口，值得一試。鹽酥雞拼夜市小香腸鹽酥雞好酥脆，香腸外脆內軟，亦有輕微嘅蒜味點綴。有時候紅豆珍珠奶茶愛玉Lemon凍飲第一次飲紅豆珍珠奶茶，覺得好有創意。另外檸檬凍飲真係大推食完煎炸嘢之後，酸酸甜甜嘅飲品適合解膩整體而言，下次都會再嚟幫襯。…查看更多

位置寬敞 ～ 坐得好舒服🥰勁多選擇 ～ 除左台灣出名既牛肉麵 便當等等仲有好多款地道小食可以揀！小時候台灣排骨便當 $793款拌菜都好好味 開胃到我食指大動😆略嫌跟餐嘅滷肉飯唔夠多汁 食到一半會唔夠汁多返少少醬汁就perfect😝排骨炸到勁酥脆 而肉質仲保持到鮮嫩多汁簡單調味 已經好好食🤤鐵牛台灣半斤半肉牛肉麵 $78湯底我揀咗麻辣湯 要另外加$6辣辣地嘅湯配上大量酸菜 好惹味牛肉同牛筋都炆到好軟腍 好入味尤其係牛筋十分之出色！！一咬就係嘴入面化開 😍 滿滿嘅骨膠原 鹽酥小拼盤（下）$56有甘薯條 花枝丸 鹽酥雞 綜合滷味拼盤（上）$58有滷蛋 豬耳 大腸每一樣都滷得好入味👍🏻香水檸檬紅茶 $28食完咁多炸嘢最岩飲佢黎解油膩～用左香水檸檬檸檬味特別出檸檬冬瓜茶 $30 冬瓜茶加左檸檬感覺好清新 推介❤️‍🩹如果想重味啲仲有幾款調味料比你自己加…查看更多

今日行完了尖沙咀，剛好想去吃台灣菜，於是便來了這餐廳吃晚餐。肉燥鹽酥雞乾伴麵（$58）：肉燥的香氣濃郁，調味恰到好處，讓人吃了一口還想再來一口。鹽酥雞外皮酥脆，內裡鮮嫩，非常好吃。鮮嫩的鹽酥雞與肉燥相融合，使得每一口都能夠享受到肉類的豐富口感，搭配麵條的滑順，形成了美妙的口感對比。椒麻牛肚絲（$35）：牛肚絲保留了嫩滑的口感，與椒麻的香味相結合，讓人食欲大開。牛肚的彈性和醬料的麻辣感相得益彰，兩者融合在一起，形成了獨特的口感層次。椒麻的風味在這道菜中十分突出，特別是花椒的香氣和微微的麻感，使整道菜更具特色。木魚炸豆腐（$38）：木魚炸豆腐的外皮酥脆，而內部的豆腐則保持了柔軟的口感。這種外脆內軟的對比讓人十分滿足，咬下去時發出酥脆的聲音，令人垂涎。番茄湯紅燒牛肉麵（$68）：番茄湯紅燒牛肉麵是一道結合了番茄的酸甜和紅燒牛肉的濃郁香氣的美味料理。番茄的清新和酸味與紅燒牛肉的醇厚相互融合，形成了一種獨特的風味。湯色紅亮，香氣撲鼻，喝上一口便能感受到湯底的鮮美和豐富的味道。牛肉肉質軟嫩，易於入口。紅燒的調味使得牛肉更添風味，但不會過於油膩。…查看更多

以前經常來鐵牛，今次一來，發現晚飯選擇繁多，座位更舒適。鹽酥小拼盤香脆的鹽酥炸物包括了炸花枝丸、炸黃金薯和鹽酥雞粒。面頭佈滿調味的梅子粉，酸甜味加上酥炸味香而不膩。涼拌小黃瓜清香的小黃瓜，配有清爽的醬汁很開胃。雙重芝士牛奶鍋 配安格斯牛肉片雙重芝士真的名乎其實，湯底非常濃郁的芝士味道，內裡的配菜如蜂巢豆腐、蘿蔔及娃娃菜等都吸滿了牛奶鍋的味道。配上安格斯牛肉片非常吸引。轉了滷肉飯配牛奶鍋，油香滿滿。總鋪師私房牛肉麵牛肉麵香味十足，湯底用了牛肉湯，帶有油香和牛肉味。牛肉軟硬度適中又入味，份量亦很多。（冰）感恩珍珠奶茶奶茶味味道突出又不會過甜，是能品味到茶味的奶茶。（冰）草莓牛奶爆珠一粒粒甜甜的爆珠與草莓牛奶一同流入，很是香甜。…查看更多