銘興山西刀削麵 (大同新邨) (已搬遷) 新店位置

贏在口感線嘅刀削麵，真係好好味！不過，有唔少刀削麵專門店係用機削或者一早削定，但大角咀嘅銘興山西刀削麵標榜純手工製作，即叫即削，真係好有誠意，而且刀削麵可揀冷拌、熱拌同湯麵三款選擇，任君選擇。不過今日A姐話佢唔想食澱粉質，所以我哋只係叫咗一碗刀削麵配大量小食，估唔到小食份量都唔少呀！酸蘿蔔枱面上放有自家製酸蘿蔔，酸酸微微，非常開胃！而且呢度嘅小食味道都偏濃偏辣，所以間唔中食番啲酸蘿蔔中和番，更有醒胃嘅效果。但重點可以可以無限任食，令酸蘿蔔成為其中一個小食啦！涼拌青瓜好足料大大份，味道酸甜，青瓜新鮮爽脆，非常開胃！花雕醉雞花雕醉雞係銘興山西刀削麵嘅皇牌之一，雞肉索晒花雕香味，但酒味又唔會太搶，味道啱啱好，而且雞肉又嫩又滑，好好味！伴碟仲有隻溏心蛋添，流心之餘，蛋香十足。麻辣雞翼雞翼揀咗小辣，雞翼皮脆肉嫩，但重點係索晒麻辣味，充滿麻香味，愈食愈辣！麻辣金沙骨金沙骨同樣揀咗小辣，一碟有4大大舊，肉食者一定會流晒口水，而且金沙過充滿肉汁，好juicy！不過，大大舊嘅金沙骨令嘴細嘅A姐就有啲困擾，令佢唔可以好優雅咁品賞喇，哈哈！麻辣豬軟骨刀削麵豬軟骨同湯麵分開上，咁樣就唔會令豬軟骨嘅味道沖淡。麻

Best noodles ever in tai kok tsui!!!!刀削麵好煙韌！啲汁又麻又辣 好惹味手撕雞超多 食極都有🤣🤣🤣午餐必選 冷熱都咁好食!!推介👍🏻👍🏻👍🏻

平時喺屋企都好鍾意食刀削麵，出街食就真係好少啦，原來都有幾多餐廳係主打刀削麵嘅。今日去大角咀就係食咗一間刀削麵餐廳，佢同我平時自己煮開嘅唔同，佢係主打冷拌或者熱拌，即係撈麵🤣🤣我哋叫咗好多嘢食，因為Menu太多，花多眼亂，又眼闊肚窄， 最尾試完之後呢，有幾個係比較出色嘅第一個一定要嗌嘅係麻辣東坡肉😎😎個麻辣可以俾你揀要咩辣度，而個東坡肉層層肥肉同瘦肉分明，咬落去唔會乾爭爭，因為啖啖都伴隨住油香🤤 佢仲要係厚切，一大舊咁食落口，真係人間極品，不過就有個弊病，就係食完好飽😅 佢一碟有三件，我食咗一件已經食唔落喇🙈另一個都非常出色嘅係佢個花雕醉雞，隻雞嘅骨好細，啲肉好大件，最重要嘅係個師傅唔會切到薄切切，舊舊厚切咁食，真係人生一大享受🥰 佢嗰隻花雕酒唔算好濃，淡淡地，幾啱我胃口， 同埋花雕醉雞係會跟兩邊糖心蛋，啱晒啲鍾意食蛋嘅人士😋另外個拌麵真係不錯不錯，撈埋啲青瓜絲，芝麻醬，花生碎等等，食落口又好夾喎😆😆下次返屋企都可以自己試吓整，我哋個拌麵就叫咗豬頸肉同埋牛筋腩，相對啱啱食嘅醉雞同埋東坡肉，呢兩個反而冇咁出色，不過都係好食嘅，但係前者食落去真係10分大嘅驚喜，所以如果你想試埋呢啲，建議你

今晚又又又又又黎到食刀削麵每一次都係呢兩個餐真係百食不厭每個月至少二到三次男朋友最愛的麻辣雞扒刀削麵餐雞扒份量大，煎得好香口配上佢嘅自家製麻辣醬，真係好野味旁邊嘅花生炸得好香脆我最愛的麻辣香雞刀削麵仈量大又充足，一碟有半隻雞的份量雞肉夠滑，斬骨都好靚仔唔會一口碎骨愛辣的朋友一定要叫大辣多醬但麻辣醬加埋啲蒜，真係勁香對我黎講大辣都係唔辣反而係好香佢嘅麻辣醬係連啲肉一齊上，大家可以就自己份量撈返落湯刀削麵夠滑夠彈，份量好多，女仔未必可以食晒，未落辣醬嘅湯底帶少許甜美中不足嘅係唔知呢排師傅係咪換咗人，覺得個面冇之前咁彈同薄身左佢個麻辣醬，簡直係靈魂伴侶令我百食不厭，可以一次又一次再食的美食呢一間cp值極高

銘興山西刀削麵 (大同新邨) (大角咀)大角咀埃華街89-105號大同新邨L座大衛樓地下4B號舖有一個食極唔肥，會清枱的伴侶，好處就係可以叫好多嘢食，試好多款唔同嘅食物，係開心🥳東坡肉飯$45東坡肉燜得夠淋，皮入口即溶，肉鬆軟。飯夠大碗一定飽。花雕醉雞刀削麵$56熱湯麵，麵質爽滑彈牙，有質感。醉雞入味，濃郁花雕香，雞肉嫩滑，好惹味。流心蛋超滑。涼拌海蜇$42極爽口，掛滿辣汁好香口。麻辣雞腎 小 $42呢家辣度唔會好狠，小辣冇咩辣度，中辣大辣應該唔會過份誇張，雞腎爽脆煙靭。涼拌皮蛋$20皮蛋超好味，辣汁恰到好處，皮蛋原有嘅刺激味中和咗，非常可口。華田脆脆$8奶茶脆脆$8兩款脆脆凍飲賣相好，非常好飲，脆脆帶香濃朱古力味，溶到飲品裏面會令飲品味道更濃，口感更creamy。口水雞刀削麵轉冷麵$66冷麵有青瓜絲，麻醬同擔擔醬撈，清新又夠味，同湯麵唔同，冷麵更爽口。口水雞係順德招牌麻辣菜式，呢度比較啱港人口味唔會太麻太辣，但不失口水雞風味，雞肉嫩滑，好味。

大角咀一向多小店, 而且好多都有番咁上下質素, 依間刀削麵店絕對係其一。每枱都放有自家製醃蘿蔔👍🏻開胃一流。花雕醉雞熱拌刀削麵花雕雞好入味, 雞皮薄薄唔會痴住一大舊肥膏, 雞肉嫩滑, 入口好香花雕味, 仲配埋醉蛋一隻, 少少流心, 好味~熱拌刀削麵熱拌材料有花生, 青瓜, 麻醬, 微微香辣既自家醬料, 撈埋一齊口感同味道都好夾, 麻醬香突出。 仲有亮點係我中意佢既刀削麵唔會過厚, 而且口感煙韌唔會好似咬緊麵粉咁!手撕雞熱拌刀削麵手撕雞屬正常質素, 我地另加左鮮牛反而有驚喜, 鮮牛口感好滑, 中意佢加左薑絲落去味道更豐富!口水雞醬汁做得好好味, 有麻有香有辣, 依隻辣係好惹味, 雞脾位大大隻多肉又滑, 正!脆脆春卷春卷鬆脆, 味道同係酒樓食既一樣!油菜大大碟翠綠油菜只係$18, 好抵。奶茶脆爆, 華田脆爆依個一定要飲呀!!好濃郁好好飲, 有時係出面食飯叫親華田都淡到死! 重點係佢加左D脆脆令到味道更濃郁之餘又有脆卜卜口感, 好邪惡, 食到尾encore左一杯!跟餐都係加$8!見到枱枱都叫就知係好野。 依間CP值堅高, D野食又大份又好食, 而且價位貼地, 值得一食再食。

大角咀有很多好吃的東西，如果想吃麵，我們就會來這間，刀削麵不是到處都有，比較特別，每條麵條人手打出，樣子都不一樣，比較厚身和Q彈，而且份量很足，麵很多餸也大大件，好抵食。豬大腸溫泉蛋木耳刀削麵$58半熟蛋分開兩半，口感滑溜，豬大腸厚身而大件，口感豐富，滷水已很入味，還伴隨一些花生和青瓜絲。墨魚丸豬軟骨雜菌刀削麵$68雜菌放在麵裡用量不少，墨魚丸有三粒，不會粉粉的，幾有墨魚香，豬軟骨三大件，十分有份量，也是滷水滷得入味，咬下去很軟腍鬆化，淡淡肉很滋味。涼拌青瓜$30青瓜份量同樣的多，切成細細條，咬下去十分爽脆，又冰涼，麻辣醬汁很惹味，蠻適合夏天的小食。華田脆脆$8 推介華田脆脆，脆脆份量夠多，像飲品又像甜品，華田也沖得濃郁。

上個月食過一次，實在令人回味，難怪今日來到奧運附近工作都見到這間銘興人流源源不絕。由奧運站B 出口行5 分鐘就到，都好快，好方便。我們12 點到達，很多附近上班一族在午飯，剛好滿座，等了5 分鐘就入座了。朋友食冷麻辣金錢肚冷伴麵$55 真係大碗夾抵食，分量好大，金錢肚切幼絲，入味又爽口。跟餐加$8 可轉特飲，脆脆阿華田，涼快又夠濃。另外我點春卷熱伴麵，刀削麵軟硬很適中，配奶茶脆脆，很清爽解辣。最緊要點醉雞配一隻醉蛋，流水半熟蛋實在好美味。餐廳食材到枱上供應酸蘿蔔都很用心。

當我同男朋友打完tennis經過大角咀見到這間溫馨小店。溫泉蛋木耳刀削麵這款麵好食因為有好多配料..配料有墨魚丸豬耳仔鴨腎，加上最愛嘅豬軟骨，絕對做到色香味俱全又爽口。可以話是夏天絕對解暑而且飽肚嘅美食。我覺得其他餐廳，做唔到這個水準。ovaltine脆脆是夏日女生的最愛,冰凍又甜,絕對令每一個女仔更加開心。有了這款飲品唔怕食辣嘢。☺☺餐廳地理位置鄰近奧運地鐵，走過來十多分鐘。就永遠覺得超值又抵食。以上是我美好的回憶。

呢間麵店主打山西刀削麵 🍜雖然店面平平無奇 但小店黎講食物都幾有水準😙有湯麵、涼拌、熱拌唔同花款 仲超多餸配搭～—- ʕ•ﻌ•ʔฅ —-🍜招牌刀削麵✨必試！超級滑！一吸就成條滑落喉嚨😂麵條煙煙韌韌 唔會太粉/太硬 果然係皇牌🏆🐤麻辣手撕雞 & 花雕醉雞手撕雞有驚喜😍嫩滑多肉 唔會撕到太碎 保留到口感 辣汁非常開胃～花雕醉雞肉質同樣鮮嫩juicy 不過酒味無想像中咁突出 再入味d就好啦🐽豬頸肉豬頸肉就正常發揮～份量多 肉質不錯👌🏻🥢涼拌小食試左超多款小食🤰🏻碟碟都大件夾抵食全部都會加蒜辣汁🔥味濃而不膩青瓜 + 木耳好索汁☺️辣汁愈食愈過癮海蜇夠彈牙 夾雜大量青瓜絲 食落幾清新—- ʕ•ﻌ•ʔฅ —-食左咁多野～雖然好飽 但係都無覺得成口油😀刀削麵&手撕雞真係食過番尋味！🐻絕對會為左佢地而再幫襯💓

7點幾去到 入面只坐左一枱顧客仲有起碼7-8張吉枱 外面亦冇人排緊隊餐廳幾個阿姐不停要求我地將膠板打橫放中間 然後兩個坐同一邊 超級逼唔明點解咁奇怪 服務態度極差你話有好多人等緊就話姐搞到即刻唔想食 亦都唔會再幫襯

🥢熱伴雪菜肉絲刀削麵 $50 (折實$47)平時雪菜肉絲湯麵湯米粉就食得多伴雪菜肉絲好似都係第一次食😆之前都食過呢間嘅豬軟骨 雞扒嗰啲都唔錯個人比較鍾意熱伴刀削麵因為麵質更煙韌彈牙而且如果外賣都唔使怕啲麵會好快淋或者發脹👍雪菜肉絲份量超多 食到底都仲有 唔會齋麵咁寡。而且就算無湯滲著啲雪菜都好濕潤唯一係豉油醬汁同埋擔擔醬份量有啲太多 食多幾啖會開始覺得鹹。

同朋友喺奧海城做完Facial，差唔多六點，佢提意早啲食晚飯，帶咗我嚟呢間小店，佢話平靚正。從商場行到過嚟，大約5分鐘。我哋點咗一個紅薯粉同埋幾個小食一齊share：🐓花雕醉雞紅薯粉份量好足，應該有¼隻雞，充滿花雕酒香味，而且雞肉好嫩滑，配埋好滑嘅紅薯粉，好味呀～🐂薑蔥牛肉：熟度啱啱好，牛肉好焾滑，配埋薑蔥🌱一齊食，味道好夾。🐷🦆豬軟骨拼鴨腎：店員說可選辣度或者不辣，朋友好快講要中辣😆，豬軟骨好大件，而且炆得好焾好入味，拼埋爽脆嘅鴨腎，好正。🥬時菜（芥蘭）：芥蘭翠綠爽脆。🐥口水雞：朋友鍾意食辣🌶，所以特登點碟口水雞，麻辣加蒜香，好惹味；一啖口水雞一啖冰凍豆漿，好爽。呢餐好豐富，每人都係百多元，我哋兩個飽到捧住個肚，呢餐真係好介紹😋。

呢間餐廳標榜純手工製作山西刀削麵，而且係即叫即削🔪可自選湯麵、熱拌麵或冷拌麵，更有接近30款麻辣風味小食或配料🌶💗花雕醉雞熱拌刀削麵 ($66)醉雞經冰鎮後，雞皮特別爽彈，皮同肉之間夾住一層啫喱，雞腿部份肉質軟嫩細滑，滲透馥郁醇厚嘅花雕酒香；另配一隻糖心蛋🐔拌刀削麵口感寛扁煙韌，一邊配以日式芝麻沙律醬，味道香濃温和；另一邊配以自家製擔擔醬，味道微辣香惹。加入青瓜絲、鹹脆花生、芫茜碎同蔥花作配料🍝💗薑蔥鮮牛肉拼麻辣手撕雞上湯刀削麵 ($60)鮮牛肉肉質軟滑細嫩，牛味濃郁🐃；手撕雞肉質結實纖細，加入自家麻辣醬、生蒜粒、芫茜碎同蔥花調味，麻香惹味🐓湯刀削麵口感較寛扁滑溜，湯底味道較清淡🍜💗涼拌海蜇 ($42)海蜇爽脆有嚼頭，加入自家麻辣醬、青瓜絲、鹹脆花生、芫茜碎同蔥花涼拌，辛麻鮮香🥙💗麻辣豬大腸拼涼拌鴨腎 ($52)豬大腸爽口彈牙，清洗得非常乾淨，食落冇異味🐷；薄切鴨腎口感偏硬，而且滷得唔夠入味🦆💗麻辣金錢肚拼麻辣豬頸肉 ($65)金錢肚爽彈有嚼勁，滷水汁香甜入味🥢；豬頸肉肥瘦適中，肉質爽滑嫩口🐖💗華田脆爆 (+$8)阿華田味道濃郁，面頭灑上一層華田脆脆，有雙重口感🍫💗奶茶脆爆 (+$8)

大角咀有好多有質素嘅小餐廳，呢日同朋友一齊喺附近，大家都想試吓新嘢，但係似乎又想簡簡單單食一餐，行吓行吓，見到呢間麵店，寫住係「山西刀削麵」，有啲好奇，不過食麵又似乎幾啱呢日嘅胃口，兼且「山西刀削麵」亦都唔記得有冇食過😆，於是就決定入去試吓😆- 我叫咗 $65嘅「熱拌牛筋腩拼金錢肚刀削麵」：牛筋牛腩牛肚🐂自己一碟，大大碟，同刀削麵分開上🤗；牛筋牛腩牛肚份量都幾多，炆煮得好腍😋，好有牛味😋；刀削麵🍜有啲咬頭，又煙韌，撈埋麻醬同辣椒醬一齊食，非常惹味😋- 朋友就叫咗$56嘅「花雕醉雞🐓紅薯粉」：花雕醉雞同紅薯粉亦都係分開上🤩，花雕醉雞🐓一大碟，雞肉嫩滑，有微微嘅花雕酒香味😋我哋仲叫咗呢啲食物share🤩：- $50嘅「口水雞」：落咗好多蒜頭🧄同辣椒🌶️，醬汁非常濃郁、惹味😋- $52嘅「麻辣豬軟骨🐷拼鴨腎」：麻辣豬軟骨做得非常軟熟，唔算好辣，好開胃😋。鴨腎幾爽脆😋- $18嘅「郊外油菜🥬」：簡單幾好食😋- $3嘅「凍檸茶（跟餐）」同埋 $5嘅「淳茶（跟餐）」：凍檸茶唔係好甜，淳茶係無糖，幾清新😋本來諗住簡簡單單食一餐，結果係雖然簡單，但係好好味😋，仲食得超級飽，街坊價錢，非常抵食🤩