星期六日兩日都落雨，天氣又好潮濕，食碗 辣麵去濕就最正。 今日去紅磡黃埔，地鐵站一出就開始搵嘢食。 十二點入座，餐廳已經坐滿一半人，可能落雨關係，外賣訂單好多。 但係都冇影響上菜速度，好快有得食。 水煮魚米線$60 ，大大碗亦都有非常多魚肉完全無骨，啖啖肉。每碗麵都會送一盒紙包飲品。 另一碗蕃茄肥牛米線 $60 肥牛有好多塊，夠足料，，好味。 好耐無食泡椒蓮藕帶$40，有 青瓜底，爽爽脆脆辣得好過癮 。 小酥肉 $40 ，真係好酥脆。 食個甜品好滿足，黃金糯米糍 ，煎香左外面有少少脆，煙煙靭靭。

屋企人最鍾意食呢一間火鍋店，覺得真材實料。 復活節假期之後，就同一家三口嚟食個午餐。 女士當然要滋補一下，食完皮膚又白又滑，半隻花膠雞。 成塊面咁大嘅花膠，加半隻雞每一嚿雞都好滑。 牛肉拼盤(細)，雖然係細，但份量都好多，又唔同部位。 墨魚鵝肝打丸一款(4粒)，一眼開就爆開鵝肝汁，好正。 伊比利亞橡果豬，擺盤好靚又新鮮。 大滾友雜菜拼盤，鍾意叫呢個雜菜拼本每款菜都有一啲，油麥菜娃娃菜淮山片蓮藕片。 梗係要食鹹蛋黃脆響鈴啦。次次都食。 竹蔗茅根一渣，味道啱啱好唔會好甜。 火焰焦糖豆腐花，最後黎個甜品，好完美。

又去元朗國，帶隻狗仔去寵物店剪頭髮，等的時間去食個早的晚飯，一家大細又唔洗等位。 6 點入座，剛剛過咗下午茶時間，見到下午茶餐好抵食呀。 單點小炒，肉絲炒麵$60 夠曬鑊氣，麵底係炸過嘅，脆卜卜，真係食唔停口呀。 食下啲邪惡餸先，鹹蛋黃金蝦 $95 炸到連蝦頭都可以食埋，蝦肉身又好多汁，每一粒都新鮮，真係好味。 添添小炒王$85 一上枱都好驚喜，因為有好多蝦乾，仲有脆魚仔 ，新鮮魷魚鬚，菜脯粒，係非常足料。 蜜椒薯仔雞中翼$85 辣辣地甜甜地好正。 仲有送例湯。

今日請左半日假，小小流鼻水，又腸胃不適睇完醫生就去附近食晚飯。 呢間粥店人流好旺，又有人情味，價錢又好平，屋企人好鍾意食，我就第一次食。 最鍾意佢啲粥可以自行加配料，我就叫豬潤窩蛋牛肉碎粥，一嚟到有詐新鮮雞蛋快手撈，夠曬熱，成個粥湯底都好鮮甜。 另外屋企人就食粉腸粥，粉腸好彈牙又乾淨，真係好新鮮。 另外叫咗個新鮮牛肉腸粉 同埋炒米粉，又有新鮮炸起嘅油炸鬼同埋牛脷酥，兩支豆漿，真係夠晒飽。 價錢有抵食，款式又多 。

約左小學同學食飯，佢搬左黎粉嶺，話新漢記係粉嶺北區人必食，夠正宗。 6點入座，已經好多客人，好熱鬧，經理熱情招待。 砵頭老雞湯燉新鮮豬肉餅$168 未見用燉盅蒸肉餅，燉湯好清甜，係雞湯味道，肉餅入口鬆化，送一碗白飯。 自家製黃酒炒雞 $188 有大量薑粒，紅棗爆炒雞，真係好養生，有香濃嘅黃酒味，係好正宗嘅客家口味。 第一次食白灼西芹bb ，叫水果西芹。，每一口都 係好爽脆新嫩。 炸豆腐 同平時嘅潮州豆腐口感唔一樣，口感比較滑。 前菜嘅醃蘿蔔同埋豆角都好開胃。 價錢屬於中價以上，不過菜式特別，要朋友破費喇，多謝。

去佐敦同朋友一齊整指甲同埋腳底按摩。 整完之後都兩點，又非常肚餓大家諗住食餐好啲，去隔離大廈打邊爐。 朋友請食飯，入座之後有新餐單，而家推出咗定量午餐，同埋四款新湯底 。 新湯底：藥膳胡椒豬肚, 藥膳竹笙雜菌鍋，日本壽喜燒，藥膳特濃芫茜雞鍋。 我哋叫咗藥膳胡椒豬肚，入面有好多豬肚及大件雞，好入味。 日本壽喜燒，有豆卜同菇。 一共四碟肉兩碟牛肉兩碟黑毛豬肉。$173 價錢好抵，好夠飽亦都好好味 。兩款肉肉質都好高質。 非常喜歡炒香咗嘅辣椒油。 點下蔬菜，粟米都好夠飽。 仲可以加十蚊換埋雪糕。好滿足

今日去波鞋街買鞋，買完就去搵食。 經過雄記門口，好多明星合照，有周潤發都幫襯。就入去食。 一碗崩沙牛腩加牛肚河$62 加$15 雙併，個湯底好正，崩沙腩肥瘦分明，份量多，好大方，最鍾意個河粉，用幼身河，特別滑身。牛肚好入味。 另一碗崩沙牛腩撈幼麵，加蠔油，湯另上，可以自由加湯，崩沙腩好入味，每一啖都爆多牛肉汁。 加炸魚皮，$25 一大碟，魚皮脆卜卜，大大件。 兩杯飲品都好抵，$10凍檸茶好清涼 $10 有罐裝可樂汽水。 下次再食。

長洲一日遊，天氣非常舒服，一出碼頭，見到有幾間餐廳，又好肚餓，即刻坐低，有好多外國街坊。 二人點一個沙律，一小食一主菜，剛好。 午餐好抵食，$88 起。 我們單點，一個凱撒雞肉沙律$89 ，好足料，性價比極高，大大片芝士，有麵包粒，好有誠意。 爆米花炸雞粒$69 ，無誇張，一人可以食一碟，非常酥脆，雞肉粒鬆化。 瑪嘉麗特皇后薄餅 $119 ，薄餅底係自家即日製作，特別有口感，咬入去有麵包的柔軟度，番茄醬汁有菠蘿火腿。 來一杯又冰又涼的啤酒，真係放鬆好舒暢。

復活節假期前來長洲遊玩，都有10 年8 載無來。平日中午船，人流好少。 到埗後，先到沙灘走走，路經一間小食站，被門外的壁畫吸引。入去坐點杯飲品。 菠蘿青檸蜜梳打$38 新鮮即叫即做，好清新，味道不太甜。 另一杯更有驚喜，蜂蜜蘋果梳打$38 ，底部有粒粒蘋果肉，好涼快，好幸福呀。 南乳雞翼$55 老闆好健談，每日限量製作，就點來品嚐。又真係一咬爆汁，皮脆肉嫩。 鰻魚汁帆立貝 一串$40 同朋友一人一串，好有日式串燒屋口感。 緊係要食杯粒粒雪糕啦，選擇多，最正係朱古力，彩虹味。 坐得舒服，食得開心。

臨近清明節，到附近拜山之後，同家人去新城市廣場食過午餐。 之前食過佢哋嘅晚餐，都覺得唔錯。見到有限定白桃系列，好吸引。 最欣賞呢份明太子蟹肉飯卷，有堆滿滿的蟹肉，蟹肉用沙律醬半勻。 飯卷咬落去好有口感有牛蒡蘿蔔絲菠菜絲。 燒醬油黑毛豬白切肉紫蘇飯 $138 店員介紹呢款，紫蘇飯加入咗韓式辣醬，好有風味，黑毛豬白切肉好似薄切五花腩，肥瘦均勻。 兩個人分主菜夠飽, 分別點咗兩款甜品 。 春日白桃花園窩夫，賣相好靚加上食用鮮花，值得一讚係個窩夫上面嘅忌廉粉紅色嘅同埋有桃味。 絲滑白桃希臘乳酪布甸杯，兩層賣相好靚上面係切碎嘅桃果蓉，下面白色係奶布丁。 兩款飲品都各有特色 ，西柚戀曲氣泡梳打 ，就好好解渴酸酸甜甜。 白桃飛舞冰雪，奶味比較重，好啱我口味。