銘興山西刀削麵 (大同新邨)

聽電話果個男員工好似做得唔係好開心, 同客講野尾音極重 , 語氣極冇禮貌 , 飲品落錯單, 雖然知道午市好繁忙但唔好將怨氣發洩去顧客身上 ,點解我食個LUNCH要受你氣, 唔會再幫幫襯…Read More

爽口撈面夾攻！呢家麻辣刀削麵真係令人驚喜到不得了🌶️！我食咗個手撕雞熱拌刀削麵，嘩，面條軟硬適中而且入口即溶。加上嗰種有層次嘅辣，跟住係花生嘅香、再嚟係青瓜嘅清新爽口，真係，幾陣陣嚟又辣又香。而家諗返起嗰碟面，都仲嘴谷口水喎🤤！朋友嘅冷拌同樣正到彈，麵條咬落去有勁，真係好味搭檔。至於加嘅墨丸，彈性十足，鮮香得嚟唔腥，正！仲有嗰金沙骨，炸到金黃酥脆，咬萌時候啲汁液哗啦啦流晒出嚟，好滿足㗎！喺呢處食一頓咁過癮，下次一定要再嚟轉轉🥢！…Read More

嚟到大角咀，一定要嚟試呢間刀削麵！佢喺香港都有唔同嘅分店，而且好多人喺門口出面等外賣，舖頭入面都有幾多座位，同埋上菜速度都好快～ 麻辣豬頸肉刀削麵 $50豬頸肉好淋，而且份量都好多，佢同刀削麵係分開上所以唔會浸到太淋，刀削麵好有口感同彈牙！ 麻辣手撕雞刀削麵 $45手撕雞份量係擺滿成隻碟，加埋麻辣真係好惹味，而且啲雞唔會太嚡，好適合大胃人士試吓呢間刀削麵，因為無論刀削麵同餸嘅份量都好多！包保你食得好滿足～…Read More

之前多數都叫花雕醉雞刀削麵，今次就試吓口水雞刀削麵。今日嚟到係外賣自取，估唔到落完單唔使10分鐘就有得攞。叫咗個口水雞刀削麵，再加一杯凍檸茶，外賣有九折，總共係$57。刀削麵麵粉有少少彈性，配埋個湯清清地，幾好食。重點係個雞，之前叫佢花雕雞都係大大碟，今次叫口水雞都唔例外，一樣係大大碟，一個人未必食得晒。個人覺得口水雞嘅味道，唔算太好食，好似唔係太辣，味道一般，都係花雕醉雞好食d。凍檸茶正正常常，啲茶唔會澀，檸檬都幾多。…Read More

呢間係性價比非常高，味道又好嘅麵店👍🏻👍🏻 見門口勁多人等緊，原來係因為外賣有9折優惠，真係好抵食👍🏻每張枱有一樽酸蘿蔔🤤我哋嘢食未到已經食緊😂熱拌金錢肚金沙骨刀削麵($72)加$15金沙骨做雙併，醬底係青瓜絲、芝麻沙律醬、擔擔醬，味道濃郁。金錢肚非常入味，金沙骨熱辣辣炸起，肉質唔老👍🏻👍🏻好味～ 成碗份量好足👍🏻麻辣牛筋腩豬軟骨刀削麵 ($62)加咗$10豬軟骨做雙拼，牛筋腩同豬軟骨都超淋🤤而且又大大舊，好抵食～ 刀削麵口感彈牙，有少少煙韌，有水準👍🏻花雕醉雞($52)雞肉肉質嫩滑，就算係雞胸位都唔會鞋，食落有雞味，花雕酒味好香，值得一試👏🏻薑蔥牛肉($65)又係份量非常足😍，牛肉唔會過分地淋，食落有肉香又唔老，醃得好入味～呢間餐廳食物份量足，味道好～ 值得再去👍🏻👍🏻…Read More

同同事兩位入坐，餐廳滿坐，開咗張枱係門口位，入面仲有張四人枱，已坐滿四個人分開兩枱客，每次有人埋單都要起身讓位，店員執野又要起身，我地要求轉位被拒絕，因為要等有四人入坐，食一餐要起身5-6次，點餐時間12:49到13:15中間已經被要求起身5-6次，啲店員完全覺得係應該，我地要求轉位又話唔比，咁窄嘅地方無位就唔好係咁比人入嚟，服務態度勁有問題。明明無位，啲客又未走，就係咁話就快埋單，叫啲客唔好走，其實我明白生意係要做，但唔係咁樣囉…Read More

今日突然好想食醉雞又想食麵，就諗起大角咀間刀削麵店，嗌左佢地個招牌，花雕醉雞刀削湯麵$60，外賣有9折，即係$54。附近返工既朋友可以買返公司食平幾蚊，又慳時間，平時繁忙時間都多人等位。落單後門口等一陣，好快就有得拎。好重手, 未睇都知一定份量十足。一打開，雞既份量好似比平時食海南雞既多。仲有一隻蛋。雞件凍得黎好入味又夠滑，好香酒味。配襯熱辣辣既湯麵。個人覺得雞相對比刀削麵更出色。一個人絕對夠食，好飽!!…Read More

今日食午餐，見平時好多人排隊嘅銘興刀削麵冇乜人排隊，就入咗去食。一如嘅往，座位都比較迫，不過之前都食開，所以都習慣，環境衛生方面感覺上比之前乾淨，唔知係咪早批客原因吧。首先會有個前菜：醃酸白蘿蔔，幾好食的，好開胃，食辣野食返一兩粒都可以解下辣。正餐就叫咗個麻辣手撕雞湯刀削麵，野食出得好快，我唸兩分鐘左右佢就出到餐，手撕雞好多，上面淋咗啲秘制（？）麻辣汁，非常辣，叫湯麵就係可以中和下啲麵。啲肉好多汁，雞味香，小弟覺得係最好食嘅一個餸，另外刀削麵本身好煙靭，好食的。朋友就叫咗個牛筋腩，都幾多，呢個就正正常常啦，冇乜驚喜感，不過都係好食嘅。埋單每人$50有找，真係好平，平時非常多人，所以冇乜人都會黎食多啲…Read More

呢間餐廳食過幾次，覺得刀削麵好好食，口感好煙韌😋今次買外賣番屋企食。原來餐廳上年十月加左價，應該每樣加左5蚊，俾錢先發現。叫左個熱拌雞排刀削麵，雞排真係好好食，煎得好香脆，雞件份量都好多，但略嫌味道咸左d。另外叫左麻辣野菌刀削麵餐，自己揀一個主菜，我揀左牛筋。但原來冇淨牛筋，係牛筋腩，職員話因為係要一齊煮，話餐牌係錯左，咁點解吾改番佢，價錢都加左拉🥺🥹原來個餐係湯麵，我覺得拌麵好食d, 煙韌d, 湯令到麵質淋晒🥲牛筋腩係另外有個小盒裝，入面有一舊大牛筋only,另外有兩舊牛腩，牛腩都入味幾淋，但我係想食牛筋，有點吾開心🥲…Read More

呢間刀削麵係大角咀都有少少出名～天氣太熱唔想食太熱嘅湯麵、又唔想食飯，決定黎試試佢！花雕醉雞熱拌刀削麵$68食物黎到擺係眼前眼睛有點凸出來😑份量咁大嘅？(呢排真係冇咩胃口)先講醉雞，個人覺得酒味唔夠，同埋未夠入味！雞係雞髀位置，所以唔會「鞋」～刀削麵係好食嘅！加埋麵上面嘅醬汁都係正👍🏼阿華田脆脆係幾特別嘅！不過越飲會越甜！建議大家飲呢個唔好叫少冰！！…Read More

睇完中醫搵食記，呢頭原來有間食刀削麵既店，食飯時間人多到爆炸，等左都耐耐地。終於入到去，叫左湯面，豬軟骨好合心意，肉不存在肉膻腥，好鬆化好鬆化，軟骨已煮淋，食時不是脆爽費勁的，幾入味。刀削有咬勁，一碗都唔係好大，所以另嗌左碟豬腸，勁肥，唔平，只係同面食相差10蚊，所以跟面抵d😅叫中辣，味好夠，有花生芫荽辣椒醬，脆辣，顯然豬腸無咁普通，精華在仲汁。侍應招呼麻麻，輪到我入座時人都5多，同其他枱都唔迫，唔俾我坐路口位，但就算我坐，同後面既台都米幾遠，其他台又無乜客，我台又撘台，想坐遠少少都5俾。。。你有客我先移去同5識既人痴住坐，唔可以？…Read More

今日經過大角咀，發國有一間刀削麵店。而且好熟口面，知道佢哋好似都有幾間分店於是就試吓。今次試咗佢哋個麻辣雞扒刀削麵🤣🤣🤣雖然係外賣但係佢哋個份量都相當多，睇圖都見到佢哋快雞扒煎得又大塊又香！而且仲有肉汁😃😃佢哋個辣到亦都適中唔會話太辣😄而且仲有花生 相當香口😀😀😀講返個麵先，刀削麵十分有咬口， 而且湯底味道亦濃郁🤣🤣🤣仲好貼心咁幫我分左湯 唔會浸淋塊雞扒，價錢亦唔貴！！性價比高😃…Read More

喺大角咀附近返工食飯有好多唔同嘅選擇依間舖頭一直都好多人排隊我食完幾次都明白點解咁多人食🙈🙈第一次食食左雞絲冷撈 啲面同醬好似唔駛錢咁😂😂😂勁多食到勁飽 但味道又唔錯第二次食又係食冷撈 今次試吓豬耳 無雞絲咁飽同埋易入口啲🙈第三次終於試吓好多人推薦嘅醉雞 食完醉雞真係返唔到轉頭😂因為真係好多雞同好好食😋啲雞完全唔hea 好重雞味同埋啲雞好大隻 刀削麵變返湯冇咁多 但都已經好飽😂重點係全部都係50幾蚊 真係超抵食😍…Read More

麻辣鴨腎拼豬軟骨刀削面要湯面小辣，分上餸。面湯無味，加完餸上辣油好好多。軟骨軟，肉又嫩，我好like😎唔會好肥。鴨腎唔掂有少膻，唔會再食，雖然切得好薄。海蜇最索辣汁，最辣的一樣，花生炸得脆，有青瓜絲和蒜泥，夾賣幾麻辣。單嗌金錢肚蒜泥青瓜好香，份量還好。有不少麻辣味，無辣度揀。切到一絲絲，我偏向食淋，所以幾合味。想再食呢家好耐，已有幾年無黎，叫左熱拌金莎骨刀削面，餸菜另上，炸得好勁，比較熱氣，一碟三件，好似五十幾銀，面撈係微暖，都有嚼口，量就正常夠一個人食。…Read More

叫外賣凍啡走甜，呀姐自己冇聽清楚就已落單，到我發現，就同我話已經出左單，我O哂咀我問可唔可以同水吧講聲，佢一秒後覆我話冇哂咖啡，當時未到八點以後絕不再幫襯純粹一提，門口長期有垃圾車出入…Read More