影片
更多
2022-06-12
48 瀏覽
贏在口感線嘅刀削麵，真係好好味！不過，有唔少刀削麵專門店係用機削或者一早削定，但大角咀嘅銘興山西刀削麵標榜純手工製作，即叫即削，真係好有誠意，而且刀削麵可揀冷拌、熱拌同湯麵三款選擇，任君選擇。不過今日A姐話佢唔想食澱粉質，所以我哋只係叫咗一碗刀削麵配大量小食，估唔到小食份量都唔少呀！酸蘿蔔枱面上放有自家製酸蘿蔔，酸酸微微，非常開胃！而且呢度嘅小食味道都偏濃偏辣，所以間唔中食番啲酸蘿蔔中和番，更有醒胃嘅效果。但重點可以可以無限任食，令酸蘿蔔成為其中一個小食啦！涼拌青瓜好足料大大份，味道酸甜，青瓜新鮮爽脆，非常開胃！花雕醉雞花雕醉雞係銘興山西刀削麵嘅皇牌之一，雞肉索晒花雕香味，但酒味又唔會太搶，味道啱啱好，而且雞肉又嫩又滑，好好味！伴碟仲有隻溏心蛋添，流心之餘，蛋香十足。麻辣雞翼雞翼揀咗小辣，雞翼皮脆肉嫩，但重點係索晒麻辣味，充滿麻香味，愈食愈辣！麻辣金沙骨金沙骨同樣揀咗小辣，一碟有4大大舊，肉食者一定會流晒口水，而且金沙過充滿肉汁，好juicy！不過，大大舊嘅金沙骨令嘴細嘅A姐就有啲困擾，令佢唔可以好優雅咁品賞喇，哈哈！麻辣豬軟骨刀削麵豬軟骨同湯麵分開上，咁樣就唔會令豬軟骨嘅味道沖淡。麻
酸蘿蔔
枱面上放有自家製酸蘿蔔，酸酸微微，非常開胃！而且呢度嘅小食味道都偏濃偏辣，所以間唔中食番啲酸蘿蔔中和番，更有醒胃嘅效果。但重點可以可以無限任食，令酸蘿蔔成為其中一個小食啦！
涼拌青瓜
好足料大大份，味道酸甜，青瓜新鮮爽脆，非常開胃！
花雕醉雞
花雕醉雞係銘興山西刀削麵嘅皇牌之一，雞肉索晒花雕香味，但酒味又唔會太搶，味道啱啱好，而且雞肉又嫩又滑，好好味！伴碟仲有隻溏心蛋添，流心之餘，蛋香十足。
麻辣雞翼
雞翼揀咗小辣，雞翼皮脆肉嫩，但重點係索晒麻辣味，充滿麻香味，愈食愈辣！
麻辣金沙骨
金沙骨同樣揀咗小辣，一碟有4大大舊，肉食者一定會流晒口水，而且金沙過充滿肉汁，好juicy！不過，大大舊嘅金沙骨令嘴細嘅A姐就有啲困擾，令佢唔可以好優雅咁品賞喇，哈哈！
麻辣豬軟骨刀削麵
豬軟骨同湯麵分開上，咁樣就唔會令豬軟骨嘅味道沖淡。麻辣豬軟骨非常入味，唔算太辣，肉質軟腍，加上爽口嘅軟骨，食嘅時候充滿口感！至於刀削麵係銘興山西刀削麵嘅名物，刀削麵純手工製作，所以條條嘅厚薄長短不一，分量十足，非常滿足。
張貼
