影片
更多
2023-03-28
194 瀏覽
之前book mark左，終於去到食啦😍揀好餐 就有師傅係面前燒🥰師傅每燒完一次，都會用毛巾抹一抹個鐵板 等其他野食既味唔會混合。如果3月來食晚巿嗌2人set送新鮮龍蝦（依個優惠做到店鋪另行通知）😍前菜：沙律（藜麥，核桃，柚子汁），龍蝦福袋（龍蝦碎）刺身：牡丹蝦，帶子（有檸檬味），沙甸魚卷洋蔥汁銀鱈魚（汁帶有啲酒味，魚表面既花瓣都食得，煎到皮好脆，魚肉外脆内軟）日本象拔蚌（新鮮，厚身，分量多，勁爽爽甜，配微辣嘅wasabi 忌廉醬都幾夾，反而加檸檬汁就蓋過象拔蚌原本鮮味，不建議加。另外海帶吸收哂象拔蚌嘅精華，非常鮮甜）澳洲龍蝦（落鐵板都仲識郁，肉質扎實，配海膽龍蝦膏汁，海鮮味好豐富，而且海膽味都幾突出。但食到尾會有少少滯，可以加少量檸檬汁/紫蘇解膩）季節時蔬（西蘭花苗，以日本種子培植，外型纖幼修長，比普通西蘭花更加清甜爽脆，配香蒜同鹽作簡單調味都好好味）熊本A5牛肉（和牛油脂分布均勻，師傅會叫你揀幾成熟，我哋叫咗一個五成，另一個七成。五成火侯啱啱好，表面香脆，內裏肉汁豐富。七成就乾身少少，但食落更加入口即溶。侍應就介紹先食原味，再試蘸玫瑰鹽，再試紀州梅子酸汁，最後可以試wasabi加蒜
揀好餐 就有師傅係面前燒🥰師傅每燒完一次，都會用毛巾抹一抹個鐵板 等其他野食既味唔會混合。
如果3月來食晚巿嗌2人set送新鮮龍蝦（依個優惠做到店鋪另行通知）😍
前菜：沙律（藜麥，核桃，柚子汁），龍蝦福袋（龍蝦碎）
刺身：牡丹蝦，帶子（有檸檬味），沙甸魚卷
洋蔥汁銀鱈魚（汁帶有啲酒味，魚表面既花瓣都食得，煎到皮好脆，魚肉外脆内軟）
日本象拔蚌（新鮮，厚身，分量多，勁爽爽甜，配微辣嘅wasabi 忌廉醬都幾夾，反而加檸檬汁就蓋過象拔蚌原本鮮味，不建議加。另外海
帶吸收哂象拔蚌嘅精華，非常鮮甜）
澳洲龍蝦（落鐵板都仲識郁，肉質扎實，配海膽龍蝦膏汁，海鮮味好豐富，而且海膽味都幾突出。但食到尾會有少少滯，可以加少量檸檬汁/紫蘇解膩）
季節時蔬（西蘭花苗，以日本種子培植，外型纖幼修長，比普通西蘭花更加清甜爽脆，配香蒜同鹽作簡單調味都好好味）
熊本A5牛肉（和牛油脂分布均勻，師傅會叫你揀幾成熟，我哋叫咗一個五成，另一個七成。五成火侯啱啱好，表面香脆，內裏肉汁豐富。七成就乾身少少，但食落更加入口即溶。侍應就介紹先食原味，再試蘸玫瑰鹽，再試紀州梅子酸汁，最後可以試wasabi加蒜片同燒汁。個人覺得玫瑰鹽最突出到牛味，另外wasabi 加蒜片都有驚喜，蒜片乾身香脆，同牛嘅油香好夾，而wasabi 又可以減低油膩感）
東星斑燒白湯（好鮮甜既魚湯味）
炒飯（粒粒分明，唔會死咸）
甜品（有得揀 柚子雪葩/抹茶雪糕/黑芝麻雪糕/新鮮蜜瓜，我地就揀左黑芝麻雪糕同新鮮蜜瓜，2樣都好食💛 黑芝麻雪糕重芝麻味👍🏿）
張貼
