金飯館

營業中

休息中

星期六的下午去了牛頭角#金飯館食番個靚靚炒飯，跟老友分別點了椒鹽豬扒飯&秘制沙嗲牛肉雙蘭王蛋飯，叫多客蜜汁雞翼小食開心share, 飲品要了凍奶茶跟凍檸茶。雞翼外層用了蜜汁同芝麻粒包住，口感甜夾脆，咬落多汁且肉嫩。椒鹽豬扒飯，豬扒有成6大件，肉質柔軟，肉汁豐富，加上滿滿的辣椒、炸蒜&椒鹽鑊氣十足，上枱時香噴噴，夾入附送的菜脯，味道爽口，炒飯不油膩，粒粒分明、非常滿足。秘制沙嗲牛肉雙燶邊蘭王蛋飯，一定要讚下呢隻蘭王蛋，蛋黃十分吸晴，蛋汁非常濃郁，煎到脆脆的邊，令人回味無窮，滿滿的沙嗲汁撈飯一流，牛肉吸了沙嗲醬，使牛嘅味道香濃帶點微辣，牛肉質香滑柔軟，炒飯以雞蛋撈勻一併食，十分滋味😋。食飽飯又可以慢慢行街啦！

香港嘅茶餐廳真係非常多，所以如果自己對飲食有少少要求嘅話，都會想嘗試去搵一啲稍為高質少少嘅茶餐廳。一啲茶餐廳開始轉型，想慢慢轉型去做小菜風或者酒樓級數嘅茶餐廳，我今日去食呢一間，就係見得出有呢個嘅野心。一坐低嘅時候，就已經叫咗一杯凍奶茶同埋凍檸茶，凍奶茶飲得出佢並唔係好似其他茶餐廳咁用甜度去掩蓋茶藝不足嘅缺點；反而見得出呢度嘅凍奶茶唔甜，但係茶味就好出，飲得出內裡嘅茶香，係幾唔錯嘅。之後就叫咗一個小食，椒鹽豬軟骨，佢個底其實就係炸蒜蓉，再加咗少少干椒炸起，熱辣辣。雞軟骨亦都好脆同爽口。再之後就係食佢哋個沙嗲牛肉煎蛋飯，一嚟嘅時候，我第一樣被吸引嘅係佢哋嘅煎蛋，煎得非常靚；我問呢度嘅店員，問佢哋係用乜嘢蛋去整嘅，佢哋同我講係日本蛋。整爛隻蛋，將啲蛋汁撈落去個飯都食，係非常好食。另外個沙嗲汁亦都係極品，好有印尼嘅風味，甜度非常足。最後就係食佢哋嘅呢度招牌：椒鹽豬扒飯，呢個小型豬扒飯佢都係用炸蒜同埋辣椒去整成，豬扒嘅肥膏較重，亦都好大塊，建議細細膽續啲食，都要一路食豬扒，一路加埋一啖飯食，咁就非常好。

食lunch路經自稱炒飯專家嘅《金飯館》，身為飯桶派嘅我忍唔住要試試佢，味道結果又真係幾唔錯！😋✅推薦✅即叫即炸豬排飯💰68一上枱就有聞到勁香蒜味，豬扒大大塊，炒飯底粒粒分明👅招牌脆皮牛腩飯配金沙汁💰78幾特別造型好似beef wellington，外層好脆口，牛腩香口軟熟🤩黃金海皇泡飯 💰78超足料入面好多魚肉同好香南瓜味，配上脆米口感更加豐富😜😝😜🉑不過不失🉑龍躉班肉泡飯💰78味道其實OK但相比下淡口咗啲，湯底有少少腥味🐟🪄 金飯館 (牛頭角)牛頭角牛頭角道323號地下J號舖#porkbelly_foodie #porkbelly_foodie_牛頭角#porkbelly_foodie_中菜 #hkfood #hkfoodie #香港美食 #香港好去處 #牛頭角美食

以前成日喺呢頭出沒一段時間冇行呢邊 原來開左間新餐廳主打係食「飯 」老闆好熱情介紹 即管入去試試即叫即炸椒鹽豬扒炒飯呢個佢寫明限量 搞到好想試下佢有幾巴閉真係好得呀！炒飯粒粒分明 全部都俾蛋漿包住食到落底都唔會油淋淋 淨係個炒飯已經好高分椒鹽豬扒勁多蔥蒜 好香好惹味 豬扒夠晒厚身又juicy唔怪得係必食同限量啦秘制沙嗲牛肉雙燶邊蘭王蛋飯炒飯底係一樣嘅牛肉好滑 沙嗲好重花生醬味 最正係個煎蛋 煎到燶邊好香脆蛋味超濃 個蛋黃一夾就流晒出嚟 估唔到茶餐廳會咁揼本用蘭王蛋如果唔想食沙嗲牛都可以叫其他飯類+12蚊要一隻蜜椒雞中翼蜜糖黑椒嘅比例啱啱好 甜得嚟又有dd辣個皮超香脆 蜜糖竟然有拔絲效果用嘅雞翼好大隻又多汁 推介凍檸茶有特式用左青檸+檸檬 味道多左層次依家冇左晚市 啲食肆都好難做埋單時老闆話6點後自取有8折希望大家多啲支持呢啲小店啦

金飯館絕對係有誠意既餐廳！秘制沙嗲牛肉燶邊蘭王蛋飯個沙嗲汁好濃好稠好正！牛肉又大塊又嫩滑！再加上2隻勁有蛋味既蘭王蛋！d蛋色水都唔同，特別香！整體勁夾！個飯仲要係炒飯底，真係好食好有誠意！好夠鑊氣，不得了！即叫即炸椒鹽豬扒飯個豬扒醃得好入味，即炸好熱好鬆脆！再加上炸過既辣椒乾同香蔥，再加炒飯底同少少菜，真係無乜野可以再挑剔！都係好有誠意，好有鑊氣！每個飯仲有個配菜仔，係咸蘿蔔仔！正！蜜汁雞翼勁多蜜糖，多到滴出黎！好夠熱，岩岩炸起所以真係好沾滿蜜糖，雞翼又大隻又嫩滑，真係堅正！檸茶同奶茶都好正！唔係hea整，係真係撞出黎既正宗味道！呢間野超有誠意！搵唔到邊間茶餐廳咁高質，真係每樣食材都用心夾過！同個老闆傾左幾句，仲話個大廚係名廚，係好出名既餐廳請過黎！

觀塘裕民坊近牛頭角民生地段，係不少街坊美食， 低調高手集中地行經金飯館， 店面光潔明亮好吸睛，即刻要去試一試🤩自稱炒飯專家，但係其他碟頭飯，湯泡飯都好吸引，好有特色👍🏻QR code落單方便快捷👍🏻趕時間仲可以WhatsApp落單叫外賣👍🏻------------------------------黃金海皇泡飯$78😋😋南瓜雞湯好鮮甜配料超多，蝦仁元貝仔魚塊炸脆米，增加口感招牌蝦頭油炒飯$78😋😋賣相好靚，炒飯粒粒分明夠乾身豐富多料， 大蝦夠彈牙，仲有元貝仔蠔仔櫻花增加鹹香加$8有凍飲

放工鳥去食飯，今晚出巡牛頭角獵食，見到呢間半文青風嘅飯館就走咗入去～ 餐廳主要推介兩款，椒鹽豬扒飯 同 沙爹牛雙濃邊蘭王蛋飯～ 椒鹽豬扒即叫即做，每日限量，晚市好快賣光🥲 所以唯有食另外嗰款，秘製飯❣️仲拍多個拍青瓜！青瓜酸辣得嚟好清新，拌飯好開胃～而飯一上枱嗰兩隻煎蛋真係好驚艷，兩個蛋黃鮮橙色似會發光咁🤩 因為無完全煎熟，一篤穿流晒蛋汁出嚟，撈飯好呀👍🏻 沙爹牛又啖啖肉，秘製醬汁超惹味，飯都食多幾啖👏🏻👏🏻👏🏻 份量都好多，食到我超飽😆 大家肚餓就嚟食，抵食夾大份，抵食呀～

金飯館（ 牛頭角） #今日約咗朋友去觀塘行街 ，跟住佢帶我去一間非常美味的餐廳進晚餐， 餐廳裝修新淨，座位闊落 ，燈火通明，甚具時代感！ 1.即叫即炸椒鹽豬扒飯$78 : 這是店鋪的招牌菜，即叫即炸，而且每日限量發售 ，大大碟的豬扒飯上枱時，已經香氣四溢 。最上層 鋪滿炸香蒜、 辣椒和蔥花 ，蒜香味撲鼻而來，賣相非常吸引👍 豬扒除了大大件外，而且非常厚肉 ，醃得非常入味，咬起來香脆肉嫩，完全不鞋口 ！金黃色的炒飯底， 飯香味十足， 飯粒粒分明 ，而且炒得好乾爽， 配上蒜粒進食，味道咬起來更有口感和層次感。 絕對值得一試👍2. 秘製沙爹牛肉雙燶邊蘭王蛋黃蛋飯$78 ：小小的快餐店竟然用蘭王蛋來烹調，可見用心對待顧客和各種食材， 蘭王蛋非常吸睛，大大隻蛋王紅色的 ， 烹調方式非常特別 ，蛋白邊煎得非常香脆 ，蛋黃卻流心 ， 非常惹味 。牛肉份量也很多，而且要得非常入味嫩滑， 牛肉味濃， 加上自家秘製的沙嗲汁，將牛肉的美味更提升了。3.蜜汁雞翼5隻$48：熱辣辣，蜜汁豐富 ，大大隻，非常入味，炸得外脆內軟， 非常惹味 ，令人吃到停不了口，我更外賣了一盒回家給家人享用。 4.手攪凍檸水凍檸茶

除夕夜無節目，又唔想去啲旺區同人逼，有人話要帶我去食好嘢，原來係嚟呢間近排喺網上勁 hit 嘅炒飯專門店「金飯館」。據知餐廳主打炒飯、經典有汁飯和鮮味泡飯，而店内嘅碟頭飯，無論喺用料同做法方面都較一般茶餐廳講究，所以雖然只係開左短短幾個月，已經好受附近嘅街坊歡迎。有人效率奇高，一坐低就即刻點左兩款人氣炒飯，分別係椒鹽豬扒飯同秘制沙嗲牛肉雙燶邊蘭王蛋飯，而我就揀左客小食蜜汁雞翼。雞翼有肉地又入味，每隻外層都包住一層香甜的蜜汁同粒粒芝麻，口感和味道都達到五星級。豬扒即叫即炸，餐牌上寫明製作時間約為 15 分鐘，所以要耐心等候，不過就真係好值得，因為當店員一將碟飯放上檯，便即時傳來陣陣椒鹽嘅香味，勁誘人。挾起豬扒一嚐，品質果然不俗，肉質鬆軟又富肉汁，加上面頭的椒鹽配料同辣椒乾，食落非常惹味。每碟飯都會附送一小兜爽口嘅菜脯，好味又下飯！至於另外嗰碟秘制沙嗲牛肉雙燶邊蘭王蛋飯亦令人回味無窮，沙嗲牛以牛冧肉炮製，肉質軟腍不韌；面頭嘅沙嗲汁入口充滿花生香氣，牛肉吸盡沙嗲醬嘅精華，味道微辣香濃。飯底選用了泰國米，以雞蛋撈勻後再炒至乾身，每粒飯都被蛋汁緊緊包裹住，十分滋味。不過講到最吸引，還是面頭嘅燶邊

安格斯牛柳粒，加燒汁👆或者另外可以選擇椒鹽。一口一牛，最啱肉食朋友 👍👍👍伴碟的薯仔，亦煎煮得很好味 👍👍👍還有三色彩椒 👍👍秘製沙嗲汁 👆上碟時，溫度尚暖，將脆皮牛腩整件舖滿了秘製沙嗲汁，口感充充足足的豐滿沙嗲味道 👍👍👍 若正在瘦身的人士，慎入 😅除秘製沙嗲汁之外，還有三款醬汁可供選擇，分別是：金沙汁、黑椒汁、咖哩汁。😋😋😋脆皮牛腩飯👆脆皮有少少驚喜👍 原本以為係得個名，但係都做到外脆內軟林林。跟餐奶茶無揸流攤 。如果10分滿分，好味指數可以田一中中到9.5 。濃郁奶味啱啱好

在網上很多人都稱讚這間餐廳其炒飯好食，所以今日專誠去試一下。我們叫招牌左椒鹽豬扒炒飯加咖啡及店舖推介的脆皮牛腩飯。可以試下。不過因為炒飯比較油腻，試下就無防。性价比不高。

寒冬除了可以打邊爐外, 吃一碟暖笠笠的炒飯也相當不錯, 又是九東炒飯最強的金飯館, 今次點的是美極安格斯牛柳粒飯, 外表看起來還以為很少牛柳粒, 原來全都潛藏在飯裡, 牛柳粒表現如上次一樣, 外脆內稔而且脂肉層次分明, 少少焦香和豐富肉汁令炒飯更香. 美極平均沾在飯粒上, 味道平均而不死鹹, 再加上荷包蘭王蛋及其濃重蛋汁, 依然相當滿足.小食點了沙嗲, 而非咖喱味的三寶, 有豬皮, 魷魚及牛柏葉, 三者和傳統車仔麵店分別就是口感夠爽, 而且沒有雪味. 沙嗲香中帶花生味, 後勁的辣味恰到好處, 沒有過膩過多的椰汁. 將魷魚包著柏葉來吃, 更是另有一番風味.

由於上次夜晚嚟食過真係太正，見今日做冬，想搵d 好食嘅野食下，唔好下下食快餐，同同事決定係有限嘅lunch hour 都搭車衝嚟食，點知今次居然有d 失望。去到果然已經8，9成有人坐，本身兩個都勁驚要等好耐，未到之前已經睇定食咩，一坐底就即叫，務求慳返d 時間，畢竟佢即叫即整，加上上次晚飯都知真係要d 時間等。仍然決定食返上次個兩個飯，係，我地係冇新意🤣，分別係秘製沙嗲牛肉雙燶邊蘭王蛋飯 $78 同埋即叫即炸椒鹽豬扒飯 $78，同事再叫咗杯手攬檸檬水 加$8。叫咗冇耐好快個沙嗲牛肉飯已經到，有d 出乎意料地快，兩隻蘭王蛋都係燶邊，同事都係話正，炒飯都係粒粒分明，但d 沙嗲牛肉個味我地都覺得爭咗dd，同埋d 牛有d韌，同夜晚個次有d 唔同，不過佢都仲係好食過出面唔少餐廳。隔多咗陣個椒鹽豬扒飯都到埋，完全快過上次好多，炒飯都係粒粒分明，但今次d 豬扒真係好失望，係淋晒，完全食得出唔係即整，今日真係唔掂呀個椒鹽豬扒飯。🥲🥲🥲侍應就見同夜晚好似有d 唔同，好奇朝早同夜晚廚師一唔一樣🥲

今次已經係第二次來到此店.我記得上一次同埋今次點餐都是一模一樣.點餐如下：1. 脆皮牛腩飯要 （沙嗲汁）➕凍咖啡.2. 椒鹽豬扒飯 ➕凍咖啡.上次覺得啲炒飯是凍的.希望今次有改善.本人較喜歡吃熱飯！大嘅等咗十分鐘.第一樣上枱是脆皮牛腩飯.牛腩睇落有點乾.好彩有碗沙嗲汁.把牛腩帶回幾多美味提升.可惜啲炒飯都係凍啲.失望！第二樣是椒鹽豬扒飯.上枱聞到豬扒及椒鹽配料好香.賣相好吸引.豬扒超好味.這個我是超喜愛嘅菜式！話說回頭啲炒飯都係凍的.我懷疑店家一早就已經把飯炒好.然後把炒飯上碟.再加埋新煮嘅菜式加入凍咗嘅炒飯面.形成上熱下凍.店家如果再沒有改善的話.相信顧客便會漸漸減少流失！還有我覺得呢度嘅凍咖啡幾好飲.咖啡味濃香滑.不會因冰粒溶解.溝淡咖啡味道.值得一讚！

同事強烈推介牛頭角呢間餐廳比我，話我食過一定讚。我又即管試下...入到餐廳已經聞到勁香，見每張枱嘅隔板都印上「即叫即炸．椒鹽豬扒飯」wow......真正嘅"色香味俱全"果然係招牌菜🥰豬扒肥美肉嫩，完全唔鞋，仲好厚肉。金黃嘅炒飯底，靚嘅炒飯，一定係粒粒米飯都鬆散的👍🏻大大碟，足料夠份量。面層仲舖滿炸香蒜．蔥花同辣椒。真心好食加多杯「手攪檸檬茶🍹」超滿足餐廳乾淨衛生，下次都會再嚟試其他款式😋